| Library / Tipiṭaka / ਤਿਪਿਟਕ • Tipiṭaka / ਅਪਦਾਨਪਾਲ਼ਿ • Apadānapāḷi |
੮. ਅਨੁਲੇਪਦਾਯਕਤ੍ਥੇਰਅਪਦਾਨਂ
8. Anulepadāyakattheraapadānaṃ
੩੯.
39.
‘‘ਅਤ੍ਥਦਸ੍ਸਿਸ੍ਸ ਮੁਨਿਨੋ, ਅਦ੍ਦਸਂ ਸਾવਕਂ ਅਹਂ।
‘‘Atthadassissa munino, addasaṃ sāvakaṃ ahaṃ;
ਨવਕਮ੍ਮਂ ਕਰੋਨ੍ਤਸ੍ਸ, ਸੀਮਾਯ ਉਪਗਚ੍ਛਹਂ॥
Navakammaṃ karontassa, sīmāya upagacchahaṃ.
੪੦.
40.
‘‘ਨਿਟ੍ਠਿਤੇ ਨવਕਮ੍ਮੇ ਚ, ਅਨੁਲੇਪਮਦਾਸਹਂ।
‘‘Niṭṭhite navakamme ca, anulepamadāsahaṃ;
ਪਸਨ੍ਨਚਿਤ੍ਤੋ ਸੁਮਨੋ, ਪੁਞ੍ਞਕ੍ਖੇਤ੍ਤੇ ਅਨੁਤ੍ਤਰੇ॥
Pasannacitto sumano, puññakkhette anuttare.
੪੧.
41.
‘‘ਅਟ੍ਠਾਰਸੇ ਕਪ੍ਪਸਤੇ, ਯਂ ਕਮ੍ਮਮਕਰਿਂ ਤਦਾ।
‘‘Aṭṭhārase kappasate, yaṃ kammamakariṃ tadā;
ਦੁਗ੍ਗਤਿਂ ਨਾਭਿਜਾਨਾਮਿ, ਅਨੁਲੇਪਸ੍ਸਿਦਂ ਫਲਂ॥
Duggatiṃ nābhijānāmi, anulepassidaṃ phalaṃ.
੪੨.
42.
‘‘ਪਟਿਸਮ੍ਭਿਦਾ ਚਤਸ੍ਸੋ…ਪੇ॰… ਕਤਂ ਬੁਦ੍ਧਸ੍ਸ ਸਾਸਨਂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ਇਤ੍ਥਂ ਸੁਦਂ ਆਯਸ੍ਮਾ ਅਨੁਲੇਪਦਾਯਕੋ ਥੇਰੋ ਇਮਾ ਗਾਥਾਯੋ ਅਭਾਸਿਤ੍ਥਾਤਿ।
Itthaṃ sudaṃ āyasmā anulepadāyako thero imā gāthāyo abhāsitthāti.
ਅਨੁਲੇਪਦਾਯਕਤ੍ਥੇਰਸ੍ਸਾਪਦਾਨਂ ਅਟ੍ਠਮਂ।
Anulepadāyakattherassāpadānaṃ aṭṭhamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਅਪਦਾਨ-ਅਟ੍ਠਕਥਾ • Apadāna-aṭṭhakathā / ੧-੧੦. ਪਦੁਮਕੇਸਰਿਯਤ੍ਥੇਰਅਪਦਾਨਾਦਿવਣ੍ਣਨਾ • 1-10. Padumakesariyattheraapadānādivaṇṇanā
