| Library / Tipiṭaka / තිපිටක • Tipiṭaka / පඤ්‌චපකරණ-මූලටීකා • Pañcapakaraṇa-mūlaṭīkā |
3. අනුලොමපච්‌චනීයවණ්‌ණනා
3. Anulomapaccanīyavaṇṇanā
45-48. අනුලොමෙ වුත්‌තෙසු සබ්‌බෙසු එකමූලකාදීසු එකෙකං පදං පරිහාපෙත්‌වාති තත්‌ථ එකමූලකෙ චතුවීසති පච්‌චයපදානි ඉධ එකමූලකෙ තෙවීසති, එකො පන පච්‌චයො මූලභාවෙන ඨිතො අපුබ්‌බතාභාවතො අගණනූපගො. තත්‌ථ දුමූලකෙ තෙවීසති පච්‌චයපදානි ගණනූපගානි, ඉධ දුමූලකෙ ද්‌වාවීසතීති එවං පරිහාපෙත්‌වාති අත්‌ථො.
45-48. Anulome vuttesu sabbesu ekamūlakādīsu ekekaṃ padaṃ parihāpetvāti tattha ekamūlake catuvīsati paccayapadāni idha ekamūlake tevīsati, eko pana paccayo mūlabhāvena ṭhito apubbatābhāvato agaṇanūpago. Tattha dumūlake tevīsati paccayapadāni gaṇanūpagāni, idha dumūlake dvāvīsatīti evaṃ parihāpetvāti attho.
අනුලොමතො ඨිතස්‌ස පච්‌චනීයතො අලබ්‌භමානානං සුද්‌ධිකපච්‌චයානඤ්‌ච අලබ්‌භමානතං සන්‌ධාය ‘‘ලබ්‌භමානපදාන’’න්‌ති වුත්‌තං. න හි අඤ්‌ඤථා පුච්‌ඡාවසෙන කොචි පච්‌චයො අලබ්‌භමානො නාම අත්‌ථීති. විස්‌සජ්‌ජනාවසෙනෙව වා පවත්‌තං අනුලොමපච්‌චනීයදෙසනං සන්‌ධාය ‘‘ලබ්‌භමානපදාන’’න්‌ති වුත්‌තං.
Anulomato ṭhitassa paccanīyato alabbhamānānaṃ suddhikapaccayānañca alabbhamānataṃ sandhāya ‘‘labbhamānapadāna’’nti vuttaṃ. Na hi aññathā pucchāvasena koci paccayo alabbhamāno nāma atthīti. Vissajjanāvaseneva vā pavattaṃ anulomapaccanīyadesanaṃ sandhāya ‘‘labbhamānapadāna’’nti vuttaṃ.
අනුලොමපච්‌චනීයවණ්‌ණනා නිට්‌ඨිතා.
Anulomapaccanīyavaṇṇanā niṭṭhitā.
පුච්‌ඡාවාරවණ්‌ණනා නිට්‌ඨිතා.
Pucchāvāravaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / පට්‌ඨානපාළි • Paṭṭhānapāḷi / 3. පුච්‌ඡාවාරො • 3. Pucchāvāro
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-අනුටීකා • Pañcapakaraṇa-anuṭīkā / 3. අනුලොමපච්‌චනීයවණ්‌ණනා • 3. Anulomapaccanīyavaṇṇanā
