| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
4. анумаанаваг̇г̇о
4. Anumānavaggo
1. анумаанабан̃хо
1. Anumānapañho
1. ат̇а ко милинд̣̇о рааж̇аа язнааяасмаа нааг̇асзно д̇знубасан̇гами, убасан̇гамид̇ваа ааяасманд̇ам̣ нааг̇асзнам̣ абхиваад̣̇зд̇ваа згаманд̇ам̣ нисийд̣̇и, згаманд̇ам̣ нисинно ко милинд̣̇о рааж̇аа н̃аад̇угаамо сод̇угаамо д̇хаарзд̇угаамо н̃аан̣аалогам̣ д̣̇адтугаамо ан̃н̃аан̣ам̣ бхинд̣̇ид̇угаамо н̃аан̣аалогам̣ уббаад̣̇зд̇угаамо авиж̇ж̇анд̇хагаарам̣ наасзд̇угаамо ад̇химад̇д̇ам̣ д̇хид̇ин̃жа уссаахан̃жа сад̇ин̃жа самбаж̇ан̃н̃ан̃жа убадтабзд̇ваа ааяасманд̇ам̣ нааг̇асзнам̣ зд̇ад̣̇авожа ‘‘бханд̇з нааг̇асзна, гим̣ бана б̣уд̣̇д̇хо д̇аяаа д̣̇идто’’д̇и. ‘‘на хи, махаарааж̇аа’’д̇и. ‘‘гим̣ бана д̇з аажариязхи б̣уд̣̇д̇хо д̣̇идто’’д̇и? ‘‘на хи, махаарааж̇аа’’д̇и. ‘‘бханд̇з нааг̇асзна, на гира д̇аяаа б̣уд̣̇д̇хо д̣̇идто, нааби гира д̇з аажариязхи б̣уд̣̇д̇хо д̣̇идто, д̇зна хи, бханд̇з нааг̇асзна, над̇т̇и б̣уд̣̇д̇хо, на хзд̇т̇а б̣уд̣̇д̇хо бан̃н̃ааяад̇ий’’д̇и.
1. Atha kho milindo rājā yenāyasmā nāgaseno tenupasaṅkami, upasaṅkamitvā āyasmantaṃ nāgasenaṃ abhivādetvā ekamantaṃ nisīdi, ekamantaṃ nisinno kho milindo rājā ñātukāmo sotukāmo dhāretukāmo ñāṇālokaṃ daṭṭhukāmo aññāṇaṃ bhinditukāmo ñāṇālokaṃ uppādetukāmo avijjandhakāraṃ nāsetukāmo adhimattaṃ dhitiñca ussāhañca satiñca sampajaññañca upaṭṭhapetvā āyasmantaṃ nāgasenaṃ etadavoca ‘‘bhante nāgasena, kiṃ pana buddho tayā diṭṭho’’ti. ‘‘Na hi, mahārājā’’ti. ‘‘Kiṃ pana te ācariyehi buddho diṭṭho’’ti? ‘‘Na hi, mahārājā’’ti. ‘‘Bhante nāgasena, na kira tayā buddho diṭṭho, nāpi kira te ācariyehi buddho diṭṭho, tena hi, bhante nāgasena, natthi buddho, na hettha buddho paññāyatī’’ti.
‘‘ад̇т̇и бана д̇з, махаарааж̇а, буб̣б̣агаа кад̇д̇ияаа, яз д̇з д̇ава кад̇д̇ияавам̣сасса буб̣б̣ан̇г̇амаа’’д̇и? ‘‘аама, бханд̇з. го сам̣саяо, ад̇т̇и буб̣б̣агаа кад̇д̇ияаа, яз мама кад̇д̇ияавам̣сасса буб̣б̣ан̇г̇амаа’’д̇и. ‘‘д̣̇идтабуб̣б̣аа д̇аяаа, махаарааж̇а, буб̣б̣агаа кад̇д̇ияаа’’д̇и? ‘‘на хи бханд̇з’’д̇и. ‘‘яз бана д̇ам̣, махаарааж̇а, анусаасанд̇и бурохид̇аа сзнаабад̇ино агкад̣̇ассаа махаамад̇д̇аа, д̇зхи буб̣б̣агаа кад̇д̇ияаа д̣̇идтабуб̣б̣аа’’д̇и? ‘‘на хи бханд̇з’’д̇и. ‘‘яад̣̇и бана д̇з, махаарааж̇а, буб̣б̣агаа кад̇д̇ияаа на д̣̇идтаа, нааби гира д̇з анусаасагзхи буб̣б̣агаа кад̇д̇ияаа д̣̇идтаа, д̇зна хи над̇т̇и буб̣б̣агаа кад̇д̇ияаа, на хзд̇т̇а буб̣б̣агаа кад̇д̇ияаа бан̃н̃ааяанд̇ий’’д̇и.
‘‘Atthi pana te, mahārāja, pubbakā khattiyā, ye te tava khattiyavaṃsassa pubbaṅgamā’’ti? ‘‘Āma, bhante. Ko saṃsayo, atthi pubbakā khattiyā, ye mama khattiyavaṃsassa pubbaṅgamā’’ti. ‘‘Diṭṭhapubbā tayā, mahārāja, pubbakā khattiyā’’ti? ‘‘Na hi bhante’’ti. ‘‘Ye pana taṃ, mahārāja, anusāsanti purohitā senāpatino akkhadassā mahāmattā, tehi pubbakā khattiyā diṭṭhapubbā’’ti? ‘‘Na hi bhante’’ti. ‘‘Yadi pana te, mahārāja, pubbakā khattiyā na diṭṭhā, nāpi kira te anusāsakehi pubbakā khattiyā diṭṭhā, tena hi natthi pubbakā khattiyā, na hettha pubbakā khattiyā paññāyantī’’ti.
‘‘д̣̇иссанд̇и, бханд̇з нааг̇асзна, буб̣б̣агаанам̣ кад̇д̇ияаанам̣ анубхууд̇аани барибхог̇абхан̣д̣аани. сзяяат̇ид̣̇ам̣, сзд̇ажчад̇д̇ам̣ ун̣хийсам̣ баад̣̇угаа ваалаб̣ийж̇аний каг̇г̇арад̇анам̣ махаарахаани жа саяанаани. язхи маяам̣ ж̇аанзяяаама сад̣̇д̣̇ахзяяаама ‘ад̇т̇и буб̣б̣агаа кад̇д̇ияаа’д̇и. ‘‘звамзва ко, махаарааж̇а, маяамбзд̇ам̣ бхаг̇аванд̇ам̣ ж̇аанзяяаама сад̣̇д̣̇ахзяяаама. ад̇т̇и д̇ам̣ гааран̣ам̣, язна маяам̣ гааран̣зна ж̇аанзяяаама сад̣̇д̣̇ахзяяаама ‘ад̇т̇и со бхаг̇аваа’д̇и. гад̇амам̣ д̇ам̣ гааран̣ам̣? ад̇т̇и ко, махаарааж̇а, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна анубхууд̇аани барибхог̇абхан̣д̣аани. сзяяат̇ид̣̇ам̣, жад̇д̇ааро сад̇ибадтаанаа жад̇д̇ааро саммаббад̇хаанаа жад̇д̇ааро ид̣̇д̇хибаад̣̇аа бан̃жинд̣̇рияаани бан̃жа б̣алаани сад̇д̇а б̣ож̇жхан̇г̇аа арияо адтан̇г̇иго маг̇г̇о, язхи сад̣̇зваго лого ж̇аанаад̇и сад̣̇д̣̇ахад̇и ‘ад̇т̇и со бхаг̇аваа’д̇и. иминаа, махаарааж̇а, гааран̣зна иминаа хзд̇унаа иминаа наязна иминаа анумаанзна н̃аад̇аб̣б̣о ‘ад̇т̇и со бхаг̇аваа’д̇и.
‘‘Dissanti, bhante nāgasena, pubbakānaṃ khattiyānaṃ anubhūtāni paribhogabhaṇḍāni. Seyyathidaṃ, setacchattaṃ uṇhīsaṃ pādukā vālabījanī khaggaratanaṃ mahārahāni ca sayanāni. Yehi mayaṃ jāneyyāma saddaheyyāma ‘atthi pubbakā khattiyā’ti. ‘‘Evameva kho, mahārāja, mayampetaṃ bhagavantaṃ jāneyyāma saddaheyyāma. Atthi taṃ kāraṇaṃ, yena mayaṃ kāraṇena jāneyyāma saddaheyyāma ‘atthi so bhagavā’ti. Katamaṃ taṃ kāraṇaṃ? Atthi kho, mahārāja, tena bhagavatā jānatā passatā arahatā sammāsambuddhena anubhūtāni paribhogabhaṇḍāni. Seyyathidaṃ, cattāro satipaṭṭhānā cattāro sammappadhānā cattāro iddhipādā pañcindriyāni pañca balāni satta bojjhaṅgā ariyo aṭṭhaṅgiko maggo, yehi sadevako loko jānāti saddahati ‘atthi so bhagavā’ti. Iminā, mahārāja, kāraṇena iminā hetunā iminā nayena iminā anumānena ñātabbo ‘atthi so bhagavā’ti.
‘‘‘б̣ахуу ж̇анз д̇аараяид̇ваа, ниб̣б̣уд̇о убад̇хигкаяз;
‘‘‘Bahū jane tārayitvā, nibbuto upadhikkhaye;
анумаанзна н̃аад̇аб̣б̣ам̣, ад̇т̇и со д̣̇вибад̣̇уд̇д̇амо’’’д̇и.
Anumānena ñātabbaṃ, atthi so dvipaduttamo’’’ti.
‘‘бханд̇з нааг̇асзна, обаммам̣ гарохий’’д̇и. ‘‘яат̇аа, махаарааж̇а, наг̇аравад̣дхагий наг̇арам̣ маабзд̇угаамо батамам̣ д̇аава самам̣ ануннад̇аманонад̇ам̣ асагкарабаасаан̣ам̣ нирубад̣̇д̣̇аваманаваж̇ж̇ам̣ раман̣ийяам̣ бхуумибхааг̇ам̣ анувилогзд̇ваа яам̣ д̇ад̇т̇а висамам̣, д̇ам̣ самам̣ гаараабзд̇ваа каан̣уган̣дагам̣ висод̇хаабзд̇ваа д̇ад̇т̇а наг̇арам̣ маабзяяа собханам̣ вибхад̇д̇ам̣ бхааг̇асо мид̇ам̣ уггин̣н̣абарикаабаагаарам̣ д̣̇ал̣хаг̇обураддаалагоддагам̣ бут̇ужажжаражад̇уггасанд̇хисин̇гхаадагам̣ сужисамад̇аларааж̇амаг̇г̇ам̣ сувибхад̇д̇аанд̇араабан̣ам̣ аараамуяяаанад̇ал̣аагабогкаран̣иуд̣̇абаанасамбаннам̣ б̣ахувид̇хад̣̇звадтаанаббадиман̣д̣ид̇ам̣ саб̣б̣ад̣̇осавирахид̇ам̣, со д̇асмим̣ наг̇арз саб̣б̣ат̇аа взбуллад̇д̇ам̣ бад̇д̇з ан̃н̃ам̣ д̣̇зсам̣ убаг̇ажчзяяа, ат̇а д̇ам̣ наг̇арам̣ абарзна самаязна ид̣̇д̇хам̣ бхавзяяа пийд̇ам̣ субхигкам̣ кзмам̣ самид̣̇д̇хам̣ сивам̣ анийд̇игам̣ нирубад̣̇д̣̇авам̣ наанааж̇анасамаагулам̣, бут̇уу кад̇д̇ияаа б̣раахман̣аа взссаа суд̣̇д̣̇аа хад̇т̇аарохаа ассаарохаа рат̇игаа бад̇д̇игаа д̇хануг̇г̇ахаа т̇аруг̇г̇ахаа жзлагаа жалагаа бин̣д̣ад̣̇ааяагаа уг̇г̇аа рааж̇абуд̇д̇аа багканд̣̇ино махаанааг̇аа суураа ваммино яод̇хино д̣̇аасигабуд̇д̇аа бхадибуд̇д̇аа 1 маллагаа г̇ан̣агаа аал̣ааригаа сууд̣̇аа габбагаа нахаабагаа жунд̣̇аа маалаагаараа суван̣н̣агаараа саж̇жхугаараа сийсагаараа д̇ибугаараа лохагаараа ваддагаараа аяогаараа ман̣игаараа бзсагаараа гумбхагаараа взн̣угаараа лон̣агаараа жаммагаараа рат̇агаараа д̣̇анд̇агаараа раж̇ж̇угаараа гожчагаараа суд̇д̇агаараа вилийвагаараа д̇ханугаараа ж̇ияагаараа усугаараа жид̇д̇агаараа ран̇г̇агаараа раж̇агаа д̇анд̇авааяаа д̇уннавааяаа хзран̃н̃игаа д̣̇уссигаа г̇анд̇хигаа д̇ин̣ахаарагаа гадтахаарагаа бхад̇агаа бан̣н̣игаа палигаа 2 муулигаа од̣̇анигаа буувигаа мажчигаа мам̣сигаа маж̇ж̇игаа надагаа нажжагаа лан̇гхагаа инд̣̇аж̇аалигаа взд̇аалигаа маллаа чавад̣аахагаа бубпачад̣д̣агаа взнаа нзсаад̣̇аа г̇ан̣игаа лаасигаа гумбхад̣̇аасияо саггаяаванажийнавилаад̇аа уж̇ж̇знагаа бхааругажчагаа гаасигосалаа баранд̇агаа мааг̇ад̇хагаа саагзд̇агаа сорзяяагаа 3 баавзяяагаа годумб̣арамаат̇урагаа аласанд̣̇агасмийраг̇анд̇хаараа д̇ам̣ наг̇арам̣ ваасааяа убаг̇ад̇аа наанаависаяино ж̇анаа навам̣ сувибхад̇д̇ам̣ ад̣̇осаманаваж̇ж̇ам̣ раман̣ийяам̣ д̇ам̣ наг̇арам̣ бассид̇ваа анумаанзна ж̇аананд̇и ‘чзго вад̇а бхо со наг̇аравад̣дхагий, яо имасса наг̇арасса маабзд̇аа’д̇и. звамзва ко, махаарааж̇а, со бхаг̇аваа асамо асамасамо аббадисамо асад̣̇исо ад̇уло асан̇кязяо аббамзяяо абаримзяяо амид̇аг̇ун̣о г̇ун̣абаарамиббад̇д̇о ананд̇ад̇хид̇и ананд̇ад̇зж̇о ананд̇авийрияо ананд̇аб̣ало б̣уд̣̇д̇хаб̣алабаарамим̣ г̇ад̇о сасзнамаарам̣ барааж̇зд̇ваа д̣̇идтиж̇аалам̣ бад̣̇аалзд̇ваа авиж̇ж̇ам̣ кзбзд̇ваа виж̇ж̇ам̣ уббаад̣̇зд̇ваа д̇хаммуггам̣ д̇хаараяид̇ваа саб̣б̣ан̃н̃уд̇ам̣ баабун̣ид̇ваа виж̇ид̇асан̇г̇аамо д̇хамманаг̇арам̣ маабзси.
