| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
анубаж̇жхааяагаад̣̇ивад̇т̇угат̇ааван̣н̣анаа
Anupajjhāyakādivatthukathāvaṇṇanā
117. ‘‘гзжи ‘губбад̇ий’д̇и вад̣̇анд̇и, д̇ам̣ ‘на г̇ахзд̇аб̣б̣а’’нд̇и яам̣ вуд̇д̇ам̣, д̇ам̣ ‘‘бан̃жаваг̇г̇агаран̣ийяан̃жз, бхигкавз, гаммам̣ бхигкунибан̃жамо гаммам̣ гарзяяа, агаммам̣ на жа гаран̣ийяа’’нд̇иаад̣̇инаа (махаава. 390) наязна вуд̇д̇ад̇д̇аа бан̣д̣агаад̣̇ийнам̣ г̇ан̣абууран̣абхаавз зва гаммам̣ губбад̇и, на саб̣б̣анд̇и гад̇ваа сувуд̇д̇ам̣, ид̇арат̇аа ‘‘бан̣д̣агубаж̇жхааязна гаммам̣ гарзяяа, агаммам̣ на жа гаран̣ийяа’’нд̇иаад̣̇игааяа баал̣ияаа бхавид̇аб̣б̣ам̣ сияаа. яат̇аа абарибун̣н̣абад̇д̇ажийварасса убасамбаад̣̇анагаалз гаммаваажааяам̣ ‘‘барибун̣н̣асса бад̇д̇ажийвара’’нд̇и асанд̇ам̣ вад̇т̇ум̣ гид̇д̇зд̇ваа убасамбад̣̇ааяа гад̇ааяа д̇асмим̣ асанд̇зби убасамбад̣̇аа рухад̇и, звам̣ ‘‘аяам̣ б̣уд̣̇д̇харагкид̇о ааяасмад̇о д̇хаммарагкид̇асса убасамбад̣̇аабзгко’’д̇и авад̇т̇ум̣ бан̣д̣агубаж̇жхааяаад̣̇им̣, асанд̇ам̣ ваа, вад̇т̇ум̣ гид̇д̇зд̇ваа гад̇ааяаби г̇ан̣абуурагаанамад̇т̇ид̇ааяа убасамбад̣̇аа рухад̇зва. ‘‘на, бхигкавз, бан̣д̣агубаж̇жхааязна убасамбаад̣̇зд̇аб̣б̣о, яо убасамбаад̣̇зяяа, аабад̇д̇и д̣̇уггадасса, со жа буг̇г̇ало анубасамбанно’’д̇иаад̣̇иважанассаабхааваа аяамад̇т̇о сид̣̇д̇хова ход̇и. на хи б̣уд̣̇д̇хаа вад̇д̇аб̣б̣аяуд̇д̇ам̣ на вад̣̇анд̇и, д̇зна вуд̇д̇ам̣ ‘‘яо бана, бхигку, ж̇аанам̣ уунавийсад̇ивассам̣…бз… со жа буг̇г̇ало анубасамбанно’’д̇иаад̣̇и (баажи. 403). д̇ат̇аа ‘‘б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о’д̇и (махаава. 71) важанад̇о т̇зяяасам̣ваасагаад̣̇иаажариязхи ануссааванааяа гад̇ааяа убасамбад̣̇аа на рухад̇и д̇зсам̣ абхигкуд̇д̇аа’’д̇и важанамби на г̇ахзд̇аб̣б̣ам̣. гин̃жа бхияяо ‘‘имаани жад̇д̇аари гаммаани бан̃жахаагаарзхи вибаж̇ж̇анд̇ий’’д̇иаад̣̇инаа (бари. 482) наязна гаммаанам̣ самбад̇д̇ивибад̇д̇ияаа гат̇ияамаанааяа ‘‘сад̇д̇ахи аагаарзхи гаммаани вибаж̇ж̇анд̇и вад̇т̇уд̇о ваа н̃ад̇д̇ид̇о ваа ануссааванад̇о ваа сиймад̇о ваа барисад̇о ваа убаж̇жхааяад̇о ваа аажарияад̇о ваа’’д̇и агат̇ид̇ад̇д̇аа на г̇ахзд̇аб̣б̣ам̣. ‘‘барисад̇о ваа’’д̇и важанзна аажарияаубаж̇жхааяаанам̣ ваа сан̇г̇ахо гад̇од̇и жз? на, ‘‘д̣̇ваад̣̇асахаагаарзхи барисад̇о гаммаани вибаж̇ж̇анд̇ий’’д̇и зд̇асса вибхан̇г̇з д̇зсаманаамадтад̇д̇аа. аяамад̇т̇о ‘‘яасмаа д̇ад̇т̇а д̇ад̇т̇а саруубзна вуд̇д̇абаал̣ивасзнзва саггаа ж̇аанид̇ум̣, д̇асмаа наяамукам̣ д̣̇ассзд̇ваа сам̣кид̇д̇од̇и аяамасса яуд̇д̇иг̇авзсанаа’’д̇и