| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
2. анубад̣̇аваг̇г̇о
2. Anupadavaggo
1. анубад̣̇асуд̇д̇аван̣н̣анаа
1. Anupadasuttavaṇṇanā
93. ид̣̇д̇химаад̇и г̇ун̣о баагадо барад̇огхосзна винаа баасаад̣̇агамбанад̣̇зважааригаад̣̇ийхи саяамзва багаасабхаавад̇о; д̇худ̇аваад̣̇аад̣̇иг̇ун̣аанамби д̇ат̇аабхаавз зд̇знзва наязна д̇зсам̣ г̇ун̣аанам̣ баагадаяог̇ад̇о жа барзсам̣ нижчид̇абхаавад̇о жа. бан̃н̃авад̇о г̇ун̣аад̇и бан̃н̃аабабхзд̣̇абабхаавид̇з г̇ун̣ависзсз санд̇хааяа вад̣̇ад̇и. д̇з хи язбхуяязна барзсам̣ ависаяаа. д̇знааха – ‘‘на саггаа агат̇ид̇аа ж̇аанид̇у’’нд̇и. висабхааг̇аа сабхааг̇аа наама аяонисоманасигаараб̣ахулзсу бут̇уж̇ж̇анзсу, д̇з бана аббахийнарааг̇ад̣̇осад̇ааяа барасса виж̇ж̇амаанамби г̇ун̣ам̣ магкзд̇ваа авиж̇ж̇амаанам̣ аван̣н̣амзва гхосзнд̇ийд̇и ааха – ‘‘висабхааг̇а…бз… гат̇знд̇ий’’д̇и.
93.Iddhimātiguṇo pākaṭo paratoghosena vinā pāsādakampanadevacārikādīhi sayameva pakāsabhāvato; dhutavādādiguṇānampi tathābhāve eteneva nayena tesaṃ guṇānaṃ pākaṭayogato ca paresaṃ nicchitabhāvato ca. Paññavato guṇāti paññāpabhedapabhāvite guṇavisese sandhāya vadati. Te hi yebhuyyena paresaṃ avisayā. Tenāha – ‘‘na sakkā akathitā jānitu’’nti. Visabhāgā sabhāgā nāma ayonisomanasikārabahulesu puthujjanesu, te pana appahīnarāgadosatāya parassa vijjamānampi guṇaṃ makkhetvā avijjamānaṃ avaṇṇameva ghosentīti āha – ‘‘visabhāga…pe… kathentī’’ti.
яаа адтаарасаннам̣ д̇хаад̇уунам̣ самуд̣̇аяад̇о ад̇т̇ан̇г̇амад̇о ассаад̣̇ад̇о аад̣̇ийнавад̇о яат̇аабхууд̇ам̣ баж̇аананаа, аяам̣ д̇хаад̇угусалад̇аа. ааяад̇анагусалад̇ааяаби зсзва наяо. авиж̇ж̇аад̣̇ийсу д̣̇ваад̣̇асасу бадижжасамуббаад̣̇ан̇г̇зсу госаллам̣ бадижжасамуббаад̣̇агусалад̇аа. ид̣̇ам̣ имасса паласса таанам̣ гааран̣ам̣, ид̣̇ам̣ адтаанам̣ агааран̣анд̇и звам̣ таанан̃жа таанад̇о, адтаанан̃жа адтаанад̇о яат̇аабхууд̇ам̣ баж̇аананаа, аяам̣ таанаадтаанагусалад̇аа. яо бана имзсу д̇хаад̇уаад̣̇ийсу барин̃н̃аабхисамаяаад̣̇ивасзна ниссан̇г̇аг̇ад̇ияаа бан̣д̣аад̇и лад̣̇д̇ханаамзна н̃аан̣зна ид̇о г̇ад̇о бавад̇д̇о, аяам̣ бан̣д̣ид̇о наамаад̇и ааха – ‘‘имзхи жад̇уухи гааран̣зхи бан̣д̣ид̇о’’д̇и. маханд̇аанам̣ ад̇т̇аанам̣ бариг̇г̇ан̣ханад̇о махад̇ий бан̃н̃аа зд̇ассаад̇и махаабан̃н̃о. сзсабад̣̇зсуби зсзва наяод̇и ааха – ‘‘махаабан̃н̃аад̣̇ийхи саманнааг̇ад̇од̇и ад̇т̇о’’д̇и.
Yā aṭṭhārasannaṃ dhātūnaṃ samudayato atthaṅgamato assādato ādīnavato yathābhūtaṃ pajānanā, ayaṃ dhātukusalatā. Āyatanakusalatāyapi eseva nayo. Avijjādīsu dvādasasu paṭiccasamuppādaṅgesu kosallaṃ paṭiccasamuppādakusalatā. Idaṃ imassa phalassa ṭhānaṃ kāraṇaṃ, idaṃ aṭṭhānaṃ akāraṇanti evaṃ ṭhānañca ṭhānato, aṭṭhānañca aṭṭhānato yathābhūtaṃ pajānanā, ayaṃ ṭhānāṭṭhānakusalatā. Yo pana imesu dhātuādīsu pariññābhisamayādivasena nissaṅgagatiyā paṇḍāti laddhanāmena ñāṇena ito gato pavatto, ayaṃ paṇḍito nāmāti āha – ‘‘imehi catūhi kāraṇehi paṇḍito’’ti. Mahantānaṃ atthānaṃ pariggaṇhanato mahatī paññā etassāti mahāpañño. Sesapadesupi eseva nayoti āha – ‘‘mahāpaññādīhi samannāgatoti attho’’ti.
наанад̇д̇анд̇и яаахи махаабан̃н̃аад̣̇ийхи саманнааг̇ад̇ад̇д̇аа т̇зро ‘‘махаабан̃н̃о’’д̇иаад̣̇инаа гид̇д̇ийяад̇и, д̇аасам̣ махаабан̃н̃аад̣̇ийнам̣ ид̣̇ам̣ наанад̇д̇ам̣ аяам̣ взмад̇д̇ад̇аа. яасса гассажи (д̣̇ий. ни. дий. 3.216; сам̣. ни. дий. 1.1.110; а. ни. дий. 1.1.584) висзсад̇о аруубад̇хаммасса махад̇д̇ам̣ наама гижжасид̣̇д̇хияаа взд̣̇ид̇аб̣б̣анд̇и д̇ад̣̇асса гижжасид̣̇д̇хияаа д̣̇ассзнд̇о, ‘‘маханд̇з сийлагканд̇хз бариг̇г̇ан̣хаад̇ийд̇и махаабан̃н̃аа’’д̇иаад̣̇имааха. д̇ад̇т̇а хзд̇умаханд̇ад̇ааяа бажжаяамаханд̇ад̇ааяа ниссаяамаханд̇ад̇ааяа бабхзд̣̇амаханд̇ад̇ааяа гижжамаханд̇ад̇ааяа паламаханд̇ад̇ааяа аанисам̣самаханд̇ад̇ааяа жа сийлагканд̇хасса маханд̇абхааво взд̣̇ид̇аб̣б̣о. д̇ад̇т̇а хзд̇уу алобхаад̣̇аяо, бажжаяаа хирод̇д̇аббасад̣̇д̇хаасад̇ивийрияаад̣̇аяо. ниссаяаа саавагаб̣од̇хибажжзгаб̣од̇хисаммаасамб̣од̇хинияад̇ад̇аа д̇ам̣саман̇г̇ино жа бурисависзсаа. бабхзд̣̇о жаарид̇д̇аад̣̇ивибхааг̇о. гижжам̣ д̇ад̣̇ан̇г̇аад̣̇ивасзна бадибагкасса вид̇хаманам̣. палам̣ саг̇г̇асамбад̣̇аа ниб̣б̣аанасамбад̣̇аа жа. аанисам̣со бияаманаабад̇аад̣̇и. аяамзд̇т̇а сан̇кзбо, вид̇т̇ааро бана висуд̣̇д̇химаг̇г̇з (висуд̣̇д̇хи. 1.9) ааган̇кзяяасуд̇д̇аад̣̇ийсу (ма. ни. 1.64 аад̣̇аяо) жа ааг̇ад̇анаязна взд̣̇ид̇аб̣б̣о. иминаа наязна самаад̇хигканд̇хаад̣̇ийнамби маханд̇ад̇аа яат̇аарахам̣ нид̣̇д̇хаарзд̇ваа взд̣̇ид̇аб̣б̣аа, таанаадтаанаад̣̇ийнам̣ бана маханд̇абхааво махаависаяад̇ааяа взд̣̇ид̇аб̣б̣о. д̇ад̇т̇а таанаадтаанаанам̣ махаависаяад̇аа б̣ахуд̇хаад̇угасуд̇д̇з (ма. ни. 3.124 аад̣̇аяо) саяамзва ааг̇амиссад̇и. вихаарасамаабад̇д̇ийнам̣ самаад̇хигканд̇хз нид̣̇д̇хаарид̇анаязна взд̣̇ид̇аб̣б̣аа, арияасажжаанам̣ сагаласаасанасан̇г̇ахан̣ад̇о сажжавибхан̇г̇з (вибха. 189 аад̣̇аяо) д̇ам̣сам̣ван̣н̣анаасу (вибха. адта. 189 аад̣̇аяо) ааг̇ад̇анаязна. сад̇ибадтаанаад̣̇ийнам̣ вибхан̇г̇аад̣̇ийсу (вибха. 355 аад̣̇аяо) д̇ам̣сам̣ван̣н̣анаад̣̇ийсу (вибха. адта. 355 аад̣̇аяо) жа ааг̇ад̇анаязна. сааман̃н̃апалаанам̣ махад̇о хид̇асса махад̇о сукасса махад̇о ад̇т̇асса махад̇о яог̇агкзмасса нибпад̇д̇ибхаавад̇о санд̇абан̣ийд̇анибун̣аад̇аггааважарабан̣д̣ид̇авзд̣̇анийяабхаавад̇о жа. абхин̃н̃аанам̣ махаасамбхаарад̇о махаависаяад̇о махаагижжад̇о махаанубхаавад̇о махаанибпад̇д̇ид̇о жа. ниб̣б̣аанасса мад̣̇аниммад̣̇анаад̣̇имахад̇т̇асид̣̇д̇хид̇о маханд̇ад̇аа взд̣̇ид̇аб̣б̣аа.
Nānattanti yāhi mahāpaññādīhi samannāgatattā thero ‘‘mahāpañño’’tiādinā kittīyati, tāsaṃ mahāpaññādīnaṃ idaṃ nānattaṃ ayaṃ vemattatā. Yassa kassaci (dī. ni. ṭī. 3.216; saṃ. ni. ṭī. 1.1.110; a. ni. ṭī. 1.1.584) visesato arūpadhammassa mahattaṃ nāma kiccasiddhiyā veditabbanti tadassa kiccasiddhiyā dassento, ‘‘mahantesīlakkhandhe pariggaṇhātīti mahāpaññā’’tiādimāha. Tattha hetumahantatāya paccayamahantatāya nissayamahantatāya pabhedamahantatāya kiccamahantatāya phalamahantatāya ānisaṃsamahantatāya ca sīlakkhandhassa mahantabhāvo veditabbo. Tattha hetū alobhādayo, paccayā hirottappasaddhāsativīriyādayo. Nissayā sāvakabodhipaccekabodhisammāsambodhiniyatatā taṃsamaṅgino ca purisavisesā. Pabhedo cārittādivibhāgo. Kiccaṃ tadaṅgādivasena paṭipakkhassa vidhamanaṃ. Phalaṃ saggasampadā nibbānasampadā ca. Ānisaṃso piyamanāpatādi. Ayamettha saṅkhepo, vitthāro pana visuddhimagge (visuddhi. 1.9) ākaṅkheyyasuttādīsu (ma. ni. 1.64 ādayo) ca āgatanayena veditabbo. Iminā nayena samādhikkhandhādīnampi mahantatā yathārahaṃ niddhāretvā veditabbā, ṭhānāṭṭhānādīnaṃ pana mahantabhāvo mahāvisayatāya veditabbo. Tattha ṭhānāṭṭhānānaṃ mahāvisayatā bahudhātukasutte (ma. ni. 3.124 ādayo) sayameva āgamissati. Vihārasamāpattīnaṃ samādhikkhandhe niddhāritanayena veditabbā, ariyasaccānaṃ sakalasāsanasaṅgahaṇato saccavibhaṅge (vibha. 189 ādayo) taṃsaṃvaṇṇanāsu (vibha. aṭṭha. 189 ādayo) āgatanayena. Satipaṭṭhānādīnaṃ vibhaṅgādīsu (vibha. 355 ādayo) taṃsaṃvaṇṇanādīsu (vibha. aṭṭha. 355 ādayo) ca āgatanayena. Sāmaññaphalānaṃ mahato hitassa mahato sukhassa mahato atthassa mahato yogakkhemassa nipphattibhāvato santapaṇītanipuṇaatakkāvacarapaṇḍitavedanīyabhāvato ca. Abhiññānaṃ mahāsambhārato mahāvisayato mahākiccato mahānubhāvato mahānipphattito ca. Nibbānassa madanimmadanādimahatthasiddhito mahantatā veditabbā.
