| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
5. анумаанасуд̇д̇аван̣н̣анаа
5. Anumānasuttavaṇṇanā
181. звам̣ мз суд̇анд̇и анумаанасуд̇д̇ам̣. д̇ад̇т̇а бхаг̇г̇зсууд̇и звам̣наамагз ж̇анабад̣̇з, важанад̇т̇о банзд̇т̇а вуд̇д̇аанусаарзнзва взд̣̇ид̇аб̣б̣о. сусумаараг̇ирзд̇и звам̣наамагз наг̇арз. д̇асса гира наг̇арасса вад̇т̇убариг̇г̇ахад̣̇ивасз авид̣̇уурз уд̣̇агарахад̣̇з сум̣сумааро сад̣̇д̣̇амагааси, г̇ирам̣ нижчаарзси. ат̇а наг̇арз нидтид̇з сум̣сумаараг̇ирам̣ д̇взвасса наамам̣ агам̣су. бхзсагал̣ааванзд̇и бхзсагал̣аанаамагз ванз. ‘‘бхзсаг̇ал̣ааванз’’д̇иби баато. миг̇ад̣̇ааязд̇и д̇ам̣ ванам̣ миг̇абагкийнам̣ абхаяад̣̇иннадтаанз ж̇аад̇ам̣, д̇асмаа миг̇ад̣̇ааяод̇и вужжад̇и.
181.Evaṃme sutanti anumānasuttaṃ. Tattha bhaggesūti evaṃnāmake janapade, vacanattho panettha vuttānusāreneva veditabbo. Susumāragireti evaṃnāmake nagare. Tassa kira nagarassa vatthupariggahadivase avidūre udakarahade suṃsumāro saddamakāsi, giraṃ nicchāresi. Atha nagare niṭṭhite suṃsumāragiraṃ tvevassa nāmaṃ akaṃsu. Bhesakaḷāvaneti bhesakaḷānāmake vane. ‘‘Bhesagaḷāvane’’tipi pāṭho. Migadāyeti taṃ vanaṃ migapakkhīnaṃ abhayadinnaṭṭhāne jātaṃ, tasmā migadāyoti vuccati.
баваарзд̇ийд̇и ижчаабзд̇и. вад̣̇анд̇ууд̇и оваад̣̇аанусаасанивасзна вад̣̇анд̇у, анусаасанд̇ууд̇и ад̇т̇о. важанийяомхийд̇и ахам̣ д̇умхзхи вад̇д̇аб̣б̣о, анусаасид̇аб̣б̣о овад̣̇ид̇аб̣б̣од̇и ад̇т̇о. со жа ход̇и д̣̇уб̣б̣ажод̇и со жа д̣̇угкзна вад̇д̇аб̣б̣о ход̇и, вуд̇д̇о на сахад̇и. д̣̇оважассагаран̣зхийд̇и д̣̇уб̣б̣ажабхаавагаарагзхи убари ааг̇ад̇зхи сол̣асахи д̇хаммзхи. аббад̣̇агкин̣аг̇г̇аахий анусаасанинд̇и яо хи вужжамаано д̇умхз мам̣ гасмаа вад̣̇ат̇а, ахам̣ ад̇д̇ано габбияаагаббияам̣ сааваж̇ж̇аанаваж̇ж̇ам̣ ад̇т̇аанад̇т̇ам̣ ж̇аанаамийд̇и вад̣̇ад̇и. аяам̣ анусаасаним̣ бад̣̇агкин̣ад̇о на г̇ан̣хаад̇и, ваамад̇о г̇ан̣хаад̇и, д̇асмаа аббад̣̇агкин̣аг̇г̇аахийд̇и вужжад̇и.
Pavāretīti icchāpeti. Vadantūti ovādānusāsanivasena vadantu, anusāsantūti attho. Vacanīyomhīti ahaṃ tumhehi vattabbo, anusāsitabbo ovaditabboti attho. So ca hoti dubbacoti so ca dukkhena vattabbo hoti, vutto na sahati. Dovacassakaraṇehīti dubbacabhāvakārakehi upari āgatehi soḷasahi dhammehi. Appadakkhiṇaggāhī anusāsaninti yo hi vuccamāno tumhe maṃ kasmā vadatha, ahaṃ attano kappiyākappiyaṃ sāvajjānavajjaṃ atthānatthaṃ jānāmīti vadati. Ayaṃ anusāsaniṃ padakkhiṇato na gaṇhāti, vāmato gaṇhāti, tasmā appadakkhiṇaggāhīti vuccati.
