| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
5. анумаанасуд̇д̇ам̣
5. Anumānasuttaṃ
181. звам̣ мз суд̇ам̣ – згам̣ самаяам̣ ааяасмаа махаамог̇г̇аллаано бхаг̇г̇зсу вихарад̇и сусумаараг̇ирз 1 бхзсагал̣ааванз миг̇ад̣̇ааяз. д̇ад̇ра ко ааяасмаа махаамог̇г̇аллаано бхигкуу ааманд̇зси – ‘‘аавусо, бхигкаво’’д̇и. ‘‘аавусо’’д̇и ко д̇з бхигкуу ааяасмад̇о махаамог̇г̇аллаанасса бажжассосум̣. ааяасмаа махаамог̇г̇аллаано зд̇ад̣̇авожа –
181. Evaṃ me sutaṃ – ekaṃ samayaṃ āyasmā mahāmoggallāno bhaggesu viharati susumāragire 2 bhesakaḷāvane migadāye. Tatra kho āyasmā mahāmoggallāno bhikkhū āmantesi – ‘‘āvuso, bhikkhavo’’ti. ‘‘Āvuso’’ti kho te bhikkhū āyasmato mahāmoggallānassa paccassosuṃ. Āyasmā mahāmoggallāno etadavoca –
‘‘баваарзд̇и жзби, аавусо, бхигку – ‘вад̣̇анд̇у мам̣ ааяасманд̇о, важанийяомхи ааяасманд̇зхий’д̇и, со жа ход̇и д̣̇уб̣б̣ажо, д̣̇оважассагаран̣зхи д̇хаммзхи саманнааг̇ад̇о, агкамо аббад̣̇агкин̣аг̇г̇аахий анусаасаним̣, ат̇а ко нам̣ саб̣рахмажаарий на жзва вад̇д̇аб̣б̣ам̣ ман̃н̃анд̇и, на жа анусаасид̇аб̣б̣ам̣ ман̃н̃анд̇и, на жа д̇асмим̣ буг̇г̇алз виссаасам̣ аабаж̇ж̇ид̇аб̣б̣ам̣ ман̃н̃анд̇и.
‘‘Pavāreti cepi, āvuso, bhikkhu – ‘vadantu maṃ āyasmanto, vacanīyomhi āyasmantehī’ti, so ca hoti dubbaco, dovacassakaraṇehi dhammehi samannāgato, akkhamo appadakkhiṇaggāhī anusāsaniṃ, atha kho naṃ sabrahmacārī na ceva vattabbaṃ maññanti, na ca anusāsitabbaṃ maññanti, na ca tasmiṃ puggale vissāsaṃ āpajjitabbaṃ maññanti.
‘‘гад̇амз жаавусо, д̣̇оважассагаран̣аа д̇хаммаа? ид̇хаавусо, бхигку баабижчо ход̇и, баабигаанам̣ ижчаанам̣ васам̣ г̇ад̇о. яамбаавусо, бхигку баабижчо ход̇и, баабигаанам̣ ижчаанам̣ васам̣ г̇ад̇о – аяамби д̇хаммо д̣̇оважассагаран̣о.
‘‘Katame cāvuso, dovacassakaraṇā dhammā? Idhāvuso, bhikkhu pāpiccho hoti, pāpikānaṃ icchānaṃ vasaṃ gato. Yampāvuso, bhikkhu pāpiccho hoti, pāpikānaṃ icchānaṃ vasaṃ gato – ayampi dhammo dovacassakaraṇo.
‘‘буна жабарам̣, аавусо, бхигку ад̇д̇уггам̣саго ход̇и баравамбхий. яамбаавусо, бхигку ад̇д̇уггам̣саго ход̇и баравамбхий – аяамби д̇хаммо д̣̇оважассагаран̣о.
‘‘Puna caparaṃ, āvuso, bhikkhu attukkaṃsako hoti paravambhī. Yampāvuso, bhikkhu attukkaṃsako hoti paravambhī – ayampi dhammo dovacassakaraṇo.
‘‘буна жабарам̣, аавусо, бхигку год̇хано ход̇и год̇хаабхибхууд̇о. яамбаавусо, бхигку год̇хано ход̇и год̇хаабхибхууд̇о – аяамби д̇хаммо д̣̇оважассагаран̣о.
‘‘Puna caparaṃ, āvuso, bhikkhu kodhano hoti kodhābhibhūto. Yampāvuso, bhikkhu kodhano hoti kodhābhibhūto – ayampi dhammo dovacassakaraṇo.
‘‘буна жабарам̣, аавусо , бхигку год̇хано ход̇и год̇хахзд̇у убанаахий. яамбаавусо, бхигку год̇хано ход̇и год̇хахзд̇у убанаахий – аяамби д̇хаммо д̣̇оважассагаран̣о.
‘‘Puna caparaṃ, āvuso , bhikkhu kodhano hoti kodhahetu upanāhī. Yampāvuso, bhikkhu kodhano hoti kodhahetu upanāhī – ayampi dhammo dovacassakaraṇo.
‘‘буна жабарам̣, аавусо, бхигку год̇хано ход̇и год̇хахзд̇у абхисан̇г̇ий. яамбаавусо, бхигку год̇хано ход̇и год̇хахзд̇у абхисан̇г̇ий – аяамби д̇хаммо д̣̇оважассагаран̣о.
‘‘Puna caparaṃ, āvuso, bhikkhu kodhano hoti kodhahetu abhisaṅgī. Yampāvuso, bhikkhu kodhano hoti kodhahetu abhisaṅgī – ayampi dhammo dovacassakaraṇo.
‘‘буна жабарам̣, аавусо, бхигку год̇хано ход̇и год̇хасааманд̇аа 3 ваажам̣ нижчаарзд̇аа. яамбаавусо, бхигку год̇хано ход̇и год̇хасааманд̇аа ваажам̣ нижчаарзд̇аа – аяамби д̇хаммо д̣̇оважассагаран̣о.
‘‘Puna caparaṃ, āvuso, bhikkhu kodhano hoti kodhasāmantā 4 vācaṃ nicchāretā. Yampāvuso, bhikkhu kodhano hoti kodhasāmantā vācaṃ nicchāretā – ayampi dhammo dovacassakaraṇo.
‘‘буна жабарам̣, аавусо, бхигку жод̣̇ид̇о 5 жод̣̇агзна жод̣̇агам̣ бадибпарад̇и. яамбаавусо, бхигку жод̣̇ид̇о жод̣̇агзна жод̣̇агам̣ бадибпарад̇и – аяамби д̇хаммо д̣̇оважассагаран̣о.
‘‘Puna caparaṃ, āvuso, bhikkhu codito 6 codakena codakaṃ paṭippharati. Yampāvuso, bhikkhu codito codakena codakaṃ paṭippharati – ayampi dhammo dovacassakaraṇo.
‘‘буна жабарам̣, аавусо, бхигку жод̣̇ид̇о жод̣̇агзна жод̣̇агам̣ абасаад̣̇зд̇и. яамбаавусо, бхигку жод̣̇ид̇о жод̣̇агзна жод̣̇агам̣ абасаад̣̇зд̇и – аяамби д̇хаммо д̣̇оважассагаран̣о.
‘‘Puna caparaṃ, āvuso, bhikkhu codito codakena codakaṃ apasādeti. Yampāvuso, bhikkhu codito codakena codakaṃ apasādeti – ayampi dhammo dovacassakaraṇo.
‘‘буна жабарам̣ , аавусо, бхигку жод̣̇ид̇о жод̣̇агзна жод̣̇агасса бажжааробзд̇и. яамбаавусо, бхигку жод̣̇ид̇о жод̣̇агзна жод̣̇агасса бажжааробзд̇и – аяамби д̇хаммо д̣̇оважассагаран̣о.
‘‘Puna caparaṃ , āvuso, bhikkhu codito codakena codakassa paccāropeti. Yampāvuso, bhikkhu codito codakena codakassa paccāropeti – ayampi dhammo dovacassakaraṇo.
‘‘буна жабарам̣, аавусо, бхигку жод̣̇ид̇о жод̣̇агзна ан̃н̃знан̃н̃ам̣ бадижарад̇и, б̣ахид̣̇д̇хаа гат̇ам̣ абанаамзд̇и, гобан̃жа д̣̇осан̃жа аббажжаяан̃жа баад̇угарод̇и. яамбаавусо, бхигку жод̣̇ид̇о жод̣̇агзна ан̃н̃знан̃н̃ам̣ бадижарад̇и, б̣ахид̣̇д̇хаа гат̇ам̣ абанаамзд̇и, гобан̃жа д̣̇осан̃жа аббажжаяан̃жа баад̇угарод̇и – аяамби д̇хаммо д̣̇оважассагаран̣о.
‘‘Puna caparaṃ, āvuso, bhikkhu codito codakena aññenaññaṃ paṭicarati, bahiddhā kathaṃ apanāmeti, kopañca dosañca appaccayañca pātukaroti. Yampāvuso, bhikkhu codito codakena aññenaññaṃ paṭicarati, bahiddhā kathaṃ apanāmeti, kopañca dosañca appaccayañca pātukaroti – ayampi dhammo dovacassakaraṇo.
‘‘буна жабарам̣, аавусо, бхигку жод̣̇ид̇о жод̣̇агзна абад̣̇аанз на самбааяад̇и. яамбаавусо, бхигку жод̣̇ид̇о жод̣̇агзна абад̣̇аанз на самбааяад̇и – аяамби д̇хаммо д̣̇оважассагаран̣о.