бут̇убан̃н̃аад̇и зд̇т̇ааби вуд̇д̇анаяаанусаарзна ад̇т̇о взд̣̇ид̇аб̣б̣о. аяам̣ бана висзсо – наанааканд̇хзсу н̃аан̣ам̣ бавад̇д̇ад̇ийд̇и, ‘‘аяам̣ руубагканд̇хо наама…бз… аяам̣ вин̃н̃аан̣агканд̇хо наамаа’’д̇и, звам̣ бан̃жаннам̣ канд̇хаанам̣ наанаагаран̣ам̣ бадижжа н̃аан̣ам̣ бавад̇д̇ад̇и. д̇зсуби ‘‘згавид̇хзна руубагканд̇хо, згаад̣̇асавид̇хзна руубагканд̇хо, згавид̇хзна взд̣̇анаагканд̇хо, б̣ахувид̇хзна взд̣̇анаагканд̇хо, згавид̇хзна сан̃н̃аагканд̇хо…бз… згавид̇хзна вин̃н̃аан̣агканд̇хо, б̣ахувид̇хзна вин̃н̃аан̣агканд̇хо’’д̇и звам̣ згзгасса канд̇хасса згавид̇хаад̣̇ивасзна ад̇ийд̇аад̣̇ибхзд̣̇авасзнаби наанаагаран̣ам̣ бадижжа н̃аан̣ам̣ бавад̇д̇ад̇и. д̇ат̇аа ‘‘ид̣̇ам̣ жагкааяад̇анам̣ наама…бз… ид̣̇ам̣ д̇хаммааяад̇анам̣ наама. д̇ад̇т̇а д̣̇асааяад̇анаа гаамааважараа, д̣̇вз жад̇убхуумагаа’’д̇и звам̣ ааяад̇ананаанад̇д̇ам̣ бадижжа н̃аан̣ам̣ бавад̇д̇ад̇и.
Puthupaññāti etthāpi vuttanayānusārena attho veditabbo. Ayaṃ pana viseso – nānākhandhesu ñāṇaṃ pavattatīti, ‘‘ayaṃ rūpakkhandho nāma…pe… ayaṃ viññāṇakkhandho nāmā’’ti, evaṃ pañcannaṃ khandhānaṃ nānākaraṇaṃ paṭicca ñāṇaṃ pavattati. Tesupi ‘‘ekavidhena rūpakkhandho, ekādasavidhena rūpakkhandho, ekavidhena vedanākkhandho, bahuvidhena vedanākkhandho, ekavidhena saññākkhandho…pe… ekavidhena viññāṇakkhandho, bahuvidhena viññāṇakkhandho’’ti evaṃ ekekassa khandhassa ekavidhādivasena atītādibhedavasenapi nānākaraṇaṃ paṭicca ñāṇaṃ pavattati. Tathā ‘‘idaṃ cakkhāyatanaṃ nāma…pe… idaṃ dhammāyatanaṃ nāma. Tattha dasāyatanā kāmāvacarā, dve catubhūmakā’’ti evaṃ āyatananānattaṃ paṭicca ñāṇaṃ pavattati.
наанаад̇хаад̇уусууд̇и ‘‘аяам̣ жагкуд̇хаад̇у наама…бз… аяам̣ мановин̃н̃аан̣ад̇хаад̇у наама. д̇ад̇т̇а сол̣аса д̇хаад̇уяо гаамааважараа, д̣̇вз жад̇убхуумагаа’’д̇и звам̣ наанаад̇хаад̇уусу бадижжа н̃аан̣ам̣ бавад̇д̇ад̇и. д̇аяид̣̇ам̣ убаад̣̇ин̣н̣агад̇хаад̇увасзна вуд̇д̇анд̇и взд̣̇ид̇аб̣б̣ам̣. бажжзгаб̣уд̣̇д̇хаанан̃хи д̣̇виннан̃жа аг̇г̇асаавагаанам̣ убаад̣̇ин̣н̣агад̇хаад̇уусуязва наанаагаран̣ам̣ бадижжа н̃аан̣ам̣ бавад̇д̇ад̇и. д̇ан̃жа ко згад̣̇зсад̇ова, но ниббад̣̇зсад̇о, анубаад̣̇ин̣н̣агад̇хаад̇уунам̣ бана наанаагаран̣ам̣ на ж̇аананд̇иязва. саб̣б̣ан̃н̃уб̣уд̣̇д̇хаанам̣язва бана, ‘‘имааяа наама д̇хаад̇уяаа уссаннад̇д̇аа имасса ругкасса канд̇хо сзд̇о ход̇и, имасса ган̣хо, имасса б̣ахалад̇д̇ажо, имасса д̇ануд̇д̇ажо, имасса бад̇д̇ам̣ ван̣н̣асан̣таанаад̣̇ивасзна зваруубам̣, имасса бубпам̣ нийлам̣ бийд̇ам̣ лохид̇ам̣ од̣̇аад̇ам̣ суг̇анд̇хам̣ д̣̇уг̇г̇анд̇хам̣, палам̣ куд̣̇д̣̇агам̣ маханд̇ам̣ д̣̇ийгхам̣ ваддам̣ сусан̣таанам̣ мадтам̣ парусам̣ суг̇анд̇хам̣ мад̇хурам̣ д̇ид̇д̇агам̣ амб̣илам̣ гадугам̣ гасаавам̣, ган̣даго д̇икин̣о ад̇икин̣о уж̇уго гудило лохид̇о од̣̇аад̇о ход̇ий’’д̇и д̇хаад̇унаанад̇д̇ам̣ бадижжа н̃аан̣ам̣ бавад̇д̇ад̇и.
Nānādhātūsūti ‘‘ayaṃ cakkhudhātu nāma…pe… ayaṃ manoviññāṇadhātu nāma. Tattha soḷasa dhātuyo kāmāvacarā, dve catubhūmakā’’ti evaṃ nānādhātūsu paṭicca ñāṇaṃ pavattati. Tayidaṃ upādiṇṇakadhātuvasena vuttanti veditabbaṃ. Paccekabuddhānañhi dvinnañca aggasāvakānaṃ upādiṇṇakadhātūsuyeva nānākaraṇaṃ paṭicca ñāṇaṃ pavattati. Tañca kho ekadesatova, no nippadesato, anupādiṇṇakadhātūnaṃ pana nānākaraṇaṃ na jānantiyeva. Sabbaññubuddhānaṃyeva pana, ‘‘imāya nāma dhātuyā ussannattā imassa rukkhassa khandho seto hoti, imassa kaṇho, imassa bahalattaco, imassa tanuttaco, imassa pattaṃ vaṇṇasaṇṭhānādivasena evarūpaṃ, imassa pupphaṃ nīlaṃ pītaṃ lohitaṃ odātaṃ sugandhaṃ duggandhaṃ, phalaṃ khuddakaṃ mahantaṃ dīghaṃ vaṭṭaṃ susaṇṭhānaṃ maṭṭhaṃ pharusaṃ sugandhaṃ madhuraṃ tittakaṃ ambilaṃ kaṭukaṃ kasāvaṃ, kaṇṭako tikhiṇo atikhiṇo ujuko kuṭilo lohito odāto hotī’’ti dhātunānattaṃ paṭicca ñāṇaṃ pavattati.
ад̇т̇зсууд̇и руубаад̣̇ийсу аарамман̣зсу. наанаабадижжасамуббаад̣̇зсууд̇и аж̇жхад̇д̇аб̣ахид̣̇д̇хаабхзд̣̇ад̇о санд̇аанабхзд̣̇ад̇о жа наанаббабхзд̣̇зсу бадижжасамуббаад̣̇ан̇г̇зсу. авиж̇ж̇аад̣̇иан̇г̇аанан̃хи бажжзгам̣ бадижжасамуббаад̣̇асан̃н̃ид̇аад̇и. д̇знааха – сан̇каарабидагз ‘‘д̣̇ваад̣̇аса бажжаяаа д̣̇ваад̣̇аса бадижжасамуббаад̣̇аа’’д̇и. наанаасун̃н̃ад̇аманубалаб̣бхзсууд̇и наанаасабхаавзсу нижжасаараад̣̇ивирахад̇о сун̃н̃асабхаавзсу, д̇ад̇о зва ид̇т̇ибурисаад̇д̇аад̇д̇анияаад̣̇ивасзна анубалаб̣бхзсу сабхаавзсу. ма-гааро хзд̇т̇а бад̣̇асанд̇хигаро. наанааад̇т̇зсууд̇и ад̇т̇абадисамбхид̣̇аависаязсу бажжаяуббаннаад̣̇инаанааад̇т̇зсу. д̇хаммзсууд̇и д̇хаммабадисамбхид̣̇аависаязсу бажжаяаад̣̇инаанаад̇хаммзсу. нируд̇д̇ийсууд̇и д̇зсам̣язва ад̇т̇ад̇хаммаанам̣ нид̣̇д̇хааран̣аважанасан̇каад̇аасу наанаанируд̇д̇ийсу. бадибхаанзсууд̇и зд̇т̇а ад̇т̇абадисамбхид̣̇аад̣̇ийсу висаяабхууд̇зсу, ‘‘имаани ид̣̇амад̇т̇аж̇од̇агааний’’д̇и (вибха. 725-745) д̇ат̇аа д̇ат̇аа бадибхаанад̇о бадибхаанаанийд̇и лад̣̇д̇ханаамзсу н̃аан̣зсу. бут̇у наанаасийлагканд̇хзсууд̇иаад̣̇ийсу сийласса бут̇уд̇д̇ам̣ наанад̇д̇ан̃жа вуд̇д̇амзва. ид̇арзсам̣ бана вуд̇д̇анаяаанусаарзна сувин̃н̃зяяад̇д̇аа баагадамзва. яам̣ бана абхиннам̣ згамзва ниб̣б̣аанам̣, д̇ад̇т̇а убажааравасзна бут̇уд̇д̇ам̣ г̇ахзд̇аб̣б̣анд̇и ааха – ‘‘бут̇у наанааж̇анасаад̇хааран̣з д̇хаммз самад̇иггаммаа’’д̇и. д̇знасса мад̣̇аниммад̣̇анаад̣̇ибарияааязна бут̇уд̇д̇ам̣ барид̣̇ийбид̇ам̣ ход̇и.
