| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੮. ਅਨੁਪਾਦਾਪਰਿਨਿਬ੍ਬਾਨਸੁਤ੍ਤਂ
8. Anupādāparinibbānasuttaṃ
੪੮. ਸਾવਤ੍ਥਿਨਿਦਾਨਂ। ‘‘ਸਚੇ વੋ, ਭਿਕ੍ਖવੇ, ਅਞ੍ਞਤਿਤ੍ਥਿਯਾ ਪਰਿਬ੍ਬਾਜਕਾ ਏવਂ ਪੁਚ੍ਛੇਯ੍ਯੁਂ – ‘ਕਿਮਤ੍ਥਿਯਂ, ਆવੁਸੋ, ਸਮਣੇ ਗੋਤਮੇ ਬ੍ਰਹ੍ਮਚਰਿਯਂ વੁਸ੍ਸਤੀ’ਤਿ, ਏવਂ ਪੁਟ੍ਠਾ ਤੁਮ੍ਹੇ, ਭਿਕ੍ਖવੇ, ਤੇਸਂ ਅਞ੍ਞਤਿਤ੍ਥਿਯਾਨਂ ਪਰਿਬ੍ਬਾਜਕਾਨਂ ਏવਂ ਬ੍ਯਾਕਰੇਯ੍ਯਾਥ – ‘ਅਨੁਪਾਦਾਪਰਿਨਿਬ੍ਬਾਨਤ੍ਥਂ ਖੋ, ਆવੁਸੋ, ਭਗવਤਿ ਬ੍ਰਹ੍ਮਚਰਿਯਂ વੁਸ੍ਸਤੀ’ਤਿ। ਸਚੇ ਪਨ વੋ, ਭਿਕ੍ਖવੇ, ਅਞ੍ਞਤਿਤ੍ਥਿਯਾ ਪਰਿਬ੍ਬਾਜਕਾ ਏવਂ ਪੁਚ੍ਛੇਯ੍ਯੁਂ – ‘ਅਤ੍ਥਿ ਪਨਾવੁਸੋ, ਮਗ੍ਗੋ, ਅਤ੍ਥਿ ਪਟਿਪਦਾ ਅਨੁਪਾਦਾਪਰਿਨਿਬ੍ਬਾਨਾਯਾ’ਤਿ, ਏવਂ ਪੁਟ੍ਠਾ ਤੁਮ੍ਹੇ, ਭਿਕ੍ਖવੇ, ਤੇਸਂ ਅਞ੍ਞਤਿਤ੍ਥਿਯਾਨਂ ਪਰਿਬ੍ਬਾਜਕਾਨਂ ਏવਂ ਬ੍ਯਾਕਰੇਯ੍ਯਾਥ – ‘ਅਤ੍ਥਿ ਖੋ, ਆવੁਸੋ, ਮਗ੍ਗੋ, ਅਤ੍ਥਿ ਪਟਿਪਦਾ ਅਨੁਪਾਦਾਪਰਿਨਿਬ੍ਬਾਨਾਯਾ’ਤਿ । ਕਤਮੋ ਚ, ਭਿਕ੍ਖવੇ, ਮਗ੍ਗੋ, ਕਤਮਾ ਚ ਪਟਿਪਦਾ ਅਨੁਪਾਦਾਪਰਿਨਿਬ੍ਬਾਨਾਯ? ਅਯਮੇવ ਅਰਿਯੋ ਅਟ੍ਠਙ੍ਗਿਕੋ ਮਗ੍ਗੋ, ਸੇਯ੍ਯਥਿਦਂ – ਸਮ੍ਮਾਦਿਟ੍ਠਿ…ਪੇ॰… ਸਮ੍ਮਾਸਮਾਧਿ। ਅਯਂ, ਭਿਕ੍ਖવੇ, ਮਗ੍ਗੋ, ਅਯਂ ਪਟਿਪਦਾ ਅਨੁਪਾਦਾਪਰਿਨਿਬ੍ਬਾਨਾਯਾਤਿ। ਏવਂ ਪੁਟ੍ਠਾ ਤੁਮ੍ਹੇ, ਭਿਕ੍ਖવੇ, ਤੇਸਂ ਅਞ੍ਞਤਿਤ੍ਥਿਯਾਨਂ ਪਰਿਬ੍ਬਾਜਕਾਨਂ ਏવਂ ਬ੍ਯਾਕਰੇਯ੍ਯਾਥਾ’’ਤਿ। ਅਟ੍ਠਮਂ।
48. Sāvatthinidānaṃ. ‘‘Sace vo, bhikkhave, aññatitthiyā paribbājakā evaṃ puccheyyuṃ – ‘kimatthiyaṃ, āvuso, samaṇe gotame brahmacariyaṃ vussatī’ti, evaṃ puṭṭhā tumhe, bhikkhave, tesaṃ aññatitthiyānaṃ paribbājakānaṃ evaṃ byākareyyātha – ‘anupādāparinibbānatthaṃ kho, āvuso, bhagavati brahmacariyaṃ vussatī’ti. Sace pana vo, bhikkhave, aññatitthiyā paribbājakā evaṃ puccheyyuṃ – ‘atthi panāvuso, maggo, atthi paṭipadā anupādāparinibbānāyā’ti, evaṃ puṭṭhā tumhe, bhikkhave, tesaṃ aññatitthiyānaṃ paribbājakānaṃ evaṃ byākareyyātha – ‘atthi kho, āvuso, maggo, atthi paṭipadā anupādāparinibbānāyā’ti . Katamo ca, bhikkhave, maggo, katamā ca paṭipadā anupādāparinibbānāya? Ayameva ariyo aṭṭhaṅgiko maggo, seyyathidaṃ – sammādiṭṭhi…pe… sammāsamādhi. Ayaṃ, bhikkhave, maggo, ayaṃ paṭipadā anupādāparinibbānāyāti. Evaṃ puṭṭhā tumhe, bhikkhave, tesaṃ aññatitthiyānaṃ paribbājakānaṃ evaṃ byākareyyāthā’’ti. Aṭṭhamaṃ.
ਅਞ੍ਞਤਿਤ੍ਥਿਯਪੇਯ੍ਯਾਲવਗ੍ਗੋ ਪਞ੍ਚਮੋ।
Aññatitthiyapeyyālavaggo pañcamo.
ਤਸ੍ਸੁਦ੍ਦਾਨਂ –
Tassuddānaṃ –
વਿਰਾਗਸਂਯੋਜਨਂ ਅਨੁਸਯਂ, ਅਦ੍ਧਾਨਂ ਆਸવਾ ਖਯਾ।
Virāgasaṃyojanaṃ anusayaṃ, addhānaṃ āsavā khayā;
વਿਜ੍ਜਾવਿਮੁਤ੍ਤਿਞਾਣਞ੍ਚ, ਅਨੁਪਾਦਾਯ ਅਟ੍ਠਮੀ॥
Vijjāvimuttiñāṇañca, anupādāya aṭṭhamī.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੫. ਅਞ੍ਞਤਿਤ੍ਥਿਯਪੇਯ੍ਯਾਲવਗ੍ਗવਣ੍ਣਨਾ • 5. Aññatitthiyapeyyālavaggavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੫. ਅਞ੍ਞਤਿਤ੍ਥਿਯਪੇਯ੍ਯਾਲવਗ੍ਗવਣ੍ਣਨਾ • 5. Aññatitthiyapeyyālavaggavaṇṇanā