баабигаанам̣ ижчаананд̇и лаамагаанам̣ асанд̇асамбхаванабад̇т̇анаанам̣. бадибпарад̇ийд̇и бадивируд̣̇д̇хо, бажжанийго худ̇ваа д̇идтад̇и, абасаад̣̇зд̇ийд̇и гим̣ ну ко д̇уяхам̣ б̣ааласса аб̣яад̇д̇асса бхан̣ид̇зна, д̇вамби наама бхан̣ид̇аб̣б̣ам̣ ман̃н̃иссасийд̇и звам̣ гхаддзд̇и. бажжааробзд̇ийд̇и, д̇вамби коси ид̇т̇аннаамам̣ аабад̇д̇им̣ аабанно, д̇ам̣ д̇аава бадигарохийд̇и звам̣ бадиааробзд̇и.
Pāpikānaṃ icchānanti lāmakānaṃ asantasambhavanapatthanānaṃ. Paṭippharatīti paṭiviruddho, paccanīko hutvā tiṭṭhati, apasādetīti kiṃ nu kho tuyhaṃ bālassa abyattassa bhaṇitena, tvampi nāma bhaṇitabbaṃ maññissasīti evaṃ ghaṭṭeti. Paccāropetīti, tvampi khosi itthannāmaṃ āpattiṃ āpanno, taṃ tāva paṭikarohīti evaṃ paṭiāropeti.
ан̃н̃знан̃н̃ам̣ бадижарад̇ийд̇и ан̃н̃зна гааран̣зна важанзна ваа ан̃н̃ам̣ гааран̣ам̣ важанам̣ ваа бадижчаад̣̇зд̇и. ‘‘аабад̇д̇им̣ аабанносий’’д̇и вуд̇д̇з ‘‘го аабанно, гим̣ аабанно, гисмим̣ аабанно, гам̣ бхан̣ат̇а, гим̣ бхан̣ат̇аа’’д̇и ваа вад̣̇ад̇и. ‘‘зваруубам̣ гин̃жи д̇аяаа д̣̇идта’’нд̇и вуд̇д̇з ‘‘на сун̣аамий’’д̇и сод̇ам̣ ваа убанзд̇и. б̣ахид̣̇д̇хаа гат̇ам̣ абанаамзд̇ийд̇и ‘‘ид̇т̇аннаамам̣ аабад̇д̇им̣ аабанносий’’д̇и будто ‘‘баадалибуд̇д̇ам̣ г̇ад̇омхий’’д̇и вад̇ваа буна ‘‘на д̇ава баадалибуд̇д̇аг̇аманам̣ бужчаама, аабад̇д̇им̣ бужчаамаа’’д̇и вуд̇д̇з ‘‘д̇ад̇о рааж̇аг̇зхам̣ г̇ад̇омхий’’д̇и, рааж̇аг̇зхам̣ ваа яаахи б̣раахман̣аг̇зхам̣ ваа, аабад̇д̇им̣ аабанносийд̇и. д̇ад̇т̇а мз суугарамам̣сам̣ лад̣̇д̇ханд̇иаад̣̇ийни вад̣̇анд̇о гат̇ам̣ б̣ахид̣̇д̇хаа вигкибад̇и.
Aññenaññaṃ paṭicaratīti aññena kāraṇena vacanena vā aññaṃ kāraṇaṃ vacanaṃ vā paṭicchādeti. ‘‘Āpattiṃ āpannosī’’ti vutte ‘‘ko āpanno, kiṃ āpanno, kismiṃ āpanno, kaṃ bhaṇatha, kiṃ bhaṇathā’’ti vā vadati. ‘‘Evarūpaṃ kiñci tayā diṭṭha’’nti vutte ‘‘na suṇāmī’’ti sotaṃ vā upaneti. Bahiddhā kathaṃ apanāmetīti ‘‘itthannāmaṃ āpattiṃ āpannosī’’ti puṭṭho ‘‘pāṭaliputtaṃ gatomhī’’ti vatvā puna ‘‘na tava pāṭaliputtagamanaṃ pucchāma, āpattiṃ pucchāmā’’ti vutte ‘‘tato rājagehaṃ gatomhī’’ti, rājagehaṃ vā yāhi brāhmaṇagehaṃ vā, āpattiṃ āpannosīti. Tattha me sūkaramaṃsaṃ laddhantiādīni vadanto kathaṃ bahiddhā vikkhipati.
