| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
৬. অনুপখজ্জসিক্খাপদং
6. Anupakhajjasikkhāpadaṃ
১১৯. ছট্ঠে রূম্ভিত্ৰাতি নিৰারেত্ৰা, আৰরণং কত্ৰাতি অত্থো। ৰস্সগ্গেনাতি ৰস্সগণনায। অনুপখজ্জাতি এত্থ খদ হিংসাযন্তি ধাতুপাঠেসু (সদ্দনীতিধাতুমালাযং ১৫ দকারন্তধাতু) ৰুত্তত্তা খদসদ্দো হিংসত্থো হোতি। অনুসমীপং উপগন্ত্ৰা খদনং হিং সনং নাম অনুসমীপং পৰিসনমেৰাতি দস্সেন্তো আহ ‘‘অনুপৰিসিত্ৰা’’তি।
119. Chaṭṭhe rūmbhitvāti nivāretvā, āvaraṇaṃ katvāti attho. Vassaggenāti vassagaṇanāya. Anupakhajjāti ettha khada hiṃsāyanti dhātupāṭhesu (saddanītidhātumālāyaṃ 15 dakārantadhātu) vuttattā khadasaddo hiṃsattho hoti. Anusamīpaṃ upagantvā khadanaṃ hiṃ sanaṃ nāma anusamīpaṃ pavisanamevāti dassento āha ‘‘anupavisitvā’’ti.
১২০. ‘‘জান’’ন্তি এত্থ জাননাকারং দস্সেতুং ৰুত্তং ‘‘অনুট্ঠাপনীযো অয’’ন্তি। তেনেৰাতি জাননহেতুনা এৰ। অস্সাতি ‘‘জান’’ন্তিপদস্স। হীতি ৰিত্থারজোতকো। সঙ্ঘো পন দেতীতি সম্বন্ধো। যস্সাতি ৰুড্ঢাদীসু অঞ্ঞতরস্স। এত্থাতি ৰুড্ঢগিলানাদীসু। গিলানস্সপি দেতীতি যোজনা। ‘‘গিলানো’’তি পদং ‘‘ন পীল়েতব্বো, অনুকম্পিতব্বো’’তিপদদ্ৰযে ৰুত্তকম্মং। ‘‘কামঞ্চা’’তি পদস্স অনুগ্গহত্থজোতকত্তা পনসদ্দো গরহত্থজোতকো।
120. ‘‘Jāna’’nti ettha jānanākāraṃ dassetuṃ vuttaṃ ‘‘anuṭṭhāpanīyo aya’’nti. Tenevāti jānanahetunā eva. Assāti ‘‘jāna’’ntipadassa. Hīti vitthārajotako. Saṅgho pana detīti sambandho. Yassāti vuḍḍhādīsu aññatarassa. Etthāti vuḍḍhagilānādīsu. Gilānassapi detīti yojanā. ‘‘Gilāno’’ti padaṃ ‘‘na pīḷetabbo, anukampitabbo’’tipadadvaye vuttakammaṃ. ‘‘Kāmañcā’’ti padassa anuggahatthajotakattā panasaddo garahatthajotako.
১২১. মঞ্চপীঠানং উপচারো নামাতি সম্বন্ধো। যতোতি যতো কুতোচি ঠানতো। যাৰ মঞ্চপীঠং অত্থি, তাৰ উপচারো নামাতি যোজনা। তস্মিং উপচারে ঠিতস্স ভিক্খুনো উপচারেতি সম্বন্ধো।
121. Mañcapīṭhānaṃ upacāro nāmāti sambandho. Yatoti yato kutoci ṭhānato. Yāva mañcapīṭhaṃ atthi, tāva upacāro nāmāti yojanā. Tasmiṃ upacāre ṭhitassa bhikkhuno upacāreti sambandho.
‘‘অভিনিসীদতি ৰা অভিনিপজ্জতি ৰা’’তি এত্থ ৰাসদ্দস্স অনিযমৰিকপ্পত্থং দস্সেতুং ৰুত্তং ‘‘অভিনিসীদনমত্তেনা’’তিআদি।
‘‘Abhinisīdati vā abhinipajjati vā’’ti ettha vāsaddassa aniyamavikappatthaṃ dassetuṃ vuttaṃ ‘‘abhinisīdanamattenā’’tiādi.
১২২. ইতোতি ৰারতো। ইধাতি ইমস্মিং পাচিত্তিযৰারে। যথা ৰুত্তো, এৰন্তি সম্বন্ধো। সব্বত্থেৰাতি সব্বেসু এৰ ৰিহারপরিৰেণেসু। অস্সাতি ৰিসভাগপুগ্গলস্স। ইধাপীতি ইমস্মিম্পি সিক্খাপদে। তত্থাতি ৰিস্সাসিকপুগ্গলে।
122.Itoti vārato. Idhāti imasmiṃ pācittiyavāre. Yathā vutto, evanti sambandho. Sabbatthevāti sabbesu eva vihārapariveṇesu. Assāti visabhāgapuggalassa. Idhāpīti imasmimpi sikkhāpade. Tatthāti vissāsikapuggale.
১২৩. পাল়িযং ‘‘আপদাসূ’’তিপদং ‘‘পৰিসতী’’তি অজ্ঝাহারপদেন সম্বন্ধিতব্বন্তি আহ ‘‘আপদাসূতিআদী’’তি। ছট্ঠং।
123. Pāḷiyaṃ ‘‘āpadāsū’’tipadaṃ ‘‘pavisatī’’ti ajjhāhārapadena sambandhitabbanti āha ‘‘āpadāsūtiādī’’ti. Chaṭṭhaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ২. ভূতগামৰগ্গো • 2. Bhūtagāmavaggo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ৬. অনুপখজ্জসিক্খাপদৰণ্ণনা • 6. Anupakhajjasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৬. অনুপখজ্জসিক্খাপদৰণ্ণনা • 6. Anupakhajjasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৬. অনুপখজ্জসিক্খাপদৰণ্ণনা • 6. Anupakhajjasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৬. অনুপখজ্জসিক্খাপদৰণ্ণনা • 6. Anupakhajjasikkhāpadavaṇṇanā
