| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
55. අනුපජ්‌ඣායකාදිවත්‌ථුකථා
55. Anupajjhāyakādivatthukathā
117. තෙන ඛො පන සමයෙනාති එත්‌ථ තසද්‌දස්‌ස අනියමනිද්‌දෙසභාවං දස්‌සෙන්‌තො ආහ ‘‘යෙන සමයෙනා’’ති. සික්‌ඛාපදං අපඤ්‌ඤත්‌තං හොතීති ‘‘න භික්‌ඛවෙ අනුපජ්‌ඣායකො උපසම්‌පාදෙතබ්‌බො’’ති සික්‌ඛාපදං අපඤ්‌ඤත්‌තං හොති. ‘‘උපජ්‌ඣායවිරහිත’’න්‌ති ඉමිනා අනුපජ්‌ඣායකන්‌ති එත්‌ථ අකාරස්‌ස විරහත්‌ථං දස්‌සෙති. උපජ්‌ඣායවිරහිතං උපසම්‌පදාපෙක්‌ඛන්‌ති සම්‌බන්‌ධො. ‘‘එව’’න්‌තිආදිනා දොසං දස්‌සෙති. උපජ්‌ඣං අගාහාපෙත්‌වාති ‘‘උපජ්‌ඣායො මෙ භන්‌තෙ හොහී’’ති (මහාව. 65; මහාව. අට්‌ඨ. 64) උපජ්‌ඣං අගාහාපෙත්‌වා. උපසම්‌පාදෙන්‌තස්‌ස කාරකසඞ්‌ඝස්‌සාති යොජනා. කම්‌මං පනාති උපසම්‌පදකම්‌මං පන. ‘‘එසෙව නයො’’ති ඉමිනා උපසම්‌පාදෙන්‌තස්‌ස ආපත්‌ති, කම්‌මං පන න කුප්‌පතීති වචනං අතිදිසති.
117.Tena kho pana samayenāti ettha tasaddassa aniyamaniddesabhāvaṃ dassento āha ‘‘yena samayenā’’ti. Sikkhāpadaṃ apaññattaṃ hotīti ‘‘na bhikkhave anupajjhāyako upasampādetabbo’’ti sikkhāpadaṃ apaññattaṃ hoti. ‘‘Upajjhāyavirahita’’nti iminā anupajjhāyakanti ettha akārassa virahatthaṃ dasseti. Upajjhāyavirahitaṃ upasampadāpekkhanti sambandho. ‘‘Eva’’ntiādinā dosaṃ dasseti. Upajjhaṃ agāhāpetvāti ‘‘upajjhāyo me bhante hohī’’ti (mahāva. 65; mahāva. aṭṭha. 64) upajjhaṃ agāhāpetvā. Upasampādentassa kārakasaṅghassāti yojanā. Kammaṃ panāti upasampadakammaṃ pana. ‘‘Eseva nayo’’ti iminā upasampādentassa āpatti, kammaṃ pana na kuppatīti vacanaṃ atidisati.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi / 55. අනුපජ්‌ඣායකාදිවත්‌ථූනි • 55. Anupajjhāyakādivatthūni
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / අනුපජ්‌ඣායකාදිවත්‌ථුකථා • Anupajjhāyakādivatthukathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / අනුපජ්‌ඣායකාදිවත්‌ථුකථාවණ්‌ණනා • Anupajjhāyakādivatthukathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / අනුපජ්‌ඣායකාදිවත්‌ථුකථාවණ්‌ණනා • Anupajjhāyakādivatthukathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / අනුපජ්‌ඣායකාදිවත්‌ථුකථාවණ්‌ණනා • Anupajjhāyakādivatthukathāvaṇṇanā
