| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
4. анумод̣̇анавад̇д̇агат̇аа
4. Anumodanavattakathā
362. д̇зна ко бана самаязна бхигкуу бхад̇д̇аг̇г̇з на анумод̣̇анд̇и. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама саман̣аа сагяабуд̇д̇ияаа бхад̇д̇аг̇г̇з на анумод̣̇иссанд̇ий’’д̇и! ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, бхад̇д̇аг̇г̇з анумод̣̇ид̇у’’нд̇и. ат̇а ко д̇зсам̣ бхигкуунам̣ зд̇ад̣̇ахоси – ‘‘гзна ну ко бхад̇д̇аг̇г̇з анумод̣̇ид̇аб̣б̣а’’нд̇и? бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, т̇зрзна бхигкунаа бхад̇д̇аг̇г̇з анумод̣̇ид̇у’’нд̇и.
362. Tena kho pana samayena bhikkhū bhattagge na anumodanti. Manussā ujjhāyanti khiyyanti vipācenti – ‘‘kathañhi nāma samaṇā sakyaputtiyā bhattagge na anumodissantī’’ti! Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Atha kho te bhikkhū bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, bhattagge anumoditu’’nti. Atha kho tesaṃ bhikkhūnaṃ etadahosi – ‘‘kena nu kho bhattagge anumoditabba’’nti? Bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, therena bhikkhunā bhattagge anumoditu’’nti.
д̇зна ко бана самаязна ан̃н̃ад̇арасса бууг̇асса сан̇гхабхад̇д̇ам̣ ход̇и . ааяасмаа саарибуд̇д̇о сан̇гхад̇т̇зро ход̇и. бхигкуу – ‘бхаг̇авад̇аа анун̃н̃аад̇ам̣ т̇зрзна бхигкунаа бхад̇д̇аг̇г̇з анумод̣̇ид̇у’нд̇и – ааяасманд̇ам̣ саарибуд̇д̇ам̣ згагам̣ охааяа баггамим̣су. ат̇а ко ааяасмаа саарибуд̇д̇о д̇з мануссз бадисаммод̣̇ид̇ваа бажчаа згаго аг̇амааси. ад̣̇д̣̇асаа ко бхаг̇аваа ааяасманд̇ам̣ саарибуд̇д̇ам̣ д̣̇уурад̇ова згагам̣ ааг̇ажчанд̇ам̣. д̣̇исваана ааяасманд̇ам̣ саарибуд̇д̇ам̣ зд̇ад̣̇авожа – ‘‘гажжи, саарибуд̇д̇а, бхад̇д̇ам̣ ид̣̇д̇хам̣ ахосий’’д̇и? ‘‘ид̣̇д̇хам̣ ко, бханд̇з, бхад̇д̇ам̣ ахоси; абижа мам̣ бхигкуу згагам̣ охааяа багганд̇аа’’д̇и. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, бхад̇д̇аг̇г̇з жад̇уухи бан̃жахи т̇зраанут̇зрзхи бхигкуухи ааг̇амзд̇у’’нд̇и.
Tena kho pana samayena aññatarassa pūgassa saṅghabhattaṃ hoti . Āyasmā sāriputto saṅghatthero hoti. Bhikkhū – ‘bhagavatā anuññātaṃ therena bhikkhunā bhattagge anumoditu’nti – āyasmantaṃ sāriputtaṃ ekakaṃ ohāya pakkamiṃsu. Atha kho āyasmā sāriputto te manusse paṭisammoditvā pacchā ekako agamāsi. Addasā kho bhagavā āyasmantaṃ sāriputtaṃ dūratova ekakaṃ āgacchantaṃ. Disvāna āyasmantaṃ sāriputtaṃ etadavoca – ‘‘kacci, sāriputta, bhattaṃ iddhaṃ ahosī’’ti? ‘‘Iddhaṃ kho, bhante, bhattaṃ ahosi; apica maṃ bhikkhū ekakaṃ ohāya pakkantā’’ti. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, bhattagge catūhi pañcahi therānutherehi bhikkhūhi āgametu’’nti.
д̇зна ко бана самаязна ан̃н̃ад̇аро т̇зро бхад̇д̇аг̇г̇з важжид̇о ааг̇амзси. со важжам̣ санд̇хаарзд̇ум̣ асаггонд̇о мужчид̇о бабад̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, сад̇и гаран̣ийяз аананд̇аригам̣ бхигкум̣ аабужчид̇ваа г̇анд̇у’’нд̇и.
Tena kho pana samayena aññataro thero bhattagge vaccito āgamesi. So vaccaṃ sandhāretuṃ asakkonto mucchito papati. Bhagavato etamatthaṃ ārocesuṃ. ‘‘Anujānāmi, bhikkhave, sati karaṇīye ānantarikaṃ bhikkhuṃ āpucchitvā gantu’’nti.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / анумод̣̇анавад̇д̇агат̇аа • Anumodanavattakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / анумод̣̇анавад̇д̇агат̇ааван̣н̣анаа • Anumodanavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / анумод̣̇анавад̇д̇агат̇ааван̣н̣анаа • Anumodanavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / анумод̣̇анавад̇д̇агат̇ааван̣н̣анаа • Anumodanavattakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. анумод̣̇анавад̇д̇агат̇аа • 4. Anumodanavattakathā