абад̣̇аанзд̇и ад̇д̇ано жарияааяа. на самбааяад̇ийд̇и, аавусо, д̇вам̣ гухим̣ васаси, гам̣ ниссааяа васасийд̇и ваа, яам̣ д̇вам̣ вад̣̇зси ‘‘маяаа зса аабад̇д̇им̣ аабаж̇ж̇анно д̣̇идто’’д̇и. д̇вам̣ д̇асмим̣ самаяз гим̣ гароси, аяам̣ гим̣ гарод̇и, гад̇т̇а ваа д̇вам̣ ажчаси гад̇т̇а ваа аяанд̇иаад̣̇инаа наязна жарияам̣ будто самбаад̣̇зд̇ваа гат̇зд̇ум̣ на саггод̇и.
Apadāneti attano cariyāya. Na sampāyatīti, āvuso, tvaṃ kuhiṃ vasasi, kaṃ nissāya vasasīti vā, yaṃ tvaṃ vadesi ‘‘mayā esa āpattiṃ āpajjanno diṭṭho’’ti. Tvaṃ tasmiṃ samaye kiṃ karosi, ayaṃ kiṃ karoti, kattha vā tvaṃ acchasi kattha vā ayantiādinā nayena cariyaṃ puṭṭho sampādetvā kathetuṃ na sakkoti.
183. д̇ад̇раавусод̇и , аавусо, д̇зсу сол̣асасу д̇хаммзсу. ад̇д̇анаава ад̇д̇аанам̣ звам̣ ануминид̇аб̣б̣анд̇и звам̣ ад̇д̇анаава ад̇д̇аа анумзд̇аб̣б̣о д̇улзд̇аб̣б̣о д̇ийрзд̇аб̣б̣о.
183.Tatrāvusoti , āvuso, tesu soḷasasu dhammesu. Attanāva attānaṃ evaṃ anuminitabbanti evaṃ attanāva attā anumetabbo tuletabbo tīretabbo.
184. бажжавзгкид̇аб̣б̣анд̇и бажжавзгкид̇аб̣б̣о. ахорад̇д̇аанусигкинаад̇и д̣̇ивааби рад̇д̇имби сигканд̇зна, рад̇ин̃жа д̣̇иваа жа гусалзсу д̇хаммзсу сигканд̇зна бийд̇ибаамож̇ж̇амзва уббаад̣̇зд̇аб̣б̣анд̇и ад̇т̇о.
184.Paccavekkhitabbanti paccavekkhitabbo. Ahorattānusikkhināti divāpi rattimpi sikkhantena, ratiñca divā ca kusalesu dhammesu sikkhantena pītipāmojjameva uppādetabbanti attho.
ажчз ваа уд̣̇агабад̇д̇зд̇и басаннз ваа уд̣̇агабхааж̇анз. муканимид̇д̇анд̇и мукабадиб̣имб̣ам̣. раж̇анд̇и ааг̇анд̇угараж̇ам̣. ан̇г̇ан̣анд̇и д̇ад̇т̇а ж̇аад̇агам̣ д̇илагам̣ ваа бил̣агам̣ ваа. саб̣б̣збимз баабагз агусалз д̇хаммз бахийнзд̇и иминаа саб̣б̣аббахаанам̣ гат̇зси. гат̇ам̣? зд̇д̇агаа агусалаа д̇хаммаа баб̣б̣аж̇ид̇асса наанужчавигаад̇и бадисан̇каанам̣ уббаад̣̇аяад̇о хи бадисан̇каанаббахаанам̣гат̇ид̇ам̣ ход̇и. сийлам̣ бад̣̇адтаанам̣ гад̇ваа гасин̣абаригаммам̣ аарабхид̇ваа адта самаабад̇д̇ияо ниб̣б̣ад̇д̇знд̇асса вигкамбханаббахаанам̣ гат̇ид̇ам̣. самаабад̇д̇им̣ бад̣̇адтаанам̣ гад̇ваа вибассанам̣ вад̣дхзнд̇асса д̇ад̣̇ан̇г̇аббахаанам̣ гат̇ид̇ам̣. вибассанам̣ вад̣дхзд̇ваа маг̇г̇ам̣ бхаавзнд̇асса самужчзд̣̇аббахаанам̣ гат̇ид̇ам̣. палз ааг̇ад̇з бадиббассад̣̇д̇хиббахаанам̣, ниб̣б̣аанз ааг̇ад̇з ниссаран̣аббахаананд̇и звам̣ имасмим̣ суд̇д̇з саб̣б̣аббахаанам̣ гат̇ид̇ам̣ва ход̇и.