Atthesūti rūpādīsu ārammaṇesu. Nānāpaṭiccasamuppādesūti ajjhattabahiddhābhedato santānabhedato ca nānappabhedesu paṭiccasamuppādaṅgesu. Avijjādiaṅgānañhi paccekaṃ paṭiccasamuppādasaññitāti. Tenāha – saṅkhārapiṭake ‘‘dvādasa paccayā dvādasa paṭiccasamuppādā’’ti. Nānāsuññatamanupalabbhesūti nānāsabhāvesu niccasārādivirahato suññasabhāvesu, tato eva itthipurisaattaattaniyādivasena anupalabbhesu sabhāvesu. Ma-kāro hettha padasandhikaro. Nānāatthesūti atthapaṭisambhidāvisayesu paccayuppannādinānāatthesu. Dhammesūti dhammapaṭisambhidāvisayesu paccayādinānādhammesu. Niruttīsūti tesaṃyeva atthadhammānaṃ niddhāraṇavacanasaṅkhātāsu nānāniruttīsu. Paṭibhānesūti ettha atthapaṭisambhidādīsu visayabhūtesu, ‘‘imāni idamatthajotakānī’’ti (vibha. 725-745) tathā tathā paṭibhānato paṭibhānānīti laddhanāmesu ñāṇesu. Puthu nānāsīlakkhandhesūtiādīsu sīlassa puthuttaṃ nānattañca vuttameva. Itaresaṃ pana vuttanayānusārena suviññeyyattā pākaṭameva. Yaṃ pana abhinnaṃ ekameva nibbānaṃ, tattha upacāravasena puthuttaṃ gahetabbanti āha – ‘‘puthu nānājanasādhāraṇe dhamme samatikkammā’’ti. Tenassa madanimmadanādipariyāyena puthuttaṃ paridīpitaṃ hoti.
звам̣ висаяавасзна бан̃н̃ааяа махад̇д̇ам̣ бут̇уд̇д̇ан̃жа д̣̇ассзд̇ваа ид̣̇аани самбаяуд̇д̇ад̇хаммавасзна хаасабхаавам̣, бавад̇д̇иаагааравасзна ж̇аванабхаавам̣, гижжавасзна д̇игкаад̣̇ибхааван̃жа д̣̇ассзд̇ум̣, ‘‘гад̇амаа хаасабан̃н̃аа’’д̇иаад̣̇и вуд̇д̇ам̣. д̇ад̇т̇а хаасаб̣ахулод̇и бийд̇иб̣ахуло. сзсабад̣̇аани д̇ассзва взважанаани. сийлам̣ барибуурзд̇ийд̇и хадтабахадто уд̣̇аг̇г̇уд̣̇аг̇г̇о худ̇ваа бийд̇исахаг̇ад̇ааяа бан̃н̃ааяа. бийд̇исоманассасахаг̇ад̇аа хи бан̃н̃аа абхирад̇ивасзна аарамман̣з пуллаа вигасид̇аа вияа бавад̇д̇ад̇и; на убзгкаасахаг̇ад̇аад̇и баад̇имогкасийлам̣ табзд̇ваа хаасанийяам̣ барам̣ д̇ивид̇хамби сийлам̣ барибуурзд̇ийд̇и ад̇т̇о. висум̣ вуд̇д̇ад̇д̇аа буна сийлагканд̇хамааха. самаад̇хигканд̇ханд̇иаад̣̇ийсуби зсзва наяо.
Evaṃ visayavasena paññāya mahattaṃ puthuttañca dassetvā idāni sampayuttadhammavasena hāsabhāvaṃ, pavattiākāravasena javanabhāvaṃ, kiccavasena tikkhādibhāvañca dassetuṃ, ‘‘katamā hāsapaññā’’tiādi vuttaṃ. Tattha hāsabahuloti pītibahulo. Sesapadāni tasseva vevacanāni. Sīlaṃ paripūretīti haṭṭhapahaṭṭho udaggudaggo hutvā pītisahagatāya paññāya. Pītisomanassasahagatā hi paññā abhirativasena ārammaṇe phullā vikasitā viya pavattati; na upekkhāsahagatāti pātimokkhasīlaṃ ṭhapetvā hāsanīyaṃ paraṃ tividhampi sīlaṃ paripūretīti attho. Visuṃ vuttattā puna sīlakkhandhamāha. Samādhikkhandhantiādīsupi eseva nayo.
руубам̣ анижжад̇о киббам̣ ж̇авад̇ийд̇и руубагканд̇хам̣ анижжанд̇и сийгхам̣ взг̇зна бавад̇д̇ияаа бадибагкад̣̇уурийбхаавзна буб̣б̣аабхисан̇каарасса саад̇исаяад̇д̇аа инд̣̇зна виссадтаваж̇ирам̣ вияа лагкан̣ам̣ бадивиж̇жханд̇ий ад̣̇анд̇хааяанд̇ий руубагканд̇хз анижжалагкан̣ам̣ взг̇асаа бадивиж̇жхад̇и, д̇асмаа саа ж̇аванабан̃н̃аа наамаад̇и ад̇т̇о. сзсабад̣̇зсуби зсзва наяо. звам̣ лагкан̣аарамман̣игавибассанаавасзна ж̇аванабан̃н̃ам̣ д̣̇ассзд̇ваа б̣алававибассанаавасзна д̣̇ассзд̇ум̣, ‘‘рууба’’нд̇иаад̣̇и вуд̇д̇ам̣. д̇ад̇т̇а каяадтзнаад̇и яад̇т̇а яад̇т̇а уббаж̇ж̇ад̇и, д̇ад̇т̇а д̇ад̇т̇зва бхиж̇ж̇анад̇о каяасабхаавад̇д̇аа. бхаяадтзнаад̇и бхаяаанагабхаавад̇о. асаарагадтзнаад̇и ад̇д̇асааравирахад̇о нижжасаараад̣̇ивирахад̇о жа. д̇улаяид̇ваад̇и д̇улаабхууд̇ааяа вибассанаабан̃н̃ааяа д̇улзд̇ваа. д̇ийраяид̇ваад̇и д̇ааяа зва д̇ийран̣абхууд̇ааяа д̇ийрзд̇ваа. вибхааваяид̇ваад̇и яаат̇аавад̇о багаасзд̇ваа бан̃жагканд̇хам̣ вибхууд̇ам̣ гад̇ваа. руубанирод̇хзд̇и руубагканд̇хасса нирод̇хабхууд̇з ниб̣б̣аанз ниннабон̣абаб̣бхааравасзна. ид̣̇аани сикааббад̇д̇авибассанаавасзна ж̇аванабан̃н̃ам̣ д̣̇ассзд̇ум̣, буна ‘‘рууба’’нд̇иаад̣̇и вуд̇д̇ам̣. вудтаанаг̇ааминивибассанаавасзнаад̇и гзжи.
Rūpaṃaniccato khippaṃ javatīti rūpakkhandhaṃ aniccanti sīghaṃ vegena pavattiyā paṭipakkhadūrībhāvena pubbābhisaṅkhārassa sātisayattā indena vissaṭṭhavajiraṃ viya lakkhaṇaṃ paṭivijjhantī adandhāyantī rūpakkhandhe aniccalakkhaṇaṃ vegasā paṭivijjhati, tasmā sā javanapaññā nāmāti attho. Sesapadesupi eseva nayo. Evaṃ lakkhaṇārammaṇikavipassanāvasena javanapaññaṃ dassetvā balavavipassanāvasena dassetuṃ, ‘‘rūpa’’ntiādi vuttaṃ. Tattha khayaṭṭhenāti yattha yattha uppajjati, tattha tattheva bhijjanato khayasabhāvattā. Bhayaṭṭhenāti bhayānakabhāvato. Asārakaṭṭhenāti attasāravirahato niccasārādivirahato ca. Tulayitvāti tulābhūtāya vipassanāpaññāya tuletvā. Tīrayitvāti tāya eva tīraṇabhūtāya tīretvā. Vibhāvayitvāti yāthāvato pakāsetvā pañcakkhandhaṃ vibhūtaṃ katvā. Rūpanirodheti rūpakkhandhassa nirodhabhūte nibbāne ninnapoṇapabbhāravasena. Idāni sikhāppattavipassanāvasena javanapaññaṃ dassetuṃ, puna ‘‘rūpa’’ntiādi vuttaṃ. Vuṭṭhānagāminivipassanāvasenāti keci.
н̃аан̣асса д̇игкабхааво наама сависзсам̣ бадибагкасамужчинд̣̇анзна взд̣̇ид̇аб̣б̣од̇и, ‘‘киббам̣ гилзсз чинд̣̇ад̇ийд̇и д̇игкабан̃н̃аа’’д̇и вад̇ваа д̇з бана гилзсз вибхааг̇зна д̣̇ассзнд̇о, ‘‘уббаннам̣ гаамавид̇агга’’нд̇иаад̣̇имааха. д̇игкабан̃н̃о хи киббаабхин̃н̃о ход̇и, бадибад̣̇аа жасса на жалад̇ийд̇и ааха – ‘‘згасмим̣ аасанз жад̇д̇ааро арияамаг̇г̇аа ад̇хиг̇ад̇аа хонд̇ий’’д̇иаад̣̇и.
Ñāṇassa tikkhabhāvo nāma savisesaṃ paṭipakkhasamucchindanena veditabboti, ‘‘khippaṃ kilese chindatīti tikkhapaññā’’ti vatvā te pana kilese vibhāgena dassento, ‘‘uppannaṃ kāmavitakka’’ntiādimāha. Tikkhapañño hi khippābhiñño hoti, paṭipadā cassa na calatīti āha – ‘‘ekasmiṃ āsane cattāro ariyamaggā adhigatā hontī’’tiādi.
‘‘саб̣б̣з сан̇каараа анижжаа д̣̇угкаа вибарин̣аамад̇хаммаа сан̇кад̇аа бадижжасамуббаннаа каяад̇хаммаа ваяад̇хаммаа нирод̇хад̇хаммаа’’д̇и яаат̇аавад̇о д̣̇ассанзна сажжасамбадивзд̇хо иж̇жхад̇и, на ан̃н̃ат̇аад̇и гааран̣амукзна ниб̣б̣зд̇хигабан̃н̃ам̣ д̣̇ассзд̇ум̣, ‘‘саб̣б̣асан̇каарзсу уб̣б̣зг̇аб̣ахуло ход̇ий’’д̇иаад̣̇и вуд̇д̇ам̣. д̇ад̇т̇а уб̣б̣зг̇аб̣ахулод̇и вуд̇д̇анаязна саб̣б̣асан̇каарзсу абхин̣хам̣ бавад̇д̇асам̣взг̇о. уд̇д̇аасаб̣ахулод̇и н̃аан̣уд̇раасавасзна саб̣б̣асан̇каарзсу б̣ахусо уд̇расд̇амаанасо. д̇зна аад̣̇ийнаваанубассанамааха. угган̣танаб̣ахулод̇и бана иминаа ниб̣б̣ид̣̇аанубассанам̣ ааха – арад̇иб̣ахулод̇иаад̣̇инаа д̇ассаа зва абараабаруббад̇д̇им̣. б̣ахимукод̇и саб̣б̣асан̇каарад̇о б̣ахибхууд̇ам̣ ниб̣б̣аанам̣ уд̣̇д̣̇исса бавад̇д̇ан̃аан̣амуко, д̇ат̇аа ваа бавад̇д̇ид̇авимогкамуко. ниб̣б̣иж̇жханам̣ ниб̣б̣зд̇хо, со зд̇иссаа ад̇т̇и, ниб̣б̣иж̇жхад̇ийд̇и ваа ниб̣б̣зд̇хаа, саава бан̃н̃аа ниб̣б̣зд̇хигаа. яам̣ банзд̇т̇а ад̇т̇ад̇о авибхад̇д̇ам̣, д̇ам̣ хздтаа вуд̇д̇анаяад̇д̇аа сувин̃н̃зяяамзва.