вуд̇д̇ам̣. д̇ад̇рид̣̇ам̣ вижаарзд̇аб̣б̣ам̣ – анубаж̇жхааяагам̣ убасамбаад̣̇знд̇аа д̇з бхигкуу яат̇аавуд̇д̇анаязна абхууд̇ам̣ д̇ам̣ вад̇т̇ум̣ гид̇д̇аяим̣су, уд̣̇ааху мусааваад̣̇абхаяаа д̇аанзва бад̣̇аани на саавзсунд̇и. гин̃жзд̇т̇а яад̣̇и д̇аава убаж̇жхааяаабхаавад̇а на саавзсум̣, ‘‘буг̇г̇алам̣ на бараамасад̇ий’’д̇и вуд̇д̇авибад̇д̇иббасан̇г̇о ход̇и, ат̇а саавзсум̣, мусааваад̣̇о нзсам̣ бхавад̇ийд̇и? вужжад̇з – саавзсум̣язва яат̇аавуд̇д̇авибад̇д̇иббасан̇г̇абхаяаа, ‘‘гаммам̣ бана на губбад̇ий’’д̇и адтагат̇ааяа вуд̇д̇ад̇д̇аа жа, на мусааваад̣̇асса асамбхавад̇о, мусааваад̣̇знааби гаммасамбхавад̇о жа. на хи саггаа мусааваад̣̇зна гаммавибад̇д̇исамбад̇д̇им̣ гаад̇унд̇и. д̇асмаа ‘‘анубаж̇жхааяагам̣ убасамбаад̣̇знд̇ий’’д̇и важанасса убхаяад̣̇осавинимуд̇д̇о ад̇т̇о бариязсид̇аб̣б̣о.
117. ‘‘Keci ‘kuppatī’ti vadanti, taṃ ‘na gahetabba’’nti yaṃ vuttaṃ, taṃ ‘‘pañcavaggakaraṇīyañce, bhikkhave, kammaṃ bhikkhunipañcamo kammaṃ kareyya, akammaṃ na ca karaṇīya’’ntiādinā (mahāva. 390) nayena vuttattā paṇḍakādīnaṃ gaṇapūraṇabhāve eva kammaṃ kuppati, na sabbanti katvā suvuttaṃ, itarathā ‘‘paṇḍakupajjhāyena kammaṃ kareyya, akammaṃ na ca karaṇīya’’ntiādikāya pāḷiyā bhavitabbaṃ siyā. Yathā aparipuṇṇapattacīvarassa upasampādanakāle kammavācāyaṃ ‘‘paripuṇṇassa pattacīvara’’nti asantaṃ vatthuṃ kittetvā upasampadāya katāya tasmiṃ asantepi upasampadā ruhati, evaṃ ‘‘ayaṃ buddharakkhito āyasmato dhammarakkhitassa upasampadāpekkho’’ti avatthuṃ paṇḍakupajjhāyādiṃ, asantaṃ vā, vatthuṃ kittetvā katāyapi gaṇapūrakānamatthitāya upasampadā ruhateva. ‘‘Na, bhikkhave, paṇḍakupajjhāyena upasampādetabbo, yo upasampādeyya, āpatti dukkaṭassa, so ca puggalo anupasampanno’’tiādivacanassābhāvā ayamattho siddhova hoti. Na hi buddhā vattabbayuttaṃ na vadanti, tena vuttaṃ ‘‘yo pana, bhikkhu, jānaṃ ūnavīsativassaṃ…pe… so ca puggalo anupasampanno’’tiādi (pāci. 403). Tathā ‘‘byattena bhikkhunā paṭibalena saṅgho ñāpetabbo’ti (mahāva. 71) vacanato theyyasaṃvāsakādiācariyehi anussāvanāya katāya upasampadā na ruhati tesaṃ abhikkhuttā’’ti vacanampi na gahetabbaṃ. Kiñca bhiyyo ‘‘imāni cattāri kammāni pañcahākārehi vipajjantī’’tiādinā (pari. 482) nayena kammānaṃ sampattivipattiyā kathiyamānāya ‘‘sattahi ākārehi kammāni vipajjanti vatthuto vā ñattito vā anussāvanato vā sīmato vā parisato vā upajjhāyato vā ācariyato vā’’ti akathitattā na gahetabbaṃ. ‘‘Parisato vā’’ti vacanena ācariyaupajjhāyānaṃ vā saṅgaho