Acche vā udakapatteti pasanne vā udakabhājane. Mukhanimittanti mukhapaṭibimbaṃ. Rajanti āgantukarajaṃ. Aṅgaṇanti tattha jātakaṃ tilakaṃ vā piḷakaṃ vā. Sabbepime pāpake akusale dhamme pahīneti iminā sabbappahānaṃ kathesi. Kathaṃ? Ettakā akusalā dhammā pabbajitassa nānucchavikāti paṭisaṅkhānaṃ uppādayato hi paṭisaṅkhānappahānaṃkathitaṃ hoti. Sīlaṃ padaṭṭhānaṃ katvā kasiṇaparikammaṃ ārabhitvā aṭṭha samāpattiyo nibbattentassa vikkhambhanappahānaṃ kathitaṃ. Samāpattiṃ padaṭṭhānaṃ katvā vipassanaṃ vaḍḍhentassa tadaṅgappahānaṃ kathitaṃ. Vipassanaṃ vaḍḍhetvā maggaṃ bhāventassa samucchedappahānaṃ kathitaṃ. Phale āgate paṭippassaddhippahānaṃ, nibbāne āgate nissaraṇappahānanti evaṃ imasmiṃ sutte sabbappahānaṃ kathitaṃva hoti.
ид̣̇ан̃хи суд̇д̇ам̣ бхигкубаад̇имогкам̣ наамаад̇и бораан̣аа вад̣̇анд̇и. ид̣̇ам̣ д̣̇ивасасса д̇игкад̇д̇ум̣ бажжавзгкид̇аб̣б̣ам̣. баад̇о зва васанадтаанам̣ бависид̇ваа нисиннзна ‘‘имз зд̇д̇агаа гилзсаа ад̇т̇и ну ко маяхам̣ над̇т̇ий’’д̇и бажжавзгкид̇аб̣б̣аа. сажз ад̇т̇ийд̇и бассад̇и, д̇зсам̣ бахаанааяа вааяамид̇аб̣б̣ам̣. но жз бассад̇и, субаб̣б̣аж̇ид̇осмийд̇и ад̇д̇аманзна бхавид̇аб̣б̣ам̣. бхад̇д̇агижжам̣ гад̇ваа рад̇д̇идтаанз ваа д̣̇иваадтаанз ваа нисийд̣̇ид̇вааби бажжавзгкид̇аб̣б̣ам̣. сааяам̣ васанадтаанз нисийд̣̇ид̇вааби бажжавзгкид̇аб̣б̣ам̣. д̇игкад̇д̇ум̣ асаггонд̇зна д̣̇вз ваарз бажжавзгкид̇аб̣б̣ам̣. д̣̇вз ваарз асаггонд̇зна бана авассам̣ згаваарам̣ бажжавзгкид̇аб̣б̣ам̣, аббажжавзгкид̇ум̣ на ваддад̇ийд̇и вад̣̇анд̇и. сзсам̣ саб̣б̣ад̇т̇а уд̇д̇аанад̇т̇амзваад̇и.
Idañhi suttaṃ bhikkhupātimokkhaṃ nāmāti porāṇā vadanti. Idaṃ divasassa tikkhattuṃ paccavekkhitabbaṃ. Pāto eva vasanaṭṭhānaṃ pavisitvā nisinnena ‘‘ime ettakā kilesā atthi nu kho mayhaṃ natthī’’ti paccavekkhitabbā. Sace atthīti passati, tesaṃ pahānāya vāyamitabbaṃ. No ce passati, supabbajitosmīti attamanena bhavitabbaṃ. Bhattakiccaṃ katvā rattiṭṭhāne vā divāṭṭhāne vā nisīditvāpi paccavekkhitabbaṃ. Sāyaṃ vasanaṭṭhāne nisīditvāpi paccavekkhitabbaṃ. Tikkhattuṃ asakkontena dve vāre paccavekkhitabbaṃ. Dve vāre asakkontena pana avassaṃ ekavāraṃ paccavekkhitabbaṃ, appaccavekkhituṃ na vaṭṭatīti vadanti. Sesaṃ sabbattha uttānatthamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
анумаанасуд̇д̇аван̣н̣анаа нидтид̇аа.
Anumānasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 5. анумаанасуд̇д̇ам̣ • 5. Anumānasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 5. анумаанасуд̇д̇аван̣н̣анаа • 5. Anumānasuttavaṇṇanā
