| Library / Tipiṭaka / তিপিটক • Tipiṭaka / পঞ্চপকরণ-মূলটীকা • Pañcapakaraṇa-mūlaṭīkā |
৩. অনুলোমপচ্চনীযৰণ্ণনা
3. Anulomapaccanīyavaṇṇanā
৪৫-৪৮. অনুলোমে ৰুত্তেসু সব্বেসু একমূলকাদীসু একেকং পদং পরিহাপেত্ৰাতি তত্থ একমূলকে চতুৰীসতি পচ্চযপদানি ইধ একমূলকে তেৰীসতি, একো পন পচ্চযো মূলভাৰেন ঠিতো অপুব্বতাভাৰতো অগণনূপগো। তত্থ দুমূলকে তেৰীসতি পচ্চযপদানি গণনূপগানি, ইধ দুমূলকে দ্ৰাৰীসতীতি এৰং পরিহাপেত্ৰাতি অত্থো।
45-48. Anulome vuttesu sabbesu ekamūlakādīsu ekekaṃ padaṃ parihāpetvāti tattha ekamūlake catuvīsati paccayapadāni idha ekamūlake tevīsati, eko pana paccayo mūlabhāvena ṭhito apubbatābhāvato agaṇanūpago. Tattha dumūlake tevīsati paccayapadāni gaṇanūpagāni, idha dumūlake dvāvīsatīti evaṃ parihāpetvāti attho.
অনুলোমতো ঠিতস্স পচ্চনীযতো অলব্ভমানানং সুদ্ধিকপচ্চযানঞ্চ অলব্ভমানতং সন্ধায ‘‘লব্ভমানপদান’’ন্তি ৰুত্তং। ন হি অঞ্ঞথা পুচ্ছাৰসেন কোচি পচ্চযো অলব্ভমানো নাম অত্থীতি। ৰিস্সজ্জনাৰসেনেৰ ৰা পৰত্তং অনুলোমপচ্চনীযদেসনং সন্ধায ‘‘লব্ভমানপদান’’ন্তি ৰুত্তং।
Anulomato ṭhitassa paccanīyato alabbhamānānaṃ suddhikapaccayānañca alabbhamānataṃ sandhāya ‘‘labbhamānapadāna’’nti vuttaṃ. Na hi aññathā pucchāvasena koci paccayo alabbhamāno nāma atthīti. Vissajjanāvaseneva vā pavattaṃ anulomapaccanīyadesanaṃ sandhāya ‘‘labbhamānapadāna’’nti vuttaṃ.
অনুলোমপচ্চনীযৰণ্ণনা নিট্ঠিতা।
Anulomapaccanīyavaṇṇanā niṭṭhitā.
পুচ্ছাৰারৰণ্ণনা নিট্ঠিতা।
Pucchāvāravaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / পট্ঠানপাল়ি • Paṭṭhānapāḷi / ৩. পুচ্ছাৰারো • 3. Pucchāvāro
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৩. অনুলোমপচ্চনীযৰণ্ণনা • 3. Anulomapaccanīyavaṇṇanā
