| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
6. அனுபக²ஜ்ஜஸிக்கா²பத³வண்ணனா
6. Anupakhajjasikkhāpadavaṇṇanā
121. ச²ப்³ப³க்³கி³யேஸுயேவ தே²ரா பி⁴க்கூ²தி கேசி. பாதே³ தோ⁴வித்வாதிஆதி³ம்ஹி பவிஸந்தஸ்ஸ வா பாத³தோ⁴வனபாஸாணதோ யாவ மஞ்சபீட²ங் பஸ்ஸாவத்தா²ய நிக்க²மந்தஸ்ஸ வா யாவ பஸ்ஸாவட்டா²னந்தி யோஜனா காதப்³பா³. ஏவங் ஸந்தே ‘‘பஸ்ஸாவத்தா²ய நிக்க²மந்தஸ்ஸ வா’’தி ந வத்தப்³ப³ங், ‘‘பஸ்ஸாவட்டா²னதோ நிக்க²மந்தஸ்ஸ வா’’தி வத்தப்³ப³ங். பஸ்ஸாவட்டா²னந்தி கத்த²சி பொத்த²கே. ததா² ஹி மாதிகாட்ட²கதா²யங் (கங்கா²॰ அட்ட²॰ அனுபக²ஜ்ஜஸிக்கா²பத³வண்ணனா) ‘‘பவிஸந்தஸ்ஸ பாத³தோ⁴வனபாஸாணதோ யாவ மஞ்சபீட²ங் நிக்க²மந்தஸ்ஸ மஞ்சபீட²தோ யாவ பஸ்ஸாவட்டா²னங், தாவ உபசாரோ’’தி வுத்தங், தஸ்மா ‘‘பாதே³ தோ⁴வித்வா பவிஸந்தஸ்ஸ, பஸ்ஸாவத்தா²ய நிக்க²மந்தஸ்ஸ ச த்³வாரே நிக்கி²த்தபாத³தோ⁴வனபாஸாணதோ, பஸ்ஸாவட்டா²னதோ ச மஞ்சபீட²’’ந்தி கத்த²சி பொத்த²கே பாடோ², ஸோ அபாடோ². கஸ்மா? மஞ்சபீடா²னங் உபசாரஸ்ஸ வுத்தத்தா. பவிஸந்தஸ்ஸ யாவ மஞ்சபீடா²னங் உபசாரோ, நிக்க²மந்தஸ்ஸ ததோ பட்டா²ய யாவ பஸ்ஸாவட்டா²னங் வச்சகுடிசங்கமட்டா²னந்தி இமினா அத்தே²ன யதா² ஸங்ஸந்த³தி, ததா²விதோ⁴ பாடோ²தி ஆசரியோ.
121. Chabbaggiyesuyeva therā bhikkhūti keci. Pāde dhovitvātiādimhi pavisantassa vā pādadhovanapāsāṇato yāva mañcapīṭhaṃ passāvatthāya nikkhamantassa vā yāva passāvaṭṭhānanti yojanā kātabbā. Evaṃ sante ‘‘passāvatthāya nikkhamantassa vā’’ti na vattabbaṃ, ‘‘passāvaṭṭhānato nikkhamantassa vā’’ti vattabbaṃ. Passāvaṭṭhānanti katthaci potthake. Tathā hi mātikāṭṭhakathāyaṃ (kaṅkhā. aṭṭha. anupakhajjasikkhāpadavaṇṇanā) ‘‘pavisantassa pādadhovanapāsāṇato yāva mañcapīṭhaṃ nikkhamantassa mañcapīṭhato yāva passāvaṭṭhānaṃ, tāva upacāro’’ti vuttaṃ, tasmā ‘‘pāde dhovitvā pavisantassa, passāvatthāya nikkhamantassa ca dvāre nikkhittapādadhovanapāsāṇato, passāvaṭṭhānato ca mañcapīṭha’’nti katthaci potthake pāṭho, so apāṭho. Kasmā? Mañcapīṭhānaṃ upacārassa vuttattā. Pavisantassa yāva mañcapīṭhānaṃ upacāro, nikkhamantassa tato paṭṭhāya yāva passāvaṭṭhānaṃ vaccakuṭicaṅkamaṭṭhānanti iminā atthena yathā saṃsandati, tathāvidho pāṭhoti ācariyo.
122. உபசாரங் ட²பெத்வாதி இத⁴ வுத்தஉபசாரங் ட²பெத்வா. ‘‘த³ஸ்ஸனஸவனூபசாரேபி ஸந்த²ரந்தஸ்ஸா’’தி லிகி²தங்.
122.Upacāraṃ ṭhapetvāti idha vuttaupacāraṃ ṭhapetvā. ‘‘Dassanasavanūpacārepi santharantassā’’ti likhitaṃ.
அனுபக²ஜ்ஜஸிக்கா²பத³வண்ணனா நிட்டி²தா.
Anupakhajjasikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 2. பூ⁴தகா³மவக்³கோ³ • 2. Bhūtagāmavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 6. அனுபக²ஜ்ஜஸிக்கா²பத³வண்ணனா • 6. Anupakhajjasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 6. அனுபக²ஜ்ஜஸிக்கா²பத³வண்ணனா • 6. Anupakhajjasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 6. அனுபக²ஜ்ஜஸிக்கா²பத³வண்ணனா • 6. Anupakhajjasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 6. அனுபக²ஜ்ஜஸிக்கா²பத³ங் • 6. Anupakhajjasikkhāpadaṃ
