| Library / Tipiṭaka / തിപിടക • Tipiṭaka / പഞ്ചപകരണ-മൂലടീകാ • Pañcapakaraṇa-mūlaṭīkā |
൩. അനുലോമപച്ചനീയവണ്ണനാ
3. Anulomapaccanīyavaṇṇanā
൪൫-൪൮. അനുലോമേ വുത്തേസു സബ്ബേസു ഏകമൂലകാദീസു ഏകേകം പദം പരിഹാപേത്വാതി തത്ഥ ഏകമൂലകേ ചതുവീസതി പച്ചയപദാനി ഇധ ഏകമൂലകേ തേവീസതി, ഏകോ പന പച്ചയോ മൂലഭാവേന ഠിതോ അപുബ്ബതാഭാവതോ അഗണനൂപഗോ. തത്ഥ ദുമൂലകേ തേവീസതി പച്ചയപദാനി ഗണനൂപഗാനി, ഇധ ദുമൂലകേ ദ്വാവീസതീതി ഏവം പരിഹാപേത്വാതി അത്ഥോ.
45-48. Anulome vuttesu sabbesu ekamūlakādīsu ekekaṃ padaṃ parihāpetvāti tattha ekamūlake catuvīsati paccayapadāni idha ekamūlake tevīsati, eko pana paccayo mūlabhāvena ṭhito apubbatābhāvato agaṇanūpago. Tattha dumūlake tevīsati paccayapadāni gaṇanūpagāni, idha dumūlake dvāvīsatīti evaṃ parihāpetvāti attho.
അനുലോമതോ ഠിതസ്സ പച്ചനീയതോ അലബ്ഭമാനാനം സുദ്ധികപച്ചയാനഞ്ച അലബ്ഭമാനതം സന്ധായ ‘‘ലബ്ഭമാനപദാന’’ന്തി വുത്തം. ന ഹി അഞ്ഞഥാ പുച്ഛാവസേന കോചി പച്ചയോ അലബ്ഭമാനോ നാമ അത്ഥീതി. വിസ്സജ്ജനാവസേനേവ വാ പവത്തം അനുലോമപച്ചനീയദേസനം സന്ധായ ‘‘ലബ്ഭമാനപദാന’’ന്തി വുത്തം.
Anulomato ṭhitassa paccanīyato alabbhamānānaṃ suddhikapaccayānañca alabbhamānataṃ sandhāya ‘‘labbhamānapadāna’’nti vuttaṃ. Na hi aññathā pucchāvasena koci paccayo alabbhamāno nāma atthīti. Vissajjanāvaseneva vā pavattaṃ anulomapaccanīyadesanaṃ sandhāya ‘‘labbhamānapadāna’’nti vuttaṃ.
അനുലോമപച്ചനീയവണ്ണനാ നിട്ഠിതാ.
Anulomapaccanīyavaṇṇanā niṭṭhitā.
പുച്ഛാവാരവണ്ണനാ നിട്ഠിതാ.
Pucchāvāravaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / പട്ഠാനപാളി • Paṭṭhānapāḷi / ൩. പുച്ഛാവാരോ • 3. Pucchāvāro
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൩. അനുലോമപച്ചനീയവണ്ണനാ • 3. Anulomapaccanīyavaṇṇanā
