| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
5. анумаанасуд̇д̇аван̣н̣анаа
5. Anumānasuttavaṇṇanā
181. вуд̇д̇аанусаарзнаад̇и ‘‘гуруусу, саггзсуу’’д̇и жа зд̇т̇а вуд̇д̇анаяаанусаарзна, ‘‘бхаг̇г̇аа наама ж̇аанабад̣̇ино рааж̇агумаараа’’д̇иаад̣̇инаа наязна важанад̇т̇о взд̣̇ид̇аб̣б̣од̇и ад̇т̇о. вад̇т̇убариг̇г̇ахад̣̇ивасзд̇и наг̇арамаабанад̇т̇ам̣ вад̇т̇увиж̇ж̇аажариязна наг̇арадтаанасса бариг̇г̇ан̣ханад̣̇ивасз. ат̇аад̇и бажчаа. наг̇арз ниммид̇зд̇и д̇ад̇т̇а ананд̇арааязна наг̇арз маабид̇з. д̇амзва сусумаараг̇иран̣ам̣ субханимид̇д̇ам̣ гад̇ваа ‘‘сусумаараг̇ири’’д̇взвасса наамам̣ агам̣су. сусумаарасан̣таанад̇д̇аа сусумааро наама зго г̇ири, со д̇асса наг̇арасса самийбз, д̇асмаа д̇ам̣ сусумаараг̇ири зд̇асса ад̇т̇ийд̇и ‘‘сусумаараг̇ирий’’д̇и вужжад̇ийд̇и гзжи. бхзсагал̣аад̇и вужжад̇и гхамман̣д̣аг̇ажчам̣, гзжи ‘‘сзд̇аругка’’нд̇и вад̣̇анд̇и, д̇зсам̣ б̣ахулад̇ааяа бана д̇ам̣ ванам̣ бхзсагал̣аавананд̇зва бан̃н̃ааяид̇т̇а. бхзсо наама зго яагко аяуд̇д̇агаарий, д̇асса д̇ад̇о г̇ал̣ид̇адтаанад̇ааяа д̇ам̣ ванам̣ бхзсаг̇ал̣ааванам̣ наама ж̇аад̇анд̇и гзжи. абхаяад̣̇иннадтаанз ж̇аад̇ам̣ вируул̣хам̣, сам̣вад̣̇д̇ханд̇и ад̇т̇о.
181.Vuttānusārenāti ‘‘kurūsu, sakkesū’’ti ca ettha vuttanayānusārena, ‘‘bhaggā nāma jānapadino rājakumārā’’tiādinā nayena vacanattho veditabboti attho. Vatthupariggahadivaseti nagaramāpanatthaṃ vatthuvijjācariyena nagaraṭṭhānassa pariggaṇhanadivase. Athāti pacchā. Nagare nimmiteti tattha anantarāyena nagare māpite. Tameva susumāragiraṇaṃ subhanimittaṃ katvā ‘‘susumāragiri’’tvevassa nāmaṃ akaṃsu. Susumārasaṇṭhānattā susumāro nāma eko giri, so tassa nagarassa samīpe, tasmā taṃ susumāragiri etassa atthīti ‘‘susumāragirī’’ti vuccatīti keci. Bhesakaḷāti vuccati ghammaṇḍagacchaṃ, keci ‘‘setarukkha’’nti vadanti, tesaṃ bahulatāya pana taṃ vanaṃ bhesakaḷāvananteva paññāyittha. Bheso nāma eko yakkho ayuttakārī, tassa tato gaḷitaṭṭhānatāya taṃ vanaṃ bhesagaḷāvanaṃ nāma jātanti keci. Abhayadinnaṭṭhāne jātaṃ virūḷhaṃ, saṃvaddhanti attho.