katoti ce? Na, ‘‘dvādasahākārehi parisato kammāni vipajjantī’’ti etassa vibhaṅge tesamanāmaṭṭhattā. Ayamattho ‘‘yasmā tattha tattha sarūpena vuttapāḷivaseneva sakkā jānituṃ, tasmā nayamukhaṃ dassetvā saṃkhittoti ayamassa yuttigavesanā’’ti vuttaṃ. Tatridaṃ vicāretabbaṃ – anupajjhāyakaṃ upasampādentā te bhikkhū yathāvuttanayena abhūtaṃ taṃ vatthuṃ kittayiṃsu, udāhu musāvādabhayā tāneva padāni na sāvesunti. Kiñcettha yadi tāva upajjhāyābhāvata na sāvesuṃ, ‘‘puggalaṃ na parāmasatī’’ti vuttavipattippasaṅgo hoti, atha sāvesuṃ, musāvādo nesaṃ bhavatīti? Vuccate – sāvesuṃyeva yathāvuttavipattippasaṅgabhayā, ‘‘kammaṃ pana na kuppatī’’ti aṭṭhakathāya vuttattā ca, na musāvādassa asambhavato, musāvādenāpi kammasambhavato ca. Na hi sakkā musāvādena kammavipattisampattiṃ kātunti. Tasmā ‘‘anupajjhāyakaṃ upasampādentī’’ti vacanassa ubhayadosavinimutto attho pariyesitabbo.
аяан̃жзд̇т̇а яуд̇д̇и – ‘‘яат̇аа буб̣б̣з баб̣б̣аж̇ж̇убасамбад̣̇убаж̇жхааязсу виж̇ж̇амаанзсуби убаж̇жхааяаг̇г̇ахан̣аггамзна аг̇г̇ахид̇ад̇д̇аа ‘д̇зна ко бана самаязна бхигкуу анубаж̇жхааяага’нд̇иаад̣̇и вуд̇д̇ам̣, д̇ат̇аа ид̇хааби убаж̇жхааяасса виж̇ж̇амаанассзва сад̇о аг̇г̇ахид̇ад̇д̇аа ‘анубаж̇жхааяагам̣ убасамбаад̣̇знд̇ий’д̇и вуд̇д̇ам̣. гаммаваажаажариязна бана г̇ахид̇о д̇зна убаж̇жхааяод̇и сан̃н̃ааяа убаж̇жхааяам̣ гид̇д̇зд̇ваа гаммаваажам̣ саавзд̇аб̣б̣ам̣, гзнажи ваа гааран̣зна гааяасаамаг̇г̇им̣ ад̣̇знд̇асса убаж̇жхааяасса чанд̣̇ам̣ г̇ахзд̇ваа гаммаваажам̣ саавзд̇и, убаж̇жхааяо ваа убасамбад̣̇аабзгкасса убаж̇жхам̣ д̣̇ад̇ваа бажчаа убасамбаннз д̇асмим̣ д̇аад̣̇исз вад̇т̇усмим̣ самануяун̃ж̇ияамаано ваа асамануяун̃ж̇ияамаано ваа убаж̇жхааяад̣̇аанад̇о буб̣б̣з зва сааман̣зро бадиж̇аанаад̇и, сигкаабажжагкаад̇аго ваа анд̇имавад̇т̇уаж̇жхаабаннаго ваа бадиж̇аанаад̇и, чанд̣̇ахаарагаад̣̇аяо вияа убаж̇жхааяо ваа ан̃н̃асиймааг̇ад̇о ход̇и, ‘гаммаваажаа рухад̇ий’д̇и вад̇ваа ‘ануж̇аанаами, бхигкавз, бажжанд̇имзсу ж̇анабад̣̇зсу винаяад̇харабан̃жамзна г̇ан̣зна убасамбад̣̇а’нд̇и (махаава. 259) вуд̇д̇ад̇д̇аа гзжи ‘винаяад̇харабан̃жамзна убаж̇жхааязна саннихид̇знзва бхавид̇аб̣б̣а’нд̇и вад̣̇анд̇ий’’д̇и бораан̣аг̇ан̣тибад̣̇з вуд̇д̇ам̣. со жз баато бамаан̣о маж̇жхимзсу ж̇анабад̣̇зсу д̇асса важанассаабхаавад̇о. асаннихид̇зби убаж̇жхааяз гаммаваажаа рухад̇ийд̇и аабаж̇ж̇ад̇ийд̇и жз? на, гасмаа? гаммасамбад̇д̇ияам̣ ‘‘буг̇г̇алам̣ бараамасад̇ий’’д̇и вуд̇д̇абаатова но бамаан̣ам̣. на хи д̇ад̇т̇а асаннихид̇о убаж̇жхааяасан̇каад̇о буг̇г̇ало бараамасанам̣ арахад̇и, д̇асмаа д̇ад̇т̇а сан̇гхабараамасанам̣ вияа буг̇г̇алабараамасанам̣ взд̣̇ид̇аб̣б̣ам̣. сан̇гхзна г̇ан̣зна убаж̇жхааязна убасамбаад̣̇знд̇и д̇зсам̣ ад̇т̇ад̇о буг̇г̇алад̇д̇аа. бан̣д̣агаад̣̇иубаж̇жхааязна убасамбаад̣̇знд̇и убасамбаад̣̇анагаалз авид̣̇ид̇ад̇д̇аад̇и бораан̣аа.
