| Library / Tipiṭaka / តិបិដក • Tipiṭaka / បញ្ចបករណ-មូលដីកា • Pañcapakaraṇa-mūlaṭīkā |
៣. អនុលោមបច្ចនីយវណ្ណនា
3. Anulomapaccanīyavaṇṇanā
៤៥-៤៨. អនុលោមេ វុត្តេសុ សព្ពេសុ ឯកមូលកាទីសុ ឯកេកំ បទំ បរិហាបេត្វាតិ តត្ថ ឯកមូលកេ ចតុវីសតិ បច្ចយបទានិ ឥធ ឯកមូលកេ តេវីសតិ, ឯកោ បន បច្ចយោ មូលភាវេន ឋិតោ អបុព្ពតាភាវតោ អគណនូបគោ។ តត្ថ ទុមូលកេ តេវីសតិ បច្ចយបទានិ គណនូបគានិ, ឥធ ទុមូលកេ ទ្វាវីសតីតិ ឯវំ បរិហាបេត្វាតិ អត្ថោ។
45-48. Anulome vuttesu sabbesu ekamūlakādīsu ekekaṃ padaṃ parihāpetvāti tattha ekamūlake catuvīsati paccayapadāni idha ekamūlake tevīsati, eko pana paccayo mūlabhāvena ṭhito apubbatābhāvato agaṇanūpago. Tattha dumūlake tevīsati paccayapadāni gaṇanūpagāni, idha dumūlake dvāvīsatīti evaṃ parihāpetvāti attho.
អនុលោមតោ ឋិតស្ស បច្ចនីយតោ អលព្ភមានានំ សុទ្ធិកបច្ចយានញ្ច អលព្ភមានតំ សន្ធាយ ‘‘លព្ភមានបទាន’’ន្តិ វុត្តំ។ ន ហិ អញ្ញថា បុច្ឆាវសេន កោចិ បច្ចយោ អលព្ភមានោ នាម អត្ថីតិ។ វិស្សជ្ជនាវសេនេវ វា បវត្តំ អនុលោមបច្ចនីយទេសនំ សន្ធាយ ‘‘លព្ភមានបទាន’’ន្តិ វុត្តំ។
Anulomato ṭhitassa paccanīyato alabbhamānānaṃ suddhikapaccayānañca alabbhamānataṃ sandhāya ‘‘labbhamānapadāna’’nti vuttaṃ. Na hi aññathā pucchāvasena koci paccayo alabbhamāno nāma atthīti. Vissajjanāvaseneva vā pavattaṃ anulomapaccanīyadesanaṃ sandhāya ‘‘labbhamānapadāna’’nti vuttaṃ.
អនុលោមបច្ចនីយវណ្ណនា និដ្ឋិតា។
Anulomapaccanīyavaṇṇanā niṭṭhitā.
បុច្ឆាវារវណ្ណនា និដ្ឋិតា។
Pucchāvāravaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / បដ្ឋានបាឡិ • Paṭṭhānapāḷi / ៣. បុច្ឆាវារោ • 3. Pucchāvāro
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-អនុដីកា • Pañcapakaraṇa-anuṭīkā / ៣. អនុលោមបច្ចនីយវណ្ណនា • 3. Anulomapaccanīyavaṇṇanā