‘‘Puna caparaṃ, āvuso, bhikkhu codito codakena apadāne na sampāyati. Yampāvuso, bhikkhu codito codakena apadāne na sampāyati – ayampi dhammo dovacassakaraṇo.
‘‘буна жабарам̣, аавусо, бхигку магкий ход̇и бал̣аасий. яамбаавусо, бхигку магкий ход̇и бал̣аасий – аяамби д̇хаммо д̣̇оважассагаран̣о.
‘‘Puna caparaṃ, āvuso, bhikkhu makkhī hoti paḷāsī. Yampāvuso, bhikkhu makkhī hoti paḷāsī – ayampi dhammo dovacassakaraṇo.
‘‘буна жабарам̣, аавусо, бхигку иссугий ход̇и мажчарий. яамбаавусо, бхигку иссугий ход̇и мажчарий – аяамби д̇хаммо д̣̇оважассагаран̣о.
‘‘Puna caparaṃ, āvuso, bhikkhu issukī hoti maccharī. Yampāvuso, bhikkhu issukī hoti maccharī – ayampi dhammo dovacassakaraṇo.
‘‘буна жабарам̣, аавусо, бхигку сато ход̇и мааяаавий. яамбаавусо, бхигку сато ход̇и мааяаавий – аяамби д̇хаммо д̣̇оважассагаран̣о.
‘‘Puna caparaṃ, āvuso, bhikkhu saṭho hoti māyāvī. Yampāvuso, bhikkhu saṭho hoti māyāvī – ayampi dhammo dovacassakaraṇo.
‘‘буна жабарам̣, аавусо, бхигку т̇ад̣̇д̇хо ход̇и ад̇имааний. яамбаавусо, бхигку т̇ад̣̇д̇хо ход̇и ад̇имааний – аяамби д̇хаммо д̣̇оважассагаран̣о.
‘‘Puna caparaṃ, āvuso, bhikkhu thaddho hoti atimānī. Yampāvuso, bhikkhu thaddho hoti atimānī – ayampi dhammo dovacassakaraṇo.
‘‘буна жабарам̣, аавусо, бхигку санд̣̇идтибараамаасий ход̇и аад̇хаанаг̇г̇аахий д̣̇уббадиниссаг̇г̇ий. яамбаавусо, бхигку санд̣̇идтибараамаасий ход̇и аад̇хаанаг̇г̇аахий д̣̇уббадиниссаг̇г̇ий – аяамби д̇хаммо д̣̇оважассагаран̣о. имз вужжанд̇аавусо, д̣̇оважассагаран̣аа д̇хаммаа.
‘‘Puna caparaṃ, āvuso, bhikkhu sandiṭṭhiparāmāsī hoti ādhānaggāhī duppaṭinissaggī. Yampāvuso, bhikkhu sandiṭṭhiparāmāsī hoti ādhānaggāhī duppaṭinissaggī – ayampi dhammo dovacassakaraṇo. Ime vuccantāvuso, dovacassakaraṇā dhammā.
182. ‘‘но жзби, аавусо, бхигку баваарзд̇и – ‘вад̣̇анд̇у мам̣ ааяасманд̇о, важанийяомхи ааяасманд̇зхий’д̇и, со жа ход̇и суважо, соважассагаран̣зхи д̇хаммзхи саманнааг̇ад̇о, камо бад̣̇агкин̣аг̇г̇аахий анусаасаним̣, ат̇а ко нам̣ саб̣рахмажаарий вад̇д̇аб̣б̣ан̃жзва ман̃н̃анд̇и, анусаасид̇аб̣б̣ан̃жа ман̃н̃анд̇и, д̇асмин̃жа буг̇г̇алз виссаасам̣ аабаж̇ж̇ид̇аб̣б̣ам̣ ман̃н̃анд̇и.
182. ‘‘No cepi, āvuso, bhikkhu pavāreti – ‘vadantu maṃ āyasmanto, vacanīyomhi āyasmantehī’ti, so ca hoti suvaco, sovacassakaraṇehi dhammehi samannāgato, khamo padakkhiṇaggāhī anusāsaniṃ, atha kho naṃ sabrahmacārī vattabbañceva maññanti, anusāsitabbañca maññanti, tasmiñca puggale vissāsaṃ āpajjitabbaṃ maññanti.
‘‘гад̇амз жаавусо, соважассагаран̣аа д̇хаммаа? ид̇хаавусо, бхигку на баабижчо ход̇и, на баабигаанам̣ ижчаанам̣ васам̣ г̇ад̇о. яамбаавусо, бхигку на баабижчо ход̇и на баабигаанам̣ ижчаанам̣ васам̣ г̇ад̇о – аяамби д̇хаммо соважассагаран̣о.
‘‘Katame cāvuso, sovacassakaraṇā dhammā? Idhāvuso, bhikkhu na pāpiccho hoti, na pāpikānaṃ icchānaṃ vasaṃ gato. Yampāvuso, bhikkhu na pāpiccho hoti na pāpikānaṃ icchānaṃ vasaṃ gato – ayampi dhammo sovacassakaraṇo.
‘‘буна жабарам̣, аавусо, бхигку анад̇д̇уггам̣саго ход̇и абаравамбхий. яамбаавусо, бхигку анад̇д̇уггам̣саго ход̇и абаравамбхий – аяамби д̇хаммо соважассагаран̣о.
‘‘Puna caparaṃ, āvuso, bhikkhu anattukkaṃsako hoti aparavambhī. Yampāvuso, bhikkhu anattukkaṃsako hoti aparavambhī – ayampi dhammo sovacassakaraṇo.
‘‘буна жабарам̣, аавусо, бхигку на год̇хано ход̇и на год̇хаабхибхууд̇о. яамбаавусо, бхигку на год̇хано ход̇и на год̇хаабхибхууд̇о – аяамби д̇хаммо соважассагаран̣о.
‘‘Puna caparaṃ, āvuso, bhikkhu na kodhano hoti na kodhābhibhūto. Yampāvuso, bhikkhu na kodhano hoti na kodhābhibhūto – ayampi dhammo sovacassakaraṇo.
‘‘буна жабарам̣, аавусо, бхигку на год̇хано ход̇и на год̇хахзд̇у убанаахий. яамбаавусо, бхигку на год̇хано ход̇и на год̇хахзд̇у убанаахий – аяамби д̇хаммо соважассагаран̣о.
‘‘Puna caparaṃ, āvuso, bhikkhu na kodhano hoti na kodhahetu upanāhī. Yampāvuso, bhikkhu na kodhano hoti na kodhahetu upanāhī – ayampi dhammo sovacassakaraṇo.
‘‘буна жабарам̣, аавусо, бхигку на год̇хано ход̇и на год̇хахзд̇у абхисан̇г̇ий. яамбаавусо, бхигку на год̇хано ход̇и на год̇хахзд̇у абхисан̇г̇ий – аяамби д̇хаммо соважассагаран̣о.
‘‘Puna caparaṃ, āvuso, bhikkhu na kodhano hoti na kodhahetu abhisaṅgī. Yampāvuso, bhikkhu na kodhano hoti na kodhahetu abhisaṅgī – ayampi dhammo sovacassakaraṇo.
‘‘буна жабарам̣, аавусо, бхигку на год̇хано ход̇и на год̇хасааманд̇аа ваажам̣ нижчаарзд̇аа. яамбаавусо , бхигку на год̇хано ход̇и на год̇хасааманд̇аа ваажам̣ нижчаарзд̇аа – аяамби д̇хаммо соважассагаран̣о.
‘‘Puna caparaṃ, āvuso, bhikkhu na kodhano hoti na kodhasāmantā vācaṃ nicchāretā. Yampāvuso , bhikkhu na kodhano hoti na kodhasāmantā vācaṃ nicchāretā – ayampi dhammo sovacassakaraṇo.
‘‘буна жабарам̣, аавусо, бхигку жод̣̇ид̇о жод̣̇агзна жод̣̇агам̣ наббадибпарад̇и. яамбаавусо, бхигку жод̣̇ид̇о жод̣̇агзна жод̣̇агам̣ наббадибпарад̇и – аяамби д̇хаммо соважассагаран̣о .
‘‘Puna caparaṃ, āvuso, bhikkhu codito codakena codakaṃ nappaṭippharati. Yampāvuso, bhikkhu codito codakena codakaṃ nappaṭippharati – ayampi dhammo sovacassakaraṇo .
‘‘буна жабарам̣, аавусо, бхигку жод̣̇ид̇о жод̣̇агзна жод̣̇агам̣ на абасаад̣̇зд̇и. яамбаавусо, бхигку жод̣̇ид̇о жод̣̇агзна жод̣̇агам̣ на абасаад̣̇зд̇и – аяамби д̇хаммо соважассагаран̣о.
‘‘Puna caparaṃ, āvuso, bhikkhu codito codakena codakaṃ na apasādeti. Yampāvuso, bhikkhu codito codakena codakaṃ na apasādeti – ayampi dhammo sovacassakaraṇo.
‘‘буна жабарам̣, аавусо, бхигку жод̣̇ид̇о жод̣̇агзна жод̣̇агасса на бажжааробзд̇и. яамбаавусо, бхигку жод̣̇ид̇о жод̣̇агзна жод̣̇агасса на бажжааробзд̇и – аяамби д̇хаммо соважассагаран̣о.