‘‘Sabbe saṅkhārā aniccā dukkhā vipariṇāmadhammā saṅkhatā paṭiccasamuppannā khayadhammā vayadhammā nirodhadhammā’’ti yāthāvato dassanena saccasampaṭivedho ijjhati, na aññathāti kāraṇamukhena nibbedhikapaññaṃ dassetuṃ, ‘‘sabbasaṅkhāresuubbegabahulo hotī’’tiādi vuttaṃ. Tattha ubbegabahuloti vuttanayena sabbasaṅkhāresu abhiṇhaṃ pavattasaṃvego. Uttāsabahuloti ñāṇutrāsavasena sabbasaṅkhāresu bahuso utrastamānaso. Tena ādīnavānupassanamāha. Ukkaṇṭhanabahuloti pana iminā nibbidānupassanaṃ āha – aratibahulotiādinā tassā eva aparāparuppattiṃ. Bahimukhoti sabbasaṅkhārato bahibhūtaṃ nibbānaṃ uddissa pavattañāṇamukho, tathā vā pavattitavimokkhamukho. Nibbijjhanaṃ nibbedho, so etissā atthi, nibbijjhatīti vā nibbedhā, sāva paññā nibbedhikā. Yaṃ panettha atthato avibhattaṃ, taṃ heṭṭhā vuttanayattā suviññeyyameva.
баж̇ж̇ад̇и зд̇зна вибассанаад̣̇игод̇и бад̣̇ам̣, самаабад̇д̇и, д̇асмаа анубад̣̇анд̇и анусамаабад̇д̇ияод̇и ад̇т̇о. бад̣̇ам̣ ваа саммасанубаг̇аа д̇хаммаа вибассанааяа бавад̇д̇идтаанабхаавад̇о. д̇знааха ‘‘самаабад̇д̇ивасзна ваа’’д̇и . жхаанан̇г̇авасзна ваад̇и жхаанан̇г̇авасзнаад̇и жа ад̇т̇о. адтагат̇ааяам̣ бана гамад̇т̇о ид̇ха бад̣̇асад̣̇д̣̇о, д̇асмаа анубад̣̇ам̣ ануггамзнаад̇и аяамзд̇т̇а ад̇т̇од̇и ааха ‘‘анубадибаадияаа’’д̇и. д̇хаммавибассананд̇и д̇ам̣д̇ам̣самаабад̇д̇ижид̇д̇уббаад̣̇абарияаабаннаанам̣ д̇хаммаанам̣ вибассанам̣. вибассад̇ийд̇и самаабад̇д̇ияо жхаанамукзна д̇з д̇з д̇хаммз яаат̇аавад̇о бариг̇г̇ахзд̇ваа, ‘‘ид̇иби д̣̇угкаа’’д̇иаад̣̇инаа саммасад̇и. ад̣̇д̇хамаасзна арахад̇д̇ам̣ бад̇д̇о уггам̣саг̇ад̇асса саавагаанам̣ саммасанажаарасса ниббад̣̇зсзна бавад̇д̇ияамаанад̇д̇аа, саавагабаарамийн̃аан̣асса жа д̇ат̇аа бадибаад̣̇зд̇аб̣б̣ад̇д̇аа. звам̣ санд̇збийд̇и яад̣̇иби махаамог̇г̇аллаанад̇т̇зро на жирассзва арахад̇д̇ам̣ бад̇д̇о; д̇хаммасзнаабад̇и бана д̇ад̇о жирзна, звам̣ санд̇зби яасмаа мог̇г̇аллаанад̇т̇зроби махаабан̃н̃ова, д̇асмаа саарибуд̇д̇ад̇т̇зрова махаабан̃н̃ад̇арод̇и. ид̣̇аани д̇амад̇т̇ам̣ баагадад̇арам̣ гаад̇ум̣, ‘‘махаамог̇г̇аллаанад̇т̇зро хий’’д̇иаад̣̇и вуд̇д̇ам̣. саммасанам̣ жарад̇и зд̇т̇аад̇и саммасанажааро, вибассанаабхууми, д̇ам̣ саммасанажаарам̣. згад̣̇зсамзваад̇и сагаад̇д̇абхаавз сан̇каарз анавасзсад̇о бариг̇г̇ахзд̇ун̃жа саммасид̇ун̃жа асаггонд̇ам̣ ад̇д̇ано абхинийхаарасамуд̣̇ааг̇ад̇ан̃аан̣аб̣алаануруубам̣ згад̣̇зсамзва бариг̇г̇ахзд̇ваа саммасанд̇о. нану жа ‘‘саб̣б̣ам̣, бхигкавз, анабхиж̇аанам̣ абариж̇аанам̣ авирааж̇аяам̣ аббаж̇ахам̣ абхаб̣б̣о д̣̇угкагкаяааяаа’’д̇и (сам̣. ни. 4.26) важанад̇о ваддад̣̇угкад̇о мужжид̇угаамзна саб̣б̣ам̣ барин̃н̃зяяам̣ бариж̇аанид̇аб̣б̣амзва? сажжамзд̇ам̣, д̇ан̃жа ко саммасанубаг̇ад̇хаммавасзна вуд̇д̇ам̣. д̇асмаа сасанд̇аанаг̇ад̇з саб̣б̣ад̇хаммз , барасанд̇аанаг̇ад̇з жа д̇зсам̣ санд̇аанавибхааг̇ам̣ агад̇ваа б̣ахид̣̇д̇хаабхаавасааман̃н̃ад̇о саммасанам̣, аяам̣ саавагаанам̣ саммасанажааро. т̇зро бана б̣ахид̣̇д̇хаад̇хаммзби санд̇аанавибхааг̇зна гзжи гзжи уд̣̇д̇харид̇ваа саммаси, д̇ан̃жа ко н̃аан̣зна пудтамад̇д̇ам̣ гад̇ваа. д̇зна вуд̇д̇ам̣ – ‘‘яадтигодияаа уббийл̣знд̇о вияа згад̣̇зсамзва саммасанд̇о’’д̇и. д̇ад̇т̇а н̃аан̣зна наама яаавад̇аа нзяяам̣ бавад̇д̇ид̇аб̣б̣ам̣, д̇ат̇аа абавад̇д̇анад̇о ‘‘яадтигодияаа уббийл̣знд̇о вияаа’’д̇иаад̣̇и вуд̇д̇ам̣. анубад̣̇ад̇хаммавибассанааяа абхаавад̇о ‘‘згад̣̇зсамзва саммасанд̇о’’д̇и вуд̇д̇ам̣.
Pajjati etena vipassanādikoti padaṃ, samāpatti, tasmā anupadanti anusamāpattiyoti attho. Padaṃ vā sammasanupagā dhammā vipassanāya pavattiṭṭhānabhāvato. Tenāha ‘‘samāpattivasena vā’’ti . Jhānaṅgavasena vāti jhānaṅgavasenāti ca attho. Aṭṭhakathāyaṃ pana kamattho idha padasaddo, tasmā anupadaṃ anukkamenāti ayamettha atthoti āha ‘‘anupaṭipāṭiyā’’ti. Dhammavipassananti taṃtaṃsamāpatticittuppādapariyāpannānaṃ dhammānaṃ vipassanaṃ. Vipassatīti samāpattiyo jhānamukhena te te dhamme yāthāvato pariggahetvā, ‘‘itipi dukkhā’’tiādinā sammasati. Addhamāsena arahattaṃ patto ukkaṃsagatassa sāvakānaṃ sammasanacārassa nippadesena pavattiyamānattā, sāvakapāramīñāṇassa ca tathā paṭipādetabbattā. Evaṃ santepīti yadipi mahāmoggallānatthero na cirasseva arahattaṃ patto; dhammasenāpati pana tato cirena, evaṃ santepi yasmā moggallānattheropi mahāpaññova, tasmā sāriputtattherova mahāpaññataroti. Idāni tamatthaṃ pākaṭataraṃ kātuṃ, ‘‘mahāmoggallānatthero hī’’tiādi vuttaṃ. Sammasanaṃ carati etthāti sammasanacāro, vipassanābhūmi, taṃ sammasanacāraṃ. Ekadesamevāti sakaattabhāve saṅkhāre anavasesato pariggahetuñca sammasituñca asakkontaṃ attano abhinīhārasamudāgatañāṇabalānurūpaṃ ekadesameva pariggahetvā sammasanto. Nanu ca ‘‘sabbaṃ, bhikkhave, anabhijānaṃ aparijānaṃ avirājayaṃ appajahaṃ abhabbo dukkhakkhayāyā’’ti (saṃ. ni. 4.26) vacanato vaṭṭadukkhato muccitukāmena sabbaṃ pariññeyyaṃ parijānitabbameva? Saccametaṃ, tañca kho sammasanupagadhammavasena vuttaṃ. Tasmā sasantānagate sabbadhamme , parasantānagate ca tesaṃ santānavibhāgaṃ akatvā bahiddhābhāvasāmaññato sammasanaṃ, ayaṃ sāvakānaṃ sammasanacāro. Thero pana bahiddhādhammepi santānavibhāgena keci keci uddharitvā sammasi, tañca kho ñāṇena phuṭṭhamattaṃ katvā. Tena vuttaṃ – ‘‘yaṭṭhikoṭiyā uppīḷento viya ekadesameva sammasanto’’ti. Tattha ñāṇena nāma yāvatā neyyaṃ pavattitabbaṃ, tathā apavattanato ‘‘yaṭṭhikoṭiyā uppīḷento viyā’’tiādi vuttaṃ. Anupadadhammavipassanāya abhāvato ‘‘ekadesameva sammasanto’’ti vuttaṃ.
б̣уд̣̇д̇хаанам̣ саммасанажааро д̣̇асасахассилогад̇хаад̇уяам̣ сад̇д̇асанд̇аанаг̇ад̇аа, анинд̣̇рияаб̣ад̣̇д̇хаа жа сан̇каараад̇и вад̣̇анд̇и, годисад̇асахассажаггаваал̣зсууд̇и абарз. д̇ат̇аа хи ад̣̇д̇хад̇д̇аяавасзна бадижжасамуббаад̣̇анаяам̣ осарид̇ваа чад̇д̇им̣сагодисад̇асахассамукзна б̣уд̣̇д̇хаанам̣ махааваж̇иран̃аан̣ам̣ бавад̇д̇ам̣. бажжзгаб̣уд̣̇д̇хаанам̣ сасанд̇аанаг̇ад̇зхи сад̣̇д̇хим̣ маж̇жхимад̣̇зсаваасисад̇д̇асанд̇аанаг̇ад̇аа анинд̣̇рияаб̣ад̣̇д̇хаа жа саммасанажаарод̇и вад̣̇анд̇и, ж̇амб̣уд̣̇ийбаваасисад̇д̇асанд̇аанаг̇ад̇аад̇и гзжи. д̇хаммасзнаабад̇иноби яат̇аавуд̇д̇асаавагаанам̣ вибассанаабхуумиязва саммасанажааро. д̇ад̇т̇а бана т̇зро саад̇исаяам̣ ниравасзсам̣ анубад̣̇ад̇хаммам̣ вибасси. д̇зна вуд̇д̇ам̣ – ‘‘саавагаанам̣ саммасанажаарам̣ ниббад̣̇зсам̣ саммасий’’д̇и.
Buddhānaṃ sammasanacāro dasasahassilokadhātuyaṃ sattasantānagatā, anindriyabaddhā ca saṅkhārāti vadanti, koṭisatasahassacakkavāḷesūti apare. Tathā hi addhattayavasena paṭiccasamuppādanayaṃ osaritvā chattiṃsakoṭisatasahassamukhena buddhānaṃ mahāvajirañāṇaṃ pavattaṃ. Paccekabuddhānaṃ sasantānagatehi saddhiṃ majjhimadesavāsisattasantānagatā anindriyabaddhā ca sammasanacāroti vadanti, jambudīpavāsisattasantānagatāti keci. Dhammasenāpatinopi yathāvuttasāvakānaṃ vipassanābhūmiyeva sammasanacāro. Tattha pana thero sātisayaṃ niravasesaṃ anupadadhammaṃ vipassi. Tena vuttaṃ – ‘‘sāvakānaṃ sammasanacāraṃ nippadesaṃ sammasī’’ti.
д̇ад̇т̇а ‘‘саавагаанам̣ вибассанаабхуумий’’д̇и зд̇т̇а сугкавибассагаа логияаабхин̃н̃аббад̇д̇аа багад̇исаавагаа аг̇г̇асаавагаа бажжзгаб̣уд̣̇д̇хаа саммаасамб̣уд̣̇д̇хаад̇и часу ж̇анзсу сугкавибассагаанам̣ жхаанаабхин̃н̃аахи анад̇хиг̇ад̇абан̃н̃аанзбун̃н̃ад̇д̇аа анд̇хаанам̣ вияа ижчид̇абад̣̇зсоггаманам̣ вибассанаагаалз ижчигижчид̇ад̇хаммавибассанаа над̇т̇и. д̇з яат̇аабариг̇г̇ахид̇ад̇хаммамад̇д̇зязва тад̇ваа вибассанам̣ вад̣дхзнд̇и. логияаабхин̃н̃аббад̇д̇аа бана багад̇исаавагаа язна мукзна вибассанам̣ аарабханд̇и; д̇ад̇о ан̃н̃зна вибассанам̣ вид̇т̇ааригам̣ гаад̇ум̣ саггонд̇и вибулан̃аан̣ад̇д̇аа. махаасаавагаа абхинийхаарасамбаннад̇д̇аа д̇ад̇о саад̇исаяам̣ вибассанам̣ вид̇т̇ааригам̣ гаад̇ум̣ саггонд̇и. аг̇г̇асаавагзсу д̣̇уд̇ияо абхинийхаарасамбад̇д̇ияаа самаад̇хаанасса саад̇исаяад̇д̇аа вибассанам̣ д̇ад̇оби вид̇т̇ааригам̣ гарод̇и. батамо бана д̇ад̇о махаабан̃н̃ад̇ааяа саавагзхи асаад̇хааран̣ам̣ вид̇т̇ааригам̣ гарод̇и. бажжзгаб̣уд̣̇д̇хо д̇зхиби махаабхинийхаарад̇ааяа ад̇д̇ано абхинийхаараануруубам̣ д̇ад̇оби вид̇т̇ааригавибассанам̣ гаронд̇и. б̣уд̣̇д̇хаанам̣, саммад̣̇зва, барибуурид̇абан̃н̃аабаарамибабхаавид̇а-саб̣б̣ан̃н̃уд̇ан̃н̃аан̣аад̇хиг̇аманасса ануруубааяаад̇и. яат̇аа наама гад̇аваалавзд̇хабарижаязна сарабхан̇г̇асад̣̇исзна д̇хануг̇г̇ахзна кид̇д̇о саро анд̇араа ругкалад̇аад̣̇ийсу асаж̇ж̇амаано лагкан̣зязва бад̇ад̇и; на саж̇ж̇ад̇и на вираж̇жхад̇и, звам̣ анд̇араа асаж̇ж̇амаанаа авираж̇жхамаанаа вибассанаа саммасанийяад̇хаммзсу яаат̇аавад̇о наанаанаязхи бавад̇д̇ад̇и. яам̣ махаан̃аан̣анд̇и вужжад̇и, д̇асса бавад̇д̇иаагаарабхзд̣̇о г̇ан̣ад̇о вуд̇д̇оязва.
Tattha ‘‘sāvakānaṃ vipassanābhūmī’’ti ettha sukkhavipassakā lokiyābhiññappattā pakatisāvakā aggasāvakā paccekabuddhā sammāsambuddhāti chasu janesu sukkhavipassakānaṃ jhānābhiññāhi anadhigatapaññānepuññattā andhānaṃ viya icchitapadesokkamanaṃ vipassanākāle icchikicchitadhammavipassanā natthi. Te yathāpariggahitadhammamatteyeva ṭhatvā vipassanaṃ vaḍḍhenti. Lokiyābhiññappattā pana pakatisāvakā yena mukhena vipassanaṃ ārabhanti; tato aññena vipassanaṃ vitthārikaṃ kātuṃ sakkonti vipulañāṇattā. Mahāsāvakā abhinīhārasampannattā tato sātisayaṃ vipassanaṃ vitthārikaṃ kātuṃ sakkonti. Aggasāvakesu dutiyo abhinīhārasampattiyā samādhānassa sātisayattā vipassanaṃ tatopi vitthārikaṃ karoti. Paṭhamo pana tato mahāpaññatāya sāvakehi asādhāraṇaṃ vitthārikaṃ karoti. Paccekabuddho tehipi mahābhinīhāratāya attano abhinīhārānurūpaṃ tatopi vitthārikavipassanaṃ karonti. Buddhānaṃ, sammadeva, paripūritapaññāpāramipabhāvita-sabbaññutaññāṇādhigamanassa anurūpāyāti. Yathā nāma katavālavedhaparicayena sarabhaṅgasadisena dhanuggahena khitto saro antarā rukkhalatādīsu asajjamāno lakkhaṇeyeva patati; na sajjati na virajjhati, evaṃ antarā asajjamānā avirajjhamānā vipassanā sammasanīyadhammesu yāthāvato nānānayehi pavattati. Yaṃ mahāñāṇanti vuccati, tassa pavattiākārabhedo gaṇato vuttoyeva.
зд̇зсу жа сугкавибассагаанам̣ вибассанаажааро каж̇ж̇од̇абабхаасад̣̇исо, абхин̃н̃аббад̇д̇абагад̇исаавагаанам̣ д̣̇ийбабабхаасад̣̇исо, махаасаавагаанам̣ оггаабабхаасад̣̇исо, аг̇г̇асаавагаанам̣ осад̇хид̇аарагаабабхаасад̣̇исо, бажжзгаб̣уд̣̇д̇хаанам̣ жанд̣̇абабхаасад̣̇исо, саммаасамб̣уд̣̇д̇хаанам̣ расмисахассабадиман̣д̣ид̇асарад̣̇асуурияаман̣д̣аласад̣̇исо убадтааси. д̇ат̇аа сугкавибассагаанам̣ вибассанаажааро анд̇хаанам̣ яадтигодияаа г̇аманасад̣̇исо, логияаабхин̃н̃аббад̇д̇абагад̇исаавагаанам̣ д̣̇ан̣д̣агасзд̇уг̇аманасад̣̇исо, махаасаавагаанам̣ ж̇ан̇гхасзд̇уг̇аманасад̣̇исо, аг̇г̇асаавагаанам̣ сагадасзд̇уг̇аманасад̣̇исо, бажжзгаб̣уд̣̇д̇хаанам̣ махааж̇ан̇гхамаг̇г̇аг̇аманасад̣̇исо, саммаасамб̣уд̣̇д̇хаанам̣ махаасагамаг̇г̇аг̇аманасад̣̇исод̇и взд̣̇ид̇аб̣б̣о.
Etesu ca sukkhavipassakānaṃ vipassanācāro khajjotapabhāsadiso, abhiññappattapakatisāvakānaṃ dīpapabhāsadiso, mahāsāvakānaṃ okkāpabhāsadiso, aggasāvakānaṃ osadhitārakāpabhāsadiso, paccekabuddhānaṃ candapabhāsadiso, sammāsambuddhānaṃ rasmisahassapaṭimaṇḍitasaradasūriyamaṇḍalasadiso upaṭṭhāsi. Tathā sukkhavipassakānaṃ vipassanācāro andhānaṃ yaṭṭhikoṭiyā gamanasadiso, lokiyābhiññappattapakatisāvakānaṃ daṇḍakasetugamanasadiso, mahāsāvakānaṃ jaṅghasetugamanasadiso, aggasāvakānaṃ sakaṭasetugamanasadiso, paccekabuddhānaṃ mahājaṅghamaggagamanasadiso, sammāsambuddhānaṃ mahāsakamaggagamanasadisoti veditabbo.
арахад̇д̇ан̃жа гира бад̇ваад̇и зд̇т̇а гира-сад̣̇д̣̇о ануссавалад̣̇д̇хояамад̇т̇од̇и д̣̇ийбзд̇ум̣ вуд̇д̇о. бад̇ваа ан̃н̃ааси ад̇д̇ано вибассанаажаарасса махаависаяад̇д̇аа д̇игкависад̣̇асуурабхаавасса жа саллагкан̣зна. гат̇ам̣ банааяам̣ махаат̇зро д̣̇анд̇хам̣ арахад̇д̇ам̣ баабун̣анд̇о сийгхам̣ арахад̇д̇ам̣ бад̇д̇ад̇о бан̃н̃ааяа ад̇д̇аанам̣ саад̇исаяам̣ гад̇ваа ан̃н̃аасийд̇и ааха – ‘‘яат̇аа хий’’д̇иаад̣̇и. махааж̇аданд̇и махааж̇ааласаакам̣ ад̇ивияа сиб̣б̣ид̇аж̇аалам̣. яадтим̣ бана саарам̣ ваа уж̇ум̣ ваа на лабхад̇и взн̣уг̇г̇ахан̣з анужжинид̇ваа взн̣усса г̇ахид̇ад̇д̇аа. звам̣самбад̣̇анд̇и яат̇аа д̇зсу бурисзсу зго взл̣уг̇г̇ахан̣з анужжинид̇ваа взл̣уяадтим̣ г̇ан̣хаад̇и, зго ужжинид̇ваа, звам̣ нибпад̇д̇игам̣. бад̇хаананд̇и бхааванаануяун̃ж̇анам̣.
Arahattañca kira patvāti ettha kira-saddo anussavaladdhoyamatthoti dīpetuṃ vutto. Patvā aññāsi attano vipassanācārassa mahāvisayattā tikkhavisadasūrabhāvassa ca sallakkhaṇena. Kathaṃ panāyaṃ mahāthero dandhaṃ arahattaṃ pāpuṇanto sīghaṃ arahattaṃ pattato paññāya attānaṃ sātisayaṃ katvā aññāsīti āha – ‘‘yathā hī’’tiādi. Mahājaṭanti mahājālasākhaṃ ativiya sibbitajālaṃ. Yaṭṭhiṃ pana sāraṃ vā ujuṃ vā na labhati veṇuggahaṇe anuccinitvā veṇussa gahitattā. Evaṃsampadanti yathā tesu purisesu eko veḷuggahaṇe anuccinitvā veḷuyaṭṭhiṃ gaṇhāti, eko uccinitvā, evaṃ nipphattikaṃ. Padhānanti bhāvanānuyuñjanaṃ.
сад̇д̇асадти н̃аан̣аанийд̇и бадисамбхид̣̇аамаг̇г̇з (бади. ма. 1.73 маад̇игаа) ааг̇ад̇зсу д̇зсад̇д̇ад̇ияаа н̃аан̣зсу табзд̇ваа ча асаад̇хааран̣ан̃аан̣аани суд̇амаяан̃аан̣аад̣̇ийни бадибхаанабадисамбхид̣̇аан̃аан̣абарияосаанаани сад̇д̇асадти н̃аан̣аани. д̇аани хи саавагзхи бавижид̇аб̣б̣аани, на ид̇араани. сол̣асавид̇хам̣ бан̃н̃анд̇и (сам̣. ни. адта. 3.5.379; сам̣. ни. дий. 3.5.379) махаабан̃н̃аад̣̇игаа, наваанубуб̣б̣авихаарасамаабад̇д̇ибан̃н̃аад̇и ид̣̇ам̣ сол̣асавид̇хам̣ бан̃н̃ам̣.
Sattasaṭṭhiñāṇānīti paṭisambhidāmagge (paṭi. ma. 1.73 mātikā) āgatesu tesattatiyā ñāṇesu ṭhapetvā cha asādhāraṇañāṇāni sutamayañāṇādīni paṭibhānapaṭisambhidāñāṇapariyosānāni sattasaṭṭhi ñāṇāni. Tāni hi sāvakehi pavicitabbāni, na itarāni. Soḷasavidhaṃ paññanti (saṃ. ni. aṭṭha. 3.5.379; saṃ. ni. ṭī. 3.5.379) mahāpaññādikā, navānupubbavihārasamāpattipaññāti idaṃ soḷasavidhaṃ paññaṃ.