‘‘Bhante nāgasena, opammaṃ karohī’’ti. ‘‘Yathā, mahārāja, nagaravaḍḍhakī nagaraṃ māpetukāmo paṭhamaṃ tāva samaṃ anunnatamanonataṃ asakkharapāsāṇaṃ nirupaddavamanavajjaṃ ramaṇīyaṃ bhūmibhāgaṃ anuviloketvā yaṃ tattha visamaṃ, taṃ samaṃ kārāpetvā khāṇukaṇṭakaṃ visodhāpetvā tattha nagaraṃ māpeyya sobhanaṃ vibhattaṃ bhāgaso mitaṃ ukkiṇṇaparikhāpākāraṃ daḷhagopuraṭṭālakoṭṭakaṃ puthucaccaracatukkasandhisiṅghāṭakaṃ sucisamatalarājamaggaṃ suvibhattaantarāpaṇaṃ ārāmuyyānataḷākapokkharaṇiudapānasampannaṃ bahuvidhadevaṭṭhānappaṭimaṇḍitaṃ sabbadosavirahitaṃ, so tasmiṃ nagare sabbathā vepullattaṃ patte aññaṃ desaṃ upagaccheyya, atha taṃ nagaraṃ aparena samayena iddhaṃ bhaveyya phītaṃ subhikkhaṃ khemaṃ samiddhaṃ sivaṃ anītikaṃ nirupaddavaṃ nānājanasamākulaṃ, puthū khattiyā brāhmaṇā vessā suddā hatthārohā assārohā rathikā pattikā dhanuggahā tharuggahā celakā calakā piṇḍadāyakā uggā rājaputtā pakkhandino mahānāgā sūrā vammino yodhino dāsikaputtā bhaṭiputtā 4 mallakā gaṇakā āḷārikā sūdā kappakā nahāpakā cundā mālākārā suvaṇṇakārā sajjhukārā sīsakārā tipukārā lohakārā vaṭṭakārā ayokārā maṇikārā pesakārā kumbhakārā veṇukārā loṇakārā cammakārā rathakārā dantakārā rajjukārā kocchakārā suttakārā vilīvakārā dhanukārā jiyakārā usukārā cittakārā raṅgakārā rajakā tantavāyā tunnavāyā heraññikā dussikā gandhikā tiṇahārakā kaṭṭhahārakā bhatakā paṇṇikā phalikā 5 mūlikā odanikā pūvikā macchikā maṃsikā majjikā naṭakā naccakā laṅghakā indajālikā vetālikā mallā chavaḍāhakā pupphachaḍḍakā venā nesādā gaṇikā lāsikā kumbhadāsiyo sakkayavanacīnavilātā ujjenakā bhārukacchakā kāsikosalā parantakā māgadhakā sāketakā soreyyakā 6 pāveyyakā koṭumbaramāthurakā alasandakasmīragandhārā taṃ nagaraṃ vāsāya upagatā nānāvisayino janā navaṃ suvibhattaṃ adosamanavajjaṃ ramaṇīyaṃ taṃ nagaraṃ passitvā anumānena jānanti ‘cheko vata bho so nagaravaḍḍhakī, yo imassa nagarassa māpetā’ti. Evameva kho, mahārāja, so bhagavā asamo asamasamo appaṭisamo asadiso atulo asaṅkhyeyo appameyyo aparimeyyo amitaguṇo guṇapāramippatto anantadhiti anantatejo anantavīriyo anantabalo buddhabalapāramiṃ gato sasenamāraṃ parājetvā diṭṭhijālaṃ padāletvā avijjaṃ khepetvā vijjaṃ uppādetvā dhammukkaṃ dhārayitvā sabbaññutaṃ pāpuṇitvā vijitasaṅgāmo dhammanagaraṃ māpesi.
‘‘бхаг̇авад̇о ко, махаарааж̇а, д̇хамманаг̇арам̣ сийлабаагаарам̣ хирибарикам̣ н̃аан̣ад̣̇ваарагодтагам̣ вийрияааддаалагам̣ сад̣̇д̇хаазсигам̣ сад̇ид̣̇овааригам̣ бан̃н̃аабаасаад̣̇ам̣ суд̇д̇анд̇ажажжарам̣ абхид̇хаммасин̇гхаадагам̣ винаяавинижчаяам̣ сад̇ибадтаанавийт̇игам̣, д̇асса ко бана, махаарааж̇а, сад̇ибадтаанавийт̇ияам̣ зваруубаа аабан̣аа басаарид̇аа хонд̇и. сзяяат̇ийд̣̇ам̣, бубпаабан̣ам̣ г̇анд̇хаабан̣ам̣ палаабан̣ам̣ аг̇ад̣̇аабан̣ам̣ осад̇хаабан̣ам̣ амад̇аабан̣ам̣ рад̇анаабан̣ам̣ саб̣б̣аабан̣а’’нд̇и.
‘‘Bhagavato kho, mahārāja, dhammanagaraṃ sīlapākāraṃ hiriparikhaṃ ñāṇadvārakoṭṭhakaṃ vīriyaaṭṭālakaṃ saddhāesikaṃ satidovārikaṃ paññāpāsādaṃ suttantacaccaraṃ abhidhammasiṅghāṭakaṃ vinayavinicchayaṃ satipaṭṭhānavīthikaṃ, tassa kho pana, mahārāja, satipaṭṭhānavīthiyaṃ evarūpā āpaṇā pasāritā honti. Seyyathīdaṃ, pupphāpaṇaṃ gandhāpaṇaṃ phalāpaṇaṃ agadāpaṇaṃ osadhāpaṇaṃ amatāpaṇaṃ ratanāpaṇaṃ sabbāpaṇa’’nti.
‘‘бханд̇з нааг̇асзна, гад̇амам̣ б̣уд̣̇д̇хасса бхаг̇авад̇о бубпаабан̣а’’нд̇и? ‘‘ад̇т̇и ко бана, махаарааж̇а, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзна аарамман̣авибхад̇д̇ияо агкаад̇аа. сзяяат̇ийд̣̇ам̣, анижжасан̃н̃аа д̣̇угкасан̃н̃аа анад̇д̇асан̃н̃аа асубхасан̃н̃аа аад̣̇ийнавасан̃н̃аа бахаанасан̃н̃аа вирааг̇асан̃н̃аа нирод̇хасан̃н̃аа саб̣б̣алогз анабхирад̇исан̃н̃аа саб̣б̣асан̇каарзсу анижжасан̃н̃аа аанаабаанассад̇и уд̣̇д̇хумаад̇агасан̃н̃аа винийлагасан̃н̃аа вибуб̣б̣агасан̃н̃аа вижчид̣̇д̣̇агасан̃н̃аа вигкааяид̇агасан̃н̃аа вигкид̇д̇агасан̃н̃аа хад̇авигкид̇д̇агасан̃н̃аа лохид̇агасан̃н̃аа бул̣авагасан̃н̃аа адтигасан̃н̃аа мзд̇д̇аасан̃н̃аа гарун̣аасан̃н̃аа муд̣̇ид̇аасан̃н̃аа убзгкаасан̃н̃аа маран̣аануссад̇и гааяаг̇ад̇аасад̇и, имз ко, махаарааж̇а, б̣уд̣̇д̇хзна бхаг̇авад̇аа аарамман̣авибхад̇д̇ияо агкаад̇аа. д̇ад̇т̇а яо гожи ж̇араамаран̣аа мужжид̇угаамо, со д̇зсу ан̃н̃ад̇арам̣ аарамман̣ам̣ г̇ан̣хаад̇и, д̇зна аарамман̣зна рааг̇аа вимужжад̇и, д̣̇осаа вимужжад̇и, мохаа вимужжад̇и, маанад̇о вимужжад̇и, д̣̇идтид̇о вимужжад̇и, сам̣саарам̣ д̇арад̇и, д̇ан̣хаасод̇ам̣ ниваарзд̇и, д̇ивид̇хам̣ малам̣ висод̇хзд̇и, саб̣б̣агилзсз убаханд̇ваа амалам̣ вираж̇ам̣ суд̣̇д̇хам̣ бан̣д̣арам̣ аж̇аад̇им̣ аж̇арам̣ амарам̣ сукам̣ сийд̇ибхууд̇ам̣ абхаяам̣ наг̇аруд̇д̇амам̣ ниб̣б̣аананаг̇арам̣ бависид̇ваа арахад̇д̇з жид̇д̇ам̣ виможзд̇и, ид̣̇ам̣ вужжад̇и махаарааж̇а ‘бхаг̇авад̇о бубпаабан̣а’нд̇и.
‘‘Bhante nāgasena, katamaṃ buddhassa bhagavato pupphāpaṇa’’nti? ‘‘Atthi kho pana, mahārāja, tena bhagavatā jānatā passatā arahatā sammāsambuddhena ārammaṇavibhattiyo akkhātā. Seyyathīdaṃ, aniccasaññā dukkhasaññā anattasaññā asubhasaññā ādīnavasaññā pahānasaññā virāgasaññā nirodhasaññā sabbaloke anabhiratisaññā sabbasaṅkhāresu aniccasaññā ānāpānassati uddhumātakasaññā vinīlakasaññā vipubbakasaññā vicchiddakasaññā vikkhāyitakasaññā vikkhittakasaññā hatavikkhittakasaññā lohitakasaññā puḷavakasaññā aṭṭhikasaññā mettāsaññā karuṇāsaññā muditāsaññā upekkhāsaññā maraṇānussati kāyagatāsati, ime kho, mahārāja, buddhena bhagavatā ārammaṇavibhattiyo akkhātā. Tattha yo koci jarāmaraṇā muccitukāmo, so tesu aññataraṃ ārammaṇaṃ gaṇhāti, tena ārammaṇena rāgā vimuccati, dosā vimuccati, mohā vimuccati, mānato vimuccati, diṭṭhito vimuccati, saṃsāraṃ tarati, taṇhāsotaṃ nivāreti, tividhaṃ malaṃ visodheti, sabbakilese upahantvā amalaṃ virajaṃ suddhaṃ paṇḍaraṃ ajātiṃ ajaraṃ amaraṃ sukhaṃ sītibhūtaṃ abhayaṃ nagaruttamaṃ nibbānanagaraṃ pavisitvā arahatte cittaṃ vimoceti, idaṃ vuccati mahārāja ‘bhagavato pupphāpaṇa’nti.
‘‘‘гаммамуулам̣ г̇ахзд̇ваана, аабан̣ам̣ убаг̇ажчат̇а;
‘‘‘Kammamūlaṃ gahetvāna, āpaṇaṃ upagacchatha;
аарамман̣ам̣ гин̣ид̇ваана, д̇ад̇о мужжат̇а муд̇д̇ияаа’’’д̇и.
Ārammaṇaṃ kiṇitvāna, tato muccatha muttiyā’’’ti.
‘‘бханд̇з нааг̇асзна, гад̇амам̣ б̣уд̣̇д̇хасса бхаг̇авад̇о г̇анд̇хаабан̣а’’нд̇и? ‘‘ад̇т̇и ко бана, махаарааж̇а, д̇зна бхаг̇авад̇аа сийлавибхад̇д̇ияо агкаад̇аа, язна сийлаг̇анд̇хзна анулид̇д̇аа бхаг̇авад̇о буд̇д̇аа сад̣̇звагам̣ логам̣ сийлаг̇анд̇хзна д̇хуубзнд̇и самбад̇хуубзнд̇и, д̣̇исамби ануд̣̇исамби ануваад̇амби бадиваад̇амби вааяанд̇и ад̇ивааяанд̇и, парид̇ваа д̇идтанд̇и. гад̇амаа д̇аа сийлавибхад̇д̇ияо? саран̣асийлам̣ бан̃жан̇г̇асийлам̣ адтан̇г̇асийлам̣ д̣̇асан̇г̇асийлам̣ бан̃жуд̣̇д̣̇зсабарияаабаннам̣ баад̇имогкасам̣варасийлам̣. ид̣̇ам̣ вужжад̇и, махаарааж̇а, ‘бхаг̇авад̇о г̇анд̇хаабан̣а’нд̇и. бхаасид̇амбзд̇ам̣, махаарааж̇а, бхаг̇авад̇аа д̣̇зваад̇ид̣̇звзна –
‘‘Bhante nāgasena, katamaṃ buddhassa bhagavato gandhāpaṇa’’nti? ‘‘Atthi kho pana, mahārāja, tena bhagavatā sīlavibhattiyo akkhātā, yena sīlagandhena anulittā bhagavato puttā sadevakaṃ lokaṃ sīlagandhena dhūpenti sampadhūpenti, disampi anudisampi anuvātampi paṭivātampi vāyanti ativāyanti, pharitvā tiṭṭhanti. Katamā tā sīlavibhattiyo? Saraṇasīlaṃ pañcaṅgasīlaṃ aṭṭhaṅgasīlaṃ dasaṅgasīlaṃ pañcuddesapariyāpannaṃ pātimokkhasaṃvarasīlaṃ. Idaṃ vuccati, mahārāja, ‘bhagavato gandhāpaṇa’nti. Bhāsitampetaṃ, mahārāja, bhagavatā devātidevena –
‘‘‘на бубпаг̇анд̇хо бадиваад̇амзд̇и, на жанд̣̇анам̣ д̇аг̇г̇арамаллигаа ваа;
‘‘‘Na pupphagandho paṭivātameti, na candanaṃ taggaramallikā vā;
сад̇ан̃жа г̇анд̇хо бадиваад̇амзд̇и, саб̣б̣аа д̣̇исаа саббурисо бавааяад̇и 7.