‘‘Puna caparaṃ, āvuso, bhikkhu codito codakena codakassa na paccāropeti. Yampāvuso, bhikkhu codito codakena codakassa na paccāropeti – ayampi dhammo sovacassakaraṇo.
‘‘буна жабарам̣, аавусо, бхигку жод̣̇ид̇о жод̣̇агзна на ан̃н̃знан̃н̃ам̣ бадижарад̇и, на б̣ахид̣̇д̇хаа гат̇ам̣ абанаамзд̇и, на гобан̃жа д̣̇осан̃жа аббажжаяан̃жа баад̇угарод̇и. яамбаавусо, бхигку жод̣̇ид̇о жод̣̇агзна на ан̃н̃знан̃н̃ам̣ бадижарад̇и, на б̣ахид̣̇д̇хаа гат̇ам̣ абанаамзд̇и, на гобан̃жа д̣̇осан̃жа аббажжаяан̃жа баад̇угарод̇и – аяамби д̇хаммо соважассагаран̣о.
‘‘Puna caparaṃ, āvuso, bhikkhu codito codakena na aññenaññaṃ paṭicarati, na bahiddhā kathaṃ apanāmeti, na kopañca dosañca appaccayañca pātukaroti. Yampāvuso, bhikkhu codito codakena na aññenaññaṃ paṭicarati, na bahiddhā kathaṃ apanāmeti, na kopañca dosañca appaccayañca pātukaroti – ayampi dhammo sovacassakaraṇo.
‘‘буна жабарам̣, аавусо, бхигку жод̣̇ид̇о жод̣̇агзна абад̣̇аанз самбааяад̇и. яамбаавусо, бхигку жод̣̇ид̇о жод̣̇агзна абад̣̇аанз самбааяад̇и – аяамби д̇хаммо соважассагаран̣о.
‘‘Puna caparaṃ, āvuso, bhikkhu codito codakena apadāne sampāyati. Yampāvuso, bhikkhu codito codakena apadāne sampāyati – ayampi dhammo sovacassakaraṇo.
‘‘буна жабарам̣, аавусо, бхигку амагкий ход̇и абал̣аасий. яамбаавусо, бхигку амагкий ход̇и абал̣аасий – аяамби д̇хаммо соважассагаран̣о.
‘‘Puna caparaṃ, āvuso, bhikkhu amakkhī hoti apaḷāsī. Yampāvuso, bhikkhu amakkhī hoti apaḷāsī – ayampi dhammo sovacassakaraṇo.
‘‘буна жабарам̣, аавусо, бхигку аниссугий ход̇и амажчарий. яамбаавусо, бхигку аниссугий ход̇и амажчарий – аяамби д̇хаммо соважассагаран̣о.
‘‘Puna caparaṃ, āvuso, bhikkhu anissukī hoti amaccharī. Yampāvuso, bhikkhu anissukī hoti amaccharī – ayampi dhammo sovacassakaraṇo.
‘‘буна жабарам̣, аавусо, бхигку асато ход̇и амааяаавий. яамбаавусо, бхигку асато ход̇и амааяаавий – аяамби д̇хаммо соважассагаран̣о.
‘‘Puna caparaṃ, āvuso, bhikkhu asaṭho hoti amāyāvī. Yampāvuso, bhikkhu asaṭho hoti amāyāvī – ayampi dhammo sovacassakaraṇo.
‘‘буна жабарам̣, аавусо, бхигку ад̇т̇ад̣̇д̇хо ход̇и анад̇имааний. яамбаавусо, бхигку ад̇т̇ад̣̇д̇хо ход̇и анад̇имааний – аяамби д̇хаммо соважассагаран̣о.
‘‘Puna caparaṃ, āvuso, bhikkhu atthaddho hoti anatimānī. Yampāvuso, bhikkhu atthaddho hoti anatimānī – ayampi dhammo sovacassakaraṇo.
‘‘буна жабарам̣, аавусо, бхигку асанд̣̇идтибараамаасий ход̇и анаад̇хаанаг̇г̇аахий суббадиниссаг̇г̇ий. яамбаавусо, бхигку асанд̣̇идтибараамаасий ход̇и, анаад̇хаанаг̇г̇аахий суббадиниссаг̇г̇ий – аяамби д̇хаммо соважассагаран̣о. имз вужжанд̇аавусо, соважассагаран̣аа д̇хаммаа.
‘‘Puna caparaṃ, āvuso, bhikkhu asandiṭṭhiparāmāsī hoti anādhānaggāhī suppaṭinissaggī. Yampāvuso, bhikkhu asandiṭṭhiparāmāsī hoti, anādhānaggāhī suppaṭinissaggī – ayampi dhammo sovacassakaraṇo. Ime vuccantāvuso, sovacassakaraṇā dhammā.
183. ‘‘д̇ад̇раавусо , бхигкунаа ад̇д̇анаава ад̇д̇аанам̣ звам̣ ануминид̇аб̣б̣ам̣ 7 – ‘яо квааяам̣ буг̇г̇ало баабижчо, баабигаанам̣ ижчаанам̣ васам̣ г̇ад̇о, аяам̣ мз буг̇г̇ало аббияо аманаабо; ахан̃жзва ко банассам̣ баабижчо баабигаанам̣ ижчаанам̣ васам̣ г̇ад̇о, ахам̣баассам̣ барзсам̣ аббияо аманаабо’д̇и. звам̣ ж̇аананд̇знаавусо, бхигкунаа ‘на баабижчо бхависсаами, на баабигаанам̣ ижчаанам̣ васам̣ г̇ад̇о’д̇и жид̇д̇ам̣ уббаад̣̇зд̇аб̣б̣ам̣.
183. ‘‘Tatrāvuso , bhikkhunā attanāva attānaṃ evaṃ anuminitabbaṃ 8 – ‘yo khvāyaṃ puggalo pāpiccho, pāpikānaṃ icchānaṃ vasaṃ gato, ayaṃ me puggalo appiyo amanāpo; ahañceva kho panassaṃ pāpiccho pāpikānaṃ icchānaṃ vasaṃ gato, ahaṃpāssaṃ paresaṃ appiyo amanāpo’ti. Evaṃ jānantenāvuso, bhikkhunā ‘na pāpiccho bhavissāmi, na pāpikānaṃ icchānaṃ vasaṃ gato’ti cittaṃ uppādetabbaṃ.
‘‘‘яо квааяам̣ буг̇г̇ало ад̇д̇уггам̣саго баравамбхий, аяам̣ мз буг̇г̇ало аббияо аманаабо; ахан̃жзва ко банассам̣ ад̇д̇уггам̣саго баравамбхий, ахам̣баассам̣ барзсам̣ аббияо аманаабо’д̇и. звам̣ ж̇аананд̇знаавусо, бхигкунаа ‘анад̇д̇уггам̣саго бхависсаами абаравамбхий’д̇и жид̇д̇ам̣ уббаад̣̇зд̇аб̣б̣ам̣.
‘‘‘Yo khvāyaṃ puggalo attukkaṃsako paravambhī, ayaṃ me puggalo appiyo amanāpo; ahañceva kho panassaṃ attukkaṃsako paravambhī, ahaṃpāssaṃ paresaṃ appiyo amanāpo’ti. Evaṃ jānantenāvuso, bhikkhunā ‘anattukkaṃsako bhavissāmi aparavambhī’ti cittaṃ uppādetabbaṃ.
‘‘‘яо квааяам̣ буг̇г̇ало год̇хано год̇хаабхибхууд̇о, аяам̣ мз буг̇г̇ало аббияо аманаабо. ахан̃жзва ко банассам̣ год̇хано год̇хаабхибхууд̇о, ахам̣баассам̣ барзсам̣ аббияо аманаабо’д̇и. звам̣ ж̇аананд̇знаавусо, бхигкунаа ‘на год̇хано бхависсаами на год̇хаабхибхууд̇о’д̇и жид̇д̇ам̣ уббаад̣̇зд̇аб̣б̣ам̣.
‘‘‘Yo khvāyaṃ puggalo kodhano kodhābhibhūto, ayaṃ me puggalo appiyo amanāpo. Ahañceva kho panassaṃ kodhano kodhābhibhūto, ahaṃpāssaṃ paresaṃ appiyo amanāpo’ti. Evaṃ jānantenāvuso, bhikkhunā ‘na kodhano bhavissāmi na kodhābhibhūto’ti cittaṃ uppādetabbaṃ.
‘‘‘яо квааяам̣ буг̇г̇ало год̇хано год̇хахзд̇у убанаахий, аяам̣ мз буг̇г̇ало аббияо аманаабо; ахан̃жзва ко банассам̣ год̇хано год̇хахзд̇у убанаахий, ахам̣баассам̣ барзсам̣ аббияо аманаабо’д̇и. звам̣ ж̇аананд̇знаавусо, бхигкунаа ‘на год̇хано бхависсаами на год̇хахзд̇у убанаахий’д̇и жид̇д̇ам̣ уббаад̣̇зд̇аб̣б̣ам̣.
‘‘‘Yo khvāyaṃ puggalo kodhano kodhahetu upanāhī, ayaṃ me puggalo appiyo amanāpo; ahañceva kho panassaṃ kodhano kodhahetu upanāhī, ahaṃpāssaṃ paresaṃ appiyo amanāpo’ti. Evaṃ jānantenāvuso, bhikkhunā ‘na kodhano bhavissāmi na kodhahetu upanāhī’ti cittaṃ uppādetabbaṃ.
