| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
6. அனுபக²ஜ்ஜஸிக்கா²பத³வண்ணனா
6. Anupakhajjasikkhāpadavaṇṇanā
119-121. ச²ட்டே² அனுபவிஸித்வாதி ஸமீபங் பவிஸித்வா. ப³ஹூபகாரதங் கு³ணவிஸிட்ட²தஞ்ச ஸல்லக்கெ²ந்தோதி ப⁴ண்டா³கா³ரிகஸ்ஸ ப³ஹூபகாரதங் த⁴ம்மகதி²காதீ³னங் கு³ணவிஸிட்ட²தஞ்ச ஸல்லக்கெ²ந்தோ. ஸமந்தா தி³யட்³டோ⁴ ஹத்தோ²தி மஜ்ஜே² பஞ்ஞத்தமஞ்சபீட²ங் ஸந்தா⁴ய வுத்தங்.
119-121. Chaṭṭhe anupavisitvāti samīpaṃ pavisitvā. Bahūpakārataṃ guṇavisiṭṭhatañca sallakkhentoti bhaṇḍāgārikassa bahūpakārataṃ dhammakathikādīnaṃ guṇavisiṭṭhatañca sallakkhento. Samantā diyaḍḍho hatthoti majjhe paññattamañcapīṭhaṃ sandhāya vuttaṃ.
122. உபசாரங் ட²பெத்வாதி வுத்தலக்க²ணங் உபசாரங் ட²பெத்வா. ஏகவிஹாரேதி ஏகஸ்மிங் ஸேனாஸனே. ஏகபரிவேணேதி தஸ்ஸ விஹாரஸ்ஸ பரிக்கே²பப்³ப⁴ந்தரே. ‘‘கி³லானோ பவிஸதீதிஆதீ³ஸு அனாபத்திகாரணஸப்³பா⁴வதோ கி³லானாதி³தாய பவிஸிஸ்ஸாமீதி உபசாரங் பவிஸந்தஸ்ஸ ஸதிபி ஸம்பா³தே⁴துகாமதாய அனாபத்தி வுத்தாயேவா’’தி தீஸுபி க³ண்டி²பதே³ஸு வுத்தங். ஏவஞ்ச ஸதி அகி³லானாதி³பா⁴வோபி விஸுங் அங்கே³ஸு வத்தப்³போ³ ஸியா, மாதிகாட்ட²கதா²யங் (கங்கா²॰ அட்ட²॰ அனுபக²ஜ்ஜஸிக்கா²பத³வண்ணனா) பன ‘‘ஸங்கி⁴கவிஹாரதா, அனுட்டா²பனீயபா⁴வஜானநங், ஸம்பா³தே⁴துகாமதா, உபசாரே நிஸீத³னங் வா நிபஜ்ஜனங் வாதி இமானி பனெத்த² சத்தாரி அங்கா³னீ’’தி எத்தகமேவ வுத்தங், தஸ்மா வீமங்ஸிதப்³ப³ங்.
122.Upacāraṃṭhapetvāti vuttalakkhaṇaṃ upacāraṃ ṭhapetvā. Ekavihāreti ekasmiṃ senāsane. Ekapariveṇeti tassa vihārassa parikkhepabbhantare. ‘‘Gilāno pavisatītiādīsu anāpattikāraṇasabbhāvato gilānāditāya pavisissāmīti upacāraṃ pavisantassa satipi sambādhetukāmatāya anāpatti vuttāyevā’’ti tīsupi gaṇṭhipadesu vuttaṃ. Evañca sati agilānādibhāvopi visuṃ aṅgesu vattabbo siyā, mātikāṭṭhakathāyaṃ (kaṅkhā. aṭṭha. anupakhajjasikkhāpadavaṇṇanā) pana ‘‘saṅghikavihāratā, anuṭṭhāpanīyabhāvajānanaṃ, sambādhetukāmatā, upacāre nisīdanaṃ vā nipajjanaṃ vāti imāni panettha cattāri aṅgānī’’ti ettakameva vuttaṃ, tasmā vīmaṃsitabbaṃ.
அனுபக²ஜ்ஜஸிக்கா²பத³வண்ணனா நிட்டி²தா.
Anupakhajjasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 2. பூ⁴தகா³மவக்³கோ³ • 2. Bhūtagāmavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 6. அனுபக²ஜ்ஜஸிக்கா²பத³வண்ணனா • 6. Anupakhajjasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 6. அனுபக²ஜ்ஜஸிக்கா²பத³வண்ணனா • 6. Anupakhajjasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 6. அனுபக²ஜ்ஜஸிக்கா²பத³வண்ணனா • 6. Anupakhajjasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 6. அனுபக²ஜ்ஜஸிக்கா²பத³ங் • 6. Anupakhajjasikkhāpadaṃ