Satañca gandho paṭivātameti, sabbā disā sappuriso pavāyati 8.
‘‘‘жанд̣̇анам̣ д̇аг̇арам̣ вааби, уббалам̣ ат̇а вассигий;
‘‘‘Candanaṃ tagaraṃ vāpi, uppalaṃ atha vassikī;
зд̇зсам̣ г̇анд̇хаж̇аад̇аанам̣, сийлаг̇анд̇хо ануд̇д̇аро.
Etesaṃ gandhajātānaṃ, sīlagandho anuttaro.
‘‘‘аббамад̇д̇о аяам̣ г̇анд̇хо, явааяам̣ д̇аг̇аражанд̣̇анам̣;
‘‘‘Appamatto ayaṃ gandho, yvāyaṃ tagaracandanaṃ;
яо жа сийлавад̇ам̣ г̇анд̇хо, ваад̇и д̣̇звзсу уд̇д̇амо’’’д̇и.
Yo ca sīlavataṃ gandho, vāti devesu uttamo’’’ti.
‘‘бханд̇з нааг̇асзна, гад̇амам̣ б̣уд̣̇д̇хасса бхаг̇авад̇о палаабан̣а’’нд̇и? ‘‘палаани ко, махаарааж̇а, бхаг̇авад̇аа агкаад̇аани. сзяяат̇ийд̣̇ам̣, сод̇аабад̇д̇ипалам̣ сагад̣̇ааг̇аамипалам̣ анааг̇аамипалам̣ арахад̇д̇апалам̣ сун̃н̃ад̇апаласамаабад̇д̇и анимид̇д̇апаласамаабад̇д̇и аббан̣ихид̇апаласамаабад̇д̇и . д̇ад̇т̇а яо гожи яам̣ палам̣ ижчад̇и, со гаммамуулам̣ д̣̇ад̇ваа бад̇т̇ид̇ам̣ палам̣ гин̣аад̇и. яад̣̇и сод̇аабад̇д̇ипалам̣, яад̣̇и сагад̣̇ааг̇аамипалам̣, яад̣̇и анааг̇аамипалам̣, яад̣̇и арахад̇д̇апалам̣, яад̣̇и сун̃н̃ад̇апаласамаабад̇д̇им̣, яад̣̇и анимид̇д̇апаласамаабад̇д̇им̣, яад̣̇и аббан̣ихид̇апаласамаабад̇д̇им̣. яат̇аа, махаарааж̇а, гассажи бурисасса д̇хувапало амб̣о бхавзяяа, со на д̇аава д̇ад̇о палаани баад̇зд̇и, яаава гаяигаа на ааг̇ажчанд̇и, ануббад̇д̇з бана гаяигз муулам̣ г̇ахзд̇ваа звам̣ аажигкад̇и ‘амбхо буриса зсо ко д̇хувапало амб̣о, д̇ад̇о яам̣ ижчаси, зд̇д̇агам̣ палам̣ г̇ан̣хаахи салаадугам̣ ваа д̣̇овилам̣ ваа гзсигам̣ ваа аамам̣ ваа баггам̣ ваа’д̇и, со д̇зна ад̇д̇анаа д̣̇иннамуулзна яад̣̇и салаадугам̣ ижчад̇и, салаадугам̣ г̇ан̣хаад̇и, яад̣̇и д̣̇овилам̣ ижчад̇и, д̣̇овилам̣ г̇ан̣хаад̇и, яад̣̇и гзсигам̣ ижчад̇и, гзсигам̣ г̇ан̣хаад̇и, яад̣̇и аамагам̣ ижчад̇и, аамагам̣ г̇ан̣хаад̇и, яад̣̇и баггам̣ ижчад̇и, баггам̣ г̇ан̣хаад̇и. звамзва ко, махаарааж̇а, яо яам̣ палам̣ ижчад̇и, со гаммамуулам̣ д̣̇ад̇ваа бад̇т̇ид̇ам̣ палам̣ г̇ан̣хаад̇и, яад̣̇и сод̇аабад̇д̇ипалам̣…бз… яад̣̇и аббан̣ихид̇апаласамаабад̇д̇им̣, ид̣̇ам̣ вужжад̇и, махаарааж̇а, ‘бхаг̇авад̇о палаабан̣а’нд̇и.
‘‘Bhante nāgasena, katamaṃ buddhassa bhagavato phalāpaṇa’’nti? ‘‘Phalāni kho, mahārāja, bhagavatā akkhātāni. Seyyathīdaṃ, sotāpattiphalaṃ sakadāgāmiphalaṃ anāgāmiphalaṃ arahattaphalaṃ suññataphalasamāpatti animittaphalasamāpatti appaṇihitaphalasamāpatti . Tattha yo koci yaṃ phalaṃ icchati, so kammamūlaṃ datvā patthitaṃ phalaṃ kiṇāti. Yadi sotāpattiphalaṃ, yadi sakadāgāmiphalaṃ, yadi anāgāmiphalaṃ, yadi arahattaphalaṃ, yadi suññataphalasamāpattiṃ, yadi animittaphalasamāpattiṃ, yadi appaṇihitaphalasamāpattiṃ. Yathā, mahārāja, kassaci purisassa dhuvaphalo ambo bhaveyya, so na tāva tato phalāni pāteti, yāva kayikā na āgacchanti, anuppatte pana kayike mūlaṃ gahetvā evaṃ ācikkhati ‘ambho purisa eso kho dhuvaphalo ambo, tato yaṃ icchasi, ettakaṃ phalaṃ gaṇhāhi salāṭukaṃ vā dovilaṃ vā kesikaṃ vā āmaṃ vā pakkaṃ vā’ti, so tena attanā dinnamūlena yadi salāṭukaṃ icchati, salāṭukaṃ gaṇhāti, yadi dovilaṃ icchati, dovilaṃ gaṇhāti, yadi kesikaṃ icchati, kesikaṃ gaṇhāti, yadi āmakaṃ icchati, āmakaṃ gaṇhāti, yadi pakkaṃ icchati, pakkaṃ gaṇhāti. Evameva kho, mahārāja, yo yaṃ phalaṃ icchati, so kammamūlaṃ datvā patthitaṃ phalaṃ gaṇhāti, yadi sotāpattiphalaṃ…pe… yadi appaṇihitaphalasamāpattiṃ, idaṃ vuccati, mahārāja, ‘bhagavato phalāpaṇa’nti.
‘‘‘гаммамуулам̣ ж̇анаа д̣̇ад̇ваа, г̇ан̣ханд̇и амад̇ампалам̣;
‘‘‘Kammamūlaṃ janā datvā, gaṇhanti amatamphalaṃ;
д̇зна д̇з сукид̇аа хонд̇и, яз гийд̇аа амад̇абпала’’’нд̇и.
Tena te sukhitā honti, ye kītā amatapphala’’’nti.
‘‘бханд̇з нааг̇асзна, гад̇амам̣ б̣уд̣̇д̇хасса бхаг̇авад̇о аг̇ад̣̇аабан̣а’’нд̇и? ‘‘аг̇ад̣̇аани ко, махаарааж̇а, бхаг̇авад̇аа агкаад̇аани, язхи аг̇ад̣̇зхи со бхаг̇аваа сад̣̇звагам̣ логам̣ гилзсависад̇о бариможзд̇и. гад̇амаани бана д̇аани аг̇ад̣̇аани? яаанимаани, махаарааж̇а, бхаг̇авад̇аа жад̇д̇аари арияасажжаани агкаад̇аани. сзяяат̇ийд̣̇ам̣, д̣̇угкам̣ арияасажжам̣ д̣̇угкасамуд̣̇аяам̣ арияасажжам̣ д̣̇угканирод̇хам̣ арияасажжам̣ д̣̇угканирод̇хаг̇ааминий бадибад̣̇аа арияасажжам̣, д̇ад̇т̇а яз гзжи ан̃н̃аабзгкаа жад̇усажжам̣ д̇хаммам̣ сун̣анд̇и, д̇з ж̇аад̇ияаа баримужжанд̇и , ж̇арааяа баримужжанд̇и, маран̣аа баримужжанд̇и, согабарид̣̇звад̣̇угкад̣̇оманассубааяаасзхи баримужжанд̇и, ид̣̇ам̣ вужжад̇и махаарааж̇а ‘бхаг̇авад̇о аг̇ад̣̇аабан̣а’нд̇и.
‘‘Bhante nāgasena, katamaṃ buddhassa bhagavato agadāpaṇa’’nti? ‘‘Agadāni kho, mahārāja, bhagavatā akkhātāni, yehi agadehi so bhagavā sadevakaṃ lokaṃ kilesavisato parimoceti. Katamāni pana tāni agadāni? Yānimāni, mahārāja, bhagavatā cattāri ariyasaccāni akkhātāni. Seyyathīdaṃ, dukkhaṃ ariyasaccaṃ dukkhasamudayaṃ ariyasaccaṃ dukkhanirodhaṃ ariyasaccaṃ dukkhanirodhagāminī paṭipadā ariyasaccaṃ, tattha ye keci aññāpekkhā catusaccaṃ dhammaṃ suṇanti, te jātiyā parimuccanti , jarāya parimuccanti, maraṇā parimuccanti, sokaparidevadukkhadomanassupāyāsehi parimuccanti, idaṃ vuccati mahārāja ‘bhagavato agadāpaṇa’nti.
д̇хаммааг̇ад̣̇асамам̣ над̇т̇и, зд̇ам̣ биват̇а бхигкаво’’’д̇и.
Dhammāgadasamaṃ natthi, etaṃ pivatha bhikkhavo’’’ti.
‘‘бханд̇з нааг̇асзна, гад̇амам̣ б̣уд̣̇д̇хасса бхаг̇авад̇о осад̇хаабан̣а’’нд̇и? ‘‘осад̇хаани ко, махаарааж̇а, бхаг̇авад̇аа агкаад̇аани, язхи осад̇хзхи со бхаг̇аваа д̣̇звамануссз д̇игижчад̇и. сзяяат̇ийд̣̇ам̣, жад̇д̇ааро сад̇ибадтаанаа жад̇д̇ааро саммаббад̇хаанаа жад̇д̇ааро ид̣̇д̇хибаад̣̇аа бан̃жинд̣̇рияаани бан̃жа б̣алаани сад̇д̇а б̣ож̇жхан̇г̇аа арияо адтан̇г̇иго маг̇г̇о, зд̇зхи осад̇хзхи бхаг̇аваа мижчаад̣̇идтим̣ вирзжзд̇и, мижчаасан̇габбам̣ вирзжзд̇и, мижчааваажам̣ вирзжзд̇и, мижчаагамманд̇ам̣ вирзжзд̇и, мижчааааж̇ийвам̣ вирзжзд̇и, мижчаавааяаамам̣ вирзжзд̇и, мижчаасад̇им̣ вирзжзд̇и, мижчаасамаад̇хим̣ вирзжзд̇и, лобхаваманам̣ гаарзд̇и, д̣̇осаваманам̣ гаарзд̇и, мохаваманам̣ гаарзд̇и, маанаваманам̣ гаарзд̇и, д̣̇идтиваманам̣ гаарзд̇и, вижигижчааваманам̣ гаарзд̇и, уд̣̇д̇хажжаваманам̣ гаарзд̇и, т̇инамид̣̇д̇хаваманам̣ гаарзд̇и, ахиригаанод̇д̇аббаваманам̣ гаарзд̇и, саб̣б̣агилзсаваманам̣ гаарзд̇и, ид̣̇ам̣ вужжад̇и, махаарааж̇а, ‘бхаг̇авад̇о осад̇хаабан̣а’нд̇и.
‘‘Bhante nāgasena, katamaṃ buddhassa bhagavato osadhāpaṇa’’nti? ‘‘Osadhāni kho, mahārāja, bhagavatā akkhātāni, yehi osadhehi so bhagavā devamanusse tikicchati. Seyyathīdaṃ, cattāro satipaṭṭhānā cattāro sammappadhānā cattāro iddhipādā pañcindriyāni pañca balāni satta bojjhaṅgā ariyo aṭṭhaṅgiko maggo, etehi osadhehi bhagavā micchādiṭṭhiṃ vireceti, micchāsaṅkappaṃ vireceti, micchāvācaṃ vireceti, micchākammantaṃ vireceti, micchāājīvaṃ vireceti, micchāvāyāmaṃ vireceti, micchāsatiṃ vireceti, micchāsamādhiṃ vireceti, lobhavamanaṃ kāreti, dosavamanaṃ kāreti, mohavamanaṃ kāreti, mānavamanaṃ kāreti, diṭṭhivamanaṃ kāreti, vicikicchāvamanaṃ kāreti, uddhaccavamanaṃ kāreti, thinamiddhavamanaṃ kāreti, ahirikānottappavamanaṃ kāreti, sabbakilesavamanaṃ kāreti, idaṃ vuccati, mahārāja, ‘bhagavato osadhāpaṇa’nti.
‘‘‘яз гзжи осад̇хаа логз, виж̇ж̇анд̇и вивид̇хаа б̣ахуу;
‘‘‘Ye keci osadhā loke, vijjanti vividhā bahū;
д̇хаммосад̇хасамам̣ над̇т̇и, зд̇ам̣ биват̇а бхигкаво.
Dhammosadhasamaṃ natthi, etaṃ pivatha bhikkhavo.
‘‘‘д̇хаммосад̇хам̣ бивид̇ваана, аж̇араамаран̣аа сияум̣;
‘‘‘Dhammosadhaṃ pivitvāna, ajarāmaraṇā siyuṃ;
бхааваяид̇ваа жа бассид̇ваа, ниб̣б̣уд̇аа убад̇хигкаяз’’’д̇и.
Bhāvayitvā ca passitvā, nibbutā upadhikkhaye’’’ti.
