| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
4. அனுமோத³னவத்தகதா²
4. Anumodanavattakathā
362. இத்³த⁴ங் அஹோஸீதி எத்த² இத⁴தா⁴துயா வட்³ட⁴னத்த²ங் படிக்கி²பந்தோ ஆஹ ‘‘ஸம்பன்னங் அஹோஸீ’’தி. ஸங்க⁴த்தே²ரே நிஸின்னேதி ஸம்ப³ந்தோ⁴. அனுதே²ரே அனுமோத³னத்தா²ய நிஸின்னேதி யோஜனா. ஸங்க⁴த்தே²ரேன அஜ்ஜி²ட்டே²பீதி ஸம்ப³ந்தோ⁴. அனுமோத³கோ வத³தீதி ஸம்ப³ந்தோ⁴. அனு புனப்புனங், பச்சா² வா தா³யகே த⁴ம்மகதா²ய மோதே³தீதி அனுமோத³கோ. ‘‘க³ச்ச²தா²’’தி ஸசே வத³தி அனுமோத³கோதி யோஜனா. தஸ்ஸாதி அனுமோத³கஸ்ஸ. மனுஸ்ஸா காரெந்தீதி ஸம்ப³ந்தோ⁴. ‘‘ஏகேனா’’தி பத³ங் ‘‘காரெந்தீ’’தி பதே³ காரிதகம்மங். தஸ்ஸாதி காரிதபி⁴க்கு²ஸ்ஸ. அனுமோத³னதோதி அனுமோத³னகாரணா. உபனிஸின்னகதா²தி உபஸமீபே நிஸின்னானங் கதி²யதி ஏதாயாதி உபனிஸின்னகதா². அனுமோத³னாயாதி அனுமோத³னத்தா²ய. அஜ்ஜி²ட்டோ²வாதி ஸயங் அஜ்ஜி²ட்டோ² ஏவ. எத்தா²தி அனுமோத³னவத்து²ஸ்மிங். ‘‘ஸஞ்ஜாதவச்சோ’’தி இமினா வச்சோ ஸஞ்ஜாதோ இமஸ்ஸாதி வச்சிதோதி கத்வா ஸஞ்ஜாதத்தே² இத பச்சயோதி த³ஸ்ஸேதி.
362.Iddhaṃ ahosīti ettha idhadhātuyā vaḍḍhanatthaṃ paṭikkhipanto āha ‘‘sampannaṃ ahosī’’ti. Saṅghatthere nisinneti sambandho. Anuthere anumodanatthāya nisinneti yojanā. Saṅghattherena ajjhiṭṭhepīti sambandho. Anumodako vadatīti sambandho. Anu punappunaṃ, pacchā vā dāyake dhammakathāya modetīti anumodako. ‘‘Gacchathā’’ti sace vadati anumodakoti yojanā. Tassāti anumodakassa. Manussā kārentīti sambandho. ‘‘Ekenā’’ti padaṃ ‘‘kārentī’’ti pade kāritakammaṃ. Tassāti kāritabhikkhussa. Anumodanatoti anumodanakāraṇā. Upanisinnakathāti upasamīpe nisinnānaṃ kathiyati etāyāti upanisinnakathā. Anumodanāyāti anumodanatthāya. Ajjhiṭṭhovāti sayaṃ ajjhiṭṭho eva. Etthāti anumodanavatthusmiṃ. ‘‘Sañjātavacco’’ti iminā vacco sañjāto imassāti vaccitoti katvā sañjātatthe ita paccayoti dasseti.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / சூளவக்³க³பாளி • Cūḷavaggapāḷi / 4. அனுமோத³னவத்தகதா² • 4. Anumodanavattakathā
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / சூளவக்³க³-அட்ட²கதா² • Cūḷavagga-aṭṭhakathā / அனுமோத³னவத்தகதா² • Anumodanavattakathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / அனுமோத³னவத்தகதா²வண்ணனா • Anumodanavattakathāvaṇṇanā
