| Library / Tipiṭaka / တိပိဋက • Tipiṭaka / ဝဇိရဗုဒ္ဓိ-ဋီကာ • Vajirabuddhi-ṭīkā |
၆. အနုပခဇ္ဇသိက္ခာပဒဝဏ္ဏနာ
6. Anupakhajjasikkhāpadavaṇṇanā
၁၂၁. ဆဗ္ဗဂ္ဂိယေသုယေဝ ထေရာ ဘိက္ခူတိ ကေစိ။ ပာဒေ ဓောဝိတ္ဝာတိအာဒိမ္ဟိ ပဝိသန္တသ္သ ဝာ ပာဒဓောဝနပာသာဏတော ယာဝ မဉ္စပီဌံ ပသ္သာဝတ္ထာယ နိက္ခမန္တသ္သ ဝာ ယာဝ ပသ္သာဝဋ္ဌာနန္တိ ယောဇနာ ကာတဗ္ဗာ။ ဧဝံ သန္တေ ‘‘ပသ္သာဝတ္ထာယ နိက္ခမန္တသ္သ ဝာ’’တိ န ဝတ္တဗ္ဗံ, ‘‘ပသ္သာဝဋ္ဌာနတော နိက္ခမန္တသ္သ ဝာ’’တိ ဝတ္တဗ္ဗံ။ ပသ္သာဝဋ္ဌာနန္တိ ကတ္ထစိ ပောတ္ထကေ။ တထာ ဟိ မာတိကာဋ္ဌကထာယံ (ကင္ခာ. အဋ္ဌ. အနုပခဇ္ဇသိက္ခာပဒဝဏ္ဏနာ) ‘‘ပဝိသန္တသ္သ ပာဒဓောဝနပာသာဏတော ယာဝ မဉ္စပီဌံ နိက္ခမန္တသ္သ မဉ္စပီဌတော ယာဝ ပသ္သာဝဋ္ဌာနံ, တာဝ ဥပစာရော’’တိ ဝုတ္တံ, တသ္မာ ‘‘ပာဒေ ဓောဝိတ္ဝာ ပဝိသန္တသ္သ, ပသ္သာဝတ္ထာယ နိက္ခမန္တသ္သ စ ဒ္ဝာရေ နိက္ခိတ္တပာဒဓောဝနပာသာဏတော, ပသ္သာဝဋ္ဌာနတော စ မဉ္စပီဌ’’န္တိ ကတ္ထစိ ပောတ္ထကေ ပာဌော, သော အပာဌော။ ကသ္မာ? မဉ္စပီဌာနံ ဥပစာရသ္သ ဝုတ္တတ္တာ။ ပဝိသန္တသ္သ ယာဝ မဉ္စပီဌာနံ ဥပစာရော, နိက္ခမန္တသ္သ တတော ပဋ္ဌာယ ယာဝ ပသ္သာဝဋ္ဌာနံ ဝစ္စကုဋိစင္ကမဋ္ဌာနန္တိ ဣမိနာ အတ္ထေန ယထာ သံသန္ဒတိ, တထာဝိဓော ပာဌောတိ အာစရိယော။
121. Chabbaggiyesuyeva therā bhikkhūti keci. Pāde dhovitvātiādimhi pavisantassa vā pādadhovanapāsāṇato yāva mañcapīṭhaṃ passāvatthāya nikkhamantassa vā yāva passāvaṭṭhānanti yojanā kātabbā. Evaṃ sante ‘‘passāvatthāya nikkhamantassa vā’’ti na vattabbaṃ, ‘‘passāvaṭṭhānato nikkhamantassa vā’’ti vattabbaṃ. Passāvaṭṭhānanti katthaci potthake. Tathā hi mātikāṭṭhakathāyaṃ (kaṅkhā. aṭṭha. anupakhajjasikkhāpadavaṇṇanā) ‘‘pavisantassa pādadhovanapāsāṇato yāva mañcapīṭhaṃ nikkhamantassa mañcapīṭhato yāva passāvaṭṭhānaṃ, tāva upacāro’’ti vuttaṃ, tasmā ‘‘pāde dhovitvā pavisantassa, passāvatthāya nikkhamantassa ca dvāre nikkhittapādadhovanapāsāṇato, passāvaṭṭhānato ca mañcapīṭha’’nti katthaci potthake pāṭho, so apāṭho. Kasmā? Mañcapīṭhānaṃ upacārassa vuttattā. Pavisantassa yāva mañcapīṭhānaṃ upacāro, nikkhamantassa tato paṭṭhāya yāva passāvaṭṭhānaṃ vaccakuṭicaṅkamaṭṭhānanti iminā atthena yathā saṃsandati, tathāvidho pāṭhoti ācariyo.
၁၂၂. ဥပစာရံ ဌပေတ္ဝာတိ ဣဓ ဝုတ္တဥပစာရံ ဌပေတ္ဝာ။ ‘‘ဒသ္သနသဝနူပစာရေပိ သန္ထရန္တသ္သာ’’တိ လိခိတံ။
122.Upacāraṃ ṭhapetvāti idha vuttaupacāraṃ ṭhapetvā. ‘‘Dassanasavanūpacārepi santharantassā’’ti likhitaṃ.
အနုပခဇ္ဇသိက္ခာပဒဝဏ္ဏနာ နိဋ္ဌိတာ။
Anupakhajjasikkhāpadavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၂. ဘူတဂာမဝဂ္ဂော • 2. Bhūtagāmavaggo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၆. အနုပခဇ္ဇသိက္ခာပဒဝဏ္ဏနာ • 6. Anupakhajjasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၆. အနုပခဇ္ဇသိက္ခာပဒဝဏ္ဏနာ • 6. Anupakhajjasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၆. အနုပခဇ္ဇသိက္ခာပဒဝဏ္ဏနာ • 6. Anupakhajjasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၆. အနုပခဇ္ဇသိက္ခာပဒံ • 6. Anupakhajjasikkhāpadaṃ