д̇ад̇раад̇и д̇асса. ид̣̇ам̣ ход̇ийд̇и ид̣̇ам̣ д̣̇аани вужжамаанам̣ анубуб̣б̣асаммасанам̣ ход̇и. вибассанаагодтаасанд̇и вид̇аггаад̣̇исаммасид̇аб̣б̣ад̇хаммавибхааг̇зна вибхад̇д̇авибассанаабхааг̇ам̣.
Tatrāti tassa. Idaṃ hotīti idaṃ dāni vuccamānaṃ anupubbasammasanaṃ hoti. Vipassanākoṭṭhāsanti vitakkādisammasitabbadhammavibhāgena vibhattavipassanābhāgaṃ.
94. батамз жхаанзд̇и убасилзсз бхуммам̣, д̇асмаа яз батамз жхаанз д̇хаммаад̇и яз батамаж̇жхаанасам̣садтаа д̇хаммаад̇и ад̇т̇о. анд̇осамаабад̇д̇ияанд̇и жа самаабад̇д̇исахаг̇ад̇з жид̇д̇уббаад̣̇з самаабад̇д̇исаман̃н̃ам̣ ааробзд̇ваа вуд̇д̇ам̣. вавад̇т̇ид̇аад̇и гад̇ававад̇т̇анаа нижчид̇аа. барижчиннаад̇и н̃аан̣зна барижчиннаа салагкан̣ад̇о барижчиж̇ж̇а н̃аад̇аа. ологзнд̇од̇и н̃аан̣ажагкунаа бажжагкад̇о бассанд̇о. абхиниробанам̣ аарамман̣з жид̇д̇асса ааробанам̣. анумаж̇ж̇анам̣ аарамман̣з жид̇д̇асса анувижааран̣ам̣. паран̣ам̣ бан̣ийд̇аруубзхи гааяасса б̣яаабанам̣, вибпааригабхааво ваа. саад̇анд̇и саад̇амад̇хурад̇аа. ад̇хигкзбо вигкзбасса бадибагкабхууд̇ам̣ самаад̇хаанам̣. пусанам̣ инд̣̇рияависаяавин̃н̃аан̣асса д̇ад̇о уббаж̇ж̇ид̇ваа аарамман̣з пусанаагаарзна вияа бавад̇д̇и. взд̣̇аяид̇ам̣ аарамман̣аанубхаванам̣. сан̃ж̇аананам̣ нийлаад̣̇ивасзна аарамман̣асса саллагкан̣ам̣. жзд̇аяид̇ам̣ жзд̇асо б̣яаабааро. виж̇аананам̣ аарамман̣уубалад̣̇д̇хи. гад̇д̇угамяад̇аа жид̇д̇асса аарамман̣зна ад̇т̇игад̇аа. д̇асмим̣ аарамман̣з ад̇химужжанам̣, саннидтаанам̣ ваа ад̇химогко. госаж̇ж̇абагкз бад̇ид̇ум̣ ад̣̇ад̇ваа жид̇д̇асса баг̇г̇ан̣ханам̣ баг̇г̇аахо, ад̇хиг̇г̇аход̇и ад̇т̇о. аарамман̣ам̣ убаг̇анд̇ваа таанам̣, аниссаж̇ж̇анам̣ ваа убадтаанам̣. самаббавад̇д̇зсу ассзсу саарат̇и вияа сагижжабасуд̇зсу самбаяуд̇д̇зсу аж̇жхубзгканам̣ маж̇жхад̇д̇ад̇аа. самбаяуд̇д̇ад̇хаммаанам̣ аарамман̣з анунаяанам̣ сам̣жаран̣ам̣ анунаяо. сабхаавад̇од̇и яат̇аабхууд̇асабхаавад̇о. сол̣асаннам̣ зва жзд̇т̇а д̇хаммаанам̣ г̇ахан̣ам̣ д̇зсам̣язва т̇зрзна вавад̇т̇аабид̇абхаавад̇о, д̇з звасса д̇ад̣̇аа убадтахим̣су, на ид̇арзд̇и вад̣̇анд̇и. вийрияасад̇иг̇г̇ахан̣зна жзд̇т̇а инд̣̇рияабхаавасааман̃н̃ад̇о сад̣̇д̇хаабан̃н̃аа; сад̇иг̇г̇ахан̣знзва зганд̇аанаваж̇ж̇абхаавасааман̃н̃ад̇о бассад̣̇д̇хиаад̣̇аяо ча яуг̇ал̣аа; алобхаад̣̇осаа жа сан̇г̇ахид̇аа жхаанажид̇д̇уббаад̣̇абарияаабаннад̇д̇аа д̇зсам̣ д̇хаммаанам̣. т̇зрзна жа д̇хаммаа вавад̇т̇аанасааман̃н̃ад̇о аарад̣̇д̇хаа. д̇з на убадтахим̣сууд̇и на саггаа вад̇д̇унд̇и абарз.
94.Paṭhame jhāneti upasilese bhummaṃ, tasmā ye paṭhame jhāne dhammāti ye paṭhamajjhānasaṃsaṭṭhā dhammāti attho. Antosamāpattiyanti ca samāpattisahagate cittuppāde samāpattisamaññaṃ āropetvā vuttaṃ. Vavatthitāti katavavatthanā nicchitā. Paricchinnāti ñāṇena paricchinnā salakkhaṇato paricchijja ñātā. Olokentoti ñāṇacakkhunā paccakkhato passanto. Abhiniropanaṃ ārammaṇe cittassa āropanaṃ. Anumajjanaṃ ārammaṇe cittassa anuvicāraṇaṃ. Pharaṇaṃ paṇītarūpehi kāyassa byāpanaṃ, vipphārikabhāvo vā. Sātanti sātamadhuratā. Adhikkhepo vikkhepassa paṭipakkhabhūtaṃ samādhānaṃ. Phusanaṃ indriyavisayaviññāṇassa tato uppajjitvā ārammaṇe phusanākārena viya pavatti. Vedayitaṃ ārammaṇānubhavanaṃ. Sañjānanaṃ nīlādivasena ārammaṇassa sallakkhaṇaṃ. Cetayitaṃ cetaso byāpāro. Vijānanaṃ ārammaṇūpaladdhi. Kattukamyatā cittassa ārammaṇena atthikatā. Tasmiṃ ārammaṇe adhimuccanaṃ, sanniṭṭhānaṃ vā adhimokkho. Kosajjapakkhe patituṃ adatvā cittassa paggaṇhanaṃ paggāho, adhiggahoti attho. Ārammaṇaṃ upagantvā ṭhānaṃ, anissajjanaṃ vā upaṭṭhānaṃ. Samappavattesu assesu sārathi viya sakiccapasutesu sampayuttesu ajjhupekkhanaṃ majjhattatā. Sampayuttadhammānaṃ ārammaṇe anunayanaṃ saṃcaraṇaṃ anunayo. Sabhāvatoti yathābhūtasabhāvato. Soḷasannaṃ eva cettha dhammānaṃ gahaṇaṃ tesaṃyeva therena vavatthāpitabhāvato, te evassa tadā upaṭṭhahiṃsu, na itareti vadanti. Vīriyasatiggahaṇena cettha indriyabhāvasāmaññato saddhāpaññā; satiggahaṇeneva ekantānavajjabhāvasāmaññato passaddhiādayo cha yugaḷā; alobhādosā ca saṅgahitā jhānacittuppādapariyāpannattā tesaṃ dhammānaṃ. Therena ca dhammā vavatthānasāmaññato āraddhā. Te na upaṭṭhahiṃsūti na sakkā vattunti apare.
вид̣̇ид̇аа уббаж̇ж̇анд̇ийд̇и уббаад̣̇зби нзсам̣ взд̣̇анаанам̣ баж̇аананам̣ ход̇иязваад̇и ад̇т̇о. сзсабад̣̇ад̣̇ваязби зсзва наяо. д̇ам̣ ж̇аанаад̇ийд̇и д̇ам̣н̃аан̣о, д̇асса бхааво д̇ам̣н̃аан̣ад̇аа, н̃аан̣асса ад̇д̇асам̣взд̣̇ананд̇и ад̇т̇о. д̇ам̣самаанаяог̇агкамаахи самбаяуд̇д̇ад̇хаммаа. н̃аан̣аб̣ахуд̇аад̇и н̃аан̣асса б̣ахубхааво, згажид̇д̇уббаад̣̇з анзган̃аан̣ад̇аад̇и ад̇т̇о. ид̣̇аани д̇амзвад̇т̇ам̣ виварид̇ум̣, ‘‘яат̇аа хий’’д̇иаад̣̇и вуд̇д̇ам̣. на саггаа ж̇аанид̇ум̣ аарамман̣агаран̣асса абхаавад̇о. асаммохааваб̣од̇хо жа ийд̣̇исасса н̃аан̣асса над̇т̇и. згзгамзва н̃аан̣ам̣ уббаж̇ж̇ад̇и д̇асмим̣ кан̣з згассзва ааваж̇ж̇анасса уббаж̇ж̇анад̇о, на жа ааваж̇ж̇анзна винаа жид̇д̇уббад̇д̇и ад̇т̇и. вуд̇д̇ан̃хзд̇ам̣ –
Viditā uppajjantīti uppādepi nesaṃ vedanānaṃ pajānanaṃ hotiyevāti attho. Sesapadadvayepi eseva nayo. Taṃ jānātīti taṃñāṇo, tassa bhāvo taṃñāṇatā, ñāṇassa attasaṃvedananti attho. Taṃsamānayogakkhamāhi sampayuttadhammā. Ñāṇabahutāti ñāṇassa bahubhāvo, ekacittuppāde anekañāṇatāti attho. Idāni tamevatthaṃ vivarituṃ, ‘‘yathā hī’’tiādi vuttaṃ. Na sakkā jānituṃ ārammaṇakaraṇassa abhāvato. Asammohāvabodho ca īdisassa ñāṇassa natthi. Ekekameva ñāṇaṃ uppajjati tasmiṃ khaṇe ekasseva āvajjanassa uppajjanato, na ca āvajjanena vinā cittuppatti atthi. Vuttañhetaṃ –
‘‘жуллаасийд̇исахассаани, габбаа д̇идтанд̇и яз маруу;
‘‘Cullāsītisahassāni, kappā tiṭṭhanti ye marū;
на д̇взва д̇зби ж̇ийванд̇и, д̣̇вийхи жид̇д̇зхи сам̣яуд̇аа’’д̇и. (махаани. 10, 39) жа,
Na tveva tepi jīvanti, dvīhi cittehi saṃyutā’’ti. (mahāni. 10, 39) ca,
‘‘над̇т̇и жид̇д̇з яуг̇аа г̇ахий’’д̇и жа –
‘‘Natthi citte yugā gahī’’ti ca –
вад̇т̇аарамман̣аанам̣ бариг̇г̇ахид̇ад̇ааяаад̇и яасмин̃жа аарамман̣з яз жхаанад̇хаммаа бавад̇д̇анд̇и, д̇зсам̣ вад̇т̇аарамман̣аанам̣ баг̇зва н̃аан̣зна барижчиж̇ж̇а г̇ахид̇ад̇д̇аа. яат̇аа наама миг̇асуугараад̣̇ийнам̣ аасаязбариг̇г̇ахид̇з д̇ад̇ра тид̇аа миг̇аа ваа суугараа ваа д̇ад̇о удтаанад̇оби ааг̇аманад̇оби нзсаад̣̇асса сукаг̇г̇ахан̣аа хонд̇и, звам̣самбад̣̇амид̣̇ам̣. д̇знааха ‘‘т̇зрзна хий’’д̇иаад̣̇и. д̇знаад̇и вад̇т̇аарамман̣аанам̣ бариг̇г̇ахид̇абхаавзна. ассаад̇и т̇зрасса. д̇зсам̣ д̇хаммаананд̇и жхаанажид̇д̇уббаад̣̇абарияаабаннаанам̣ д̇хаммаанам̣. уббаад̣̇ам̣ ааваж̇ж̇анд̇ассаад̇иаад̣̇инаа уббаад̣̇аад̣̇ийсу яам̣ яад̣̇зва аараб̣бха н̃аан̣ам̣ уббаж̇ж̇ад̇и; д̇асмим̣ д̇асмим̣ кан̣з д̇асса д̇ассзва жасса баагадабхааво д̣̇ийбид̇о. на хи ааваж̇ж̇анзна винаа н̃аан̣ам̣ уббаж̇ж̇ад̇и. ахуд̇ваа самбхонд̇ийд̇и буб̣б̣з авиж̇ж̇амаанаа худ̇ваа самбхаванд̇и, ануббаннаа уббаж̇ж̇анд̇ийд̇и ад̇т̇о. уд̣̇аяам̣ бассад̇и д̇зсам̣ д̇хаммаанам̣, ‘‘ахуд̇ваа самбхонд̇ий’’д̇и уббаад̣̇агкан̣асаман̇г̇ибхаавад̣̇ассанад̇о. буб̣б̣з абхааваб̣од̇хаго хи ад̇д̇алаабхо д̇хаммаанам̣ уд̣̇аяо. худ̇ваад̇и уббаж̇ж̇ид̇ваа. бадивзнд̇ийд̇и бади кан̣з кан̣з винассанд̇и. ваяам̣ бассад̇и, ‘‘худ̇ваа бадивзнд̇ий’’д̇и д̇зсам̣ д̇хаммаанам̣ бхан̇г̇агкан̣асаман̇г̇ибхаавад̣̇ассанад̇о. вид̣̇д̇хам̣сабхааваб̣од̇хаго хи д̇хаммаанам̣ виж̇ж̇амаанад̇о ваяо.
