| Library / Tipiṭaka / तिपिटक • Tipiṭaka / पञ्चपकरण-मूलटीका • Pañcapakaraṇa-mūlaṭīkā |
३. अनुलोमपच्चनीयवण्णना
3. Anulomapaccanīyavaṇṇanā
४५-४८. अनुलोमे वुत्तेसु सब्बेसु एकमूलकादीसु एकेकं पदं परिहापेत्वाति तत्थ एकमूलके चतुवीसति पच्चयपदानि इध एकमूलके तेवीसति, एको पन पच्चयो मूलभावेन ठितो अपुब्बताभावतो अगणनूपगो। तत्थ दुमूलके तेवीसति पच्चयपदानि गणनूपगानि, इध दुमूलके द्वावीसतीति एवं परिहापेत्वाति अत्थो।
45-48. Anulome vuttesu sabbesu ekamūlakādīsu ekekaṃ padaṃ parihāpetvāti tattha ekamūlake catuvīsati paccayapadāni idha ekamūlake tevīsati, eko pana paccayo mūlabhāvena ṭhito apubbatābhāvato agaṇanūpago. Tattha dumūlake tevīsati paccayapadāni gaṇanūpagāni, idha dumūlake dvāvīsatīti evaṃ parihāpetvāti attho.
अनुलोमतो ठितस्स पच्चनीयतो अलब्भमानानं सुद्धिकपच्चयानञ्च अलब्भमानतं सन्धाय ‘‘लब्भमानपदान’’न्ति वुत्तं। न हि अञ्ञथा पुच्छावसेन कोचि पच्चयो अलब्भमानो नाम अत्थीति। विस्सज्जनावसेनेव वा पवत्तं अनुलोमपच्चनीयदेसनं सन्धाय ‘‘लब्भमानपदान’’न्ति वुत्तं।
Anulomato ṭhitassa paccanīyato alabbhamānānaṃ suddhikapaccayānañca alabbhamānataṃ sandhāya ‘‘labbhamānapadāna’’nti vuttaṃ. Na hi aññathā pucchāvasena koci paccayo alabbhamāno nāma atthīti. Vissajjanāvaseneva vā pavattaṃ anulomapaccanīyadesanaṃ sandhāya ‘‘labbhamānapadāna’’nti vuttaṃ.
अनुलोमपच्चनीयवण्णना निट्ठिता।
Anulomapaccanīyavaṇṇanā niṭṭhitā.
पुच्छावारवण्णना निट्ठिता।
Pucchāvāravaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / पट्ठानपाळि • Paṭṭhānapāḷi / ३. पुच्छावारो • 3. Pucchāvāro
टीका • Tīkā / अभिधम्मपिटक (टीका) • Abhidhammapiṭaka (ṭīkā) / पञ्चपकरण-अनुटीका • Pañcapakaraṇa-anuṭīkā / ३. अनुलोमपच्चनीयवण्णना • 3. Anulomapaccanīyavaṇṇanā
