| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
6. அனுபக²ஜ்ஜஸிக்கா²பத³ங்
6. Anupakhajjasikkhāpadaṃ
119. ச²ட்டே² ரூம்பி⁴த்வாதி நிவாரெத்வா, ஆவரணங் கத்வாதி அத்தோ². வஸ்ஸக்³கே³னாதி வஸ்ஸக³ணனாய. அனுபக²ஜ்ஜாதி எத்த² க²த³ ஹிங்ஸாயந்தி தா⁴துபாடே²ஸு (ஸத்³த³னீதிதா⁴துமாலாயங் 15 த³காரந்ததா⁴து) வுத்தத்தா க²த³ஸத்³தோ³ ஹிங்ஸத்தோ² ஹோதி. அனுஸமீபங் உபக³ந்த்வா க²த³னங் ஹிங் ஸனங் நாம அனுஸமீபங் பவிஸனமேவாதி த³ஸ்ஸெந்தோ ஆஹ ‘‘அனுபவிஸித்வா’’தி.
119. Chaṭṭhe rūmbhitvāti nivāretvā, āvaraṇaṃ katvāti attho. Vassaggenāti vassagaṇanāya. Anupakhajjāti ettha khada hiṃsāyanti dhātupāṭhesu (saddanītidhātumālāyaṃ 15 dakārantadhātu) vuttattā khadasaddo hiṃsattho hoti. Anusamīpaṃ upagantvā khadanaṃ hiṃ sanaṃ nāma anusamīpaṃ pavisanamevāti dassento āha ‘‘anupavisitvā’’ti.
120. ‘‘ஜான’’ந்தி எத்த² ஜானநாகாரங் த³ஸ்ஸேதுங் வுத்தங் ‘‘அனுட்டா²பனீயோ அய’’ந்தி. தேனேவாதி ஜானநஹேதுனா ஏவ. அஸ்ஸாதி ‘‘ஜான’’ந்திபத³ஸ்ஸ. ஹீதி வித்தா²ரஜோதகோ. ஸங்கோ⁴ பன தே³தீதி ஸம்ப³ந்தோ⁴. யஸ்ஸாதி வுட்³டா⁴தீ³ஸு அஞ்ஞதரஸ்ஸ. எத்தா²தி வுட்³ட⁴கி³லானாதீ³ஸு. கி³லானஸ்ஸபி தே³தீதி யோஜனா. ‘‘கி³லானோ’’தி பத³ங் ‘‘ந பீளேதப்³போ³, அனுகம்பிதப்³போ³’’திபத³த்³வயே வுத்தகம்மங். ‘‘காமஞ்சா’’தி பத³ஸ்ஸ அனுக்³க³ஹத்த²ஜோதகத்தா பனஸத்³தோ³ க³ரஹத்த²ஜோதகோ.
120. ‘‘Jāna’’nti ettha jānanākāraṃ dassetuṃ vuttaṃ ‘‘anuṭṭhāpanīyo aya’’nti. Tenevāti jānanahetunā eva. Assāti ‘‘jāna’’ntipadassa. Hīti vitthārajotako. Saṅgho pana detīti sambandho. Yassāti vuḍḍhādīsu aññatarassa. Etthāti vuḍḍhagilānādīsu. Gilānassapi detīti yojanā. ‘‘Gilāno’’ti padaṃ ‘‘na pīḷetabbo, anukampitabbo’’tipadadvaye vuttakammaṃ. ‘‘Kāmañcā’’ti padassa anuggahatthajotakattā panasaddo garahatthajotako.
121. மஞ்சபீடா²னங் உபசாரோ நாமாதி ஸம்ப³ந்தோ⁴. யதோதி யதோ குதோசி டா²னதோ. யாவ மஞ்சபீட²ங் அத்தி², தாவ உபசாரோ நாமாதி யோஜனா. தஸ்மிங் உபசாரே டி²தஸ்ஸ பி⁴க்கு²னோ உபசாரேதி ஸம்ப³ந்தோ⁴.
121. Mañcapīṭhānaṃ upacāro nāmāti sambandho. Yatoti yato kutoci ṭhānato. Yāva mañcapīṭhaṃ atthi, tāva upacāro nāmāti yojanā. Tasmiṃ upacāre ṭhitassa bhikkhuno upacāreti sambandho.
‘‘அபி⁴னிஸீத³தி வா அபி⁴னிபஜ்ஜதி வா’’தி எத்த² வாஸத்³த³ஸ்ஸ அனியமவிகப்பத்த²ங் த³ஸ்ஸேதுங் வுத்தங் ‘‘அபி⁴னிஸீத³னமத்தேனா’’திஆதி³.
‘‘Abhinisīdati vā abhinipajjati vā’’ti ettha vāsaddassa aniyamavikappatthaṃ dassetuṃ vuttaṃ ‘‘abhinisīdanamattenā’’tiādi.
122. இதோதி வாரதோ. இதா⁴தி இமஸ்மிங் பாசித்தியவாரே. யதா² வுத்தோ, ஏவந்தி ஸம்ப³ந்தோ⁴. ஸப்³ப³த்தே²வாதி ஸப்³பே³ஸு ஏவ விஹாரபரிவேணேஸு. அஸ்ஸாதி விஸபா⁴க³புக்³க³லஸ்ஸ. இதா⁴பீதி இமஸ்மிம்பி ஸிக்கா²பதே³. தத்தா²தி விஸ்ஸாஸிகபுக்³க³லே.
122.Itoti vārato. Idhāti imasmiṃ pācittiyavāre. Yathā vutto, evanti sambandho. Sabbatthevāti sabbesu eva vihārapariveṇesu. Assāti visabhāgapuggalassa. Idhāpīti imasmimpi sikkhāpade. Tatthāti vissāsikapuggale.
123. பாளியங் ‘‘ஆபதா³ஸூ’’திபத³ங் ‘‘பவிஸதீ’’தி அஜ்ஜா²ஹாரபதே³ன ஸம்ப³ந்தி⁴தப்³ப³ந்தி ஆஹ ‘‘ஆபதா³ஸூதிஆதீ³’’தி. ச²ட்ட²ங்.
123. Pāḷiyaṃ ‘‘āpadāsū’’tipadaṃ ‘‘pavisatī’’ti ajjhāhārapadena sambandhitabbanti āha ‘‘āpadāsūtiādī’’ti. Chaṭṭhaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 2. பூ⁴தகா³மவக்³கோ³ • 2. Bhūtagāmavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 6. அனுபக²ஜ்ஜஸிக்கா²பத³வண்ணனா • 6. Anupakhajjasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 6. அனுபக²ஜ்ஜஸிக்கா²பத³வண்ணனா • 6. Anupakhajjasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 6. அனுபக²ஜ்ஜஸிக்கா²பத³வண்ணனா • 6. Anupakhajjasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 6. அனுபக²ஜ்ஜஸிக்கா²பத³வண்ணனா • 6. Anupakhajjasikkhāpadavaṇṇanā