ижчаабзд̇ийд̇и яам̣ гин̃жи ад̇д̇ани г̇арахид̇аб̣б̣ам̣ вад̇д̇ум̣ саб̣рахмажаарийнам̣ ижчам̣ уббаад̣̇зд̇и, д̇ад̣̇ад̇т̇ааяа д̇зсам̣ ад̇д̇аанам̣ виссаж̇ж̇зд̇ийд̇и ад̇т̇о. батамам̣ д̣̇инно хид̇уубад̣̇зсо оваад̣̇о, абараабарам̣ д̣̇инно анусаасаний. бажжуббаннаад̇ийд̇ависаяо ваа оваад̣̇о, анааг̇ад̇ависаяо анусаасаний. од̇ин̣н̣авад̇т̇уго оваад̣̇о, ид̇аро анусаасаний. со жаад̇и звам̣ баваарзд̇аа со бхигку. д̣̇угкам̣ важо зд̇асмим̣ виббадигуулаг̇г̇аахз вибажжанийгасаад̇з анаад̣̇арз буг̇г̇алзд̇и д̣̇уб̣б̣ажо. д̇знааха ‘‘д̣̇угкзна вад̇д̇аб̣б̣о’’д̇и. убари ааг̇ад̇зхийд̇и ‘‘баабижчо ход̇ий’’д̇иаад̣̇инаа (ма. ни. 1.181) ааг̇ад̇зхи сол̣асахи баабад̇хаммзхи. багаарзхи аавахам̣ бад̣̇агкин̣ам̣, д̇ад̇о бад̣̇агкин̣ад̇о г̇ахан̣асийло бад̣̇агкин̣аг̇г̇аахий, на бад̣̇агкин̣аг̇г̇аахий аббад̣̇агкин̣аг̇г̇аахий. ваамад̇од̇и абасаб̣яад̇о, вуд̇д̇авибарияааяад̇од̇и ад̇хиббааяо.
Icchāpetīti yaṃ kiñci attani garahitabbaṃ vattuṃ sabrahmacārīnaṃ icchaṃ uppādeti, tadatthāya tesaṃ attānaṃ vissajjetīti attho. Paṭhamaṃ dinno hitūpadeso ovādo, aparāparaṃ dinno anusāsanī. Paccuppannātītavisayo vā ovādo, anāgatavisayo anusāsanī. Otiṇṇavatthuko ovādo, itaro anusāsanī. So cāti evaṃ pavāretā so bhikkhu. Dukkhaṃ vaco etasmiṃ vippaṭikūlaggāhe vipaccanīkasāte anādare puggaleti dubbaco. Tenāha ‘‘dukkhena vattabbo’’ti. Upari āgatehīti ‘‘pāpiccho hotī’’tiādinā (ma. ni. 1.181) āgatehi soḷasahi pāpadhammehi. Pakārehi āvahaṃ padakkhiṇaṃ, tato padakkhiṇato gahaṇasīlo padakkhiṇaggāhī, na padakkhiṇaggāhī appadakkhiṇaggāhī. Vāmatoti apasabyato, vuttavipariyāyatoti adhippāyo.
асанд̇асамбхааванабад̇т̇анаананд̇и асанд̇зхи авиж̇ж̇амаанзхи г̇ун̣зхи самбхааванасса бад̇т̇анаабхууд̇аанам̣. бади-сад̣̇д̣̇о бажжад̇д̇игабарияааяо, паран̣ам̣ вааяаманам̣ ид̇ха д̇ат̇аавадтаананд̇и ааха ‘‘бадибпарад̇ийд̇и бадивируд̣̇д̇хо бажжанийго худ̇ваа д̇идтад̇ий’’д̇и. абасаад̣̇зд̇ийд̇и кибзд̇и д̇аж̇ж̇зд̇и. д̇ат̇аабхууд̇о жа барам̣ гхаддзнд̇о наама ход̇ийд̇и ааха ‘‘гхаддзд̇ий’’д̇и. бадиааробзд̇ийд̇и яаад̣̇исзна вуд̇д̇о, д̇асса бадибхааг̇абхууд̇ам̣ д̣̇осам̣ жод̣̇агасса убари ааробзд̇и.
Asantasambhāvanapatthanānanti asantehi avijjamānehi guṇehi sambhāvanassa patthanābhūtānaṃ. Paṭi-saddo paccattikapariyāyo, pharaṇaṃ vāyamanaṃ idha tathāvaṭṭhānanti āha ‘‘paṭippharatīti paṭiviruddho paccanīko hutvā tiṭṭhatī’’ti. Apasādetīti khipeti tajjeti. Tathābhūto ca paraṃ ghaṭṭento nāma hotīti āha ‘‘ghaṭṭetī’’ti. Paṭiāropetīti yādisena vutto, tassa paṭibhāgabhūtaṃ dosaṃ codakassa upari āropeti.
