| Library / Tipiṭaka / ತಿಪಿಟಕ • Tipiṭaka / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi |
೪. ಅನುಮೋದನವತ್ತಕಥಾ
4. Anumodanavattakathā
೩೬೨. ಇದ್ಧಂ ಅಹೋಸೀತಿ ಏತ್ಥ ಇಧಧಾತುಯಾ ವಡ್ಢನತ್ಥಂ ಪಟಿಕ್ಖಿಪನ್ತೋ ಆಹ ‘‘ಸಮ್ಪನ್ನಂ ಅಹೋಸೀ’’ತಿ। ಸಙ್ಘತ್ಥೇರೇ ನಿಸಿನ್ನೇತಿ ಸಮ್ಬನ್ಧೋ। ಅನುಥೇರೇ ಅನುಮೋದನತ್ಥಾಯ ನಿಸಿನ್ನೇತಿ ಯೋಜನಾ। ಸಙ್ಘತ್ಥೇರೇನ ಅಜ್ಝಿಟ್ಠೇಪೀತಿ ಸಮ್ಬನ್ಧೋ। ಅನುಮೋದಕೋ ವದತೀತಿ ಸಮ್ಬನ್ಧೋ। ಅನು ಪುನಪ್ಪುನಂ, ಪಚ್ಛಾ ವಾ ದಾಯಕೇ ಧಮ್ಮಕಥಾಯ ಮೋದೇತೀತಿ ಅನುಮೋದಕೋ। ‘‘ಗಚ್ಛಥಾ’’ತಿ ಸಚೇ ವದತಿ ಅನುಮೋದಕೋತಿ ಯೋಜನಾ। ತಸ್ಸಾತಿ ಅನುಮೋದಕಸ್ಸ। ಮನುಸ್ಸಾ ಕಾರೇನ್ತೀತಿ ಸಮ್ಬನ್ಧೋ। ‘‘ಏಕೇನಾ’’ತಿ ಪದಂ ‘‘ಕಾರೇನ್ತೀ’’ತಿ ಪದೇ ಕಾರಿತಕಮ್ಮಂ। ತಸ್ಸಾತಿ ಕಾರಿತಭಿಕ್ಖುಸ್ಸ। ಅನುಮೋದನತೋತಿ ಅನುಮೋದನಕಾರಣಾ। ಉಪನಿಸಿನ್ನಕಥಾತಿ ಉಪಸಮೀಪೇ ನಿಸಿನ್ನಾನಂ ಕಥಿಯತಿ ಏತಾಯಾತಿ ಉಪನಿಸಿನ್ನಕಥಾ। ಅನುಮೋದನಾಯಾತಿ ಅನುಮೋದನತ್ಥಾಯ। ಅಜ್ಝಿಟ್ಠೋವಾತಿ ಸಯಂ ಅಜ್ಝಿಟ್ಠೋ ಏವ। ಏತ್ಥಾತಿ ಅನುಮೋದನವತ್ಥುಸ್ಮಿಂ। ‘‘ಸಞ್ಜಾತವಚ್ಚೋ’’ತಿ ಇಮಿನಾ ವಚ್ಚೋ ಸಞ್ಜಾತೋ ಇಮಸ್ಸಾತಿ ವಚ್ಚಿತೋತಿ ಕತ್ವಾ ಸಞ್ಜಾತತ್ಥೇ ಇತ ಪಚ್ಚಯೋತಿ ದಸ್ಸೇತಿ।
362.Iddhaṃ ahosīti ettha idhadhātuyā vaḍḍhanatthaṃ paṭikkhipanto āha ‘‘sampannaṃ ahosī’’ti. Saṅghatthere nisinneti sambandho. Anuthere anumodanatthāya nisinneti yojanā. Saṅghattherena ajjhiṭṭhepīti sambandho. Anumodako vadatīti sambandho. Anu punappunaṃ, pacchā vā dāyake dhammakathāya modetīti anumodako. ‘‘Gacchathā’’ti sace vadati anumodakoti yojanā. Tassāti anumodakassa. Manussā kārentīti sambandho. ‘‘Ekenā’’ti padaṃ ‘‘kārentī’’ti pade kāritakammaṃ. Tassāti kāritabhikkhussa. Anumodanatoti anumodanakāraṇā. Upanisinnakathāti upasamīpe nisinnānaṃ kathiyati etāyāti upanisinnakathā. Anumodanāyāti anumodanatthāya. Ajjhiṭṭhovāti sayaṃ ajjhiṭṭho eva. Etthāti anumodanavatthusmiṃ. ‘‘Sañjātavacco’’ti iminā vacco sañjāto imassāti vaccitoti katvā sañjātatthe ita paccayoti dasseti.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಚೂಳವಗ್ಗಪಾಳಿ • Cūḷavaggapāḷi / ೪. ಅನುಮೋದನವತ್ತಕಥಾ • 4. Anumodanavattakathā
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಚೂಳವಗ್ಗ-ಅಟ್ಠಕಥಾ • Cūḷavagga-aṭṭhakathā / ಅನುಮೋದನವತ್ತಕಥಾ • Anumodanavattakathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಅನುಮೋದನವತ್ತಕಥಾವಣ್ಣನಾ • Anumodanavattakathāvaṇṇanā
