| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
анубаж̇жхааяагаад̣̇ивад̇т̇угат̇ааван̣н̣анаа
Anupajjhāyakādivatthukathāvaṇṇanā
117. сигкаабад̣̇ам̣ абан̃н̃ад̇д̇ам̣ ход̇ийд̇и ид̇хзва бан̃н̃ад̇д̇ам̣ сигкаабад̣̇ам̣ санд̇хааяа вуд̇д̇ам̣. убаж̇жхам̣ аг̇г̇аахаабзд̇ваад̇и ‘‘убаж̇жхааяо мз, бханд̇з, хохий’’д̇и звам̣ убаж̇жхам̣ аг̇г̇аахаабзд̇ваа. гаммаваажааяа бана убаж̇жхааяагид̇д̇анам̣ гад̇ам̣язваад̇и д̣̇адтаб̣б̣ам̣. ан̃н̃ат̇аа ‘‘буг̇г̇алам̣ на бараамасад̇ий’’д̇и вуд̇д̇агаммавибад̇д̇исамбхавад̇о гаммам̣ губбзяяа, д̇знзва ‘‘убаж̇жхааяам̣ агид̇д̇зд̇ваа’’д̇и авад̇ваа ‘‘убаж̇жхам̣ аг̇г̇аахаабзд̇ваа’’ижжзва вуд̇д̇ам̣. яат̇аа жа абарибун̣н̣абад̇д̇ажийварасса убасамбаад̣̇анагаалз гаммаваажааяа ‘‘барибун̣н̣асса бад̇д̇ажийвара’’нд̇и асанд̇авад̇т̇ум̣ гид̇д̇зд̇ваа гаммаваажааяа гад̇ааяаби убасамбад̣̇аа рухад̇и, звам̣ ‘‘аяам̣ б̣уд̣̇д̇харагкид̇о ааяасмад̇о д̇хаммарагкид̇асса убасамбад̣̇аабзгко’’д̇и асанд̇ам̣ буг̇г̇алам̣ гид̇д̇зд̇ваа гзвалам̣ санд̇абад̣̇анийхаарзна гаммаваажааяа гад̇ааяа убасамбад̣̇аа рухад̇иязваад̇и д̣̇адтаб̣б̣ам̣. д̇знзвааха ‘‘гаммам̣ бана на губбад̇ий’’д̇и. ‘‘на, бхигкавз, анубаж̇жхааяаго убасамбаад̣̇зд̇аб̣б̣о, яо убасамбаад̣̇зяяа, аабад̇д̇и д̣̇уггадассаа’’д̇и зд̇д̇агамзва вад̇ваа ‘‘со жа буг̇г̇ало анубасамбанно’’д̇и авуд̇д̇ад̇д̇аа гаммавибад̇д̇илагкан̣асса жа асамбхавад̇о ‘‘д̇ам̣ на г̇ахзд̇аб̣б̣а’’нд̇и вуд̇д̇ам̣. ‘‘бан̃жаваг̇г̇агаран̣ан̃жз, бхигкавз, гаммам̣ бан̣д̣агабан̃жамо гаммам̣ гарзяяа, агаммам̣ на жа гаран̣ийяа’’нд̇иаад̣̇иважанад̇о (махаава. 390) бан̣д̣агаад̣̇ийнамби убхад̇об̣яан̃ж̇анагабарияанд̇аанам̣ г̇ан̣абуурагабхаавзязва гаммам̣ губбад̇и, на ан̃н̃ат̇аад̇и ааха ‘‘убхад̇об̣яан̃ж̇анагубаж̇жхааяабарияосаанзсуби зсзва наяо’’д̇и.
117.Sikkhāpadaṃapaññattaṃ hotīti idheva paññattaṃ sikkhāpadaṃ sandhāya vuttaṃ. Upajjhaṃ aggāhāpetvāti ‘‘upajjhāyo me, bhante, hohī’’ti evaṃ upajjhaṃ aggāhāpetvā. Kammavācāya pana upajjhāyakittanaṃ kataṃyevāti daṭṭhabbaṃ. Aññathā ‘‘puggalaṃ na parāmasatī’’ti vuttakammavipattisambhavato kammaṃ kuppeyya, teneva ‘‘upajjhāyaṃ akittetvā’’ti avatvā ‘‘upajjhaṃ aggāhāpetvā’’icceva vuttaṃ. Yathā ca aparipuṇṇapattacīvarassa upasampādanakāle kammavācāya ‘‘paripuṇṇassa pattacīvara’’nti asantavatthuṃ kittetvā kammavācāya katāyapi upasampadā ruhati, evaṃ ‘‘ayaṃ buddharakkhito āyasmato dhammarakkhitassa upasampadāpekkho’’ti asantaṃ puggalaṃ kittetvā kevalaṃ santapadanīhārena kammavācāya katāya upasampadā ruhatiyevāti daṭṭhabbaṃ. Tenevāha ‘‘kammaṃ pana na kuppatī’’ti. ‘‘Na, bhikkhave, anupajjhāyako upasampādetabbo, yo upasampādeyya, āpatti dukkaṭassā’’ti ettakameva vatvā ‘‘so ca puggalo anupasampanno’’ti avuttattā kammavipattilakkhaṇassa ca asambhavato ‘‘taṃ na gahetabba’’nti vuttaṃ. ‘‘Pañcavaggakaraṇañce, bhikkhave, kammaṃ paṇḍakapañcamo kammaṃ kareyya, akammaṃ na ca karaṇīya’’ntiādivacanato (mahāva. 390) paṇḍakādīnampi ubhatobyañjanakapariyantānaṃ gaṇapūrakabhāveyeva kammaṃ kuppati, na aññathāti āha ‘‘ubhatobyañjanakupajjhāyapariyosānesupi eseva nayo’’ti.
анубаж̇жхааяагаад̣̇ивад̇т̇угат̇ааван̣н̣анаа нидтид̇аа.
Anupajjhāyakādivatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 55. анубаж̇жхааяагаад̣̇ивад̇т̇ууни • 55. Anupajjhāyakādivatthūni
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / анубаж̇жхааяагаад̣̇ивад̇т̇угат̇аа • Anupajjhāyakādivatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / анубаж̇жхааяагаад̣̇ивад̇т̇угат̇ааван̣н̣анаа • Anupajjhāyakādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / анубаж̇жхааяагаад̣̇ивад̇т̇угат̇ааван̣н̣анаа • Anupajjhāyakādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 55. анубаж̇жхааяагаад̣̇ивад̇т̇угат̇аа • 55. Anupajjhāyakādivatthukathā