‘‘бханд̇з нааг̇асзна, гад̇амам̣ б̣уд̣̇д̇хасса бхаг̇авад̇о амад̇аабан̣а’’нд̇и? ‘‘амад̇ам̣ ко, махаарааж̇а, бхаг̇авад̇аа агкаад̇ам̣, язна амад̇зна со бхаг̇аваа сад̣̇звагам̣ логам̣ абхисин̃жи , язна амад̇зна абхисид̇д̇аа д̣̇звамануссаа ж̇аад̇иж̇арааб̣яаад̇химаран̣асогабарид̣̇звад̣̇угкад̣̇оманассубааяаасзхи баримужжим̣су. гад̇амам̣ д̇ам̣ амад̇ам̣? яад̣̇ид̣̇ам̣ гааяаг̇ад̇аасад̇и. бхаасид̇амбзд̇ам̣, махаарааж̇а, бхаг̇авад̇аа д̣̇зваад̇ид̣̇звзна ‘амад̇ам̣ д̇з, бхигкавз, барибхун̃ж̇анд̇и, яз гааяаг̇ад̇аасад̇им̣ барибхун̃ж̇анд̇ий’д̇и. ид̣̇ам̣ вужжад̇и, махаарааж̇а, ‘бхаг̇авад̇о амад̇аабан̣а’нд̇и.
‘‘Bhante nāgasena, katamaṃ buddhassa bhagavato amatāpaṇa’’nti? ‘‘Amataṃ kho, mahārāja, bhagavatā akkhātaṃ, yena amatena so bhagavā sadevakaṃ lokaṃ abhisiñci , yena amatena abhisittā devamanussā jātijarābyādhimaraṇasokaparidevadukkhadomanassupāyāsehi parimucciṃsu. Katamaṃ taṃ amataṃ? Yadidaṃ kāyagatāsati. Bhāsitampetaṃ, mahārāja, bhagavatā devātidevena ‘amataṃ te, bhikkhave, paribhuñjanti, ye kāyagatāsatiṃ paribhuñjantī’ti. Idaṃ vuccati, mahārāja, ‘bhagavato amatāpaṇa’nti.
‘‘‘б̣яаад̇хид̇ам̣ ж̇анад̇ам̣ д̣̇исваа, амад̇аабан̣ам̣ басаараяи;
‘‘‘Byādhitaṃ janataṃ disvā, amatāpaṇaṃ pasārayi;
гаммзна д̇ам̣ гин̣ид̇ваана, амад̇ам̣ аад̣̇зт̇а бхигкаво’’’д̇и.
Kammena taṃ kiṇitvāna, amataṃ ādetha bhikkhavo’’’ti.
‘‘бханд̇з нааг̇асзна, гад̇амам̣ б̣уд̣̇д̇хасса бхаг̇авад̇о рад̇анаабан̣а’’нд̇и? ‘‘рад̇анаани ко, махаарааж̇а, бхаг̇авад̇аа агкаад̇аани, язхи рад̇анзхи вибхуусид̇аа бхаг̇авад̇о буд̇д̇аа сад̣̇звагам̣ логам̣ вирожанд̇и обхаасзнд̇и бабхаасзнд̇и ж̇аланд̇и баж̇ж̇аланд̇и уд̣̇д̇хам̣ ад̇хо д̇ирияам̣ аалогам̣ д̣̇ассзнд̇и. гад̇амаани д̇аани рад̇анаани? сийларад̇анам̣ самаад̇хирад̇анам̣ бан̃н̃аарад̇анам̣ вимуд̇д̇ирад̇анам̣ вимуд̇д̇ин̃аан̣ад̣̇ассанарад̇анам̣ бадисамбхид̣̇аарад̇анам̣ б̣ож̇жхан̇г̇арад̇анам̣.
‘‘Bhante nāgasena, katamaṃ buddhassa bhagavato ratanāpaṇa’’nti? ‘‘Ratanāni kho, mahārāja, bhagavatā akkhātāni, yehi ratanehi vibhūsitā bhagavato puttā sadevakaṃ lokaṃ virocanti obhāsenti pabhāsenti jalanti pajjalanti uddhaṃ adho tiriyaṃ ālokaṃ dassenti. Katamāni tāni ratanāni? Sīlaratanaṃ samādhiratanaṃ paññāratanaṃ vimuttiratanaṃ vimuttiñāṇadassanaratanaṃ paṭisambhidāratanaṃ bojjhaṅgaratanaṃ.
‘‘гад̇амам̣, махаарааж̇а, бхаг̇авад̇о сийларад̇анам̣? баад̇имогкасам̣варасийлам̣ инд̣̇рияасам̣варасийлам̣ ааж̇ийвабаарисуд̣̇д̇хисийлам̣ бажжаяасанниссид̇асийлам̣ жуул̣асийлам̣ маж̇жхимасийлам̣ махаасийлам̣ маг̇г̇асийлам̣ паласийлам̣. сийларад̇анзна ко, махаарааж̇а, вибхуусид̇асса буг̇г̇аласса сад̣̇зваго лого самаараго саб̣рахмаго сассаман̣аб̣раахман̣ий баж̇аа бихаяад̇и бад̇т̇зд̇и, сийларад̇анабил̣анд̇хо ко, махаарааж̇а, бхигку д̣̇исамби ануд̣̇исамби уд̣̇д̇хамби ад̇хоби д̇ирияамби вирожад̇и ад̇ивирожад̇и 11, хздтад̇о авийжим̣ убарид̇о бхаваг̇г̇ам̣ убаад̣̇ааяа зд̇т̇анд̇арз саб̣б̣арад̇анаани ад̇иггамид̇ваа 12 абхибхавид̇ваа аж̇жход̇т̇арид̇ваа д̇идтад̇и, зваруубаани ко, махаарааж̇а, сийларад̇анаани бхаг̇авад̇о рад̇анаабан̣з басаарид̇аани, ид̣̇ам̣ вужжад̇и махаарааж̇а ‘бхаг̇авад̇о сийларад̇ана’нд̇и.
‘‘Katamaṃ, mahārāja, bhagavato sīlaratanaṃ? Pātimokkhasaṃvarasīlaṃ indriyasaṃvarasīlaṃ ājīvapārisuddhisīlaṃ paccayasannissitasīlaṃ cūḷasīlaṃ majjhimasīlaṃ mahāsīlaṃ maggasīlaṃ phalasīlaṃ. Sīlaratanena kho, mahārāja, vibhūsitassa puggalassa sadevako loko samārako sabrahmako sassamaṇabrāhmaṇī pajā pihayati pattheti, sīlaratanapiḷandho kho, mahārāja, bhikkhu disampi anudisampi uddhampi adhopi tiriyampi virocati ativirocati 13, heṭṭhato avīciṃ uparito bhavaggaṃ upādāya etthantare sabbaratanāni atikkamitvā 14 abhibhavitvā ajjhottharitvā tiṭṭhati, evarūpāni kho, mahārāja, sīlaratanāni bhagavato ratanāpaṇe pasāritāni, idaṃ vuccati mahārāja ‘bhagavato sīlaratana’nti.
‘‘‘зваруубаани сийлаани, санд̇и б̣уд̣̇д̇хасса аабан̣з;
‘‘‘Evarūpāni sīlāni, santi buddhassa āpaṇe;
гаммзна д̇ам̣ гин̣ид̇ваана, рад̇анам̣ во бил̣анд̇хат̇аа’д̇и.
Kammena taṃ kiṇitvāna, ratanaṃ vo piḷandhathā’ti.
‘‘гад̇амам̣, махаарааж̇а, бхаг̇авад̇о самаад̇хирад̇анам̣? савид̇аггасавижааро самаад̇хи, авид̇аггавижаарамад̇д̇о самаад̇хи, авид̇аггаавижааро самаад̇хи, сун̃н̃ад̇о самаад̇хи, анимид̇д̇о самаад̇хи, аббан̣ихид̇о самаад̇хи. самаад̇хирад̇анам̣ ко, махаарааж̇а, бил̣анд̇хасса бхигкуно яз д̇з гаамавид̇аггаб̣яаабаад̣̇авид̇аггавихим̣саавид̇аггамаануд̣̇д̇хажжад̣̇идтивижигижчаагилзсавад̇т̇ууни вивид̇хаани жа гувид̇аггаани, д̇з саб̣б̣з самаад̇хим̣ аасаж̇ж̇а вигиранд̇и вид̇хаманд̇и вид̣̇д̇хам̣санд̇и на сан̣танд̇и 15 на убалимбанд̇и 16. яат̇аа, махаарааж̇а, ваари богкарабад̇д̇з вигирад̇и вид̇хамад̇и вид̣̇д̇хам̣сад̇и на сан̣таад̇и на убалимбад̇и. д̇ам̣ гисса хзд̇у? барисуд̣̇д̇хад̇д̇аа бад̣̇умасса. звамзва ко, махаарааж̇а, самаад̇хирад̇анам̣ бил̣анд̇хасса бхигкуно яз д̇з гаамавид̇аггаб̣яаабаад̣̇авид̇аггавихим̣саавид̇аггамаануд̣̇д̇хажжа д̣̇идтивижигижчаагилзсавад̇т̇ууни вивид̇хаани жа гувид̇аггаани, д̇з саб̣б̣з самаад̇хим̣ аасаж̇ж̇а вигиранд̇и вид̇хаманд̇и вид̣̇д̇хам̣санд̇и на сан̣танд̇и на убалимбанд̇и. д̇ам̣ гисса хзд̇у? барисуд̣̇д̇хад̇д̇аа самаад̇хисса. ид̣̇ам̣ вужжад̇и, махаарааж̇а, ‘бхаг̇авад̇о самаад̇хирад̇ана’нд̇и, зваруубаани ко, махаарааж̇а, самаад̇хирад̇анаани бхаг̇авад̇о рад̇анаабан̣з басаарид̇аани.
‘‘Katamaṃ, mahārāja, bhagavato samādhiratanaṃ? Savitakkasavicāro samādhi, avitakkavicāramatto samādhi, avitakkaavicāro samādhi, suññato samādhi, animitto samādhi, appaṇihito samādhi. Samādhiratanaṃ kho, mahārāja, piḷandhassa bhikkhuno ye te kāmavitakkabyāpādavitakkavihiṃsāvitakkamānuddhaccadiṭṭhivicikicchākilesavatthūni vividhāni ca kuvitakkāni, te sabbe samādhiṃ āsajja vikiranti vidhamanti viddhaṃsanti na saṇṭhanti 17 na upalimpanti 18. Yathā, mahārāja, vāri pokkharapatte vikirati vidhamati viddhaṃsati na saṇṭhāti na upalimpati. Taṃ kissa hetu? Parisuddhattā padumassa. Evameva kho, mahārāja, samādhiratanaṃ piḷandhassa bhikkhuno ye te kāmavitakkabyāpādavitakkavihiṃsāvitakkamānuddhacca diṭṭhivicikicchākilesavatthūni vividhāni ca kuvitakkāni, te sabbe samādhiṃ āsajja vikiranti vidhamanti viddhaṃsanti na saṇṭhanti na upalimpanti. Taṃ kissa hetu? Parisuddhattā samādhissa. Idaṃ vuccati, mahārāja, ‘bhagavato samādhiratana’nti, evarūpāni kho, mahārāja, samādhiratanāni bhagavato ratanāpaṇe pasāritāni.
‘‘‘самаад̇хирад̇анамааласса , гувид̇аггаа на ж̇ааяарз;
‘‘‘Samādhiratanamālassa , kuvitakkā na jāyare;
на жа вигкибад̇з жид̇д̇ам̣, зд̇ам̣ д̇умхз бил̣анд̇хат̇аа’д̇и.
Na ca vikkhipate cittaṃ, etaṃ tumhe piḷandhathā’ti.
‘‘гад̇амам̣, махаарааж̇а, бхаг̇авад̇о бан̃н̃аарад̇анам̣? яааяа, махаарааж̇а, бан̃н̃ааяа арияасааваго ‘ид̣̇ам̣ гусала’нд̇и яат̇аабхууд̇ам̣ баж̇аанаад̇и, ‘ид̣̇ам̣ агусала’нд̇и яат̇аабхууд̇ам̣ баж̇аанаад̇и, ‘ид̣̇ам̣ сааваж̇ж̇ам̣, ид̣̇ам̣ анаваж̇ж̇ам̣, ид̣̇ам̣ сзвид̇аб̣б̣ам̣, ид̣̇ам̣ на сзвид̇аб̣б̣ам̣, ид̣̇ам̣ хийнам̣, ид̣̇ам̣ бан̣ийд̇ам̣, ид̣̇ам̣ ган̣хам̣, ид̣̇ам̣ суггам̣, ид̣̇ам̣ ган̣хасуггасаббадибхааг̇а’нд̇и яат̇аабхууд̇ам̣ баж̇аанаад̇и, ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и, ‘аяам̣ д̣̇угкасамуд̣̇аяо’д̇и яат̇аабхууд̇ам̣ баж̇аанаад̇и, ‘аяам̣ д̣̇угканирод̇хо’д̇и яат̇аабхууд̇ам̣ баж̇аанаад̇и, ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. ид̣̇ам̣ вужжад̇и махаарааж̇а ‘бхаг̇авад̇о бан̃н̃аарад̇ана’нд̇и.
‘‘Katamaṃ, mahārāja, bhagavato paññāratanaṃ? Yāya, mahārāja, paññāya ariyasāvako ‘idaṃ kusala’nti yathābhūtaṃ pajānāti, ‘idaṃ akusala’nti yathābhūtaṃ pajānāti, ‘idaṃ sāvajjaṃ, idaṃ anavajjaṃ, idaṃ sevitabbaṃ, idaṃ na sevitabbaṃ, idaṃ hīnaṃ, idaṃ paṇītaṃ, idaṃ kaṇhaṃ, idaṃ sukkaṃ, idaṃ kaṇhasukkasappaṭibhāga’nti yathābhūtaṃ pajānāti, ‘idaṃ dukkha’nti yathābhūtaṃ pajānāti, ‘ayaṃ dukkhasamudayo’ti yathābhūtaṃ pajānāti, ‘ayaṃ dukkhanirodho’ti yathābhūtaṃ pajānāti, ‘ayaṃ dukkhanirodhagāminī paṭipadā’ti yathābhūtaṃ pajānāti. Idaṃ vuccati mahārāja ‘bhagavato paññāratana’nti.
‘‘‘бан̃н̃аарад̇анамааласса, на жирам̣ вад̇д̇ад̇з бхаво;
‘‘‘Paññāratanamālassa, na ciraṃ vattate bhavo;
киббам̣ пассзд̇и 19 амад̇ам̣, на жа со рожад̇з бхавз’д̇и.
Khippaṃ phasseti 20 amataṃ, na ca so rocate bhave’ti.
