| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੬. ਅਨੁਲੇਪਦਾਯਕਤ੍ਥੇਰਅਪਦਾਨવਣ੍ਣਨਾ
6. Anulepadāyakattheraapadānavaṇṇanā
ਅਨੋਮਦਸ੍ਸੀਮੁਨਿਨੋਤਿਆਦਿਕਂ ਆਯਸ੍ਮਤੋ ਅਨੁਲੇਪਦਾਯਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਅਨੋਮਦਸ੍ਸਿਸ੍ਸ ਭਗવਤੋ ਕਾਲੇ ਕੁਲਗੇਹੇ ਨਿਬ੍ਬਤ੍ਤੋ ਮਹਦ੍ਧਨੋ ਮਹਾਭੋਗੋ ਤਸ੍ਸ ਭਗવਤੋ ਬੋਧਿਰੁਕ੍ਖਸ੍ਸ વੇਦਿਕਾવਲਯਂ ਕਾਰੇਤ੍વਾ ਸੁਧਾਕਮ੍ਮਞ੍ਚ ਕਾਰੇਤ੍વਾ વਾਲੁਕਸਨ੍ਥਰਣਂ ਦਦ੍ਦਲ਼੍ਹਮਾਨਂ ਰਜਤવਿਮਾਨਮਿવ ਕਾਰੇਸਿ। ਸੋ ਤੇਨ ਪੁਞ੍ਞੇਨ ਸੁਖਪ੍ਪਤ੍ਤੋ ਉਪ੍ਪਨ੍ਨੁਪ੍ਪਨ੍ਨਭવੇ ਰਜਤવਿਮਾਨਰਜਤਗੇਹਰਜਤਪਾਸਾਦੇਸੁ ਸੁਖਮਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍વਾ ਸਤ੍ਥਰਿ ਪਸਨ੍ਨੋ ਪਬ੍ਬਜਿਤ੍વਾ વਿਪਸ੍ਸਨਮਨੁਯੁਤ੍ਤੋ ਨਚਿਰਸ੍ਸੇવ ਅਰਹਾ ਅਹੋਸਿ।
Anomadassīmuninotiādikaṃ āyasmato anulepadāyakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto anomadassissa bhagavato kāle kulagehe nibbatto mahaddhano mahābhogo tassa bhagavato bodhirukkhassa vedikāvalayaṃ kāretvā sudhākammañca kāretvā vālukasantharaṇaṃ daddaḷhamānaṃ rajatavimānamiva kāresi. So tena puññena sukhappatto uppannuppannabhave rajatavimānarajatageharajatapāsādesu sukhamanubhavitvā imasmiṃ buddhuppāde kulagehe nibbatto viññutaṃ patvā satthari pasanno pabbajitvā vipassanamanuyutto nacirasseva arahā ahosi.
੨੬. ਸੋ ਅਪਰਭਾਗੇ ‘‘ਕਿਂ ਨੁ ਖੋ ਕੁਸਲਂ ਕਤ੍વਾ ਮਯਾ ਅਯਂ વਿਸੇਸੋ ਅਧਿਗਤੋ’’ਤਿ ਪੁਬ੍ਬੇਨਿવਾਸਾਨੁਸ੍ਸਤਿਞਾਣੇਨ ਪਟਿਪਾਟਿਯਾ ਅਨੁਸ੍ਸਰਿਤ੍વਾ ਪੁਬ੍ਬੇ ਕਤਕੁਸਲਂ ਜਾਨਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਅਨੋਮਦਸ੍ਸੀਮੁਨਿਨੋਤਿਆਦਿਮਾਹ। ਤਤ੍ਥ ਅਨੋਮਂ ਅਲਾਮਕਂ ਦਸ੍ਸਨਂ ਦਸ੍ਸਨੀਯਂ ਸਰੀਰਂ ਯਸ੍ਸ ਸੋ ਅਨੋਮਦਸ੍ਸੀ, ਦ੍વਤ੍ਤਿਂਸਮਹਾਪੁਰਿਸਲਕ੍ਖਣਅਸੀਤਾਨੁਬ੍ਯਞ੍ਜਨਬ੍ਯਾਮਪ੍ਪਭਾਸਮੁਜ੍ਜਲવਿਰਾਜਿਤਸਰੀਰਤ੍ਤਾ ਸੁਨ੍ਦਰਦਸ੍ਸਨੋਤਿ ਅਤ੍ਥੋ। ਸੁਧਾਯ ਪਿਣ੍ਡਂ ਦਤ੍વਾਨਾਤਿ ਬੋਧਿਘਰੇ વੇਦਿਕਾવਲਯਂ ਕਾਰੇਤ੍વਾ ਸਕਲੇ ਬੋਧਿਘਰੇ ਸੁਧਾਲੇਪਨਂ ਕਤ੍વਾਤਿ ਅਤ੍ਥੋ। ਪਾਣਿਕਮ੍ਮਂ ਅਕਾਸਹਨ੍ਤਿ ਸਾਰਕਟ੍ਠੇਨ ਫਲਕਪਾਣਿਯੋ ਕਤ੍વਾ ਤਾਹਿ ਪਾਣੀਹਿ ਮਟ੍ਠਕਮ੍ਮਂ ਅਕਾਸਿਨ੍ਤਿ ਅਤ੍ਥੋ। ਸੇਸਂ ਸੁવਿਞ੍ਞੇਯ੍ਯਮੇવਾਤਿ।
26. So aparabhāge ‘‘kiṃ nu kho kusalaṃ katvā mayā ayaṃ viseso adhigato’’ti pubbenivāsānussatiñāṇena paṭipāṭiyā anussaritvā pubbe katakusalaṃ jānitvā somanassajāto pubbacaritāpadānaṃ pakāsento anomadassīmuninotiādimāha. Tattha anomaṃ alāmakaṃ dassanaṃ dassanīyaṃ sarīraṃ yassa so anomadassī, dvattiṃsamahāpurisalakkhaṇaasītānubyañjanabyāmappabhāsamujjalavirājitasarīrattā sundaradassanoti attho. Sudhāya piṇḍaṃ datvānāti bodhighare vedikāvalayaṃ kāretvā sakale bodhighare sudhālepanaṃ katvāti attho. Pāṇikammaṃ akāsahanti sārakaṭṭhena phalakapāṇiyo katvā tāhi pāṇīhi maṭṭhakammaṃ akāsinti attho. Sesaṃ suviññeyyamevāti.
ਅਨੁਲੇਪਦਾਯਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Anulepadāyakattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੬. ਅਨੁਲੇਪਦਾਯਕਤ੍ਥੇਰਅਪਦਾਨਂ • 6. Anulepadāyakattheraapadānaṃ