‘‘‘яо квааяам̣ буг̇г̇ало год̇хано год̇хахзд̇у абхисан̇г̇ий, аяам̣ мз буг̇г̇ало аббияо аманаабо; ахан̃жзва ко банассам̣ год̇хано год̇хахзд̇у абхисан̇г̇ий, ахам̣баассам̣ барзсам̣ аббияо аманаабо’д̇и. звам̣ ж̇аананд̇знаавусо, бхигкунаа ‘на год̇хано бхависсаами на год̇хахзд̇у абхисан̇г̇ий’д̇и жид̇д̇ам̣ уббаад̣̇зд̇аб̣б̣ам̣.
‘‘‘Yo khvāyaṃ puggalo kodhano kodhahetu abhisaṅgī, ayaṃ me puggalo appiyo amanāpo; ahañceva kho panassaṃ kodhano kodhahetu abhisaṅgī, ahaṃpāssaṃ paresaṃ appiyo amanāpo’ti. Evaṃ jānantenāvuso, bhikkhunā ‘na kodhano bhavissāmi na kodhahetu abhisaṅgī’ti cittaṃ uppādetabbaṃ.
‘‘‘яо квааяам̣ буг̇г̇ало год̇хано год̇хасааманд̇аа ваажам̣ нижчаарзд̇аа, аяам̣ мз буг̇г̇ало аббияо аманаабо; ахан̃жзва ко банассам̣ год̇хано год̇хасааманд̇аа ваажам̣ нижчаарзд̇аа, ахам̣баассам̣ барзсам̣ аббияо аманаабо’д̇и. звам̣ ж̇аананд̇знаавусо, бхигкунаа ‘на год̇хано бхависсаами на год̇хасааманд̇аа ваажам̣ нижчаарзссаамий’д̇и жид̇д̇ам̣ уббаад̣̇зд̇аб̣б̣ам̣.
‘‘‘Yo khvāyaṃ puggalo kodhano kodhasāmantā vācaṃ nicchāretā, ayaṃ me puggalo appiyo amanāpo; ahañceva kho panassaṃ kodhano kodhasāmantā vācaṃ nicchāretā, ahaṃpāssaṃ paresaṃ appiyo amanāpo’ti. Evaṃ jānantenāvuso, bhikkhunā ‘na kodhano bhavissāmi na kodhasāmantā vācaṃ nicchāressāmī’ti cittaṃ uppādetabbaṃ.
‘‘‘яо квааяам̣ буг̇г̇ало жод̣̇ид̇о жод̣̇агзна жод̣̇агам̣ бадибпарад̇и, аяам̣ мз буг̇г̇ало аббияо аманаабо; ахан̃жзва ко бана жод̣̇ид̇о жод̣̇агзна жод̣̇агам̣ бадибпарзяяам̣ , ахам̣баассам̣ барзсам̣ аббияо аманаабо’д̇и. звам̣ ж̇аананд̇знаавусо, бхигкунаа ‘жод̣̇ид̇о жод̣̇агзна жод̣̇агам̣ наббадибпариссаамий’д̇и жид̇д̇ам̣ уббаад̣̇зд̇аб̣б̣ам̣.
‘‘‘Yo khvāyaṃ puggalo codito codakena codakaṃ paṭippharati, ayaṃ me puggalo appiyo amanāpo; ahañceva kho pana codito codakena codakaṃ paṭipphareyyaṃ , ahaṃpāssaṃ paresaṃ appiyo amanāpo’ti. Evaṃ jānantenāvuso, bhikkhunā ‘codito codakena codakaṃ nappaṭippharissāmī’ti cittaṃ uppādetabbaṃ.
‘‘‘яо квааяам̣ буг̇г̇ало жод̣̇ид̇о жод̣̇агзна жод̣̇агам̣ абасаад̣̇зд̇и, аяам̣ мз буг̇г̇ало аббияо аманаабо; ахан̃жзва ко бана жод̣̇ид̇о жод̣̇агзна жод̣̇агам̣ абасаад̣̇зяяам̣, ахам̣баассам̣ барзсам̣ аббияо аманаабо’д̇и. звам̣ ж̇аананд̇знаавусо, бхигкунаа ‘жод̣̇ид̇о жод̣̇агзна жод̣̇агам̣ на абасаад̣̇зссаамий’д̇и жид̇д̇ам̣ уббаад̣̇зд̇аб̣б̣ам̣.
‘‘‘Yo khvāyaṃ puggalo codito codakena codakaṃ apasādeti, ayaṃ me puggalo appiyo amanāpo; ahañceva kho pana codito codakena codakaṃ apasādeyyaṃ, ahaṃpāssaṃ paresaṃ appiyo amanāpo’ti. Evaṃ jānantenāvuso, bhikkhunā ‘codito codakena codakaṃ na apasādessāmī’ti cittaṃ uppādetabbaṃ.
‘‘‘яо квааяам̣ буг̇г̇ало жод̣̇ид̇о жод̣̇агзна жод̣̇агасса бажжааробзд̇и, аяам̣ мз буг̇г̇ало аббияо аманаабо; ахан̃жзва ко бана жод̣̇ид̇о жод̣̇агзна жод̣̇агасса бажжааробзяяам̣, ахам̣баассам̣ барзсам̣ аббияо аманаабо’д̇и. звам̣ ж̇аананд̇знаавусо, бхигкунаа ‘жод̣̇ид̇о жод̣̇агзна жод̣̇агасса на бажжааробзссаамий’д̇и жид̇д̇ам̣ уббаад̣̇зд̇аб̣б̣ам̣.
‘‘‘Yo khvāyaṃ puggalo codito codakena codakassa paccāropeti, ayaṃ me puggalo appiyo amanāpo; ahañceva kho pana codito codakena codakassa paccāropeyyaṃ, ahaṃpāssaṃ paresaṃ appiyo amanāpo’ti. Evaṃ jānantenāvuso, bhikkhunā ‘codito codakena codakassa na paccāropessāmī’ti cittaṃ uppādetabbaṃ.
‘‘‘яо квааяам̣ буг̇г̇ало жод̣̇ид̇о жод̣̇агзна ан̃н̃знан̃н̃ам̣ бадижарад̇и, б̣ахид̣̇д̇хаа гат̇ам̣ абанаамзд̇и, гобан̃жа д̣̇осан̃жа аббажжаяан̃жа баад̇угарод̇и, аяам̣ мз буг̇г̇ало аббияо аманаабо; ахан̃жзва ко бана жод̣̇ид̇о жод̣̇агзна ан̃н̃знан̃н̃ам̣ бадижарзяяам̣, б̣ахид̣̇д̇хаа гат̇ам̣ абанаамзяяам̣ , гобан̃жа д̣̇осан̃жа аббажжаяан̃жа баад̇угарзяяам̣, ахам̣баассам̣ барзсам̣ аббияо аманаабо’д̇и. звам̣ ж̇аананд̇знаавусо, бхигкунаа ‘жод̣̇ид̇о жод̣̇агзна на ан̃н̃знан̃н̃ам̣ бадижариссаами, на б̣ахид̣̇д̇хаа гат̇ам̣ абанаамзссаами, на гобан̃жа д̣̇осан̃жа аббажжаяан̃жа баад̇угариссаамий’д̇и жид̇д̇ам̣ уббаад̣̇зд̇аб̣б̣ам̣.
‘‘‘Yo khvāyaṃ puggalo codito codakena aññenaññaṃ paṭicarati, bahiddhā kathaṃ apanāmeti, kopañca dosañca appaccayañca pātukaroti, ayaṃ me puggalo appiyo amanāpo; ahañceva kho pana codito codakena aññenaññaṃ paṭicareyyaṃ, bahiddhā kathaṃ apanāmeyyaṃ , kopañca dosañca appaccayañca pātukareyyaṃ, ahaṃpāssaṃ paresaṃ appiyo amanāpo’ti. Evaṃ jānantenāvuso, bhikkhunā ‘codito codakena na aññenaññaṃ paṭicarissāmi, na bahiddhā kathaṃ apanāmessāmi, na kopañca dosañca appaccayañca pātukarissāmī’ti cittaṃ uppādetabbaṃ.
‘‘‘яо квааяам̣ буг̇г̇ало жод̣̇ид̇о жод̣̇агзна абад̣̇аанз на самбааяад̇и, аяам̣ мз буг̇г̇ало аббияо аманаабо; ахан̃жзва ко бана жод̣̇ид̇о жод̣̇агзна абад̣̇аанз на самбааязяяам̣, ахам̣баассам̣ барзсам̣ аббияо аманаабо’д̇и. звам̣ ж̇аананд̇знаавусо, бхигкунаа ‘жод̣̇ид̇о жод̣̇агзна абад̣̇аанз самбааяиссаамий’д̇и жид̇д̇ам̣ уббаад̣̇зд̇аб̣б̣ам̣.
‘‘‘Yo khvāyaṃ puggalo codito codakena apadāne na sampāyati, ayaṃ me puggalo appiyo amanāpo; ahañceva kho pana codito codakena apadāne na sampāyeyyaṃ, ahaṃpāssaṃ paresaṃ appiyo amanāpo’ti. Evaṃ jānantenāvuso, bhikkhunā ‘codito codakena apadāne sampāyissāmī’ti cittaṃ uppādetabbaṃ.
