| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੬. ਅਨੁਪਖਜ੍ਜਸਿਕ੍ਖਾਪਦવਣ੍ਣਨਾ
6. Anupakhajjasikkhāpadavaṇṇanā
੧੧੯. ਛਟ੍ਠਸਿਕ੍ਖਾਪਦੇ – ਪਲਿਬੁਨ੍ਧੇਨ੍ਤੀਤਿ ਪਠਮਤਰਂ ਗਨ੍ਤ੍વਾ ਪਤ੍ਤਚੀવਰਂ ਅਤਿਹਰਿਤ੍વਾ ਰੁਮ੍ਭਿਤ੍વਾ ਤਿਟ੍ਠਨ੍ਤਿ। ਥੇਰਾ ਭਿਕ੍ਖੂ વੁਟ੍ਠਾਪੇਨ੍ਤੀਤਿ ‘‘ਅਮ੍ਹਾਕਂ ਆવੁਸੋ ਪਾਪੁਣਾਤੀ’’ਤਿ વਸ੍ਸਗ੍ਗੇਨ ਗਹੇਤ੍વਾ વੁਟ੍ਠਾਪੇਨ੍ਤਿ। ਅਨੁਪਖਜ੍ਜ ਸੇਯ੍ਯਂ ਕਪ੍ਪੇਨ੍ਤੀਤਿ ‘‘ਤੁਮ੍ਹਾਕਂ ਭਨ੍ਤੇ ਮਞ੍ਚਟ੍ਠਾਨਂਯੇવ ਪਾਪੁਣਾਤਿ, ਨ ਸਬ੍ਬੋ વਿਹਾਰੋ। ਅਮ੍ਹਾਕਂ ਦਾਨਿ ਇਦਂ ਠਾਨਂ ਪਾਪੁਣਾਤੀ’’ਤਿ ਅਨੁਪવਿਸਿਤ੍વਾ ਮਞ੍ਚਪੀਠਂ ਪਞ੍ਞਪੇਤ੍વਾ ਨਿਸੀਦਨ੍ਤਿਪਿ ਨਿਪਜ੍ਜਨ੍ਤਿਪਿ ਸਜ੍ਝਾਯਮ੍ਪਿ ਕਰੋਨ੍ਤਿ।
119. Chaṭṭhasikkhāpade – palibundhentīti paṭhamataraṃ gantvā pattacīvaraṃ atiharitvā rumbhitvā tiṭṭhanti. Therā bhikkhū vuṭṭhāpentīti ‘‘amhākaṃ āvuso pāpuṇātī’’ti vassaggena gahetvā vuṭṭhāpenti. Anupakhajja seyyaṃ kappentīti ‘‘tumhākaṃ bhante mañcaṭṭhānaṃyeva pāpuṇāti, na sabbo vihāro. Amhākaṃ dāni idaṃ ṭhānaṃ pāpuṇātī’’ti anupavisitvā mañcapīṭhaṃ paññapetvā nisīdantipi nipajjantipi sajjhāyampi karonti.
੧੨੦. ਜਾਨਨ੍ਤਿ ‘‘ਅਨੁਟ੍ਠਾਪਨੀਯੋ ਅਯ’’ਨ੍ਤਿ ਜਾਨਨ੍ਤੋ; ਤੇਨੇવਸ੍ਸ વਿਭਙ੍ਗੇ ‘‘વੁਡ੍ਢੋਤਿ ਜਾਨਾਤੀ’’ਤਿਆਦਿ વੁਤ੍ਤਂ। વੁਡ੍ਢੋ ਹਿ ਅਤ੍ਤਨੋ વੁਡ੍ਢਤਾਯ ਅਨੁਟ੍ਠਾਪਨੀਯੋ , ਗਿਲਾਨੋ ਗਿਲਾਨਤਾਯ, ਸਙ੍ਘੋ ਪਨ ਭਣ੍ਡਾਗਾਰਿਕਸ੍ਸ વਾ ਧਮ੍ਮਕਥਿਕવਿਨਯਧਰਾਦੀਨਂ વਾ ਗਣવਾਚਕਆਚਰਿਯਸ੍ਸ વਾ ਬਹੂਪਕਾਰਤਂ ਗੁਣવਿਸਿਟ੍ਠਤਞ੍ਚ ਸਲ੍ਲਕ੍ਖੇਨ੍ਤੋ ਧੁવવਾਸਤ੍ਥਾਯ વਿਹਾਰਂ ਸਮ੍ਮਨ੍ਨਿਤ੍વਾ ਦੇਤਿ, ਤਸ੍ਮਾ ਯਸ੍ਸ ਸਙ੍ਘੇਨ ਦਿਨ੍ਨੋ, ਸੋਪਿ ਅਨੁਟ੍ਠਾਪਨੀਯੋ। ਕਾਮਞ੍ਚੇਤ੍ਥ ਗਿਲਾਨਸ੍ਸਾਪਿ ਸਙ੍ਘੋਯੇવ ਅਨੁਚ੍ਛવਿਕਂ ਸੇਨਾਸਨਂ ਦੇਤਿ, ਗਿਲਾਨੋ ਪਨ ‘‘ਅਪਲੋਕੇਤ੍વਾ ਸਙ੍ਘੇਨ ਅਦਿਨ੍ਨਸੇਨਾਸਨੋਪਿ ਨ ਪੀਲ਼ੇਤਬ੍ਬੋ ਅਨੁਕਮ੍ਪਿਤਬ੍ਬੋ’’ਤਿ ਦਸ੍ਸੇਤੁਂ વਿਸੁਂ વੁਤ੍ਤੋ।
120.Jānanti ‘‘anuṭṭhāpanīyo aya’’nti jānanto; tenevassa vibhaṅge ‘‘vuḍḍhoti jānātī’’tiādi vuttaṃ. Vuḍḍho hi attano vuḍḍhatāya anuṭṭhāpanīyo , gilāno gilānatāya, saṅgho pana bhaṇḍāgārikassa vā dhammakathikavinayadharādīnaṃ vā gaṇavācakaācariyassa vā bahūpakārataṃ guṇavisiṭṭhatañca sallakkhento dhuvavāsatthāya vihāraṃ sammannitvā deti, tasmā yassa saṅghena dinno, sopi anuṭṭhāpanīyo. Kāmañcettha gilānassāpi saṅghoyeva anucchavikaṃ senāsanaṃ deti, gilāno pana ‘‘apaloketvā saṅghena adinnasenāsanopi na pīḷetabbo anukampitabbo’’ti dassetuṃ visuṃ vutto.