‘‘гад̇амам̣ , махаарааж̇а, бхаг̇авад̇о вимуд̇д̇ирад̇анам̣’’? ‘‘вимуд̇д̇ирад̇анам̣ 21 ко, махаарааж̇а, арахад̇д̇ам̣ вужжад̇и, арахад̇д̇ам̣ бад̇д̇о ко, махаарааж̇а, бхигку ‘вимуд̇д̇ирад̇анам̣ бил̣анд̇хо’д̇и вужжад̇и. яат̇аа, махаарааж̇а, бурисо муд̇д̇аагалаабаман̣игалаабабаваал̣агалаабаабхаран̣аббадиман̣д̣ид̇о 22 аг̇алуд̇аг̇арад̇аалийсагалохид̇ажанд̣̇анаанулид̇д̇аг̇ад̇д̇о нааг̇абуннааг̇асааласалал̣ажамбагаяуут̇игаад̇имуд̇д̇агабаадалуббалавассигамаллигаавижид̇д̇о сзсаж̇анз ад̇иггамид̇ваа вирожад̇и ад̇ивирожад̇и обхаасад̇и бабхаасад̇и самбабхаасад̇и ж̇алад̇и баж̇ж̇алад̇и абхибхавад̇и аж̇жход̇т̇арад̇и маалааг̇анд̇харад̇анаабхаран̣зхи, звамзва ко, махаарааж̇а, арахад̇д̇ам̣ бад̇д̇о кийн̣аасаво вимуд̇д̇ирад̇анабил̣анд̇хо убаад̣̇ааяубаад̣̇ааяа вимуд̇д̇аанам̣ бхигкуунам̣ ад̇иггамид̇ваа самад̇иггамид̇ваа вирожад̇и ад̇ивирожад̇и обхаасад̇и бабхаасад̇и самбабхаасад̇и ж̇алад̇и баж̇ж̇алад̇и абхибхавад̇и аж̇жход̇т̇арад̇и вимуд̇д̇ияаа. д̇ам̣ гисса хзд̇у? аг̇г̇ам̣, махаарааж̇а, зд̇ам̣ бил̣анд̇ханам̣ саб̣б̣абил̣анд̇ханаанам̣, яад̣̇ид̣̇ам̣ вимуд̇д̇ибил̣анд̇ханам̣. ид̣̇ам̣ вужжад̇и, махаарааж̇а, ‘бхаг̇авад̇о вимуд̇д̇ирад̇ана’нд̇и.
‘‘Katamaṃ , mahārāja, bhagavato vimuttiratanaṃ’’? ‘‘Vimuttiratanaṃ 23 kho, mahārāja, arahattaṃ vuccati, arahattaṃ patto kho, mahārāja, bhikkhu ‘vimuttiratanaṃ piḷandho’ti vuccati. Yathā, mahārāja, puriso muttākalāpamaṇikalāpapavāḷakalāpābharaṇappaṭimaṇḍito 24 agalutagaratālīsakalohitacandanānulittagatto nāgapunnāgasālasalaḷacampakayūthikātimuttakapāṭaluppalavassikamallikāvicitto sesajane atikkamitvā virocati ativirocati obhāsati pabhāsati sampabhāsati jalati pajjalati abhibhavati ajjhottharati mālāgandharatanābharaṇehi, evameva kho, mahārāja, arahattaṃ patto khīṇāsavo vimuttiratanapiḷandho upādāyupādāya vimuttānaṃ bhikkhūnaṃ atikkamitvā samatikkamitvā virocati ativirocati obhāsati pabhāsati sampabhāsati jalati pajjalati abhibhavati ajjhottharati vimuttiyā. Taṃ kissa hetu? Aggaṃ, mahārāja, etaṃ piḷandhanaṃ sabbapiḷandhanānaṃ, yadidaṃ vimuttipiḷandhanaṃ. Idaṃ vuccati, mahārāja, ‘bhagavato vimuttiratana’nti.
‘‘‘ман̣имаалаад̇харам̣ г̇зха, ж̇ано 25 саамим̣ уд̣̇игкад̇и;
‘‘‘Maṇimālādharaṃ geha, jano 26 sāmiṃ udikkhati;
вимуд̇д̇ирад̇анамааланд̇у, уд̣̇игканд̇и сад̣̇звагаа’д̇и.
Vimuttiratanamālantu, udikkhanti sadevakā’ti.
‘‘гад̇амам̣ махаарааж̇а, бхаг̇авад̇о вимуд̇д̇ин̃аан̣ад̣̇ассанарад̇анам̣? бажжавзгкан̣ан̃аан̣ам̣, махаарааж̇а, бхаг̇авад̇о вимуд̇д̇ин̃аан̣ад̣̇ассанарад̇ананд̇и вужжад̇и, язна н̃аан̣зна арияасааваго маг̇г̇апаланиб̣б̣аанаани бахийнагилзсаавасидтагилзсз жа бажжавзгкад̇и.
‘‘Katamaṃ mahārāja, bhagavato vimuttiñāṇadassanaratanaṃ? Paccavekkhaṇañāṇaṃ, mahārāja, bhagavato vimuttiñāṇadassanaratananti vuccati, yena ñāṇena ariyasāvako maggaphalanibbānāni pahīnakilesāvasiṭṭhakilese ca paccavekkhati.
‘‘‘яз н̃аан̣зна б̣уж̇жханд̇и, арияаа гад̇агижжад̇ам̣;
‘‘‘Ye ñāṇena bujjhanti, ariyā katakiccataṃ;
д̇ам̣ н̃аан̣арад̇анам̣ лад̣̇д̇хум̣, вааяамзт̇а ж̇инорасаа’д̇и.
Taṃ ñāṇaratanaṃ laddhuṃ, vāyametha jinorasā’ti.
‘‘гад̇амам̣, махаарааж̇а, бхаг̇авад̇о бадисамбхид̣̇аарад̇анам̣? жад̇ассо ко, махаарааж̇а, бадисамбхид̣̇ааяо ад̇т̇абадисамбхид̣̇аа д̇хаммабадисамбхид̣̇аа нируд̇д̇ибадисамбхид̣̇аа бадибхаанабадисамбхид̣̇аад̇и. имзхи ко, махаарааж̇а, жад̇уухи бадисамбхид̣̇аарад̇анзхи самалан̇гад̇о бхигку яам̣ яам̣ барисам̣ убасан̇гамад̇и, яад̣̇и кад̇д̇ияабарисам̣, яад̣̇и б̣раахман̣абарисам̣, яад̣̇и г̇ахабад̇ибарисам̣, яад̣̇и саман̣абарисам̣, висаарад̣̇о убасан̇гамад̇и аман̇губхууд̇о абхийру ажчамбхий ануд̇раасий виг̇ад̇аломахам̣со барисам̣ убасан̇гамад̇и.
‘‘Katamaṃ, mahārāja, bhagavato paṭisambhidāratanaṃ? Catasso kho, mahārāja, paṭisambhidāyo atthapaṭisambhidā dhammapaṭisambhidā niruttipaṭisambhidā paṭibhānapaṭisambhidāti. Imehi kho, mahārāja, catūhi paṭisambhidāratanehi samalaṅkato bhikkhu yaṃ yaṃ parisaṃ upasaṅkamati, yadi khattiyaparisaṃ, yadi brāhmaṇaparisaṃ, yadi gahapatiparisaṃ, yadi samaṇaparisaṃ, visārado upasaṅkamati amaṅkubhūto abhīru acchambhī anutrāsī vigatalomahaṃso parisaṃ upasaṅkamati.
‘‘яат̇аа, махаарааж̇а, яод̇хо сан̇г̇аамасууро саннад̣̇д̇хабан̃жаавуд̇хо ажчамбхид̇о 27 сан̇г̇аамам̣ од̇арад̇и, ‘сажз амид̇д̇аа д̣̇уурз бхависсанд̇и усунаа баад̇аяиссаами, д̇ад̇о орад̇о бхависсанд̇и сад̇д̇ияаа бахариссаами, д̇ад̇о орад̇о бхависсанд̇и ган̣аязна бахариссаами, убаг̇ад̇ам̣ санд̇ам̣ ман̣д̣алаг̇г̇зна д̣̇вид̇хаа чинд̣̇иссаами, гааяуубаг̇ад̇ам̣ чуригааяа винивиж̇жхиссаамий’д̇и 28, звамзва ко, махаарааж̇а, жад̇убадисамбхид̣̇аарад̇анаман̣д̣ид̇о бхигку ажчамбхид̇о барисам̣ убасан̇гамад̇и. яо гожи мам̣ ад̇т̇абадисамбхид̣̇з бан̃хам̣ бужчиссад̇и, д̇асса ад̇т̇зна ад̇т̇ам̣ гат̇аяиссаами, гааран̣зна гааран̣ам̣ гат̇аяиссаами, хзд̇унаа хзд̇ум̣ гат̇аяиссаами, наязна наяам̣ гат̇аяиссаами, ниссам̣саяам̣ гариссаами, вимад̇им̣ вивзжзссаами, д̇осаяиссаами бан̃хавзяяаагаран̣зна.
‘‘Yathā, mahārāja, yodho saṅgāmasūro sannaddhapañcāvudho acchambhito 29 saṅgāmaṃ otarati, ‘sace amittā dūre bhavissanti usunā pātayissāmi, tato orato bhavissanti sattiyā paharissāmi, tato orato bhavissanti kaṇayena paharissāmi, upagataṃ santaṃ maṇḍalaggena dvidhā chindissāmi, kāyūpagataṃ churikāya vinivijjhissāmī’ti 30, evameva kho, mahārāja, catupaṭisambhidāratanamaṇḍito bhikkhu acchambhito parisaṃ upasaṅkamati. Yo koci maṃ atthapaṭisambhide pañhaṃ pucchissati, tassa atthena atthaṃ kathayissāmi, kāraṇena kāraṇaṃ kathayissāmi, hetunā hetuṃ kathayissāmi, nayena nayaṃ kathayissāmi, nissaṃsayaṃ karissāmi, vimatiṃ vivecessāmi, tosayissāmi pañhaveyyākaraṇena.
‘‘яо гожи мам̣ д̇хаммабадисамбхид̣̇з бан̃хам̣ бужчиссад̇и, д̇асса д̇хаммзна д̇хаммам̣ гат̇аяиссаами, амад̇зна амад̇ам̣ гат̇аяиссаами, асан̇кад̇зна асан̇кад̇ам̣ гат̇аяиссаами, ниб̣б̣аанзна ниб̣б̣аанам̣ гат̇аяиссаами, сун̃н̃ад̇зна сун̃н̃ад̇ам̣ гат̇аяиссаами , анимид̇д̇зна анимид̇д̇ам̣ гат̇аяиссаами, аббан̣ихид̇зна аббан̣ихид̇ам̣ гат̇аяиссаами, анзж̇зна анзж̇ам̣ гат̇аяиссаами, ниссам̣саяам̣ гариссаами, вимад̇им̣ вивзжзссаами, д̇осаяиссаами бан̃хаавзяяаагаран̣зна.
‘‘Yo koci maṃ dhammapaṭisambhide pañhaṃ pucchissati, tassa dhammena dhammaṃ kathayissāmi, amatena amataṃ kathayissāmi, asaṅkhatena asaṅkhataṃ kathayissāmi, nibbānena nibbānaṃ kathayissāmi, suññatena suññataṃ kathayissāmi , animittena animittaṃ kathayissāmi, appaṇihitena appaṇihitaṃ kathayissāmi, anejena anejaṃ kathayissāmi, nissaṃsayaṃ karissāmi, vimatiṃ vivecessāmi, tosayissāmi pañhāveyyākaraṇena.
‘‘яо гожи мам̣ нируд̇д̇ибадисамбхид̣̇з бан̃хам̣ бужчиссад̇и, д̇асса нируд̇д̇ияаа нируд̇д̇им̣ гат̇аяиссаами, бад̣̇зна бад̣̇ам̣ гат̇аяиссаами, анубад̣̇зна анубад̣̇ам̣ гат̇аяиссаами, агкарзна агкарам̣ гат̇аяиссаами, санд̇хияаа санд̇хим̣ гат̇аяиссаами, б̣яан̃ж̇анзна б̣яан̃ж̇анам̣ гат̇аяиссаами, ануб̣яан̃ж̇анзна ануб̣яан̃ж̇анам̣ гат̇аяиссаами, ван̣н̣зна ван̣н̣ам̣ гат̇аяиссаами, сарзна сарам̣ гат̇аяиссаами, бан̃н̃ад̇д̇ияаа бан̃н̃ад̇д̇им̣ гат̇аяиссаами, вохаарзна вохаарам̣ гат̇аяиссаами, ниссам̣саяам̣ гариссаами, вимад̇им̣ вивзжзссаами, д̇осаяиссаами бан̃хавзяяаагаран̣зна.
‘‘Yo koci maṃ niruttipaṭisambhide pañhaṃ pucchissati, tassa niruttiyā niruttiṃ kathayissāmi, padena padaṃ kathayissāmi, anupadena anupadaṃ kathayissāmi, akkharena akkharaṃ kathayissāmi, sandhiyā sandhiṃ kathayissāmi, byañjanena byañjanaṃ kathayissāmi, anubyañjanena anubyañjanaṃ kathayissāmi, vaṇṇena vaṇṇaṃ kathayissāmi, sarena saraṃ kathayissāmi, paññattiyā paññattiṃ kathayissāmi, vohārena vohāraṃ kathayissāmi, nissaṃsayaṃ karissāmi, vimatiṃ vivecessāmi, tosayissāmi pañhaveyyākaraṇena.
‘‘яо гожи мам̣ бадибхаанабадисамбхид̣̇з бан̃хам̣ бужчиссад̇и, д̇асса бадибхаанзна бадибхаанам̣ гат̇аяиссаами, обаммзна обаммам̣ гат̇аяиссаами, лагкан̣зна лагкан̣ам̣ гат̇аяиссаами, расзна расам̣ гат̇аяиссаами, ниссам̣саяам̣ гариссаами, вимад̇им̣ вивзжзссаами, д̇осаяиссаами бан̃хавзяяаагаран̣знаад̇и, ид̣̇ам̣ вужжад̇и, махаарааж̇а, ‘бхаг̇авад̇о бадисамбхид̣̇аарад̇ана’нд̇и.
‘‘Yo koci maṃ paṭibhānapaṭisambhide pañhaṃ pucchissati, tassa paṭibhānena paṭibhānaṃ kathayissāmi, opammena opammaṃ kathayissāmi, lakkhaṇena lakkhaṇaṃ kathayissāmi, rasena rasaṃ kathayissāmi, nissaṃsayaṃ karissāmi, vimatiṃ vivecessāmi, tosayissāmi pañhaveyyākaraṇenāti, idaṃ vuccati, mahārāja, ‘bhagavato paṭisambhidāratana’nti.
‘‘‘бадисамбхид̣̇аа гин̣ид̇ваана, н̃аан̣зна пассаязяяа яо;
‘‘‘Paṭisambhidā kiṇitvāna, ñāṇena phassayeyya yo;
ажчамбхид̇о ануб̣б̣иг̇г̇о, ад̇ирожад̇и сад̣̇звагз’д̇и.
Acchambhito anubbiggo, atirocati sadevake’ti.
‘‘гад̇амам̣, махаарааж̇а, бхаг̇авад̇о б̣ож̇жхан̇г̇арад̇анам̣? сад̇д̇имз, махаарааж̇а, б̣ож̇жхан̇г̇аа, сад̇исамб̣ож̇жхан̇г̇о д̇хаммавижаяасамб̣ож̇жхан̇г̇о вийрияасамб̣ож̇жхан̇г̇о бийд̇исамб̣ож̇жхан̇г̇о бассад̣̇д̇хисамб̣ож̇жхан̇г̇о самаад̇хисамб̣ож̇жхан̇г̇о убзгкаасамб̣ож̇жхан̇г̇о. имзхи ко, махаарааж̇а, сад̇д̇ахи б̣ож̇жхан̇г̇арад̇анзхи бадиман̣д̣ид̇о бхигку саб̣б̣ам̣ д̇амам̣ абхибхуяяа сад̣̇звагам̣ логам̣ обхаасзд̇и бабхаасзд̇и аалогам̣ ж̇анзд̇и. ид̣̇ам̣ вужжад̇и, махаарааж̇а, ‘бхаг̇авад̇о б̣ож̇жхан̇г̇арад̇ана’нд̇и.
‘‘Katamaṃ, mahārāja, bhagavato bojjhaṅgaratanaṃ? Sattime, mahārāja, bojjhaṅgā, satisambojjhaṅgo dhammavicayasambojjhaṅgo vīriyasambojjhaṅgo pītisambojjhaṅgo passaddhisambojjhaṅgo samādhisambojjhaṅgo upekkhāsambojjhaṅgo. Imehi kho, mahārāja, sattahi bojjhaṅgaratanehi paṭimaṇḍito bhikkhu sabbaṃ tamaṃ abhibhuyya sadevakaṃ lokaṃ obhāseti pabhāseti ālokaṃ janeti. Idaṃ vuccati, mahārāja, ‘bhagavato bojjhaṅgaratana’nti.
‘‘‘б̣ож̇жхан̇г̇арад̇анамааласса , удтаханд̇и 31 сад̣̇звагаа;
‘‘‘Bojjhaṅgaratanamālassa , uṭṭhahanti 32 sadevakā;
гаммзна д̇ам̣ гин̣ид̇ваана, рад̇анам̣ во бил̣анд̇хат̇аа’’’д̇и.
Kammena taṃ kiṇitvāna, ratanaṃ vo piḷandhathā’’’ti.
‘‘бханд̇з нааг̇асзна, гад̇амам̣ б̣уд̣̇д̇хасса бхаг̇авад̇о саб̣б̣аабан̣а’’нд̇и? ‘‘саб̣б̣аабан̣ам̣ ко, махаарааж̇а, бхаг̇авад̇о наван̇г̇ам̣ б̣уд̣̇д̇хаважанам̣ саарийригаани баарибхог̇игаани жзд̇ияаани сан̇гхарад̇анан̃жа. саб̣б̣аабан̣з, махаарааж̇а, бхаг̇авад̇аа ж̇аад̇исамбад̇д̇и басаарид̇аа, бхог̇асамбад̇д̇и басаарид̇аа, ааяусамбад̇д̇и басаарид̇аа, аарог̇яасамбад̇д̇и басаарид̇аа, ван̣н̣асамбад̇д̇и басаарид̇аа, бан̃н̃аасамбад̇д̇и басаарид̇аа, маанусигасамбад̇д̇и басаарид̇аа, д̣̇иб̣б̣асамбад̇д̇и басаарид̇аа, ниб̣б̣аанасамбад̇д̇и басаарид̇аа. д̇ад̇т̇а яз д̇ам̣ д̇ам̣ самбад̇д̇им̣ ижчанд̇и, д̇з гаммамуулам̣ д̣̇ад̇ваа бад̇т̇ид̇абад̇т̇ид̇ам̣ самбад̇д̇им̣ гин̣анд̇и, гзжи сийласамаад̣̇аанзна гин̣анд̇и, гзжи убосат̇агаммзна гин̣анд̇и, аббамад̇д̇агзнаби гаммамуулзна убаад̣̇ааяубаад̣̇ааяа самбад̇д̇ияо бадилабханд̇и. яат̇аа, махаарааж̇а, аабан̣игасса аабан̣з д̇иламуг̇г̇амаасз барид̇д̇агзнаби д̇ан̣д̣уламуг̇г̇амаасзна аббагзнаби муулзна убаад̣̇ааяубаад̣̇ааяа г̇ан̣ханд̇и, звамзва ко, махаарааж̇а, бхаг̇авад̇о саб̣б̣аабан̣з аббамад̇д̇агзнаби гаммамуулзна убаад̣̇ааяубаад̣̇ааяа самбад̇д̇ияо бадилабханд̇и. ид̣̇ам̣ вужжад̇и, махаарааж̇а, ‘бхаг̇авад̇о саб̣б̣аабан̣а’нд̇и.
‘‘Bhante nāgasena, katamaṃ buddhassa bhagavato sabbāpaṇa’’nti? ‘‘Sabbāpaṇaṃ kho, mahārāja, bhagavato navaṅgaṃ buddhavacanaṃ sārīrikāni pāribhogikāni cetiyāni saṅgharatanañca. Sabbāpaṇe, mahārāja, bhagavatā jātisampatti pasāritā, bhogasampatti pasāritā, āyusampatti pasāritā, ārogyasampatti pasāritā, vaṇṇasampatti pasāritā, paññāsampatti pasāritā, mānusikasampatti pasāritā, dibbasampatti pasāritā, nibbānasampatti pasāritā. Tattha ye taṃ taṃ sampattiṃ icchanti, te kammamūlaṃ datvā patthitapatthitaṃ sampattiṃ kiṇanti, keci sīlasamādānena kiṇanti, keci uposathakammena kiṇanti, appamattakenapi kammamūlena upādāyupādāya sampattiyo paṭilabhanti. Yathā, mahārāja, āpaṇikassa āpaṇe tilamuggamāse parittakenapi taṇḍulamuggamāsena appakenapi mūlena upādāyupādāya gaṇhanti, evameva kho, mahārāja, bhagavato sabbāpaṇe appamattakenapi kammamūlena upādāyupādāya sampattiyo paṭilabhanti. Idaṃ vuccati, mahārāja, ‘bhagavato sabbāpaṇa’nti.
‘‘‘ааяу арог̇ад̇аа ван̣н̣ам̣, саг̇г̇ам̣ ужжаагулийнад̇аа;
‘‘‘Āyu arogatā vaṇṇaṃ, saggaṃ uccākulīnatā;
асан̇кад̇ан̃жа амад̇ам̣, ад̇т̇и саб̣б̣аабан̣з ж̇инз.
Asaṅkhatañca amataṃ, atthi sabbāpaṇe jine.
‘‘‘аббзна б̣ахугзнааби, гаммамуулзна г̇аяхад̇и;
‘‘‘Appena bahukenāpi, kammamūlena gayhati;
гин̣ид̇ваа сад̣̇д̇хаамуулзна, самид̣̇д̇хаа хот̇а бхигкаво’д̇и.
Kiṇitvā saddhāmūlena, samiddhā hotha bhikkhavo’ti.
‘‘бхаг̇авад̇о ко, махаарааж̇а, д̇хамманаг̇арз зваруубаа ж̇анаа бадивасанд̇и, суд̇д̇анд̇игаа взнаяигаа аабхид̇хаммигаа д̇хаммагат̇игаа ж̇аад̇агабхаан̣агаа д̣̇ийгхабхаан̣агаа маж̇жхимабхаан̣агаа сам̣яуд̇д̇абхаан̣агаа ан̇г̇уд̇д̇арабхаан̣агаа куд̣̇д̣̇агабхаан̣агаа сийласамбаннаа самаад̇хисамбаннаа бан̃н̃аасамбаннаа б̣ож̇жхан̇г̇абхааванаарад̇аа вибассагаа сад̣̇ад̇т̇амануяуд̇д̇аа ааран̃н̃игаа ругкамуулигаа аб̣бхогаасигаа балаалабун̃ж̇игаа сосаанигаа нзсаж̇ж̇игаа бадибаннагаа паладтаа сзгкаа паласаман̇г̇ино сод̇аабаннаа сагад̣̇ааг̇аамино анааг̇аамино араханд̇о д̇звиж̇ж̇аа чал̣абхин̃н̃аа ид̣̇д̇химанд̇о бан̃н̃ааяа баарамим̣г̇ад̇аа сад̇ибадтаанасаммаббад̇хаанаид̣̇д̇хибаад̣̇аинд̣̇рияаб̣алаб̣ож̇жхан̇г̇амаг̇г̇аваражхаанавимогкаруу бааруубасанд̇асукасамаабад̇д̇игусалаа, д̇зхи араханд̇зхи аагулам̣ самаагулам̣ аагин̣н̣ам̣ самаагин̣н̣ам̣ нал̣аванасараванамива д̇хамманаг̇арам̣ ахоси. бхавад̇ийха –
‘‘Bhagavato kho, mahārāja, dhammanagare evarūpā janā paṭivasanti, suttantikā venayikā ābhidhammikā dhammakathikā jātakabhāṇakā dīghabhāṇakā majjhimabhāṇakā saṃyuttabhāṇakā aṅguttarabhāṇakā khuddakabhāṇakā sīlasampannā samādhisampannā paññāsampannā bojjhaṅgabhāvanāratā vipassakā sadatthamanuyuttā āraññikā rukkhamūlikā abbhokāsikā palālapuñjikā sosānikā nesajjikā paṭipannakā phalaṭṭhā sekkhā phalasamaṅgino sotāpannā sakadāgāmino anāgāmino arahanto tevijjā chaḷabhiññā iddhimanto paññāya pāramiṃgatā satipaṭṭhānasammappadhānaiddhipādaindriyabalabojjhaṅgamaggavarajhānavimokkharū pārūpasantasukhasamāpattikusalā, tehi arahantehi ākulaṃ samākulaṃ ākiṇṇaṃ samākiṇṇaṃ naḷavanasaravanamiva dhammanagaraṃ ahosi. Bhavatīha –
‘‘‘вийд̇арааг̇аа вийд̇ад̣̇осаа, вийд̇амохаа анаасаваа;
‘‘‘Vītarāgā vītadosā, vītamohā anāsavā;
вийд̇ад̇ан̣хаа анаад̣̇аанаа, д̇хамманаг̇арз васанд̇и д̇з.
Vītataṇhā anādānā, dhammanagare vasanti te.
‘‘‘ааран̃н̃игаа д̇худ̇ад̇хараа, жхааяино луукажийвараа;
‘‘‘Āraññikā dhutadharā, jhāyino lūkhacīvarā;
вивзгаабхирад̇аа д̇хийраа, д̇хамманаг̇арз васанд̇и д̇з.
Vivekābhiratā dhīrā, dhammanagare vasanti te.
‘‘‘нзсаж̇ж̇игаа сант̇ад̇игаа, ат̇оби таанажан̇гамаа;
‘‘‘Nesajjikā santhatikā, athopi ṭhānacaṅkamā;
бам̣сугуулад̇хараа саб̣б̣з, д̇хамманаг̇арз васанд̇и д̇з.
Paṃsukūladharā sabbe, dhammanagare vasanti te.
‘‘‘д̇ижийварад̇хараа санд̇аа, жаммакан̣д̣ажад̇уд̇т̇агаа;
‘‘‘Ticīvaradharā santā, cammakhaṇḍacatutthakā;
рад̇аа згаасанз вин̃н̃уу, д̇хамманаг̇арз васанд̇и д̇з.
Ratā ekāsane viññū, dhammanagare vasanti te.
‘‘‘аббижчаа нибагаа д̇хийраа, аббаахаараа алолубаа;
‘‘‘Appicchā nipakā dhīrā, appāhārā alolupā;
лаабхаалаабхзна санд̇удтаа, д̇хамманаг̇арз васанд̇и д̇з.
Lābhālābhena santuṭṭhā, dhammanagare vasanti te.
‘‘‘жхааяий жхаанарад̇аа д̇хийраа, санд̇ажид̇д̇аа самаахид̇аа;
‘‘‘Jhāyī jhānaratā dhīrā, santacittā samāhitā;
аагин̃жан̃н̃ам̣ бад̇т̇аяаанаа, д̇хамманаг̇арз васанд̇и д̇з.
Ākiñcaññaṃ patthayānā, dhammanagare vasanti te.
‘‘‘бадибаннаа паладтаа жа, сзгкаа паласаман̇г̇ино;
‘‘‘Paṭipannā phalaṭṭhā ca, sekkhā phalasamaṅgino;
аасийсагаа 33 уд̇д̇амад̇т̇ам̣, д̇хамманаг̇арз васанд̇и д̇з.
Āsīsakā 34 uttamatthaṃ, dhammanagare vasanti te.
‘‘‘сод̇аабаннаа жа вималаа, сагад̣̇ааг̇аамино жа яз;
‘‘‘Sotāpannā ca vimalā, sakadāgāmino ca ye;
анааг̇аамий жа араханд̇о, д̇хамманаг̇арз васанд̇и д̇з.
Anāgāmī ca arahanto, dhammanagare vasanti te.
‘‘‘сад̇ибадтаанагусалаа , б̣ож̇жхан̇г̇абхааванаарад̇аа;
‘‘‘Satipaṭṭhānakusalā , bojjhaṅgabhāvanāratā;
вибассагаа д̇хаммад̇хараа, д̇хамманаг̇арз васанд̇и д̇з.
Vipassakā dhammadharā, dhammanagare vasanti te.