‘‘‘яо квааяам̣ буг̇г̇ало магкий бал̣аасий, аяам̣ мз буг̇г̇ало аббияо аманаабо; ахан̃жзва ко банассам̣ магкий бал̣аасий, ахам̣баассам̣ барзсам̣ аббияо аманаабо’д̇и. звам̣ ж̇аананд̇знаавусо, бхигкунаа ‘амагкий бхависсаами абал̣аасий’д̇и жид̇д̇ам̣ уббаад̣̇зд̇аб̣б̣ам̣.
‘‘‘Yo khvāyaṃ puggalo makkhī paḷāsī, ayaṃ me puggalo appiyo amanāpo; ahañceva kho panassaṃ makkhī paḷāsī, ahaṃpāssaṃ paresaṃ appiyo amanāpo’ti. Evaṃ jānantenāvuso, bhikkhunā ‘amakkhī bhavissāmi apaḷāsī’ti cittaṃ uppādetabbaṃ.
‘‘‘яо квааяам̣ буг̇г̇ало иссугий мажчарий, аяам̣ мз буг̇г̇ало аббияо аманаабо; ахан̃жзва ко банассам̣ иссугий мажчарий, ахам̣баассам̣ барзсам̣ аббияо аманаабо’д̇и. звам̣ ж̇аананд̇знаавусо, бхигкунаа ‘аниссугий бхависсаами амажчарий’д̇и жид̇д̇ам̣ уббаад̣̇зд̇аб̣б̣ам̣.
‘‘‘Yo khvāyaṃ puggalo issukī maccharī, ayaṃ me puggalo appiyo amanāpo; ahañceva kho panassaṃ issukī maccharī, ahaṃpāssaṃ paresaṃ appiyo amanāpo’ti. Evaṃ jānantenāvuso, bhikkhunā ‘anissukī bhavissāmi amaccharī’ti cittaṃ uppādetabbaṃ.
‘‘‘яо квааяам̣ буг̇г̇ало сато мааяаавий, аяам̣ мз буг̇г̇ало аббияо аманаабо; ахан̃жзва ко банассам̣ сато мааяаавий, ахам̣баассам̣ барзсам̣ аббияо аманаабо’д̇и. звам̣ ж̇аананд̇знаавусо, бхигкунаа ‘асато бхависсаами амааяаавий’д̇и жид̇д̇ам̣ уббаад̣̇зд̇аб̣б̣ам̣.
‘‘‘Yo khvāyaṃ puggalo saṭho māyāvī, ayaṃ me puggalo appiyo amanāpo; ahañceva kho panassaṃ saṭho māyāvī, ahaṃpāssaṃ paresaṃ appiyo amanāpo’ti. Evaṃ jānantenāvuso, bhikkhunā ‘asaṭho bhavissāmi amāyāvī’ti cittaṃ uppādetabbaṃ.
‘‘‘яо квааяам̣ буг̇г̇ало т̇ад̣̇д̇хо ад̇имааний, аяам̣ мз буг̇г̇ало аббияо аманаабо; ахан̃жзва ко банассам̣ т̇ад̣̇д̇хо ад̇имааний, ахам̣баассам̣ барзсам̣ аббияо аманаабо’д̇и. звам̣ ж̇аананд̇знаавусо, бхигкунаа ‘ад̇т̇ад̣̇д̇хо бхависсаами анад̇имааний’д̇и жид̇д̇ам̣ уббаад̣̇зд̇аб̣б̣ам̣.
‘‘‘Yo khvāyaṃ puggalo thaddho atimānī, ayaṃ me puggalo appiyo amanāpo; ahañceva kho panassaṃ thaddho atimānī, ahaṃpāssaṃ paresaṃ appiyo amanāpo’ti. Evaṃ jānantenāvuso, bhikkhunā ‘atthaddho bhavissāmi anatimānī’ti cittaṃ uppādetabbaṃ.
‘‘‘яо квааяам̣ буг̇г̇ало санд̣̇идтибараамаасий аад̇хаанаг̇г̇аахий д̣̇уббадиниссаг̇г̇ий, аяам̣ мз буг̇г̇ало аббияо аманаабо; ахан̃жзва ко банассам̣ санд̣̇идтибараамаасий аад̇хаанаг̇г̇аахий д̣̇уббадиниссаг̇г̇ий, ахам̣баассам̣ барзсам̣ аббияо аманаабо’д̇и. звам̣ ж̇аананд̇знаавусо, бхигкунаа ‘асанд̣̇идтибараамаасий бхависсаами анаад̇хаанаг̇г̇аахий суббадиниссаг̇г̇ий’д̇и жид̇д̇ам̣ уббаад̣̇зд̇аб̣б̣ам̣.
‘‘‘Yo khvāyaṃ puggalo sandiṭṭhiparāmāsī ādhānaggāhī duppaṭinissaggī, ayaṃ me puggalo appiyo amanāpo; ahañceva kho panassaṃ sandiṭṭhiparāmāsī ādhānaggāhī duppaṭinissaggī, ahaṃpāssaṃ paresaṃ appiyo amanāpo’ti. Evaṃ jānantenāvuso, bhikkhunā ‘asandiṭṭhiparāmāsī bhavissāmi anādhānaggāhī suppaṭinissaggī’ti cittaṃ uppādetabbaṃ.
184. ‘‘д̇ад̇раавусо , бхигкунаа ад̇д̇анаава ад̇д̇аанам̣ звам̣ бажжавзгкид̇аб̣б̣ам̣ – ‘гим̣ ну комхи баабижчо, баабигаанам̣ ижчаанам̣ васам̣ г̇ад̇о’д̇и? сажз, аавусо , бхигку бажжавзгкамаано звам̣ ж̇аанаад̇и – ‘баабижчо комхи, баабигаанам̣ ижчаанам̣ васам̣ г̇ад̇о’д̇и, д̇знаавусо, бхигкунаа д̇зсам̣язва баабагаанам̣ агусалаанам̣ д̇хаммаанам̣ бахаанааяа вааяамид̇аб̣б̣ам̣. сажз банаавусо, бхигку бажжавзгкамаано звам̣ ж̇аанаад̇и – ‘на комхи баабижчо, на баабигаанам̣ ижчаанам̣ васам̣ г̇ад̇о’д̇и, д̇знаавусо, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
184. ‘‘Tatrāvuso , bhikkhunā attanāva attānaṃ evaṃ paccavekkhitabbaṃ – ‘kiṃ nu khomhi pāpiccho, pāpikānaṃ icchānaṃ vasaṃ gato’ti? Sace, āvuso , bhikkhu paccavekkhamāno evaṃ jānāti – ‘pāpiccho khomhi, pāpikānaṃ icchānaṃ vasaṃ gato’ti, tenāvuso, bhikkhunā tesaṃyeva pāpakānaṃ akusalānaṃ dhammānaṃ pahānāya vāyamitabbaṃ. Sace panāvuso, bhikkhu paccavekkhamāno evaṃ jānāti – ‘na khomhi pāpiccho, na pāpikānaṃ icchānaṃ vasaṃ gato’ti, tenāvuso, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
‘‘буна жабарам̣, аавусо, бхигкунаа ад̇д̇анаава ад̇д̇аанам̣ звам̣ бажжавзгкид̇аб̣б̣ам̣ – ‘гим̣ ну комхи ад̇д̇уггам̣саго баравамбхий’д̇и? сажз, аавусо, бхигку бажжавзгкамаано звам̣ ж̇аанаад̇и – ‘ад̇д̇уггам̣саго комхи баравамбхий’д̇и, д̇знаавусо, бхигкунаа д̇зсам̣язва баабагаанам̣ агусалаанам̣ д̇хаммаанам̣ бахаанааяа вааяамид̇аб̣б̣ам̣. сажз банаавусо, бхигку бажжавзгкамаано звам̣ ж̇аанаад̇и – ‘анад̇д̇уггам̣саго комхи абаравамбхий’д̇и, д̇знаавусо, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
‘‘Puna caparaṃ, āvuso, bhikkhunā attanāva attānaṃ evaṃ paccavekkhitabbaṃ – ‘kiṃ nu khomhi attukkaṃsako paravambhī’ti? Sace, āvuso, bhikkhu paccavekkhamāno evaṃ jānāti – ‘attukkaṃsako khomhi paravambhī’ti, tenāvuso, bhikkhunā tesaṃyeva pāpakānaṃ akusalānaṃ dhammānaṃ pahānāya vāyamitabbaṃ. Sace panāvuso, bhikkhu paccavekkhamāno evaṃ jānāti – ‘anattukkaṃsako khomhi aparavambhī’ti, tenāvuso, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
‘‘буна жабарам̣, аавусо, бхигкунаа ад̇д̇анаава ад̇д̇аанам̣ звам̣ бажжавзгкид̇аб̣б̣ам̣ – ‘гим̣ ну комхи год̇хано год̇хаабхибхууд̇о’д̇и? сажз, аавусо, бхигку бажжавзгкамаано звам̣ ж̇аанаад̇и – ‘год̇хано комхи год̇хаабхибхууд̇о’д̇и, д̇знаавусо, бхигкунаа д̇зсам̣язва баабагаанам̣ агусалаанам̣ д̇хаммаанам̣ бахаанааяа вааяамид̇аб̣б̣ам̣. сажз банаавусо, бхигку бажжавзгкамаано звам̣ ж̇аанаад̇и – ‘на комхи год̇хано год̇хаабхибхууд̇о’д̇и, д̇знаавусо, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
‘‘Puna caparaṃ, āvuso, bhikkhunā attanāva attānaṃ evaṃ paccavekkhitabbaṃ – ‘kiṃ nu khomhi kodhano kodhābhibhūto’ti? Sace, āvuso, bhikkhu paccavekkhamāno evaṃ jānāti – ‘kodhano khomhi kodhābhibhūto’ti, tenāvuso, bhikkhunā tesaṃyeva pāpakānaṃ akusalānaṃ dhammānaṃ pahānāya vāyamitabbaṃ. Sace panāvuso, bhikkhu paccavekkhamāno evaṃ jānāti – ‘na khomhi kodhano kodhābhibhūto’ti, tenāvuso, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