੧੨੧. ਉਪਚਾਰੇਤਿ ਏਤ੍ਥ ਮਞ੍ਚਪੀਠਾਨਂ ਤਾવ ਮਹਲ੍ਲਕੇ વਿਹਾਰੇ ਸਮਨ੍ਤਾ ਦਿਯਡ੍ਢੋ ਹਤ੍ਥੋ ਉਪਚਾਰੋ, ਖੁਦ੍ਦਕੇ ਯਤੋ ਪਹੋਤਿ ਤਤੋ ਦਿਯਡ੍ਢੋ ਹਤ੍ਥੋ, ਪਾਦੇ ਧੋવਿਤ੍વਾ ਪવਿਸਨ੍ਤਸ੍ਸ ਪਸ੍ਸਾવਤ੍ਥਾਯ ਨਿਕ੍ਖਮਨ੍ਤਸ੍ਸ ਚ ਯਾવ ਦ੍વਾਰੇ ਨਿਕ੍ਖਿਤ੍ਤਪਾਦਧੋવਨਪਾਸਾਣਤੋ ਪਸ੍ਸਾવਟ੍ਠਾਨਤੋ ਚ ਮਞ੍ਚਪੀਠਂ, ਤਾવ ਦਿਯਡ੍ਢਹਤ੍ਥવਿਤ੍ਥਾਰੋ ਮਗ੍ਗੋ ਉਪਚਾਰੋ ਨਾਮ। ਤਸ੍ਮਿਂ ਮਞ੍ਚਸ੍ਸ વਾ ਪੀਠਸ੍ਸ વਾ ਉਪਚਾਰੇ ਠਿਤਸ੍ਸ વਾ ਭਿਕ੍ਖੁਨੋ ਪવਿਸਨ੍ਤਸ੍ਸ વਾ ਨਿਕ੍ਖਮਨ੍ਤਸ੍ਸ વਾ ਉਪਚਾਰੇ ਯੋ ਅਨੁਪਖਜ੍ਜ ਸੇਯ੍ਯਂ ਕਪ੍ਪੇਤੁਕਾਮੋ ਸੇਯ੍ਯਂ ਸਨ੍ਥਰਤਿ વਾ ਸਨ੍ਥਰਾਪੇਤਿ વਾ, ਆਪਤ੍ਤਿ ਦੁਕ੍ਕਟਸ੍ਸ।
121.Upacāreti ettha mañcapīṭhānaṃ tāva mahallake vihāre samantā diyaḍḍho hattho upacāro, khuddake yato pahoti tato diyaḍḍho hattho, pāde dhovitvā pavisantassa passāvatthāya nikkhamantassa ca yāva dvāre nikkhittapādadhovanapāsāṇato passāvaṭṭhānato ca mañcapīṭhaṃ, tāva diyaḍḍhahatthavitthāro maggo upacāro nāma. Tasmiṃ mañcassa vā pīṭhassa vā upacāre ṭhitassa vā bhikkhuno pavisantassa vā nikkhamantassa vā upacāre yo anupakhajja seyyaṃ kappetukāmo seyyaṃ santharati vā santharāpeti vā, āpatti dukkaṭassa.
ਅਭਿਨਿਸੀਦਤਿ વਾ ਅਭਿਨਿਪਜ੍ਜਤਿ વਾਤਿ ਏਤ੍ਥ ਅਭਿਨਿਸੀਦਨਮਤ੍ਤੇਨ ਅਭਿਨਿਪਜ੍ਜਨਮਤ੍ਤੇਨੇવ વਾ ਪਾਚਿਤ੍ਤਿਯਂ। ਸਚੇ ਪਨ ਦ੍વੇਪਿ ਕਰੋਤਿ, ਦ੍વੇ ਪਾਚਿਤ੍ਤਿਯਾਨਿ। ਉਟ੍ਠਾਯੁਟ੍ਠਾਯ ਨਿਸੀਦਤੋ વਾ ਨਿਪਜ੍ਜਤੋ વਾ ਪਯੋਗੇ ਪਯੋਗੇ ਪਾਚਿਤ੍ਤਿਯਂ।
Abhinisīdativā abhinipajjati vāti ettha abhinisīdanamattena abhinipajjanamatteneva vā pācittiyaṃ. Sace pana dvepi karoti, dve pācittiyāni. Uṭṭhāyuṭṭhāya nisīdato vā nipajjato vā payoge payoge pācittiyaṃ.
੧੨੨. ਉਪਚਾਰਂ ਠਪੇਤ੍વਾ ਸੇਯ੍ਯਂ ