| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೬. ಅನುಲೇಪದಾಯಕತ್ಥೇರಅಪದಾನಂ
6. Anulepadāyakattheraapadānaṃ
೨೬.
26.
‘‘ಅನೋಮದಸ್ಸೀಮುನಿನೋ , ಬೋಧಿವೇದಿಮಕಾಸಹಂ।
‘‘Anomadassīmunino , bodhivedimakāsahaṃ;
ಸುಧಾಯ ಪಿಣ್ಡಂ ದತ್ವಾನ, ಪಾಣಿಕಮ್ಮಂ ಅಕಾಸಹಂ॥
Sudhāya piṇḍaṃ datvāna, pāṇikammaṃ akāsahaṃ.
೨೭.
27.
‘‘ದಿಸ್ವಾ ತಂ ಸುಕತಂ ಕಮ್ಮಂ, ಅನೋಮದಸ್ಸೀ ನರುತ್ತಮೋ।
‘‘Disvā taṃ sukataṃ kammaṃ, anomadassī naruttamo;
ಭಿಕ್ಖುಸಙ್ಘೇ ಠಿತೋ ಸತ್ಥಾ, ಇಮಂ ಗಾಥಂ ಅಭಾಸಥ॥
Bhikkhusaṅghe ṭhito satthā, imaṃ gāthaṃ abhāsatha.
೨೮.
28.
‘‘‘ಇಮಿನಾ ಸುಧಕಮ್ಮೇನ, ಚೇತನಾಪಣಿಧೀಹಿ ಚ।
‘‘‘Iminā sudhakammena, cetanāpaṇidhīhi ca;
ಸಮ್ಪತ್ತಿಂ ಅನುಭೋತ್ವಾನ, ದುಕ್ಖಸ್ಸನ್ತಂ ಕರಿಸ್ಸತಿ’॥
Sampattiṃ anubhotvāna, dukkhassantaṃ karissati’.
೨೯.
29.
‘‘ಪಸನ್ನಮುಖವಣ್ಣೋಮ್ಹಿ , ಏಕಗ್ಗೋ ಸುಸಮಾಹಿತೋ।
‘‘Pasannamukhavaṇṇomhi , ekaggo susamāhito;
ಧಾರೇಮಿ ಅನ್ತಿಮಂ ದೇಹಂ, ಸಮ್ಮಾಸಮ್ಬುದ್ಧಸಾಸನೇ॥
Dhāremi antimaṃ dehaṃ, sammāsambuddhasāsane.
೩೦.
30.
ರಾಜಾ ಸಬ್ಬಘನೋ ನಾಮ, ಚಕ್ಕವತ್ತೀ ಮಹಬ್ಬಲೋ॥
Rājā sabbaghano nāma, cakkavattī mahabbalo.
೩೧.
31.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಅನುಲೇಪದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā anulepadāyako thero imā gāthāyo abhāsitthāti.
ಅನುಲೇಪದಾಯಕತ್ಥೇರಸ್ಸಾಪದಾನಂ ಛಟ್ಠಂ।
Anulepadāyakattherassāpadānaṃ chaṭṭhaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೬. ಅನುಲೇಪದಾಯಕತ್ಥೇರಅಪದಾನವಣ್ಣನಾ • 6. Anulepadāyakattheraapadānavaṇṇanā