‘‘буна жабарам̣, аавусо, бхигкунаа ад̇д̇анаава ад̇д̇аанам̣ звам̣ бажжавзгкид̇аб̣б̣ам̣ – ‘гим̣ ну комхи год̇хано год̇хахзд̇у убанаахий’д̇и? сажз, аавусо, бхигку бажжавзгкамаано звам̣ ж̇аанаад̇и ‘год̇хано комхи год̇хахзд̇у убанаахий’д̇и, д̇знаавусо, бхигкунаа д̇зсам̣язва баабагаанам̣ агусалаанам̣ д̇хаммаанам̣ бахаанааяа вааяамид̇аб̣б̣ам̣. сажз банаавусо, бхигку бажжавзгкамаано звам̣ ж̇аанаад̇и ‘на комхи год̇хано год̇хахзд̇у убанаахий’д̇и, д̇знаавусо, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
‘‘Puna caparaṃ, āvuso, bhikkhunā attanāva attānaṃ evaṃ paccavekkhitabbaṃ – ‘kiṃ nu khomhi kodhano kodhahetu upanāhī’ti? Sace, āvuso, bhikkhu paccavekkhamāno evaṃ jānāti ‘kodhano khomhi kodhahetu upanāhī’ti, tenāvuso, bhikkhunā tesaṃyeva pāpakānaṃ akusalānaṃ dhammānaṃ pahānāya vāyamitabbaṃ. Sace panāvuso, bhikkhu paccavekkhamāno evaṃ jānāti ‘na khomhi kodhano kodhahetu upanāhī’ti, tenāvuso, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
‘‘буна жабарам̣, аавусо, бхигкунаа ад̇д̇анаава ад̇д̇аанам̣ звам̣ бажжавзгкид̇аб̣б̣ам̣ – ‘гим̣ ну комхи год̇хано год̇хахзд̇у абхисан̇г̇ий’д̇и? сажз, аавусо, бхигку бажжавзгкамаано звам̣ ж̇аанаад̇и – ‘год̇хано комхи год̇хахзд̇у абхисан̇г̇ий’д̇и, д̇знаавусо, бхигкунаа д̇зсам̣язва баабагаанам̣ агусалаанам̣ д̇хаммаанам̣ бахаанааяа вааяамид̇аб̣б̣ам̣. сажз банаавусо, бхигку бажжавзгкамаано звам̣ ж̇аанаад̇и – ‘на комхи год̇хано год̇хахзд̇у абхисан̇г̇ий’д̇и, д̇знаавусо, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
‘‘Puna caparaṃ, āvuso, bhikkhunā attanāva attānaṃ evaṃ paccavekkhitabbaṃ – ‘kiṃ nu khomhi kodhano kodhahetu abhisaṅgī’ti? Sace, āvuso, bhikkhu paccavekkhamāno evaṃ jānāti – ‘kodhano khomhi kodhahetu abhisaṅgī’ti, tenāvuso, bhikkhunā tesaṃyeva pāpakānaṃ akusalānaṃ dhammānaṃ pahānāya vāyamitabbaṃ. Sace panāvuso, bhikkhu paccavekkhamāno evaṃ jānāti – ‘na khomhi kodhano kodhahetu abhisaṅgī’ti, tenāvuso, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
‘‘буна жабарам̣, аавусо, бхигкунаа ад̇д̇анаава ад̇д̇аанам̣ звам̣ бажжавзгкид̇аб̣б̣ам̣ – ‘гим̣ ну комхи год̇хано год̇хасааманд̇аа ваажам̣ нижчаарзд̇аа’д̇и? сажз, аавусо, бхигку бажжавзгкамаано звам̣ ж̇аанаад̇и – ‘год̇хано комхи год̇хасааманд̇аа ваажам̣ нижчаарзд̇аа’д̇и, д̇знаавусо, бхигкунаа д̇зсам̣язва баабагаанам̣ агусалаанам̣ д̇хаммаанам̣ бахаанааяа вааяамид̇аб̣б̣ам̣. сажз банаавусо, бхигку бажжавзгкамаано звам̣ ж̇аанаад̇и – ‘на комхи год̇хано год̇хасааманд̇аа ваажам̣ нижчаарзд̇аа’д̇и, д̇знаавусо, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
‘‘Puna caparaṃ, āvuso, bhikkhunā attanāva attānaṃ evaṃ paccavekkhitabbaṃ – ‘kiṃ nu khomhi kodhano kodhasāmantā vācaṃ nicchāretā’ti? Sace, āvuso, bhikkhu paccavekkhamāno evaṃ jānāti – ‘kodhano khomhi kodhasāmantā vācaṃ nicchāretā’ti, tenāvuso, bhikkhunā tesaṃyeva pāpakānaṃ akusalānaṃ dhammānaṃ pahānāya vāyamitabbaṃ. Sace panāvuso, bhikkhu paccavekkhamāno evaṃ jānāti – ‘na khomhi kodhano kodhasāmantā vācaṃ nicchāretā’ti, tenāvuso, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
‘‘буна жабарам̣, аавусо, бхигкунаа ад̇д̇анаава ад̇д̇аанам̣ звам̣ бажжавзгкид̇аб̣б̣ам̣ – ‘гим̣ ну комхи жод̣̇ид̇о жод̣̇агзна жод̣̇агам̣ бадибпараамий’д̇и? сажз, аавусо, бхигку бажжавзгкамаано звам̣ ж̇аанаад̇и ‘жод̣̇ид̇о комхи жод̣̇агзна жод̣̇агам̣ бадибпараамий’д̇и, д̇знаавусо, бхигкунаа д̇зсам̣язва баабагаанам̣ агусалаанам̣ д̇хаммаанам̣ бахаанааяа вааяамид̇аб̣б̣ам̣. сажз банаавусо, бхигку бажжавзгкамаано звам̣ ж̇аанаад̇и – ‘жод̣̇ид̇о комхи жод̣̇агзна жод̣̇агам̣ наббадибпараамий’д̇и, д̇знаавусо, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
‘‘Puna caparaṃ, āvuso, bhikkhunā attanāva attānaṃ evaṃ paccavekkhitabbaṃ – ‘kiṃ nu khomhi codito codakena codakaṃ paṭippharāmī’ti? Sace, āvuso, bhikkhu paccavekkhamāno evaṃ jānāti ‘codito khomhi codakena codakaṃ paṭippharāmī’ti, tenāvuso, bhikkhunā tesaṃyeva pāpakānaṃ akusalānaṃ dhammānaṃ pahānāya vāyamitabbaṃ. Sace panāvuso, bhikkhu paccavekkhamāno evaṃ jānāti – ‘codito khomhi codakena codakaṃ nappaṭippharāmī’ti, tenāvuso, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
‘‘буна жабарам̣, аавусо, бхигкунаа ад̇д̇анаава ад̇д̇аанам̣ звам̣ бажжавзгкид̇аб̣б̣ам̣ – ‘гим̣ ну комхи жод̣̇ид̇о жод̣̇агзна жод̣̇агам̣ абасаад̣̇змий’д̇и? сажз, аавусо, бхигку бажжавзгкамаано звам̣ ж̇аанаад̇и ‘жод̣̇ид̇о комхи жод̣̇агзна жод̣̇агам̣ абасаад̣̇змий’д̇и, д̇знаавусо, бхигкунаа д̇зсам̣язва баабагаанам̣ агусалаанам̣ д̇хаммаанам̣ бахаанааяа вааяамид̇аб̣б̣ам̣. сажз банаавусо, бхигку бажжавзгкамаано звам̣ ж̇аанаад̇и – ‘жод̣̇ид̇о комхи жод̣̇агзна жод̣̇агам̣ на абасаад̣̇змий’д̇и, д̇знаавусо, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
‘‘Puna caparaṃ, āvuso, bhikkhunā attanāva attānaṃ evaṃ paccavekkhitabbaṃ – ‘kiṃ nu khomhi codito codakena codakaṃ apasādemī’ti? Sace, āvuso, bhikkhu paccavekkhamāno evaṃ jānāti ‘codito khomhi codakena codakaṃ apasādemī’ti, tenāvuso, bhikkhunā tesaṃyeva pāpakānaṃ akusalānaṃ dhammānaṃ pahānāya vāyamitabbaṃ. Sace panāvuso, bhikkhu paccavekkhamāno evaṃ jānāti – ‘codito khomhi codakena codakaṃ na apasādemī’ti, tenāvuso, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
‘‘буна жабарам̣, аавусо, бхигкунаа ад̇д̇анаава ад̇д̇аанам̣ звам̣ бажжавзгкид̇аб̣б̣ам̣ – ‘гим̣ ну комхи жод̣̇ид̇о жод̣̇агзна жод̣̇агасса бажжааробзмий’д̇и? сажз, аавусо, бхигку бажжавзгкамаано звам̣ ж̇аанаад̇и – ‘жод̣̇ид̇о комхи жод̣̇агзна жод̣̇агасса бажжааробзмий’д̇и, д̇знаавусо, бхигкунаа д̇зсам̣язва баабагаанам̣ агусалаанам̣ д̇хаммаанам̣ бахаанааяа вааяамид̇аб̣б̣ам̣. сажз банаавусо, бхигку бажжавзгкамаано звам̣ ж̇аанаад̇и – ‘жод̣̇ид̇о комхи жод̣̇агзна жод̣̇агасса на бажжааробзмий’д̇и, д̇знаавусо, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
