| Library / Tipiṭaka / ತಿಪಿಟಕ • Tipiṭaka / ಪಞ್ಚಪಕರಣ-ಮೂಲಟೀಕಾ • Pañcapakaraṇa-mūlaṭīkā |
೩. ಅನುಲೋಮಪಚ್ಚನೀಯವಣ್ಣನಾ
3. Anulomapaccanīyavaṇṇanā
೪೫-೪೮. ಅನುಲೋಮೇ ವುತ್ತೇಸು ಸಬ್ಬೇಸು ಏಕಮೂಲಕಾದೀಸು ಏಕೇಕಂ ಪದಂ ಪರಿಹಾಪೇತ್ವಾತಿ ತತ್ಥ ಏಕಮೂಲಕೇ ಚತುವೀಸತಿ ಪಚ್ಚಯಪದಾನಿ ಇಧ ಏಕಮೂಲಕೇ ತೇವೀಸತಿ, ಏಕೋ ಪನ ಪಚ್ಚಯೋ ಮೂಲಭಾವೇನ ಠಿತೋ ಅಪುಬ್ಬತಾಭಾವತೋ ಅಗಣನೂಪಗೋ। ತತ್ಥ ದುಮೂಲಕೇ ತೇವೀಸತಿ ಪಚ್ಚಯಪದಾನಿ ಗಣನೂಪಗಾನಿ, ಇಧ ದುಮೂಲಕೇ ದ್ವಾವೀಸತೀತಿ ಏವಂ ಪರಿಹಾಪೇತ್ವಾತಿ ಅತ್ಥೋ।
45-48. Anulome vuttesu sabbesu ekamūlakādīsu ekekaṃ padaṃ parihāpetvāti tattha ekamūlake catuvīsati paccayapadāni idha ekamūlake tevīsati, eko pana paccayo mūlabhāvena ṭhito apubbatābhāvato agaṇanūpago. Tattha dumūlake tevīsati paccayapadāni gaṇanūpagāni, idha dumūlake dvāvīsatīti evaṃ parihāpetvāti attho.
ಅನುಲೋಮತೋ ಠಿತಸ್ಸ ಪಚ್ಚನೀಯತೋ ಅಲಬ್ಭಮಾನಾನಂ ಸುದ್ಧಿಕಪಚ್ಚಯಾನಞ್ಚ ಅಲಬ್ಭಮಾನತಂ ಸನ್ಧಾಯ ‘‘ಲಬ್ಭಮಾನಪದಾನ’’ನ್ತಿ ವುತ್ತಂ। ನ ಹಿ ಅಞ್ಞಥಾ ಪುಚ್ಛಾವಸೇನ ಕೋಚಿ ಪಚ್ಚಯೋ ಅಲಬ್ಭಮಾನೋ ನಾಮ ಅತ್ಥೀತಿ। ವಿಸ್ಸಜ್ಜನಾವಸೇನೇವ ವಾ ಪವತ್ತಂ ಅನುಲೋಮಪಚ್ಚನೀಯದೇಸನಂ ಸನ್ಧಾಯ ‘‘ಲಬ್ಭಮಾನಪದಾನ’’ನ್ತಿ ವುತ್ತಂ।
Anulomato ṭhitassa paccanīyato alabbhamānānaṃ suddhikapaccayānañca alabbhamānataṃ sandhāya ‘‘labbhamānapadāna’’nti vuttaṃ. Na hi aññathā pucchāvasena koci paccayo alabbhamāno nāma atthīti. Vissajjanāvaseneva vā pavattaṃ anulomapaccanīyadesanaṃ sandhāya ‘‘labbhamānapadāna’’nti vuttaṃ.
ಅನುಲೋಮಪಚ್ಚನೀಯವಣ್ಣನಾ ನಿಟ್ಠಿತಾ।
Anulomapaccanīyavaṇṇanā niṭṭhitā.
ಪುಚ್ಛಾವಾರವಣ್ಣನಾ ನಿಟ್ಠಿತಾ।
Pucchāvāravaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಅಭಿಧಮ್ಮಪಿಟಕ • Abhidhammapiṭaka / ಪಟ್ಠಾನಪಾಳಿ • Paṭṭhānapāḷi / ೩. ಪುಚ್ಛಾವಾರೋ • 3. Pucchāvāro
ಟೀಕಾ • Tīkā / ಅಭಿಧಮ್ಮಪಿಟಕ (ಟೀಕಾ) • Abhidhammapiṭaka (ṭīkā) / ಪಞ್ಚಪಕರಣ-ಅನುಟೀಕಾ • Pañcapakaraṇa-anuṭīkā / ೩. ಅನುಲೋಮಪಚ್ಚನೀಯವಣ್ಣನಾ • 3. Anulomapaccanīyavaṇṇanā
