| Library / Tipiṭaka / д̇ибидага • Tipiṭaka / жуул̣аваг̇г̇а-адтагат̇аа • Cūḷavagga-aṭṭhakathā |
анумод̣̇анавад̇д̇агат̇аа
Anumodanavattakathā
362. анумод̣̇анавад̇т̇усмим̣ ид̣̇д̇хам̣ ахосийд̇и самбаннам̣ ахоси. жад̇уухи бан̃жахийд̇и сан̇гхад̇т̇зрзна анумод̣̇анад̇т̇ааяа нисиннз хздтаа бадибаадияаа жад̇уухи нисийд̣̇ид̇аб̣б̣ам̣. анут̇зрз нисиннз махаат̇зрзна жа хздтаа жа д̇ийхи нисийд̣̇ид̇аб̣б̣ам̣. бан̃жамз нисиннз убари жад̇уухи нисийд̣̇ид̇аб̣б̣ам̣. сан̇гхад̇т̇зрзна хздтаа д̣̇ахарабхигкусмим̣ аж̇жхидтзби сан̇гхад̇т̇зрад̇о бадтааяа жад̇уухи нисийд̣̇ид̇аб̣б̣амзва. сажз бана анумод̣̇аго бхигку ‘‘г̇ажчат̇а бханд̇з, ааг̇амзд̇аб̣б̣агижжам̣ над̇т̇ий’’д̇и вад̣̇ад̇и, г̇анд̇ум̣ ваддад̇и. махаат̇зрзна ‘‘г̇ажчаама аавусо’’д̇и вуд̇д̇з ‘‘г̇ажчат̇аа’’д̇и вад̣̇ад̇и, звамби ваддад̇и. ‘‘б̣ахиг̇аамз ааг̇амзссаамаа’’д̇и аабхог̇ам̣ гад̇вааби б̣ахиг̇аамам̣ г̇анд̇ваа ад̇д̇ано ниссид̇агз ‘‘д̇умхз д̇асса ааг̇аманам̣ ааг̇амзт̇аа’’д̇и вад̇вааби г̇анд̇ум̣ ваддад̇иязва. сажз бана мануссаа ад̇д̇ано ружигзна згзна анумод̣̇анам̣ гаарзнд̇и, нзва д̇асса анумод̣̇ад̇о аабад̇д̇и, на махаат̇зрасса бхааро ход̇и. убанисиннагат̇ааяамзва хи мануссзсу гат̇аабзнд̇зсу махаат̇зро аабужчид̇аб̣б̣о, махаат̇зрзна жа анумод̣̇анааяа аж̇жхидтова ааг̇амзд̇аб̣б̣од̇и ид̣̇амзд̇т̇а лагкан̣ам̣. важжид̇од̇и сан̃ж̇аад̇аважжо; важжабийл̣ид̇од̇и ад̇хиббааяо.
362. Anumodanavatthusmiṃ iddhaṃ ahosīti sampannaṃ ahosi. Catūhi pañcahīti saṅghattherena anumodanatthāya nisinne heṭṭhā paṭipāṭiyā catūhi nisīditabbaṃ. Anuthere nisinne mahātherena ca heṭṭhā ca tīhi nisīditabbaṃ. Pañcame nisinne upari catūhi nisīditabbaṃ. Saṅghattherena heṭṭhā daharabhikkhusmiṃ ajjhiṭṭhepi saṅghattherato paṭṭhāya catūhi nisīditabbameva. Sace pana anumodako bhikkhu ‘‘gacchatha bhante, āgametabbakiccaṃ natthī’’ti vadati, gantuṃ vaṭṭati. Mahātherena ‘‘gacchāma āvuso’’ti vutte ‘‘gacchathā’’ti vadati, evampi vaṭṭati. ‘‘Bahigāme āgamessāmā’’ti ābhogaṃ katvāpi bahigāmaṃ gantvā attano nissitake ‘‘tumhe tassa āgamanaṃ āgamethā’’ti vatvāpi gantuṃ vaṭṭatiyeva. Sace pana manussā attano rucikena ekena anumodanaṃ kārenti, neva tassa anumodato āpatti, na mahātherassa bhāro hoti. Upanisinnakathāyameva hi manussesu kathāpentesu mahāthero āpucchitabbo, mahātherena ca anumodanāya ajjhiṭṭhova āgametabboti idamettha lakkhaṇaṃ. Vaccitoti sañjātavacco; vaccapīḷitoti adhippāyo.
анумод̣̇анавад̇д̇агат̇аа нидтид̇аа.
Anumodanavattakathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / 4. анумод̣̇анавад̇д̇агат̇аа • 4. Anumodanavattakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / анумод̣̇анавад̇д̇агат̇ааван̣н̣анаа • Anumodanavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / анумод̣̇анавад̇д̇агат̇ааван̣н̣анаа • Anumodanavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / анумод̣̇анавад̇д̇агат̇ааван̣н̣анаа • Anumodanavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. анумод̣̇анавад̇д̇агат̇аа • 4. Anumodanavattakathā
