| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
6. анубакаж̇ж̇асигкаабад̣̇аван̣н̣анаа
6. Anupakhajjasikkhāpadavaṇṇanā
‘‘ж̇аана’’нд̇и вуд̇д̇з ‘‘анудтаабанийяо ‘аяа’нд̇и ж̇аананд̇о’’д̇и аяам̣ висзсо гуд̇о лаб̣бхад̇ийд̇и ааха ‘‘д̇знзвассаа’’д̇иаад̣̇и. нану бад̣̇абхааж̇анзби вуд̣дхабхааваад̣̇иж̇аананамзва вуд̇д̇ам̣, на д̇у анудтаабанийяабхааванд̇и ануяог̇ам̣ санд̇хааяааха ‘‘вуд̣дхо хий’’д̇иаад̣̇и. б̣ахуубагаарад̇анд̇и ‘‘бхан̣д̣ааг̇ааригад̇д̇аад̣̇иб̣ахуубагаарабхаавам̣’’. на гзвалам̣ ид̣̇амзваад̇и ааха ‘‘г̇ун̣ависидтад̇ан̃жаа’’д̇иаад̣̇и, д̇зна б̣ахуубагаарад̇д̇зби г̇ун̣ависидтад̇д̇аабхаавз, г̇ун̣ависидтад̇д̇зби б̣ахуубагаарад̇д̇аабхаавз д̣̇аад̇ум̣ на ваддад̇ийд̇и д̣̇ассзд̇и. ‘‘бхан̣д̣ааг̇ааригасса б̣ахуубагаарад̇ам̣, д̇хаммагат̇игаад̣̇ийнам̣ г̇ун̣ависидтад̇ан̃жа саллагкзд̇ваа’’д̇и (саарад̇т̇а. дий. баажид̇д̇ияа 3.119-121) гзжи. д̇хуваваасад̇т̇ааяаад̇и нижжаваасад̇т̇ааяа. самманнид̇ваад̇и абалоганзна гаммзна самманнид̇ваа. гааман̃жзд̇т̇а г̇илаанассааби сан̇гхоязва анужчавигам̣ сзнаасанам̣ д̣̇зд̇и, г̇илаано бана абалогзд̇ваа сан̇гхзна ад̣̇иннасзнаасаноби на бийл̣зд̇аб̣б̣о анугамбид̇аб̣б̣од̇и д̣̇ассзд̇ум̣ висум̣ вуд̇д̇о.
‘‘Jāna’’nti vutte ‘‘anuṭṭhāpanīyo ‘aya’nti jānanto’’ti ayaṃ viseso kuto labbhatīti āha ‘‘tenevassā’’tiādi. Nanu padabhājanepi vuḍḍhabhāvādijānanameva vuttaṃ, na tu anuṭṭhāpanīyabhāvanti anuyogaṃ sandhāyāha ‘‘vuḍḍho hī’’tiādi. Bahūpakāratanti ‘‘bhaṇḍāgārikattādibahuupakārabhāvaṃ’’. Na kevalaṃ idamevāti āha ‘‘guṇavisiṭṭhatañcā’’tiādi, tena bahūpakārattepi guṇavisiṭṭhattābhāve, guṇavisiṭṭhattepi bahūpakārattābhāve dātuṃ na vaṭṭatīti dasseti. ‘‘Bhaṇḍāgārikassa bahūpakārataṃ, dhammakathikādīnaṃ guṇavisiṭṭhatañca sallakkhetvā’’ti (sārattha. ṭī. pācittiya 3.119-121) keci. Dhuvavāsatthāyāti niccavāsatthāya. Sammannitvāti apalokanena kammena sammannitvā. Kāmañcettha gilānassāpi saṅghoyeva anucchavikaṃ senāsanaṃ deti, gilāno pana apaloketvā saṅghena adinnasenāsanopi na pīḷetabbo anukampitabboti dassetuṃ visuṃ vutto.
саманд̇аа д̣̇ияад̣дхо хад̇т̇од̇и маж̇жхз бан̃н̃ад̇д̇ам̣ ман̃жабийтам̣ санд̇хааяа вуд̇д̇ам̣. згабассзна жз бахонагад̣̇исаа д̣̇иссад̇и, д̇ад̇о г̇ахзд̇аб̣б̣ам̣. баад̣̇ад̇хованабаасаан̣ад̇од̇и д̣̇ваарз нигкид̇д̇абаад̣̇ад̇хованабаасаан̣ад̇о. нисийд̣̇анд̇асса ваа нибаж̇ж̇анд̇асса ваа баажид̇д̇ияанд̇и зд̇т̇а нисийд̣̇анамад̇д̇зна, нибаж̇ж̇анамад̇д̇знзва ваа баажид̇д̇ияам̣. бунаббунам̣ гаронд̇ассаад̇и удтааяудтааяа нисийд̣̇ад̇о ваа нибаж̇ж̇ад̇о ваа.
Samantā diyaḍḍho hatthoti majjhe paññattaṃ mañcapīṭhaṃ sandhāya vuttaṃ. Ekapassena ce pahonakadisā dissati, tato gahetabbaṃ. Pādadhovanapāsāṇatoti dvāre nikkhittapādadhovanapāsāṇato. Nisīdantassa vā nipajjantassa vā pācittiyanti ettha nisīdanamattena, nipajjanamatteneva vā pācittiyaṃ. Punappunaṃ karontassāti uṭṭhāyuṭṭhāya nisīdato vā nipajjato vā.
сан̇гхигз сан̇гхигасан̃н̃ивзмад̇игабуг̇г̇алигасан̃н̃ийнам̣ васзна д̇игабаажид̇д̇ияам̣ взд̣̇ид̇аб̣б̣ам̣. д̇игад̣̇уггадам̣ бана буг̇г̇алигз сан̇гхигасан̃н̃ивзмад̇игаан̃н̃абуг̇г̇алигасан̃н̃ийнам̣ васзна. вихаарасса убажаарзд̇и д̇асса б̣ахи аасаннаббад̣̇зсз.
Saṅghike saṅghikasaññivematikapuggalikasaññīnaṃ vasena tikapācittiyaṃ veditabbaṃ. Tikadukkaṭaṃ pana puggalike saṅghikasaññivematikaaññapuggalikasaññīnaṃ vasena. Vihārassa upacāreti tassa bahi āsannappadese.
анубакаж̇ж̇асигкаабад̣̇аван̣н̣анаа нидтид̇аа.
Anupakhajjasikkhāpadavaṇṇanā niṭṭhitā.
