| Library / Tipiṭaka / တိပိဋက • Tipiṭaka / ပဉ္စပကရဏ-မူလဋီကာ • Pañcapakaraṇa-mūlaṭīkā |
၃. အနုလောမပစ္စနီယဝဏ္ဏနာ
3. Anulomapaccanīyavaṇṇanā
၄၅-၄၈. အနုလောမေ ဝုတ္တေသု သဗ္ဗေသု ဧကမူလကာဒီသု ဧကေကံ ပဒံ ပရိဟာပေတ္ဝာတိ တတ္ထ ဧကမူလကေ စတုဝီသတိ ပစ္စယပဒာနိ ဣဓ ဧကမူလကေ တေဝီသတိ, ဧကော ပန ပစ္စယော မူလဘာဝေန ဌိတော အပုဗ္ဗတာဘာဝတော အဂဏနူပဂော။ တတ္ထ ဒုမူလကေ တေဝီသတိ ပစ္စယပဒာနိ ဂဏနူပဂာနိ, ဣဓ ဒုမူလကေ ဒ္ဝာဝီသတီတိ ဧဝံ ပရိဟာပေတ္ဝာတိ အတ္ထော။
45-48. Anulome vuttesu sabbesu ekamūlakādīsu ekekaṃ padaṃ parihāpetvāti tattha ekamūlake catuvīsati paccayapadāni idha ekamūlake tevīsati, eko pana paccayo mūlabhāvena ṭhito apubbatābhāvato agaṇanūpago. Tattha dumūlake tevīsati paccayapadāni gaṇanūpagāni, idha dumūlake dvāvīsatīti evaṃ parihāpetvāti attho.
အနုလောမတော ဌိတသ္သ ပစ္စနီယတော အလဗ္ဘမာနာနံ သုဒ္ဓိကပစ္စယာနဉ္စ အလဗ္ဘမာနတံ သန္ဓာယ ‘‘လဗ္ဘမာနပဒာန’’န္တိ ဝုတ္တံ။ န ဟိ အညထာ ပုစ္ဆာဝသေန ကောစိ ပစ္စယော အလဗ္ဘမာနော နာမ အတ္ထီတိ။ ဝိသ္သဇ္ဇနာဝသေနေဝ ဝာ ပဝတ္တံ အနုလောမပစ္စနီယဒေသနံ သန္ဓာယ ‘‘လဗ္ဘမာနပဒာန’’န္တိ ဝုတ္တံ။
Anulomato ṭhitassa paccanīyato alabbhamānānaṃ suddhikapaccayānañca alabbhamānataṃ sandhāya ‘‘labbhamānapadāna’’nti vuttaṃ. Na hi aññathā pucchāvasena koci paccayo alabbhamāno nāma atthīti. Vissajjanāvaseneva vā pavattaṃ anulomapaccanīyadesanaṃ sandhāya ‘‘labbhamānapadāna’’nti vuttaṃ.
အနုလောမပစ္စနီယဝဏ္ဏနာ နိဋ္ဌိတာ။
Anulomapaccanīyavaṇṇanā niṭṭhitā.
ပုစ္ဆာဝာရဝဏ္ဏနာ နိဋ္ဌိတာ။
Pucchāvāravaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ပဋ္ဌာနပာဠိ • Paṭṭhānapāḷi / ၃. ပုစ္ဆာဝာရော • 3. Pucchāvāro
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-အနုဋီကာ • Pañcapakaraṇa-anuṭīkā / ၃. အနုလောမပစ္စနီယဝဏ္ဏနာ • 3. Anulomapaccanīyavaṇṇanā