‘‘Puna caparaṃ, āvuso, bhikkhunā attanāva attānaṃ evaṃ paccavekkhitabbaṃ – ‘kiṃ nu khomhi codito codakena codakassa paccāropemī’ti? Sace, āvuso, bhikkhu paccavekkhamāno evaṃ jānāti – ‘codito khomhi codakena codakassa paccāropemī’ti, tenāvuso, bhikkhunā tesaṃyeva pāpakānaṃ akusalānaṃ dhammānaṃ pahānāya vāyamitabbaṃ. Sace panāvuso, bhikkhu paccavekkhamāno evaṃ jānāti – ‘codito khomhi codakena codakassa na paccāropemī’ti, tenāvuso, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
‘‘буна жабарам̣, аавусо, бхигкунаа ад̇д̇анаава ад̇д̇аанам̣ звам̣ бажжавзгкид̇аб̣б̣ам̣ – ‘гим̣ ну комхи жод̣̇ид̇о жод̣̇агзна ан̃н̃знан̃н̃ам̣ бадижараами, б̣ахид̣̇д̇хаа гат̇ам̣ абанаамзми, гобан̃жа д̣̇осан̃жа аббажжаяан̃жа баад̇угаромий’д̇и? сажз, аавусо, бхигку бажжавзгкамаано звам̣ ж̇аанаад̇и – ‘жод̣̇ид̇о комхи жод̣̇агзна ан̃н̃знан̃н̃ам̣ бадижараами, б̣ахид̣̇д̇хаа гат̇ам̣ абанаамзми, гобан̃жа д̣̇осан̃жа аббажжаяан̃жа баад̇угаромий’д̇и, д̇знаавусо, бхигкунаа д̇зсам̣язва баабагаанам̣ агусалаанам̣ д̇хаммаанам̣ бахаанааяа вааяамид̇аб̣б̣ам̣. сажз банаавусо, бхигку бажжавзгкамаано звам̣ ж̇аанаад̇и – ‘жод̣̇ид̇о комхи жод̣̇агзна на ан̃н̃знан̃н̃ам̣ бадижараами, на б̣ахид̣̇д̇хаа гат̇ам̣ абанаамзми, на гобан̃жа д̣̇осан̃жа аббажжаяан̃жа баад̇угаромий’д̇и, д̇знаавусо, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
‘‘Puna caparaṃ, āvuso, bhikkhunā attanāva attānaṃ evaṃ paccavekkhitabbaṃ – ‘kiṃ nu khomhi codito codakena aññenaññaṃ paṭicarāmi, bahiddhā kathaṃ apanāmemi, kopañca dosañca appaccayañca pātukaromī’ti? Sace, āvuso, bhikkhu paccavekkhamāno evaṃ jānāti – ‘codito khomhi codakena aññenaññaṃ paṭicarāmi, bahiddhā kathaṃ apanāmemi, kopañca dosañca appaccayañca pātukaromī’ti, tenāvuso, bhikkhunā tesaṃyeva pāpakānaṃ akusalānaṃ dhammānaṃ pahānāya vāyamitabbaṃ. Sace panāvuso, bhikkhu paccavekkhamāno evaṃ jānāti – ‘codito khomhi codakena na aññenaññaṃ paṭicarāmi, na bahiddhā kathaṃ apanāmemi, na kopañca dosañca appaccayañca pātukaromī’ti, tenāvuso, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
‘‘буна жабарам̣, аавусо, бхигкунаа ад̇д̇анаава ад̇д̇аанам̣ звам̣ бажжавзгкид̇аб̣б̣ам̣ – ‘гим̣ ну комхи жод̣̇ид̇о жод̣̇агзна абад̣̇аанз на самбааяаамий’д̇и? сажз, аавусо, бхигку бажжавзгкамаано звам̣ ж̇аанаад̇и – ‘жод̣̇ид̇о комхи жод̣̇агзна абад̣̇аанз на самбааяаамий’д̇и, д̇знаавусо, бхигкунаа д̇зсам̣язва баабагаанам̣ агусалаанам̣ д̇хаммаанам̣ бахаанааяа вааяамид̇аб̣б̣ам̣. сажз банаавусо, бхигку бажжавзгкамаано звам̣ ж̇аанаад̇и – ‘жод̣̇ид̇о комхи жод̣̇агзна абад̣̇аанз самбааяаамий’д̇и, д̇знаавусо, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
‘‘Puna caparaṃ, āvuso, bhikkhunā attanāva attānaṃ evaṃ paccavekkhitabbaṃ – ‘kiṃ nu khomhi codito codakena apadāne na sampāyāmī’ti? Sace, āvuso, bhikkhu paccavekkhamāno evaṃ jānāti – ‘codito khomhi codakena apadāne na sampāyāmī’ti, tenāvuso, bhikkhunā tesaṃyeva pāpakānaṃ akusalānaṃ dhammānaṃ pahānāya vāyamitabbaṃ. Sace panāvuso, bhikkhu paccavekkhamāno evaṃ jānāti – ‘codito khomhi codakena apadāne sampāyāmī’ti, tenāvuso, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
‘‘буна жабарам̣ , аавусо, бхигкунаа ад̇д̇анаава ад̇д̇аанам̣ звам̣ бажжавзгкид̇аб̣б̣ам̣ – ‘гим̣ ну комхи магкий бал̣аасий’д̇и? сажз, аавусо, бхигку бажжавзгкамаано звам̣ ж̇аанаад̇и – ‘магкий комхи бал̣аасий’д̇и, д̇знаавусо, бхигкунаа д̇зсам̣язва баабагаанам̣ агусалаанам̣ д̇хаммаанам̣ бахаанааяа вааяамид̇аб̣б̣ам̣. сажз банаавусо, бхигку бажжавзгкамаано звам̣ ж̇аанаад̇и – ‘амагкий комхи абал̣аасий’д̇и, д̇знаавусо, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
‘‘Puna caparaṃ , āvuso, bhikkhunā attanāva attānaṃ evaṃ paccavekkhitabbaṃ – ‘kiṃ nu khomhi makkhī paḷāsī’ti? Sace, āvuso, bhikkhu paccavekkhamāno evaṃ jānāti – ‘makkhī khomhi paḷāsī’ti, tenāvuso, bhikkhunā tesaṃyeva pāpakānaṃ akusalānaṃ dhammānaṃ pahānāya vāyamitabbaṃ. Sace panāvuso, bhikkhu paccavekkhamāno evaṃ jānāti – ‘amakkhī khomhi apaḷāsī’ti, tenāvuso, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
‘‘буна жабарам̣, аавусо, бхигкунаа ад̇д̇анаава ад̇д̇аанам̣ звам̣ бажжавзгкид̇аб̣б̣ам̣ – ‘гим̣ ну комхи иссугий мажчарий’д̇и? сажз, аавусо, бхигку бажжавзгкамаано звам̣ ж̇аанаад̇и – ‘иссугий комхи мажчарий’д̇и, д̇знаавусо, бхигкунаа д̇зсам̣язва баабагаанам̣ агусалаанам̣ д̇хаммаанам̣ бахаанааяа вааяамид̇аб̣б̣ам̣. сажз банаавусо, бхигку бажжавзгкамаано звам̣ ж̇аанаад̇и – ‘аниссугий комхи амажчарий’д̇и, д̇знаавусо, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
‘‘Puna caparaṃ, āvuso, bhikkhunā attanāva attānaṃ evaṃ paccavekkhitabbaṃ – ‘kiṃ nu khomhi issukī maccharī’ti? Sace, āvuso, bhikkhu paccavekkhamāno evaṃ jānāti – ‘issukī khomhi maccharī’ti, tenāvuso, bhikkhunā tesaṃyeva pāpakānaṃ akusalānaṃ dhammānaṃ pahānāya vāyamitabbaṃ. Sace panāvuso, bhikkhu paccavekkhamāno evaṃ jānāti – ‘anissukī khomhi amaccharī’ti, tenāvuso, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
‘‘буна жабарам̣, аавусо, бхигкунаа ад̇д̇анаава ад̇д̇аанам̣ звам̣ бажжавзгкид̇аб̣б̣ам̣ – ‘гим̣ ну комхи сато мааяаавий’д̇и? сажз, аавусо, бхигку бажжавзгкамаано звам̣ ж̇аанаад̇и – ‘сато комхи мааяаавий’д̇и, д̇знаавусо, бхигкунаа д̇зсам̣язва баабагаанам̣ агусалаанам̣ д̇хаммаанам̣ бахаанааяа вааяамид̇аб̣б̣ам̣. сажз банаавусо, бхигку бажжавзгкамаано звам̣ ж̇аанаад̇и – ‘асато комхи амааяаавий’д̇и, д̇знаавусо, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