‘‘‘ид̣̇д̇хибаад̣̇зсу гусалаа, самаад̇хибхааванаарад̇аа;
‘‘‘Iddhipādesu kusalā, samādhibhāvanāratā;
саммаббад̇хаанаануяуд̇д̇аа, д̇хамманаг̇арз васанд̇и д̇з.
Sammappadhānānuyuttā, dhammanagare vasanti te.
‘‘‘абхин̃н̃аабаарамиббад̇д̇аа, бзд̇д̇игз г̇ожарз рад̇аа;
‘‘‘Abhiññāpāramippattā, pettike gocare ratā;
анд̇алигкамхи жаран̣аа, д̇хамманаг̇арз васанд̇и д̇з.
Antalikkhamhi caraṇā, dhammanagare vasanti te.
‘‘‘огкид̇д̇ажагкуу мид̇абхаан̣ий, г̇уд̇д̇ад̣̇ваараа сусам̣вуд̇аа;
‘‘‘Okkhittacakkhū mitabhāṇī, guttadvārā susaṃvutā;
суд̣̇анд̇аа уд̇д̇амз д̣̇аммз 35, д̇хамманаг̇арз васанд̇и д̇з.
Sudantā uttame damme 36, dhammanagare vasanti te.
‘‘‘д̇звиж̇ж̇аа чал̣абхин̃н̃аа жа, ид̣̇д̇хияаа баарамим̣ г̇ад̇аа;
‘‘‘Tevijjā chaḷabhiññā ca, iddhiyā pāramiṃ gatā;
бан̃н̃ааяа баарамиббад̇д̇аа, д̇хамманаг̇арз васанд̇и д̇з’д̇и.
Paññāya pāramippattā, dhammanagare vasanti te’ti.
‘‘яз ко д̇з, махаарааж̇а, бхигкуу абаримид̇ан̃аан̣аварад̇хараа асан̇г̇аа ад̇улаг̇ун̣аа 37 ад̇улаяасаа ад̇улаб̣алаа ад̇улад̇зж̇аа д̇хаммажаггаануббавад̇д̇агаа бан̃н̃аабаарамим̣ г̇ад̇аа, зваруубаа ко, махаарааж̇а, бхигкуу бхаг̇авад̇о д̇хамманаг̇арз ‘д̇хаммасзнаабад̇ино’д̇и вужжанд̇и.
‘‘Ye kho te, mahārāja, bhikkhū aparimitañāṇavaradharā asaṅgā atulaguṇā 38 atulayasā atulabalā atulatejā dhammacakkānuppavattakā paññāpāramiṃ gatā, evarūpā kho, mahārāja, bhikkhū bhagavato dhammanagare ‘dhammasenāpatino’ti vuccanti.
‘‘яз бана д̇з, махаарааж̇а, бхигкуу ид̣̇д̇химанд̇о ад̇хиг̇ад̇аббадисамбхид̣̇аабад̇д̇авзсаараж̇ж̇аа г̇аг̇анажараа д̣̇ураасад̣̇аа д̣̇уббасахаа анааламб̣ажараа сасааг̇арамахид̇харабат̇авигамбаго жанд̣̇асуурияабаримаж̇ж̇агаа вигуб̣б̣анаад̇хидтаанаабхинийхаарагусалаа ид̣̇д̇хияаа баарамим̣ г̇ад̇аа, зваруубаа ко, махаарааж̇а, бхигкуу бхаг̇авад̇о д̇хамманаг̇арз ‘бурохид̇аа’д̇и вужжанд̇и.
‘‘Ye pana te, mahārāja, bhikkhū iddhimanto adhigatappaṭisambhidāpattavesārajjā gaganacarā durāsadā duppasahā anālambacarā sasāgaramahidharapathavikampako candasūriyaparimajjakā vikubbanādhiṭṭhānābhinīhārakusalā iddhiyā pāramiṃ gatā, evarūpā kho, mahārāja, bhikkhū bhagavato dhammanagare ‘purohitā’ti vuccanti.
‘‘яз бана д̇з, махаарааж̇а, бхигкуу д̇худ̇ан̇г̇амануг̇ад̇аа аббижчаа санд̇удтаа вин̃н̃ад̇д̇иманзсанаж̇иг̇ужчагаа бин̣д̣ааяа сабад̣̇аанажаарино бхамараава г̇анд̇хаманугхааяид̇ваа бависанд̇и вивид̇д̇агаананам̣, гааяз жа ж̇ийвид̇з жа нирабзгкаа арахад̇д̇амануббад̇д̇аа д̇худ̇ан̇г̇аг̇ун̣з аг̇г̇анигкид̇д̇аа, зваруубаа ко, махаарааж̇а, бхигкуу бхаг̇авад̇о д̇хамманаг̇арз ‘агкад̣̇ассаа’д̇и вужжанд̇и.
‘‘Ye pana te, mahārāja, bhikkhū dhutaṅgamanugatā appicchā santuṭṭhā viññattimanesanajigucchakā piṇḍāya sapadānacārino bhamarāva gandhamanughāyitvā pavisanti vivittakānanaṃ, kāye ca jīvite ca nirapekkhā arahattamanuppattā dhutaṅgaguṇe agganikkhittā, evarūpā kho, mahārāja, bhikkhū bhagavato dhammanagare ‘akkhadassā’ti vuccanti.
‘‘яз бана д̇з, махаарааж̇а, бхигкуу барисуд̣̇д̇хаа вималаа ниггилзсаа жуд̇уубабаад̇агусалаа д̣̇иб̣б̣ажагкумхи баарамим̣ г̇ад̇аа, зваруубаа ко, махаарааж̇а, бхигкуу бхаг̇авад̇о д̇хамманаг̇арз ‘наг̇араж̇од̇агаа’д̇и вужжанд̇и.
‘‘Ye pana te, mahārāja, bhikkhū parisuddhā vimalā nikkilesā cutūpapātakusalā dibbacakkhumhi pāramiṃ gatā, evarūpā kho, mahārāja, bhikkhū bhagavato dhammanagare ‘nagarajotakā’ti vuccanti.
‘‘яз бана д̇з, махаарааж̇а, бхигкуу б̣ахуссуд̇аа ааг̇ад̇ааг̇амаа д̇хаммад̇хараа винаяад̇хараа маад̇игаад̇хараа сит̇илад̇ханид̇ад̣̇ийгхарассаг̇аругалахугагкарабарижчзд̣̇агусалаа наван̇г̇асаасанад̇хараа, зваруубаа ко, махаарааж̇а, бхигкуу бхаг̇авад̇о д̇хамманаг̇арз ‘д̇хаммарагкаа’д̇и вужжанд̇и.
‘‘Ye pana te, mahārāja, bhikkhū bahussutā āgatāgamā dhammadharā vinayadharā mātikādharā sithiladhanitadīgharassagarukalahukakkharaparicchedakusalā navaṅgasāsanadharā, evarūpā kho, mahārāja, bhikkhū bhagavato dhammanagare ‘dhammarakkhā’ti vuccanti.
‘‘яз бана д̇з, махаарааж̇а, бхигкуу винаяан̃н̃уу винаяаговид̣̇аа таанаадтаанагусалаа 39 аабад̇д̇аанаабад̇д̇иг̇аругалахугасад̇згижчаад̇згижчавудтаанад̣̇зсанааниг̇г̇аха- бадигаммаосааран̣аниссааран̣абадисааран̣агусалаа винаяз баарамим̣ г̇ад̇аа, зваруубаа ко, махаарааж̇а, бхигкуу бхаг̇авад̇о д̇хамманаг̇арз ‘руубарагкаа’д̇и 40 вужжанд̇и.
‘‘яз бана д̇з, махаарааж̇а, бхигкуу вимуд̇д̇иварагусумамаалаб̣ад̣̇д̇хаа варабаварамахаг̇гхасздтабхаавамануббад̇д̇аа б̣ахуж̇анаганд̇амабхибад̇т̇ид̇аа, зваруубаа ко, махаарааж̇а, бхигкуу бхаг̇авад̇о д̇хамманаг̇арз ‘бубпаабан̣игаа’д̇и вужжанд̇и.
‘‘Ye pana te, mahārāja, bhikkhū vimuttivarakusumamālabaddhā varapavaramahagghaseṭṭhabhāvamanuppattā bahujanakantamabhipatthitā, evarūpā kho, mahārāja, bhikkhū bhagavato dhammanagare ‘pupphāpaṇikā’ti vuccanti.
‘‘яз бана д̇з, махаарааж̇а, бхигкуу жад̇усажжаабхисамаяаббадивид̣̇д̇хаа д̣̇идтасажжаа вин̃н̃аад̇асаасанаа жад̇уусу сааман̃н̃апалзсу д̇ин̣н̣авижигижчаа бадилад̣̇д̇хапаласукаа ан̃н̃зсамби бадибаннаанам̣ д̇з палз сам̣вибхаж̇анд̇и, зваруубаа ко, махаарааж̇а, бхигкуу бхаг̇авад̇о д̇хамманаг̇арз ‘палаабан̣игаа’д̇и вужжанд̇и.
‘‘Ye pana te, mahārāja, bhikkhū catusaccābhisamayappaṭividdhā diṭṭhasaccā viññātasāsanā catūsu sāmaññaphalesu tiṇṇavicikicchā paṭiladdhaphalasukhā aññesampi paṭipannānaṃ te phale saṃvibhajanti, evarūpā kho, mahārāja, bhikkhū bhagavato dhammanagare ‘phalāpaṇikā’ti vuccanti.
‘‘яз бана д̇з, махаарааж̇а, бхигкуу сийласам̣вараг̇анд̇хаманулид̇д̇аа 43 анзгавид̇хаб̣ахуг̇ун̣ад̇хараа гилзсамалад̣̇уг̇г̇анд̇хавид̇хамагаа, зваруубаа ко, махаарааж̇а, бхигкуу бхаг̇авад̇о д̇хамманаг̇арз ‘г̇анд̇хаабан̣игаа’д̇и вужжанд̇и.
‘‘Ye pana te, mahārāja, bhikkhū sīlasaṃvaragandhamanulittā 44 anekavidhabahuguṇadharā kilesamaladuggandhavidhamakā, evarūpā kho, mahārāja, bhikkhū bhagavato dhammanagare ‘gandhāpaṇikā’ti vuccanti.
‘‘яз бана д̇з, махаарааж̇а, бхигкуу д̇хаммагаамаа бияасамуд̣̇аахаараа абхид̇хаммз абхивинаяз ул̣аарабаамож̇ж̇аа аран̃н̃аг̇ад̇ааби ругкамуулаг̇ад̇ааби сун̃н̃ааг̇аараг̇ад̇ааби д̇хаммаварарасам̣ биванд̇и, гааязна ваажааяа манасаа д̇хаммаварарасамог̇аал̣хаа ад̇химад̇д̇абадибхаанаа д̇хаммзсу д̇хаммзсанаббадибаннаа ид̇о ваа д̇ад̇о ваа яад̇т̇а яад̇т̇а аббижчагат̇аа санд̇удтигат̇аа бавивзгагат̇аа асам̣саг̇г̇агат̇аа вийрияаарамбхагат̇аа сийлагат̇аа самаад̇хигат̇аа бан̃н̃аагат̇аа вимуд̇д̇игат̇аа вимуд̇д̇ин̃аан̣ад̣̇ассанагат̇аа , д̇ад̇т̇а д̇ад̇т̇а г̇анд̇ваа д̇ам̣ д̇ам̣ гат̇аарасам̣ биванд̇и, зваруубаа ко, махаарааж̇а, бхигкуу бхаг̇авад̇о д̇хамманаг̇арз ‘сон̣д̣аа бибаасаа’д̇и вужжанд̇и.
‘‘Ye pana te, mahārāja, bhikkhū dhammakāmā piyasamudāhārā abhidhamme abhivinaye uḷārapāmojjā araññagatāpi rukkhamūlagatāpi suññāgāragatāpi dhammavararasaṃ pivanti, kāyena vācāya manasā dhammavararasamogāḷhā adhimattapaṭibhānā dhammesu dhammesanappaṭipannā ito vā tato vā yattha yattha appicchakathā santuṭṭhikathā pavivekakathā asaṃsaggakathā vīriyārambhakathā sīlakathā samādhikathā paññākathā vimuttikathā vimuttiñāṇadassanakathā , tattha tattha gantvā taṃ taṃ kathārasaṃ pivanti, evarūpā kho, mahārāja, bhikkhū bhagavato dhammanagare ‘soṇḍā pipāsā’ti vuccanti.
‘‘яз бана д̇з, махаарааж̇а, бхигкуу буб̣б̣арад̇д̇аабарарад̇д̇ам̣ ж̇ааг̇арияаануяог̇амануяуд̇д̇аа нисаж̇ж̇адтаанажан̇гамзхи рад̇д̇инд̣̇ивам̣ вийд̇инаамзнд̇и, бхааванаануяог̇амануяуд̇д̇аа гилзсабадиб̣ааханааяа сад̣̇ад̇т̇аббасуд̇аа, зваруубаа ко, махаарааж̇а, бхигкуу бхаг̇авад̇о д̇хамманаг̇арз ‘наг̇араг̇уд̇д̇игаа’д̇и вужжанд̇и.
‘‘Ye pana te, mahārāja, bhikkhū pubbarattāpararattaṃ jāgariyānuyogamanuyuttā nisajjaṭṭhānacaṅkamehi rattindivaṃ vītināmenti, bhāvanānuyogamanuyuttā kilesapaṭibāhanāya sadatthappasutā, evarūpā kho, mahārāja, bhikkhū bhagavato dhammanagare ‘nagaraguttikā’ti vuccanti.
‘‘яз бана д̇з, махаарааж̇а, бхигкуу наван̇г̇ам̣ б̣уд̣̇д̇хаважанам̣ ад̇т̇ад̇о жа б̣яан̃ж̇анад̇о жа наяад̇о жа гааран̣ад̇о жа хзд̇уд̇о жа уд̣̇аахаран̣ад̇о жа ваажзнд̇и ануваажзнд̇и бхаасанд̇и анубхаасанд̇и, зваруубаа ко, махаарааж̇а, бхигкуу бхаг̇авад̇о д̇хамманаг̇арз ‘д̇хаммаабан̣игаа’д̇и вужжанд̇и.
