| Library / Tipiṭaka / ติปิฎก • Tipiṭaka / ปาจิตฺยาทิโยชนาปาฬิ • Pācityādiyojanāpāḷi |
๔. อนุโมทนวตฺตกถา
4. Anumodanavattakathā
๓๖๒. อิทฺธํ อโหสีติ เอตฺถ อิธธาตุยา วฑฺฒนตฺถํ ปฎิกฺขิปโนฺต อาห ‘‘สมฺปนฺนํ อโหสี’’ติฯ สงฺฆเตฺถเร นิสิเนฺนติ สมฺพโนฺธฯ อนุเถเร อนุโมทนตฺถาย นิสิเนฺนติ โยชนาฯ สงฺฆเตฺถเรน อชฺฌิเฎฺฐปีติ สมฺพโนฺธฯ อนุโมทโก วทตีติ สมฺพโนฺธฯ อนุ ปุนปฺปุนํ, ปจฺฉา วา ทายเก ธมฺมกถาย โมเทตีติ อนุโมทโกฯ ‘‘คจฺฉถา’’ติ สเจ วทติ อนุโมทโกติ โยชนาฯ ตสฺสาติ อนุโมทกสฺสฯ มนุสฺสา กาเรนฺตีติ สมฺพโนฺธฯ ‘‘เอเกนา’’ติ ปทํ ‘‘กาเรนฺตี’’ติ ปเท การิตกมฺมํฯ ตสฺสาติ การิตภิกฺขุสฺสฯ อนุโมทนโตติ อนุโมทนการณาฯ อุปนิสินฺนกถาติ อุปสมีเป นิสินฺนานํ กถิยติ เอตายาติ อุปนิสินฺนกถาฯ อนุโมทนายาติ อนุโมทนตฺถายฯ อชฺฌิโฎฺฐวาติ สยํ อชฺฌิโฎฺฐ เอวฯ เอตฺถาติ อนุโมทนวตฺถุสฺมิํฯ ‘‘สญฺชาตวโจฺจ’’ติ อิมินา วโจฺจ สญฺชาโต อิมสฺสาติ วจฺจิโตติ กตฺวา สญฺชาตเตฺถ อิต ปจฺจโยติ ทเสฺสติฯ
362.Iddhaṃ ahosīti ettha idhadhātuyā vaḍḍhanatthaṃ paṭikkhipanto āha ‘‘sampannaṃ ahosī’’ti. Saṅghatthere nisinneti sambandho. Anuthere anumodanatthāya nisinneti yojanā. Saṅghattherena ajjhiṭṭhepīti sambandho. Anumodako vadatīti sambandho. Anu punappunaṃ, pacchā vā dāyake dhammakathāya modetīti anumodako. ‘‘Gacchathā’’ti sace vadati anumodakoti yojanā. Tassāti anumodakassa. Manussā kārentīti sambandho. ‘‘Ekenā’’ti padaṃ ‘‘kārentī’’ti pade kāritakammaṃ. Tassāti kāritabhikkhussa. Anumodanatoti anumodanakāraṇā. Upanisinnakathāti upasamīpe nisinnānaṃ kathiyati etāyāti upanisinnakathā. Anumodanāyāti anumodanatthāya. Ajjhiṭṭhovāti sayaṃ ajjhiṭṭho eva. Etthāti anumodanavatthusmiṃ. ‘‘Sañjātavacco’’ti iminā vacco sañjāto imassāti vaccitoti katvā sañjātatthe ita paccayoti dasseti.
Related texts:
ติปิฎก (มูล) • Tipiṭaka (Mūla) / วินยปิฎก • Vinayapiṭaka / จูฬวคฺคปาฬิ • Cūḷavaggapāḷi / ๔. อนุโมทนวตฺตกถา • 4. Anumodanavattakathā
อฎฺฐกถา • Aṭṭhakathā / วินยปิฎก (อฎฺฐกถา) • Vinayapiṭaka (aṭṭhakathā) / จูฬวคฺค-อฎฺฐกถา • Cūḷavagga-aṭṭhakathā / อนุโมทนวตฺตกถา • Anumodanavattakathā
ฎีกา • Tīkā / วินยปิฎก (ฎีกา) • Vinayapiṭaka (ṭīkā) / สารตฺถทีปนี-ฎีกา • Sāratthadīpanī-ṭīkā / อนุโมทนวตฺตกถาวณฺณนา • Anumodanavattakathāvaṇṇanā