бадижарад̇ийд̇и (а. ни. дий. 2.3.68) бадижчаад̣̇анавасзна жарад̇и бавад̇д̇ад̇и, бадижчаад̣̇анад̇т̇о зва ваа жарад̇и-сад̣̇д̣̇о анзгад̇т̇ад̇д̇аа д̇хаад̇уунанд̇и ааха ‘‘бадижчаад̣̇зд̇ий’’д̇и. ан̃н̃знан̃н̃анд̇и бадижчаад̣̇анаагаарад̣̇ассананд̇и ааха ‘‘ан̃н̃зна гааран̣знаа’’д̇иаад̣̇и. д̇ад̇т̇а ан̃н̃ам̣ гааран̣ам̣ важанам̣ ваад̇и яам̣ жод̣̇агзна жуд̣̇ид̇агасса д̣̇осавибхааванам̣ гааран̣ам̣, важанам̣ ваа вуд̇д̇ам̣, д̇ад̇о ан̃н̃знзва гааран̣зна, важанзна ваа бадижчаад̣̇зд̇и. гааран̣знаад̇и жод̣̇анааяа амуулигабхаавад̣̇ийбанияаа яуд̇д̇ияаа. важанзнаад̇и д̇ад̣̇ад̇т̇аб̣од̇ханзна. го аабаннод̇иаад̣̇инаа жод̣̇анам̣ ависсаж̇ж̇зд̇ваа вигкзбаабаж̇ж̇анам̣ ан̃н̃знан̃н̃ам̣ бадижаран̣анд̇и д̣̇ассзд̇и, б̣ахид̣̇д̇хаа гат̇ааабанааманам̣ виссаж̇ж̇зд̇ваад̇и аяамзва д̇зсам̣ висзсо. д̇знааха ‘‘ид̇т̇аннаама’’нд̇иаад̣̇и.
Paṭicaratīti (a. ni. ṭī. 2.3.68) paṭicchādanavasena carati pavattati, paṭicchādanattho eva vā carati-saddo anekatthattā dhātūnanti āha ‘‘paṭicchādetī’’ti. Aññenaññanti paṭicchādanākāradassananti āha ‘‘aññena kāraṇenā’’tiādi. Tattha aññaṃ kāraṇaṃ vacanaṃ vāti yaṃ codakena cuditakassa dosavibhāvanaṃ kāraṇaṃ, vacanaṃ vā vuttaṃ, tato aññeneva kāraṇena, vacanena vā paṭicchādeti. Kāraṇenāti codanāya amūlikabhāvadīpaniyā yuttiyā. Vacanenāti tadatthabodhanena. Ko āpannotiādinā codanaṃ avissajjetvā vikkhepāpajjanaṃ aññenaññaṃ paṭicaraṇanti dasseti, bahiddhā kathāapanāmanaṃ vissajjetvāti ayameva tesaṃ viseso. Tenāha ‘‘itthannāma’’ntiādi.
абад̣̇ийяанд̇и д̣̇осаа зд̇зна рагкийяанд̇и, лууяанд̇и, чиж̇ж̇анд̇ийд̇и ваа абад̣̇аанам̣, (а. ни. дий. 2.3.2) сад̇д̇аанам̣ саммаа, мижчаа ваа бавад̇д̇абаяог̇о. д̇знааха ‘‘ад̇д̇ано жарияааяаа’’д̇и.
Apadīyanti dosā etena rakkhīyanti, lūyanti, chijjantīti vā apadānaṃ, (a. ni. ṭī. 2.3.2) sattānaṃ sammā, micchā vā pavattapayogo. Tenāha ‘‘attano cariyāyā’’ti.
183. ануминид̇аб̣б̣анд̇и ану ану минид̇аб̣б̣о ж̇аанид̇аб̣б̣о. ад̇д̇аанам̣ ануминид̇аб̣б̣анд̇и жа ид̣̇ам̣ бажжад̇д̇з убаяог̇аважанам̣. д̇знааха ‘‘ануминид̇аб̣б̣о д̇улзд̇аб̣б̣о д̇ийрзд̇аб̣б̣о’’д̇и. ад̇д̇аанам̣ ануминид̇аб̣б̣анд̇и ваа ад̇д̇ани анумаанан̃аан̣ам̣ бавад̇д̇зд̇аб̣б̣ам̣. д̇ад̇рааяам̣ наяо – аббияабхааваавахаа маяи бавад̇д̇аа баабижчад̇аа баабижчаабхаавад̇о барасмим̣ бавад̇д̇абаабижчад̇аа вияа. зса наяо сзсад̇хаммзсуби. абаро наяо – саб̣рахмажаарийнам̣ бияабхаавам̣ ижчанд̇зна баабижчад̇аа бахаад̇аб̣б̣аа сийлависуд̣̇д̇хихзд̇убхаавад̇о ад̇д̇уггам̣санаад̣̇иббахаанам̣ вияа. сзсад̇хаммзсуби зсзва наяо.
183.Anuminitabbanti anu anu minitabbo jānitabbo. Attānaṃ anuminitabbanti ca idaṃ paccatte upayogavacanaṃ. Tenāha ‘‘anuminitabbo tuletabbo tīretabbo’’ti. Attānaṃ anuminitabbanti vā attani anumānañāṇaṃ pavattetabbaṃ. Tatrāyaṃ nayo – appiyabhāvāvahā mayi pavattā pāpicchatā pāpicchābhāvato parasmiṃ pavattapāpicchatā viya. Esa nayo sesadhammesupi. Aparo nayo – sabrahmacārīnaṃ piyabhāvaṃ icchantena pāpicchatā pahātabbā sīlavisuddhihetubhāvato attukkaṃsanādippahānaṃ viya. Sesadhammesupi eseva nayo.
