| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๖. อนุเลปทายกเตฺถรอปทานํ
6. Anulepadāyakattheraapadānaṃ
๒๖.
26.
‘‘อโนมทสฺสีมุนิโน , โพธิเวทิมกาสหํ;
‘‘Anomadassīmunino , bodhivedimakāsahaṃ;
สุธาย ปิณฺฑํ ทตฺวาน, ปาณิกมฺมํ อกาสหํฯ
Sudhāya piṇḍaṃ datvāna, pāṇikammaṃ akāsahaṃ.
๒๗.
27.
‘‘ทิสฺวา ตํ สุกตํ กมฺมํ, อโนมทสฺสี นรุตฺตโม;
‘‘Disvā taṃ sukataṃ kammaṃ, anomadassī naruttamo;
ภิกฺขุสเงฺฆ ฐิโต สตฺถา, อิมํ คาถํ อภาสถฯ
Bhikkhusaṅghe ṭhito satthā, imaṃ gāthaṃ abhāsatha.
๒๘.
28.
‘‘‘อิมินา สุธกเมฺมน, เจตนาปณิธีหิ จ;
‘‘‘Iminā sudhakammena, cetanāpaṇidhīhi ca;
สมฺปตฺติํ อนุโภตฺวาน, ทุกฺขสฺสนฺตํ กริสฺสติ’ฯ
Sampattiṃ anubhotvāna, dukkhassantaṃ karissati’.
๒๙.
29.
‘‘ปสนฺนมุขวโณฺณมฺหิ , เอกโคฺค สุสมาหิโต;
‘‘Pasannamukhavaṇṇomhi , ekaggo susamāhito;
ธาเรมิ อนฺติมํ เทหํ, สมฺมาสมฺพุทฺธสาสเนฯ
Dhāremi antimaṃ dehaṃ, sammāsambuddhasāsane.
๓๐.
30.
ราชา สพฺพฆโน นาม, จกฺกวตฺตี มหพฺพโลฯ
Rājā sabbaghano nāma, cakkavattī mahabbalo.
๓๑.
31.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา อนุเลปทายโก เถโร อิมา คาถาโย อภาสิตฺถาติฯ
Itthaṃ sudaṃ āyasmā anulepadāyako thero imā gāthāyo abhāsitthāti.
อนุเลปทายกเตฺถรสฺสาปทานํ ฉฎฺฐํฯ
Anulepadāyakattherassāpadānaṃ chaṭṭhaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๖. อนุเลปทายกเตฺถรอปทานวณฺณนา • 6. Anulepadāyakattheraapadānavaṇṇanā
