| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
анубаж̇жхааяагаад̣̇ивад̇т̇угат̇ааван̣н̣анаа
Anupajjhāyakādivatthukathāvaṇṇanā
117. анубаж̇жхааяаад̣̇ивад̇т̇уусу сигкаабад̣̇ам̣ абан̃н̃ад̇д̇анд̇и ‘‘на, бхигкавз, анубаж̇жхааяаго убасамбаад̣̇зд̇аб̣б̣о’’д̇и ид̇хзва бан̃н̃аабияамаанасигкаабад̣̇ам̣ санд̇хааяа вуд̇д̇ам̣. ‘‘гаммам̣ бана на губбад̇ий’’д̇и ид̣̇ам̣ убаж̇жхааяаабхаавзби ‘‘ид̇т̇аннаамасса убасамбад̣̇аабзгко, ид̇т̇аннаамзна убаж̇жхааязнаа’’д̇и мад̇асса ваа виб̣бхаманд̇асса ваа бураан̣аубаж̇жхааяасса, ан̃н̃асса ваа яасса гассажи авиж̇ж̇амаанассааби наамзна саб̣б̣ад̇т̇а убаж̇жхааяагид̇д̇анасса гад̇ад̇д̇аа вуд̇д̇ам̣. яад̣̇и хи убаж̇жхааяагид̇д̇анам̣ на гарзяяа, ‘‘буг̇г̇алам̣ на бараамасад̇ий’’д̇и вуд̇д̇агаммавибад̇д̇и зва сияаа. д̇знзва баал̣ияам̣ ‘‘анубаж̇жхааяага’’нд̇и вуд̇д̇ам̣. адтагат̇ааяамбисса ‘‘убаж̇жхааяам̣ агид̇д̇зд̇ваа’’д̇и авад̇ваа ‘‘убаж̇жхааяам̣ аг̇аахаабзд̇ваа саб̣б̣зна саб̣б̣ам̣ убаж̇жхааяавирахид̇ам̣’’ижжзва ад̇т̇од̇и вуд̇д̇о. баал̣ияам̣ сан̇гхзна убаж̇жхааязнаад̇и ‘‘аяам̣ ид̇т̇аннаамо сан̇гхасса убасамбад̣̇аабзгко, ид̇т̇аннаамо сан̇гхам̣ убасамбад̣̇ам̣ яаажад̇и сан̇гхзна убаж̇жхааязнаа’’д̇и звам̣ гаммаваажааяа сан̇гхамзва убаж̇жхааяам̣ гид̇д̇зд̇ваад̇и ад̇т̇о. звам̣ г̇ан̣зна убаж̇жхааязнаад̇и зд̇т̇ааби ‘‘аяам̣ ид̇т̇аннаамо г̇ан̣асса убасамбад̣̇аабзгко’’д̇иаад̣̇инаа яож̇анаа взд̣̇ид̇аб̣б̣аа, звам̣ вуд̇д̇зби гаммам̣ на губбад̇и зва д̣̇уггадассзва вуд̇д̇ад̇д̇аа. ан̃н̃ат̇аа ‘‘со жа буг̇г̇ало анубасамбанно’’д̇и вад̣̇зяяа. д̇знааха ‘‘сан̇гхзнаа’’д̇иаад̣̇и. д̇ад̇т̇а бан̣д̣агаад̣̇ийхи убаж̇жхааязхи гарияамаанзсу гаммзсу бан̣д̣агаад̣̇игз винаава яад̣̇и бан̃жаваг̇г̇аад̣̇иг̇ан̣о буурад̇и, гаммам̣ на губбад̇и, ид̇арат̇аа губбад̇ийд̇и взд̣̇ид̇аб̣б̣ам̣.
117. Anupajjhāyādivatthūsu sikkhāpadaṃ apaññattanti ‘‘na, bhikkhave, anupajjhāyako upasampādetabbo’’ti idheva paññāpiyamānasikkhāpadaṃ sandhāya vuttaṃ. ‘‘Kammaṃ pana na kuppatī’’ti idaṃ upajjhāyābhāvepi ‘‘itthannāmassa upasampadāpekkho, itthannāmena upajjhāyenā’’ti matassa vā vibbhamantassa vā purāṇaupajjhāyassa, aññassa vā yassa kassaci avijjamānassāpi nāmena sabbattha upajjhāyakittanassa katattā vuttaṃ. Yadi hi upajjhāyakittanaṃ na kareyya, ‘‘puggalaṃ na parāmasatī’’ti vuttakammavipatti eva siyā. Teneva pāḷiyaṃ ‘‘anupajjhāyaka’’nti vuttaṃ. Aṭṭhakathāyampissa ‘‘upajjhāyaṃ akittetvā’’ti avatvā ‘‘upajjhāyaṃ agāhāpetvā sabbena sabbaṃ upajjhāyavirahitaṃ’’icceva atthoti vutto. Pāḷiyaṃ saṅghena upajjhāyenāti ‘‘ayaṃ itthannāmo saṅghassa upasampadāpekkho, itthannāmo saṅghaṃ upasampadaṃ yācati saṅghena upajjhāyenā’’ti evaṃ kammavācāya saṅghameva upajjhāyaṃ kittetvāti attho. Evaṃ gaṇena upajjhāyenāti etthāpi ‘‘ayaṃ itthannāmo gaṇassa upasampadāpekkho’’tiādinā yojanā veditabbā, evaṃ vuttepi kammaṃ na kuppati eva dukkaṭasseva vuttattā. Aññathā ‘‘so ca puggalo anupasampanno’’ti vadeyya. Tenāha ‘‘saṅghenā’’tiādi. Tattha paṇḍakādīhi upajjhāyehi kariyamānesu kammesu paṇḍakādike vināva yadi pañcavaggādigaṇo pūrati, kammaṃ na kuppati, itarathā kuppatīti veditabbaṃ.
анубаж̇жхааяагаад̣̇ивад̇т̇угат̇ааван̣н̣анаа нидтид̇аа.
Anupajjhāyakādivatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi / 55. анубаж̇жхааяагаад̣̇ивад̇т̇ууни • 55. Anupajjhāyakādivatthūni
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / анубаж̇жхааяагаад̣̇ивад̇т̇угат̇аа • Anupajjhāyakādivatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / анубаж̇жхааяагаад̣̇ивад̇т̇угат̇ааван̣н̣анаа • Anupajjhāyakādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / анубаж̇жхааяагаад̣̇ивад̇т̇угат̇ааван̣н̣анаа • Anupajjhāyakādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 55. анубаж̇жхааяагаад̣̇ивад̇т̇угат̇аа • 55. Anupajjhāyakādivatthukathā