184. бажжавзгкид̇аб̣б̣од̇и ‘‘на баабижчо бхависсаами, на баабигаанам̣ ижчаанам̣ васам̣ г̇ад̇о’’д̇иаад̣̇инаа бад̇и бад̇и д̣̇ивасасса д̇игкад̇д̇ум̣ ваа н̃аан̣ажагкунаа авзгкид̇аб̣б̣ам̣, н̃аан̣ам̣ бавад̇д̇зд̇аб̣б̣анд̇и ад̇т̇о. баабижчад̇аад̣̇ийнам̣ бахаанам̣ бад̇и авзгкид̇аб̣б̣ам̣, аяан̃жа ад̇т̇о д̇аб̣б̣а-сад̣̇д̣̇асса бхаавад̇т̇ад̇аавасзна взд̣̇ид̇аб̣б̣о, гаммад̇т̇ад̇аавасзна бана адтагат̇ааяам̣ ‘‘ад̇д̇аана’’нд̇и бажжад̇д̇з убаяог̇аважанам̣ гад̇ваа вуд̇д̇ам̣. сигканд̇знаад̇и д̇иссоби сигкаа сигканд̇зна. д̇знааха ‘‘гусалзсу д̇хаммзсуу’’д̇и.
184.Paccavekkhitabboti ‘‘na pāpiccho bhavissāmi, na pāpikānaṃ icchānaṃ vasaṃ gato’’tiādinā pati pati divasassa tikkhattuṃ vā ñāṇacakkhunā avekkhitabbaṃ, ñāṇaṃ pavattetabbanti attho. Pāpicchatādīnaṃ pahānaṃ pati avekkhitabbaṃ, ayañca attho tabba-saddassa bhāvatthatāvasena veditabbo, kammatthatāvasena pana aṭṭhakathāyaṃ ‘‘attāna’’nti paccatte upayogavacanaṃ katvā vuttaṃ. Sikkhantenāti tissopi sikkhā sikkhantena. Tenāha ‘‘kusalesu dhammesū’’ti.
д̇илаганд̇и гаал̣ад̇иласзд̇ад̇илаад̣̇ид̇илагам̣. саб̣б̣аббахаананд̇и саб̣б̣аббагаараббахаанам̣. палз ааг̇ад̇зд̇и палз уббаннз. ниб̣б̣аанз ааг̇ад̇зд̇и ниб̣б̣аанасса ад̇хиг̇ад̇ад̇д̇аа. бхигкубаад̇имогканд̇и ‘‘со саман̣о, са бхигкуу’’д̇и звам̣ вуд̇д̇абхигкуунам̣ баад̇имогкам̣, на убасамбаннаанам̣ зва на баб̣б̣аж̇ид̇аанам̣ зваад̇и д̣̇адтаб̣б̣ам̣. яасмаа жид̣̇ам̣ бхигкубаад̇имогкам̣, д̇асмаа вуд̇д̇ам̣ ‘‘ид̣̇ам̣ д̣̇ивасасса д̇игкад̇д̇у’’нд̇иаад̣̇и. абажжавзгкид̇ум̣ на ваддад̇и ад̇д̇ависуд̣̇д̇хияаа зганд̇ахзд̇убхаавад̇о.
Tilakanti kāḷatilasetatilāditilakaṃ. Sabbappahānanti sabbappakārappahānaṃ. Phale āgateti phale uppanne. Nibbāne āgateti nibbānassa adhigatattā. Bhikkhupātimokkhanti ‘‘so samaṇo, sa bhikkhū’’ti evaṃ vuttabhikkhūnaṃ pātimokkhaṃ, na upasampannānaṃ eva na pabbajitānaṃ evāti daṭṭhabbaṃ. Yasmā cidaṃ bhikkhupātimokkhaṃ, tasmā vuttaṃ ‘‘idaṃ divasassa tikkhattu’’ntiādi. Apaccavekkhituṃ na vaṭṭati attavisuddhiyā ekantahetubhāvato.
анумаанасуд̇д̇аван̣н̣анааяа лийнад̇т̇аббагаасанаа самад̇д̇аа.
Anumānasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 5. анумаанасуд̇д̇ам̣ • 5. Anumānasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 5. анумаанасуд̇д̇аван̣н̣анаа • 5. Anumānasuttavaṇṇanā
