| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
৫৫. অনুপজ্ঝাযকাদিৰত্থুকথা
55. Anupajjhāyakādivatthukathā
১১৭. তেন খো পন সমযেনাতি এত্থ তসদ্দস্স অনিযমনিদ্দেসভাৰং দস্সেন্তো আহ ‘‘যেন সমযেনা’’তি। সিক্খাপদং অপঞ্ঞত্তং হোতীতি ‘‘ন ভিক্খৰে অনুপজ্ঝাযকো উপসম্পাদেতব্বো’’তি সিক্খাপদং অপঞ্ঞত্তং হোতি। ‘‘উপজ্ঝাযৰিরহিত’’ন্তি ইমিনা অনুপজ্ঝাযকন্তি এত্থ অকারস্স ৰিরহত্থং দস্সেতি। উপজ্ঝাযৰিরহিতং উপসম্পদাপেক্খন্তি সম্বন্ধো। ‘‘এৰ’’ন্তিআদিনা দোসং দস্সেতি। উপজ্ঝং অগাহাপেত্ৰাতি ‘‘উপজ্ঝাযো মে ভন্তে হোহী’’তি (মহাৰ॰ ৬৫; মহাৰ॰ অট্ঠ॰ ৬৪) উপজ্ঝং অগাহাপেত্ৰা। উপসম্পাদেন্তস্স কারকসঙ্ঘস্সাতি যোজনা। কম্মং পনাতি উপসম্পদকম্মং পন। ‘‘এসেৰ নযো’’তি ইমিনা উপসম্পাদেন্তস্স আপত্তি, কম্মং পন ন কুপ্পতীতি ৰচনং অতিদিসতি।
117.Tena kho pana samayenāti ettha tasaddassa aniyamaniddesabhāvaṃ dassento āha ‘‘yena samayenā’’ti. Sikkhāpadaṃ apaññattaṃ hotīti ‘‘na bhikkhave anupajjhāyako upasampādetabbo’’ti sikkhāpadaṃ apaññattaṃ hoti. ‘‘Upajjhāyavirahita’’nti iminā anupajjhāyakanti ettha akārassa virahatthaṃ dasseti. Upajjhāyavirahitaṃ upasampadāpekkhanti sambandho. ‘‘Eva’’ntiādinā dosaṃ dasseti. Upajjhaṃ agāhāpetvāti ‘‘upajjhāyo me bhante hohī’’ti (mahāva. 65; mahāva. aṭṭha. 64) upajjhaṃ agāhāpetvā. Upasampādentassa kārakasaṅghassāti yojanā. Kammaṃ panāti upasampadakammaṃ pana. ‘‘Eseva nayo’’ti iminā upasampādentassa āpatti, kammaṃ pana na kuppatīti vacanaṃ atidisati.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi / ৫৫. অনুপজ্ঝাযকাদিৰত্থূনি • 55. Anupajjhāyakādivatthūni
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / অনুপজ্ঝাযকাদিৰত্থুকথা • Anupajjhāyakādivatthukathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / অনুপজ্ঝাযকাদিৰত্থুকথাৰণ্ণনা • Anupajjhāyakādivatthukathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / অনুপজ্ঝাযকাদিৰত্থুকথাৰণ্ণনা • Anupajjhāyakādivatthukathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / অনুপজ্ঝাযকাদিৰত্থুকথাৰণ্ণনা • Anupajjhāyakādivatthukathāvaṇṇanā