‘‘Puna caparaṃ, āvuso, bhikkhunā attanāva attānaṃ evaṃ paccavekkhitabbaṃ – ‘kiṃ nu khomhi saṭho māyāvī’ti? Sace, āvuso, bhikkhu paccavekkhamāno evaṃ jānāti – ‘saṭho khomhi māyāvī’ti, tenāvuso, bhikkhunā tesaṃyeva pāpakānaṃ akusalānaṃ dhammānaṃ pahānāya vāyamitabbaṃ. Sace panāvuso, bhikkhu paccavekkhamāno evaṃ jānāti – ‘asaṭho khomhi amāyāvī’ti, tenāvuso, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
‘‘буна жабарам̣, аавусо, бхигкунаа ад̇д̇анаава ад̇д̇аанам̣ звам̣ бажжавзгкид̇аб̣б̣ам̣ – ‘гим̣ ну комхи т̇ад̣̇д̇хо ад̇имааний’д̇и? сажз, аавусо, бхигку бажжавзгкамаано звам̣ ж̇аанаад̇и – ‘т̇ад̣̇д̇хо комхи ад̇имааний’д̇и, д̇знаавусо, бхигкунаа д̇зсам̣язва баабагаанам̣ агусалаанам̣ д̇хаммаанам̣ бахаанааяа вааяамид̇аб̣б̣ам̣. сажз банаавусо, бхигку бажжавзгкамаано звам̣ ж̇аанаад̇и – ‘ад̇т̇ад̣̇д̇хо комхи анад̇имааний’д̇и, д̇знаавусо, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
‘‘Puna caparaṃ, āvuso, bhikkhunā attanāva attānaṃ evaṃ paccavekkhitabbaṃ – ‘kiṃ nu khomhi thaddho atimānī’ti? Sace, āvuso, bhikkhu paccavekkhamāno evaṃ jānāti – ‘thaddho khomhi atimānī’ti, tenāvuso, bhikkhunā tesaṃyeva pāpakānaṃ akusalānaṃ dhammānaṃ pahānāya vāyamitabbaṃ. Sace panāvuso, bhikkhu paccavekkhamāno evaṃ jānāti – ‘atthaddho khomhi anatimānī’ti, tenāvuso, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
‘‘буна жабарам̣, аавусо, бхигкунаа ад̇д̇анаава ад̇д̇аанам̣ звам̣ бажжавзгкид̇аб̣б̣ам̣ – ‘гим̣ ну комхи санд̣̇идтибараамаасий аад̇хаанаг̇г̇аахий д̣̇уббадиниссаг̇г̇ий’д̇и? сажз, аавусо , бхигку бажжавзгкамаано звам̣ ж̇аанаад̇и – ‘санд̣̇идтибараамаасий комхи аад̇хаанаг̇г̇аахий д̣̇уббадиниссаг̇г̇ий’д̇и, д̇знаавусо, бхигкунаа д̇зсам̣язва баабагаанам̣ агусалаанам̣ д̇хаммаанам̣ бахаанааяа вааяамид̇аб̣б̣ам̣. сажз банаавусо, бхигку бажжавзгкамаано звам̣ ж̇аанаад̇и – ‘асанд̣̇идтибараамаасий комхи анаад̇хаанаг̇г̇аахий суббадиниссаг̇г̇ий’д̇и, д̇знаавусо, бхигкунаа д̇знзва бийд̇ибаамож̇ж̇зна вихаад̇аб̣б̣ам̣ ахорад̇д̇аанусигкинаа гусалзсу д̇хаммзсу.
‘‘Puna caparaṃ, āvuso, bhikkhunā attanāva attānaṃ evaṃ paccavekkhitabbaṃ – ‘kiṃ nu khomhi sandiṭṭhiparāmāsī ādhānaggāhī duppaṭinissaggī’ti? Sace, āvuso , bhikkhu paccavekkhamāno evaṃ jānāti – ‘sandiṭṭhiparāmāsī khomhi ādhānaggāhī duppaṭinissaggī’ti, tenāvuso, bhikkhunā tesaṃyeva pāpakānaṃ akusalānaṃ dhammānaṃ pahānāya vāyamitabbaṃ. Sace panāvuso, bhikkhu paccavekkhamāno evaṃ jānāti – ‘asandiṭṭhiparāmāsī khomhi anādhānaggāhī suppaṭinissaggī’ti, tenāvuso, bhikkhunā teneva pītipāmojjena vihātabbaṃ ahorattānusikkhinā kusalesu dhammesu.
‘‘сажз , аавусо, бхигку бажжавзгкамаано саб̣б̣збимз баабагз агусалз д̇хаммз аббахийнз ад̇д̇ани саманубассад̇и, д̇знаавусо, бхигкунаа саб̣б̣зсам̣язва имзсам̣ баабагаанам̣ агусалаанам̣ д̇хаммаанам̣ бахаанааяа вааяамид̇аб̣б̣ам̣. сажз банаавусо, бхигку бажжавзгкамаано саб̣б̣збимз баабагз агусалз д̇хаммз бахийнз ад̇д̇ани саманубассад̇и, д̇знаавусо, бхигкунаа д̇знзва бийд̇ибаамож̇ж̇зна вихаад̇аб̣б̣ам̣, ахорад̇д̇аанусигкинаа гусалзсу д̇хаммзсу.
‘‘Sace , āvuso, bhikkhu paccavekkhamāno sabbepime pāpake akusale dhamme appahīne attani samanupassati, tenāvuso, bhikkhunā sabbesaṃyeva imesaṃ pāpakānaṃ akusalānaṃ dhammānaṃ pahānāya vāyamitabbaṃ. Sace panāvuso, bhikkhu paccavekkhamāno sabbepime pāpake akusale dhamme pahīne attani samanupassati, tenāvuso, bhikkhunā teneva pītipāmojjena vihātabbaṃ, ahorattānusikkhinā kusalesu dhammesu.
‘‘сзяяат̇ааби, аавусо, ид̇т̇ий ваа бурисо ваа, д̣̇ахаро яуваа ман̣д̣анаж̇аад̇иго, аад̣̇аасз ваа барисуд̣̇д̇хз барияод̣̇аад̇з, ажчз ваа уд̣̇агабад̇д̇з, сагам̣ муканимид̇д̇ам̣ бажжавзгкамаано, сажз д̇ад̇т̇а бассад̇и раж̇ам̣ ваа ан̇г̇ан̣ам̣ ваа, д̇ассзва раж̇асса ваа ан̇г̇ан̣асса ваа бахаанааяа вааяамад̇и; но жз д̇ад̇т̇а бассад̇и раж̇ам̣ ваа ан̇г̇ан̣ам̣ ваа, д̇знзва ад̇д̇амано ход̇и – ‘лаабхаа вад̇а мз, барисуд̣̇д̇хам̣ вад̇а мз’д̇и. звамзва ко, аавусо, сажз бхигку бажжавзгкамаано саб̣б̣збимз баабагз агусалз д̇хаммз аббахийнз ад̇д̇ани саманубассад̇и, д̇знаавусо, бхигкунаа саб̣б̣зсам̣язва имзсам̣ баабагаанам̣ агусалаанам̣ д̇хаммаанам̣ бахаанааяа вааяамид̇аб̣б̣ам̣. сажз банаавусо, бхигку бажжавзгкамаано саб̣б̣збимз баабагз агусалз д̇хаммз бахийнз ад̇д̇ани саманубассад̇и, д̇знаавусо, бхигкунаа д̇знзва бийд̇ибаамож̇ж̇зна вихаад̇аб̣б̣ам̣, ахорад̇д̇аанусигкинаа гусалзсу д̇хаммзсуу’’д̇и.
‘‘Seyyathāpi, āvuso, itthī vā puriso vā, daharo yuvā maṇḍanajātiko, ādāse vā parisuddhe pariyodāte, acche vā udakapatte, sakaṃ mukhanimittaṃ paccavekkhamāno, sace tattha passati rajaṃ vā aṅgaṇaṃ vā, tasseva rajassa vā aṅgaṇassa vā pahānāya vāyamati; no ce tattha passati rajaṃ vā aṅgaṇaṃ vā, teneva attamano hoti – ‘lābhā vata me, parisuddhaṃ vata me’ti. Evameva kho, āvuso, sace bhikkhu paccavekkhamāno sabbepime pāpake akusale dhamme appahīne attani samanupassati, tenāvuso, bhikkhunā sabbesaṃyeva imesaṃ pāpakānaṃ akusalānaṃ dhammānaṃ pahānāya vāyamitabbaṃ. Sace panāvuso, bhikkhu paccavekkhamāno sabbepime pāpake akusale dhamme pahīne attani samanupassati, tenāvuso, bhikkhunā teneva pītipāmojjena vihātabbaṃ, ahorattānusikkhinā kusalesu dhammesū’’ti.
ид̣̇амавожааяасмаа махаамог̇г̇аллаано. ад̇д̇аманаа д̇з бхигкуу ааяасмад̇о махаамог̇г̇аллаанасса бхаасид̇ам̣ абхинанд̣̇унд̇и.
Idamavocāyasmā mahāmoggallāno. Attamanā te bhikkhū āyasmato mahāmoggallānassa bhāsitaṃ abhinandunti.
анумаанасуд̇д̇ам̣ нидтид̇ам̣ бан̃жамам̣.
Anumānasuttaṃ niṭṭhitaṃ pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 5. анумаанасуд̇д̇аван̣н̣анаа • 5. Anumānasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 5. анумаанасуд̇д̇аван̣н̣анаа • 5. Anumānasuttavaṇṇanā