Ayañcettha yutti – ‘‘yathā pubbe pabbajjupasampadupajjhāyesu vijjamānesupi upajjhāyaggahaṇakkamena aggahitattā ‘tena kho pana samayena bhikkhū anupajjhāyaka’ntiādi vuttaṃ, tathā idhāpi upajjhāyassa vijjamānasseva sato aggahitattā ‘anupajjhāyakaṃ upasampādentī’ti vuttaṃ. Kammavācācariyena pana gahito tena upajjhāyoti saññāya upajjhāyaṃ kittetvā kammavācaṃ sāvetabbaṃ, kenaci vā kāraṇena kāyasāmaggiṃ adentassa upajjhāyassa chandaṃ gahetvā kammavācaṃ sāveti, upajjhāyo vā upasampadāpekkhassa upajjhaṃ datvā pacchā upasampanne tasmiṃ tādise vatthusmiṃ samanuyuñjiyamāno vā asamanuyuñjiyamāno vā upajjhāyadānato pubbe eva sāmaṇero paṭijānāti, sikkhāpaccakkhātako vā antimavatthuajjhāpannako vā paṭijānāti, chandahārakādayo viya upajjhāyo vā aññasīmāgato hoti, ‘kammavācā ruhatī’ti vatvā ‘anujānāmi, bhikkhave, paccantimesu janapadesu vinayadharapañcamena gaṇena upasampada’nti (mahāva. 259) vuttattā keci ‘vinayadharapañcamena upajjhāyena sannihiteneva bhavitabba’nti vadantī’’ti porāṇagaṇṭhipade vuttaṃ. So ce pāṭho pamāṇo majjhimesu janapadesu tassa vacanassābhāvato. Asannihitepi upajjhāye kammavācā ruhatīti āpajjatīti ce? Na, kasmā? Kammasampattiyaṃ ‘‘puggalaṃ parāmasatī’’ti vuttapāṭhova no pamāṇaṃ. Na hi tattha asannihito upajjhāyasaṅkhāto puggalo parāmasanaṃ arahati, tasmā tattha saṅghaparāmasanaṃ viya puggalaparāmasanaṃ veditabbaṃ. Saṅghena gaṇena upajjhāyena upasampādenti tesaṃ atthato puggalattā. Paṇḍakādiupajjhāyena upasampādenti upasampādanakāle aviditattāti porāṇā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 55. анубаж̇жхааяагаад̣̇ивад̇т̇ууни • 55. Anupajjhāyakādivatthūni
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / анубаж̇жхааяагаад̣̇ивад̇т̇угат̇аа • Anupajjhāyakādivatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / анубаж̇жхааяагаад̣̇ивад̇т̇угат̇ааван̣н̣анаа • Anupajjhāyakādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / анубаж̇жхааяагаад̣̇ивад̇т̇угат̇ааван̣н̣анаа • Anupajjhāyakādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 55. анубаж̇жхааяагаад̣̇ивад̇т̇угат̇аа • 55. Anupajjhāyakādivatthukathā