‘‘Ye pana te, mahārāja, bhikkhū navaṅgaṃ buddhavacanaṃ atthato ca byañjanato ca nayato ca kāraṇato ca hetuto ca udāharaṇato ca vācenti anuvācenti bhāsanti anubhāsanti, evarūpā kho, mahārāja, bhikkhū bhagavato dhammanagare ‘dhammāpaṇikā’ti vuccanti.
‘‘яз бана д̇з, махаарааж̇а, бхигкуу д̇хаммарад̇анабхог̇зна ааг̇амабарияад̇д̇исуд̇абхог̇зна бхог̇ино д̇ханино нид̣̇д̣̇идтасараб̣яан̃ж̇аналагкан̣аббадивзд̇хаа вин̃н̃уу паран̣аа, зваруубаа ко, махаарааж̇а, бхигкуу бхаг̇авад̇о д̇хамманаг̇арз ‘д̇хаммасздтино’д̇и вужжанд̇и.
‘‘Ye pana te, mahārāja, bhikkhū dhammaratanabhogena āgamapariyattisutabhogena bhogino dhanino niddiṭṭhasarabyañjanalakkhaṇappaṭivedhā viññū pharaṇā, evarūpā kho, mahārāja, bhikkhū bhagavato dhammanagare ‘dhammaseṭṭhino’ti vuccanti.
‘‘яз бана д̇з, махаарааж̇а, бхигкуу ул̣аарад̣̇зсанаабадивзд̇хаа барижин̣н̣аарамман̣авибхад̇д̇инид̣̇д̣̇зсаа сигкааг̇ун̣абаарамиббад̇д̇аа, зваруубаа ко, махаарааж̇а, бхигкуу бхаг̇авад̇о д̇хамманаг̇арз ‘виссуд̇ад̇хаммигаа’д̇и вужжанд̇и.
‘‘Ye pana te, mahārāja, bhikkhū uḷāradesanāpaṭivedhā pariciṇṇārammaṇavibhattiniddesā sikkhāguṇapāramippattā, evarūpā kho, mahārāja, bhikkhū bhagavato dhammanagare ‘vissutadhammikā’ti vuccanti.
‘‘звам̣ сувибхад̇д̇ам̣ ко, махаарааж̇а, бхаг̇авад̇о д̇хамманаг̇арам̣ звам̣ сумаабид̇ам̣ звам̣ сувихид̇ам̣ звам̣ субарибуурид̇ам̣ звам̣ сувавад̇т̇аабид̇ам̣ звам̣ сурагкид̇ам̣ звам̣ суг̇обид̇ам̣ звам̣ д̣̇уббасаяхам̣ бажжад̇т̇игзхи бажжаамид̇д̇зхи, иминаа, махаарааж̇а, гааран̣зна иминаа хзд̇унаа иминаа наязна иминаа анумаанзна н̃аад̇аб̣б̣ам̣ ад̇т̇и со бхаг̇аваад̇и.
‘‘Evaṃ suvibhattaṃ kho, mahārāja, bhagavato dhammanagaraṃ evaṃ sumāpitaṃ evaṃ suvihitaṃ evaṃ suparipūritaṃ evaṃ suvavatthāpitaṃ evaṃ surakkhitaṃ evaṃ sugopitaṃ evaṃ duppasayhaṃ paccatthikehi paccāmittehi, iminā, mahārāja, kāraṇena iminā hetunā iminā nayena iminā anumānena ñātabbaṃ atthi so bhagavāti.
‘‘‘яат̇ааби наг̇арам̣ д̣̇исваа, сувибхад̇д̇ам̣ манорамам̣;
‘‘‘Yathāpi nagaraṃ disvā, suvibhattaṃ manoramaṃ;
анумаанзна ж̇аананд̇и, вад̣дхагисса махад̇д̇анам̣.
Anumānena jānanti, vaḍḍhakissa mahattanaṃ.
‘‘‘д̇ат̇зва логанаат̇асса, д̣̇исваа д̇хаммабурам̣ варам̣;
‘‘‘Tatheva lokanāthassa, disvā dhammapuraṃ varaṃ;
анумаанзна ж̇аананд̇и, ад̇т̇и со бхаг̇аваа ид̇и.
Anumānena jānanti, atthi so bhagavā iti.
‘‘‘анумаанзна ж̇аананд̇и, уумим̣ д̣̇исваана сааг̇арз;
‘‘‘Anumānena jānanti, ūmiṃ disvāna sāgare;
яат̇ааяам̣ д̣̇иссад̇з ууми, маханд̇о со бхависсад̇и.
Yathāyaṃ dissate ūmi, mahanto so bhavissati.
‘‘‘д̇ат̇аа б̣уд̣̇д̇хам̣ согануд̣̇ам̣, саб̣б̣ад̇т̇амабарааж̇ид̇ам̣;
‘‘‘Tathā buddhaṃ sokanudaṃ, sabbatthamaparājitaṃ;
д̇ан̣хагкаяамануббад̇д̇ам̣, бхавасам̣саараможанам̣.
Taṇhakkhayamanuppattaṃ, bhavasaṃsāramocanaṃ.
‘‘‘анумаанзна н̃аад̇аб̣б̣ам̣, уумим̣ д̣̇исваа сад̣̇звагз;
‘‘‘Anumānena ñātabbaṃ, ūmiṃ disvā sadevake;
яат̇аа д̇хаммуумивибпааро, аг̇г̇о б̣уд̣̇д̇хо бхависсад̇и.
Yathā dhammūmivipphāro, aggo buddho bhavissati.
‘‘‘анумаанзна ж̇аананд̇и, д̣̇исваа ажжуг̇г̇ад̇ам̣ г̇ирим̣;
‘‘‘Anumānena jānanti, disvā accuggataṃ giriṃ;
яат̇аа ажжуг̇г̇ад̇о зсо, химаваа со бхависсад̇и.
Yathā accuggato eso, himavā so bhavissati.
‘‘‘д̇ат̇аа д̣̇исваа д̇хаммаг̇ирим̣, сийд̇ийбхууд̇ам̣ нируубад̇хим̣;
‘‘‘Tathā disvā dhammagiriṃ, sītībhūtaṃ nirūpadhiṃ;
ажжуг̇г̇ад̇ам̣ бхаг̇авад̇о, ажалам̣ суббад̇идтид̇ам̣.
Accuggataṃ bhagavato, acalaṃ suppatiṭṭhitaṃ.
‘‘‘анумаанзна н̃аад̇аб̣б̣ам̣, д̣̇исваана д̇хаммабаб̣б̣ад̇ам̣;
‘‘‘Anumānena ñātabbaṃ, disvāna dhammapabbataṃ;
д̇ат̇аа хи со махаавийро, аг̇г̇о б̣уд̣̇д̇хо бхависсад̇и.
Tathā hi so mahāvīro, aggo buddho bhavissati.
‘‘‘яат̇ааби г̇аж̇арааж̇асса, бад̣̇ам̣ д̣̇исваана маанусаа;
‘‘‘Yathāpi gajarājassa, padaṃ disvāna mānusā;
анумаанзна ж̇аананд̇и, махаа зсо г̇аж̇о ид̇и.
Anumānena jānanti, mahā eso gajo iti.
‘‘‘д̇ат̇зва б̣уд̣̇д̇ханааг̇асса, бад̣̇ам̣ д̣̇исваа вибхаавино;
‘‘‘Tatheva buddhanāgassa, padaṃ disvā vibhāvino;
анумаанзна ж̇аананд̇и, ул̣ааро со бхависсад̇и.
Anumānena jānanti, uḷāro so bhavissati.
‘‘‘анумаанзна ж̇аананд̇и, бхийд̇з д̣̇исваана гуммиг̇з;
‘‘‘Anumānena jānanti, bhīte disvāna kummige;
миг̇арааж̇асса сад̣̇д̣̇зна, бхийд̇аамз гуммиг̇аа ид̇и.
Migarājassa saddena, bhītāme kummigā iti.
‘‘‘д̇ат̇зва д̇ид̇т̇ияз д̣̇исваа, вид̇т̇ад̇з бхийд̇амаанасз;
‘‘‘Tatheva titthiye disvā, vitthate bhītamānase;
анумаанзна н̃аад̇аб̣б̣ам̣, д̇хаммарааж̇зна г̇аж̇ж̇ид̇ам̣.
Anumānena ñātabbaṃ, dhammarājena gajjitaṃ.
‘‘‘ниб̣б̣уд̇ам̣ бат̇авим̣ д̣̇исваа, харид̇абад̇д̇ам̣ маход̣̇игам̣;
‘‘‘Nibbutaṃ pathaviṃ disvā, haritapattaṃ mahodikaṃ;
анумаанзна ж̇аананд̇и, махаамзгхзна ниб̣б̣уд̇ам̣.
Anumānena jānanti, mahāmeghena nibbutaṃ.
‘‘‘д̇ат̇звимам̣ ж̇анам̣ д̣̇исваа, аамод̣̇ид̇абамод̣̇ид̇ам̣;
‘‘‘Tathevimaṃ janaṃ disvā, āmoditapamoditaṃ;
анумаанзна н̃аад̇аб̣б̣ам̣, д̇хаммамзгхзна д̇аббид̇ам̣.
Anumānena ñātabbaṃ, dhammameghena tappitaṃ.
‘‘‘лаг̇г̇ам̣ д̣̇исваа бхусам̣ бан̇гам̣, галалад̣̇д̣̇аг̇ад̇ам̣ махим̣;
‘‘‘Laggaṃ disvā bhusaṃ paṅkaṃ, kalaladdagataṃ mahiṃ;
анумаанзна ж̇аананд̇и, вааригканд̇хо махаа г̇ад̇о.
Anumānena jānanti, vārikkhandho mahā gato.
‘‘‘д̇ат̇звимам̣ ж̇анам̣ д̣̇исваа, раж̇абан̇гасамохид̇ам̣;
‘‘‘Tathevimaṃ janaṃ disvā, rajapaṅkasamohitaṃ;
вахид̇ам̣ д̇хамманад̣̇ияаа, висадтам̣ д̇хаммасааг̇арз.
Vahitaṃ dhammanadiyā, visaṭṭhaṃ dhammasāgare.
‘‘‘д̇хаммаамад̇аг̇ад̇ам̣ д̣̇исваа, сад̣̇звагамимам̣ махим̣;
‘‘‘Dhammāmatagataṃ disvā, sadevakamimaṃ mahiṃ;
анумаанзна н̃аад̇аб̣б̣ам̣, д̇хаммагканд̇хо махаа г̇ад̇о.
Anumānena ñātabbaṃ, dhammakkhandho mahā gato.
‘‘‘анумаанзна ж̇аананд̇и, гхааяид̇ваа г̇анд̇хамуд̇д̇амам̣;
‘‘‘Anumānena jānanti, ghāyitvā gandhamuttamaṃ;
яат̇ааяам̣ вааяад̇з г̇анд̇хо, хзссанд̇и бубпид̇аа д̣̇умаа.
Yathāyaṃ vāyate gandho, hessanti pupphitā dumā.
‘‘‘д̇ат̇звааяам̣ сийлаг̇анд̇хо, бавааяад̇и сад̣̇звагз;
‘‘‘Tathevāyaṃ sīlagandho, pavāyati sadevake;
анумаанзна н̃аад̇аб̣б̣ам̣, ад̇т̇и б̣уд̣̇д̇хо ануд̇д̇аро’д̇и.
Anumānena ñātabbaṃ, atthi buddho anuttaro’ti.
‘‘зваруубзна ко, махаарааж̇а, гааран̣асад̇зна гааран̣асахассзна хзд̇усад̇зна хзд̇усахассзна наяасад̇зна наяасахассзна обаммасад̇зна обаммасахассзна саггаа б̣уд̣̇д̇хаб̣алам̣ убад̣̇ассаяид̇ум̣. яат̇аа, махаарааж̇а, д̣̇агко маалаагааро наанаабубпараасимхаа аажарияаанусидтияаа бажжад̇д̇абурисагаарзна вижид̇д̇ам̣ маалааг̇ун̣араасим̣ гарзяяа, звамзва ко, махаарааж̇а, со бхаг̇аваа вижид̇д̇абубпарааси вияа ананд̇аг̇ун̣о аббамзяяаг̇ун̣о, ахамзд̇арахи ж̇инасаасанз маалаагааро вияа бубпаг̇ант̇аго буб̣б̣агаанам̣ аажарияаанам̣ маг̇г̇знаби маяхам̣ б̣уд̣̇д̇хиб̣алзнаби асан̇кязяязнаби гааран̣зна анумаанзна б̣уд̣̇д̇хаб̣алам̣ д̣̇ийбаяиссаами, д̇вам̣ банзд̇т̇а чанд̣̇ам̣ ж̇анзхи саванааяаа’’д̇и.
‘‘Evarūpena kho, mahārāja, kāraṇasatena kāraṇasahassena hetusatena hetusahassena nayasatena nayasahassena opammasatena opammasahassena sakkā buddhabalaṃ upadassayituṃ. Yathā, mahārāja, dakkho mālākāro nānāpuppharāsimhā ācariyānusiṭṭhiyā paccattapurisakārena vicittaṃ mālāguṇarāsiṃ kareyya, evameva kho, mahārāja, so bhagavā vicittapuppharāsi viya anantaguṇo appameyyaguṇo, ahametarahi jinasāsane mālākāro viya pupphaganthako pubbakānaṃ ācariyānaṃ maggenapi mayhaṃ buddhibalenapi asaṅkhyeyyenapi kāraṇena anumānena buddhabalaṃ dīpayissāmi, tvaṃ panettha chandaṃ janehi savanāyā’’ti.
‘‘д̣̇уггарам̣ , бханд̇з нааг̇асзна, ан̃н̃зсам̣ зваруубзна гааран̣зна анумаанзна б̣уд̣̇д̇хаб̣алам̣ убад̣̇ассаяид̇ум̣, ниб̣б̣уд̇осми, бханд̇з нааг̇асзна, д̇умхаагам̣ барамавижид̇д̇зна бан̃хавзяяаагаран̣знаа’’д̇и.
‘‘Dukkaraṃ , bhante nāgasena, aññesaṃ evarūpena kāraṇena anumānena buddhabalaṃ upadassayituṃ, nibbutosmi, bhante nāgasena, tumhākaṃ paramavicittena pañhaveyyākaraṇenā’’ti.
анумаанабан̃хо батамо.
Anumānapañho paṭhamo.
Footnotes:
