| Library / Tipiṭaka / තිපිටක • Tipiṭaka / චූළවග්‌ග-අට්‌ඨකථා • Cūḷavagga-aṭṭhakathā |
අනුමොදනවත්‌තකථා
Anumodanavattakathā
362. අනුමොදනවත්‌ථුස්‌මිං ඉද්‌ධං අහොසීති සම්‌පන්‌නං අහොසි. චතූහි පඤ්‌චහීති සඞ්‌ඝත්‌ථෙරෙන අනුමොදනත්‌ථාය නිසින්‌නෙ හෙට්‌ඨා පටිපාටියා චතූහි නිසීදිතබ්‌බං. අනුථෙරෙ නිසින්‌නෙ මහාථෙරෙන ච හෙට්‌ඨා ච තීහි නිසීදිතබ්‌බං. පඤ්‌චමෙ නිසින්‌නෙ උපරි චතූහි නිසීදිතබ්‌බං. සඞ්‌ඝත්‌ථෙරෙන හෙට්‌ඨා දහරභික්‌ඛුස්‌මිං අජ්‌ඣිට්‌ඨෙපි සඞ්‌ඝත්‌ථෙරතො පට්‌ඨාය චතූහි නිසීදිතබ්‌බමෙව. සචෙ පන අනුමොදකො භික්‌ඛු ‘‘ගච්‌ඡථ භන්‌තෙ, ආගමෙතබ්‌බකිච්‌චං නත්‌ථී’’ති වදති, ගන්‌තුං වට්‌ටති. මහාථෙරෙන ‘‘ගච්‌ඡාම ආවුසො’’ති වුත්‌තෙ ‘‘ගච්‌ඡථා’’ති වදති, එවම්‌පි වට්‌ටති. ‘‘බහිගාමෙ ආගමෙස්‌සාමා’’ති ආභොගං කත්‌වාපි බහිගාමං ගන්‌ත්‌වා අත්‌තනො නිස්‌සිතකෙ ‘‘තුම්‌හෙ තස්‌ස ආගමනං ආගමෙථා’’ති වත්‌වාපි ගන්‌තුං වට්‌ටතියෙව. සචෙ පන මනුස්‌සා අත්‌තනො රුචිකෙන එකෙන අනුමොදනං කාරෙන්‌ති, නෙව තස්‌ස අනුමොදතො ආපත්‌ති, න මහාථෙරස්‌ස භාරො හොති. උපනිසින්‌නකථායමෙව හි මනුස්‌සෙසු කථාපෙන්‌තෙසු මහාථෙරො ආපුච්‌ඡිතබ්‌බො, මහාථෙරෙන ච අනුමොදනාය අජ්‌ඣිට්‌ඨොව ආගමෙතබ්‌බොති ඉදමෙත්‌ථ ලක්‌ඛණං. වච්‌චිතොති සඤ්‌ජාතවච්‌චො; වච්‌චපීළිතොති අධිප්‌පායො.
362. Anumodanavatthusmiṃ iddhaṃ ahosīti sampannaṃ ahosi. Catūhi pañcahīti saṅghattherena anumodanatthāya nisinne heṭṭhā paṭipāṭiyā catūhi nisīditabbaṃ. Anuthere nisinne mahātherena ca heṭṭhā ca tīhi nisīditabbaṃ. Pañcame nisinne upari catūhi nisīditabbaṃ. Saṅghattherena heṭṭhā daharabhikkhusmiṃ ajjhiṭṭhepi saṅghattherato paṭṭhāya catūhi nisīditabbameva. Sace pana anumodako bhikkhu ‘‘gacchatha bhante, āgametabbakiccaṃ natthī’’ti vadati, gantuṃ vaṭṭati. Mahātherena ‘‘gacchāma āvuso’’ti vutte ‘‘gacchathā’’ti vadati, evampi vaṭṭati. ‘‘Bahigāme āgamessāmā’’ti ābhogaṃ katvāpi bahigāmaṃ gantvā attano nissitake ‘‘tumhe tassa āgamanaṃ āgamethā’’ti vatvāpi gantuṃ vaṭṭatiyeva. Sace pana manussā attano rucikena ekena anumodanaṃ kārenti, neva tassa anumodato āpatti, na mahātherassa bhāro hoti. Upanisinnakathāyameva hi manussesu kathāpentesu mahāthero āpucchitabbo, mahātherena ca anumodanāya ajjhiṭṭhova āgametabboti idamettha lakkhaṇaṃ. Vaccitoti sañjātavacco; vaccapīḷitoti adhippāyo.
අනුමොදනවත්‌තකථා නිට්‌ඨිතා.
Anumodanavattakathā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / චූළවග්‌ගපාළි • Cūḷavaggapāḷi / 4. අනුමොදනවත්‌තකථා • 4. Anumodanavattakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / අනුමොදනවත්‌තකථාවණ්‌ණනා • Anumodanavattakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / අනුමොදනවත්‌තකථාවණ්‌ණනා • Anumodanavattakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / අනුමොදනවත්‌තකථාවණ්‌ණනා • Anumodanavattakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 4. අනුමොදනවත්‌තකථා • 4. Anumodanavattakathā