Vatthārammaṇānaṃ pariggahitatāyāti yasmiñca ārammaṇe ye jhānadhammā pavattanti, tesaṃ vatthārammaṇānaṃ pageva ñāṇena paricchijja gahitattā. Yathā nāma migasūkarādīnaṃ āsayepariggahite tatra ṭhitā migā vā sūkarā vā tato uṭṭhānatopi āgamanatopi nesādassa sukhaggahaṇā honti, evaṃsampadamidaṃ. Tenāha ‘‘therena hī’’tiādi. Tenāti vatthārammaṇānaṃ pariggahitabhāvena. Assāti therassa. Tesaṃ dhammānanti jhānacittuppādapariyāpannānaṃ dhammānaṃ. Uppādaṃ āvajjantassātiādinā uppādādīsu yaṃ yadeva ārabbha ñāṇaṃ uppajjati; tasmiṃ tasmiṃ khaṇe tassa tasseva cassa pākaṭabhāvo dīpito. Na hi āvajjanena vinā ñāṇaṃ uppajjati. Ahutvā sambhontīti pubbe avijjamānā hutvā sambhavanti, anuppannā uppajjantīti attho. Udayaṃ passati tesaṃ dhammānaṃ, ‘‘ahutvā sambhontī’’ti uppādakkhaṇasamaṅgibhāvadassanato. Pubbe abhāvabodhako hi attalābho dhammānaṃ udayo. Hutvāti uppajjitvā. Paṭiventīti paṭi khaṇe khaṇe vinassanti. Vayaṃ passati, ‘‘hutvā paṭiventī’’ti tesaṃ dhammānaṃ bhaṅgakkhaṇasamaṅgibhāvadassanato. Viddhaṃsabhāvabodhako hi dhammānaṃ vijjamānato vayo.
д̇зсу д̇хаммзсу над̇т̇и зд̇асса убаяо рааг̇авасзна убаг̇амананд̇и анубаяо, ананурод̇хо. худ̇ваа вихарад̇ийд̇и яож̇анаа. д̇ат̇аа над̇т̇и зд̇асса абааяо бадигхавасзна абаг̇амананд̇и анабааяо, авирод̇хо. ‘‘зд̇ам̣ мама, зсо мз ад̇т̇аа’’д̇и д̇асса д̇ан̣хаад̣̇идтиабхинивзсаабхаавад̇о д̇ан̣хаад̣̇идтиниссаязхи аниссид̇о. аббадиб̣ад̣̇д̇ход̇и анубаяааниссид̇абхаавад̇о вибассанааяа бариб̣анд̇хавасзна чанд̣̇арааг̇зна на бадиб̣ад̣̇д̇хо на виб̣анд̇хид̇о. виббамуд̇д̇од̇и д̇ад̇о зва вигкамбханавимуд̇д̇ивасзна гаамарааг̇ад̇о вимуд̇д̇о. висам̣яуд̇д̇о вигкамбханавасзнзва бадибагкад̇хаммзхи висам̣яуд̇д̇о.
Tesu dhammesu natthi etassa upayo rāgavasena upagamananti anupayo, ananurodho. Hutvā viharatīti yojanā. Tathā natthi etassa apāyo paṭighavasena apagamananti anapāyo, avirodho. ‘‘Etaṃ mama, eso me atthā’’ti tassa taṇhādiṭṭhiabhinivesābhāvato taṇhādiṭṭhinissayehi anissito. Appaṭibaddhoti anupayānissitabhāvato vipassanāya paribandhavasena chandarāgena na paṭibaddho na vibandhito. Vippamuttoti tato eva vikkhambhanavimuttivasena kāmarāgato vimutto. Visaṃyutto vikkhambhanavaseneva paṭipakkhadhammehi visaṃyutto.
гилзсамарияаад̣̇аа д̇зна гад̇аа бхавзяяаад̇и анд̇осамаабад̇д̇ияам̣ бавад̇д̇з сол̣аса д̇хаммз аараб̣бха бавад̇д̇амаанам̣ вибассанаавийт̇им̣ бхинд̣̇ид̇ваа сажз рааг̇аад̣̇аяо уббаж̇ж̇зяяум̣; д̇асса вибассанаавийт̇ияаа гилзсамарияаад̣̇аа д̇зна жид̇д̇зна, жид̇д̇асаман̇г̇инаа ваа гад̇аа бхавзяяа. д̇зсууд̇и д̇зсу д̇хаммзсу. ассаад̇и т̇зрасса. згобийд̇и рааг̇аад̣̇ийсу згобийд̇и жа вад̣̇анд̇и. вуд̇д̇аагаарзна згажжаанам̣ анаабаат̇аг̇аманз сад̇и вибассанаа на д̇зсу д̇хаммзсу ниранд̇араббавад̇д̇аад̇и аарамман̣амарияаад̣̇аа бхавзяяа. вигкамбхид̇абажжанийгад̇д̇аад̇и вибассанааяа бадибагкад̇хаммаанам̣ баг̇зва вигкамбхид̇ад̇д̇аа ид̣̇ааниби вигкамбхзд̇аб̣б̣аа гилзсаа над̇т̇ийд̇и вуд̇д̇ам̣.
Kilesamariyādā tena katā bhaveyyāti antosamāpattiyaṃ pavatte soḷasa dhamme ārabbha pavattamānaṃ vipassanāvīthiṃ bhinditvā sace rāgādayo uppajjeyyuṃ; tassa vipassanāvīthiyā kilesamariyādā tena cittena, cittasamaṅginā vā katā bhaveyya. Tesūti tesu dhammesu. Assāti therassa. Ekopīti rāgādīsu ekopīti ca vadanti. Vuttākārena ekaccānaṃ anāpāthagamane sati vipassanā na tesu dhammesu nirantarappavattāti ārammaṇamariyādā bhaveyya. Vikkhambhitapaccanīkattāti vipassanāya paṭipakkhadhammānaṃ pageva vikkhambhitattā idānipi vikkhambhetabbā kilesā natthīti vuttaṃ.
ид̇од̇и батамаж̇жхаанад̇о. ананд̇арод̇и убаримо жхаанаад̣̇ивисзсо. д̇асса баж̇аананассаад̇и, ‘‘ад̇т̇и уд̇д̇ари ниссаран̣а’’нд̇и звам̣ бавад̇д̇аж̇аананасса. б̣ахулийгаран̣знаад̇и бунаббунам̣ уббаад̣̇анзна.
Itoti paṭhamajjhānato. Anantaroti uparimo jhānādiviseso. Tassa pajānanassāti, ‘‘atthi uttari nissaraṇa’’nti evaṃ pavattajānanassa. Bahulīkaraṇenāti punappunaṃ uppādanena.
самбасаад̣̇анадтзнаад̇и гилзсагаалусияаабаг̇аманзна, д̇асса вижаарагкобхавиг̇амзна ваа жзд̇асо саммад̣̇зва баасаад̣̇игабхаавзна.
Sampasādanaṭṭhenāti kilesakālusiyāpagamanena, tassa vicārakkhobhavigamena vā cetaso sammadeva pāsādikabhāvena.
вийрияам̣ сад̇и убзгкаад̇и ааг̇ад̇адтаанз баарисуд̣̇д̇хиубзгкаа, ад̣̇угкамасукаавзд̣̇анаад̇и зд̇т̇а жхаанубзгкаад̇и, ‘‘сукадтаанз взд̣̇анубзгкааваа’’д̇и вуд̇д̇ам̣. сукадтаанзд̇и жа батамаж̇жхаанаад̣̇ийсу сукасса вуд̇д̇адтаанз. бассад̣̇д̇хад̇д̇аад̇и самад̇хуражзд̇аяид̇абхаавзна аарамман̣з висадавид̇т̇ад̇абхаавад̇о яо со жзд̇асо аабхог̇о вуд̇д̇о. сааман̃н̃апалаад̣̇ийсу сад̇ияаа баарисуд̣̇д̇хи, саа т̇ана ад̇т̇ад̇о сад̇ивинимуд̇д̇аа над̇т̇ийд̇и ааха ‘‘барисуд̣̇д̇хаасад̇иязваа’’д̇и. баарисуд̣̇д̇хиубзгкаа, на жхаанубзгкаад̣̇аяо.
Vīriyaṃ sati upekkhāti āgataṭṭhāne pārisuddhiupekkhā, adukkhamasukhāvedanāti ettha jhānupekkhāti, ‘‘sukhaṭṭhāne vedanupekkhāvā’’ti vuttaṃ. Sukhaṭṭhāneti ca paṭhamajjhānādīsu sukhassa vuttaṭṭhāne. Passaddhattāti samadhuracetayitabhāvena ārammaṇe visaṭavitthatabhāvato yo so cetaso ābhogo vutto. Sāmaññaphalādīsu satiyā pārisuddhi, sā thana atthato sativinimuttā natthīti āha ‘‘parisuddhāsatiyevā’’ti. Pārisuddhiupekkhā, na jhānupekkhādayo.
95. ийд̣̇исзсу таанзсу сад̇ияаа на гад̣̇аажиби н̃аан̣авирахо ад̇т̇ийд̇и ааха – ‘‘н̃аан̣зна самбаж̇аано худ̇ваа’’д̇и. д̇ат̇аа хи д̇ад̇ияаж̇жхаанз, ‘‘сад̇имаа сукавихаарий’’д̇и зд̇т̇а самбаж̇аанод̇и аяамад̇т̇о вуд̇д̇о зва ход̇и . на саавагаанам̣ анубад̣̇ад̇хаммавибассанаа ход̇и сан̇каараавасзсасукумаббавад̇д̇ияаа д̣̇увин̃н̃зяяад̇д̇аа виниб̣бхуж̇ид̇ваа г̇ахзд̇ум̣ асаггун̣зяяабхаавад̇о. д̇знааха – ‘‘галаабавибассанам̣ д̣̇ассзнд̇о звамаахаа’’д̇и.
