| Library / Tipiṭaka / තිපිටක • Tipiṭaka / අපදානපාළි • Apadānapāḷi |
6. අනුලෙපදායකත්‌ථෙරඅපදානං
6. Anulepadāyakattheraapadānaṃ
26.
26.
‘‘අනොමදස්‌සීමුනිනො , බොධිවෙදිමකාසහං;
‘‘Anomadassīmunino , bodhivedimakāsahaṃ;
සුධාය පිණ්‌ඩං දත්‌වාන, පාණිකම්‌මං අකාසහං.
Sudhāya piṇḍaṃ datvāna, pāṇikammaṃ akāsahaṃ.
27.
27.
‘‘දිස්‌වා තං සුකතං කම්‌මං, අනොමදස්‌සී නරුත්‌තමො;
‘‘Disvā taṃ sukataṃ kammaṃ, anomadassī naruttamo;
භික්‌ඛුසඞ්‌ඝෙ ඨිතො සත්‌ථා, ඉමං ගාථං අභාසථ.
Bhikkhusaṅghe ṭhito satthā, imaṃ gāthaṃ abhāsatha.
28.
28.
‘‘‘ඉමිනා සුධකම්‌මෙන, චෙතනාපණිධීහි ච;
‘‘‘Iminā sudhakammena, cetanāpaṇidhīhi ca;
සම්‌පත්‌තිං අනුභොත්‌වාන, දුක්‌ඛස්‌සන්‌තං කරිස්‌සති’.
Sampattiṃ anubhotvāna, dukkhassantaṃ karissati’.
29.
29.
‘‘පසන්‌නමුඛවණ්‌ණොම්‌හි , එකග්‌ගො සුසමාහිතො;
‘‘Pasannamukhavaṇṇomhi , ekaggo susamāhito;
ධාරෙමි අන්‌තිමං දෙහං, සම්‌මාසම්‌බුද්‌ධසාසනෙ.
Dhāremi antimaṃ dehaṃ, sammāsambuddhasāsane.
30.
30.
රාජා සබ්‌බඝනො නාම, චක්‌කවත්‌තී මහබ්‌බලො.
Rājā sabbaghano nāma, cakkavattī mahabbalo.
31.
31.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා අනුලෙපදායකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā anulepadāyako thero imā gāthāyo abhāsitthāti.
අනුලෙපදායකත්‌ථෙරස්‌සාපදානං ඡට්‌ඨං.
Anulepadāyakattherassāpadānaṃ chaṭṭhaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 6. අනුලෙපදායකත්‌ථෙරඅපදානවණ්‌ණනා • 6. Anulepadāyakattheraapadānavaṇṇanā