95. Īdisesu ṭhānesu satiyā na kadācipi ñāṇaviraho atthīti āha – ‘‘ñāṇena sampajāno hutvā’’ti. Tathā hi tatiyajjhāne, ‘‘satimā sukhavihārī’’ti ettha sampajānoti ayamattho vutto eva hoti . Na sāvakānaṃ anupadadhammavipassanā hoti saṅkhārāvasesasukhumappavattiyā duviññeyyattā vinibbhujitvā gahetuṃ asakkuṇeyyabhāvato. Tenāha – ‘‘kalāpavipassanaṃ dassento evamāhā’’ti.
96. бан̃н̃ааяа жассад̣̇исваа аасаваа баригкийн̣аа хонд̇ийд̇и д̣̇ассанасамагаалам̣ кийяамаанаа аасаваа, ‘‘д̣̇исваа баригкийн̣аа хонд̇ий’’д̇и вуд̇д̇аа. самаанагаалзби хи зд̣̇исо сад̣̇д̣̇аббаяог̇о д̣̇иссад̇и –
96.Paññāyacassadisvā āsavā parikkhīṇā hontīti dassanasamakālaṃ khīyamānā āsavā, ‘‘disvā parikkhīṇā hontī’’ti vuttā. Samānakālepi hi ediso saddappayogo dissati –
‘‘жагкун̃жа бадижжа руубз жа уббаж̇ж̇ад̇и жагкувин̃н̃аан̣а’’нд̇и (ма. ни. 1.204, 400; 3.421, 425, 426; сам̣. ни. 2.43-45; 2.4.60; гат̇аа. 465, 467).
‘‘Cakkhuñca paṭicca rūpe ca uppajjati cakkhuviññāṇa’’nti (ma. ni. 1.204, 400; 3.421, 425, 426; saṃ. ni. 2.43-45; 2.4.60; kathā. 465, 467).
‘‘ниханд̇ваа д̇имирам̣ саб̣б̣ам̣, уг̇г̇ад̇зж̇о самуг̇г̇ад̇о;
‘‘Nihantvā timiraṃ sabbaṃ, uggatejo samuggato;
взрожано расмимаалий, логажагкубабхан̇гаро’’д̇и. (бадтаа. анудий. 1.25-34; висуд̣̇д̇хи. махаадий. 2.580) жа –
Verocano rasmimālī, lokacakkhupabhaṅkaro’’ti. (paṭṭhā. anuṭī. 1.25-34; visuddhi. mahāṭī. 2.580) ca –
звамаад̣̇ийсу. хзд̇уад̇т̇о ваа аяам̣ д̣̇исваасад̣̇д̣̇о асамаанагад̇д̇уго яат̇аа – ‘‘гхад̇ам̣ бивид̇ваа б̣алам̣ ход̇и, сийхам̣ д̣̇исваа бхаяам̣ ход̇ий’’д̇и (висуд̣̇д̇хи. махаадий. 2.802). д̣̇ассанахзд̇уго хи аасаваанам̣ баригкаяо барин̃н̃аасажчигирияаабхааванаабхисамаяз сад̇и бахаанаабхисамаяасса лаб̣бханад̇о. яуг̇анад̣̇д̇хам̣ аахарид̇ваад̇и батамаж̇жхаанам̣ самаабаж̇ж̇ид̇ваа вудтааяа д̇ад̇т̇а жхаанад̇хаммз саммасанд̇о самат̇авибассанам̣ яуг̇анад̣̇д̇хам̣ бхаавзд̇и. звам̣ яаава нзвасан̃н̃аанаасан̃н̃ааяад̇анам̣ самаабаж̇ж̇ид̇ваа вудтааяа д̇ад̇т̇а саммасанд̇о самат̇авибассанам̣ яуг̇анад̣̇д̇хам̣ гад̇ваа яат̇аа т̇зро арахад̇д̇ам̣ баабун̣и. д̇ам̣ санд̇хааяа вуд̇д̇ам̣ – ‘‘арахад̇д̇ам̣ бад̇д̇авааро ид̇ха г̇ахид̇о’’д̇и. ид̇хаад̇и имасмим̣ суд̇д̇з. д̣̇ийгханакасуд̇д̇ад̣̇зсанааяа (ма. ни. 2.205-206) хи т̇зро арахад̇д̇ам̣ бад̇д̇о. д̇ад̣̇аа жа анааг̇аамий худ̇ваа нирод̇хам̣ самаабаж̇ж̇ад̇ийд̇и важанаавасаро над̇т̇и, д̇асмаа вуд̇д̇ам̣ – ‘‘арахад̇д̇ам̣ бад̇д̇авааро ид̇ха г̇ахид̇о’’д̇и. яад̣̇и звам̣ – ‘‘саб̣б̣асо нзвасан̃н̃аанаасан̃н̃ааяад̇анам̣ самад̇иггамма сан̃н̃аавзд̣̇аяид̇анирод̇хам̣ убасамбаж̇ж̇а вихарад̇ий’’д̇и ид̣̇ам̣ гасмаа вуд̇д̇анд̇и? т̇зрз виж̇ж̇амаанз бан̣д̣ид̇аг̇ун̣з анавасзсад̇о д̣̇ассзд̇ваа арахад̇д̇анигуудзна д̣̇зсанам̣ нидтаабзд̇ум̣. нирод̇хасамаабаж̇ж̇анам̣ бана т̇зрасса аажин̣н̣асамаажин̣н̣ам̣. д̇знааха ‘‘нирод̇хам̣ бана…бз… вад̣̇анд̇ий’’д̇и. д̇зна паласамаабад̇д̇имби анд̇араа самаабаж̇ж̇ад̇иязваад̇и д̣̇ассзд̇и.
Evamādīsu. Hetuattho vā ayaṃ disvāsaddo asamānakattuko yathā – ‘‘ghataṃ pivitvā balaṃ hoti, sīhaṃ disvā bhayaṃ hotī’’ti (visuddhi. mahāṭī. 2.802). Dassanahetuko hi āsavānaṃ parikkhayo pariññāsacchikiriyābhāvanābhisamaye sati pahānābhisamayassa labbhanato. Yuganaddhaṃ āharitvāti paṭhamajjhānaṃ samāpajjitvā vuṭṭhāya tattha jhānadhamme sammasanto samathavipassanaṃ yuganaddhaṃ bhāveti. Evaṃ yāva nevasaññānāsaññāyatanaṃ samāpajjitvā vuṭṭhāya tattha sammasanto samathavipassanaṃ yuganaddhaṃ katvā yathā thero arahattaṃ pāpuṇi. Taṃ sandhāya vuttaṃ – ‘‘arahattaṃ pattavāro idha gahito’’ti. Idhāti imasmiṃ sutte. Dīghanakhasuttadesanāya (ma. ni. 2.205-206) hi thero arahattaṃ patto. Tadā ca anāgāmī hutvā nirodhaṃ samāpajjatīti vacanaavasaro natthi, tasmā vuttaṃ – ‘‘arahattaṃ pattavāro idha gahito’’ti. Yadi evaṃ – ‘‘sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharatī’’ti idaṃ kasmā vuttanti? There vijjamāne paṇḍitaguṇe anavasesato dassetvā arahattanikūṭena desanaṃ niṭṭhāpetuṃ. Nirodhasamāpajjanaṃ pana therassa āciṇṇasamāciṇṇaṃ. Tenāha ‘‘nirodhaṃ pana…pe… vadantī’’ti. Tena phalasamāpattimpi antarā samāpajjatiyevāti dasseti.
вомиссам̣ виварид̇ум̣ ‘‘д̇ад̇т̇ассаа’’д̇иаад̣̇и вуд̇д̇ам̣. д̇ад̇т̇а ‘‘нирод̇хам̣ самаабаж̇ж̇иссаамий’’д̇и аабхог̇зна самат̇авибассанам̣ яуг̇анад̣̇д̇хам̣ аахарид̇ваа тид̇асса нирод̇хасамаабад̇д̇и сийсам̣ наама ход̇и, д̇асса аабхог̇авасзна нирод̇хасса вааро ааг̇ажчад̇и. паласамаабад̇д̇и г̇уул̣хо ход̇и, ‘‘паласамаабад̇д̇им̣ самаабаж̇ж̇иссаамий’’д̇и аабхог̇асса абхаавад̇о. паласамаабад̇д̇и сийсам̣ ход̇ийд̇и зд̇т̇ааби вуд̇д̇анаязна ад̇т̇о взд̣̇ид̇аб̣б̣о. зд̇зна аабхог̇абадиб̣ад̣̇д̇хамзд̇зсам̣ ааг̇амананд̇и д̣̇ийбид̇анд̇и взд̣̇ид̇аб̣б̣ам̣. ж̇амб̣уд̣̇ийбаваасино т̇зраа банаад̇иаад̣̇и адтагат̇аарул̣хамзва д̇ам̣ важанам̣. анд̇осамаабад̇д̇ияанд̇и нирод̇хам̣ самаабаннагаалз. д̇исамудтаанигаруубад̇хаммзд̇и уд̇угаммаахааравасзна д̇исамудтаанигаруубад̇хаммз.
Vomissaṃ vivarituṃ ‘‘tatthassā’’tiādi vuttaṃ. Tattha ‘‘nirodhaṃ samāpajjissāmī’’ti ābhogena samathavipassanaṃ yuganaddhaṃ āharitvā ṭhitassa nirodhasamāpatti sīsaṃ nāma hoti, tassa ābhogavasena nirodhassa vāro āgacchati. Phalasamāpatti gūḷho hoti, ‘‘phalasamāpattiṃ samāpajjissāmī’’ti ābhogassa abhāvato. Phalasamāpatti sīsaṃ hotīti etthāpi vuttanayena attho veditabbo. Etena ābhogapaṭibaddhametesaṃ āgamananti dīpitanti veditabbaṃ. Jambudīpavāsino therā panātiādi aṭṭhakathāruḷhameva taṃ vacanaṃ. Antosamāpattiyanti nirodhaṃ samāpannakāle. Tisamuṭṭhānikarūpadhammeti utukammāhāravasena tisamuṭṭhānikarūpadhamme.
97. жин̣н̣авасид̇анд̇и бадибагкад̣̇уурибхаавзна субхаавид̇авасийбхаавам̣. нибпад̇д̇им̣ бад̇д̇од̇и уггам̣сабаринибпад̇д̇им̣ бад̇д̇о. урз вааяаамаж̇анид̇ааяа орасо. бабхаавид̇анд̇и уббаад̣̇ид̇ам̣. д̇хаммзнаад̇и арияамаг̇г̇ад̇хаммзна. д̇асса хи ад̇хиг̇амзна арияааяа ж̇аад̇ияаа ж̇аад̇о ниб̣б̣ад̇д̇од̇и гад̇ваа, ‘‘д̇хаммаж̇о д̇хамманиммид̇о’’д̇и вужжад̇и. д̇хаммад̣̇ааяассаад̇и нававид̇хасса логуд̇д̇арад̇хаммад̣̇ааяасса. аад̣̇ияанад̇од̇и г̇ан̣ханад̇о, сасанд̇аанз уббаад̣̇анад̇од̇и ад̇т̇о. сзсам̣ сувин̃н̃зяяамзва.
97.Ciṇṇavasitanti paṭipakkhadūribhāvena subhāvitavasībhāvaṃ. Nipphattiṃ pattoti ukkaṃsaparinipphattiṃ patto. Ure vāyāmajanitāya oraso. Pabhāvitanti uppāditaṃ. Dhammenāti ariyamaggadhammena. Tassa hi adhigamena ariyāya jātiyā jāto nibbattoti katvā, ‘‘dhammajo dhammanimmito’’ti vuccati. Dhammadāyassāti navavidhassa lokuttaradhammadāyassa. Ādiyanatoti gaṇhanato, sasantāne uppādanatoti attho. Sesaṃ suviññeyyameva.
анубад̣̇асуд̇д̇аван̣н̣анааяа лийнад̇т̇аббагаасанаа самад̇д̇аа.
Anupadasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 1. анубад̣̇асуд̇д̇ам̣ • 1. Anupadasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 1. анубад̣̇асуд̇д̇аван̣н̣анаа • 1. Anupadasuttavaṇṇanā
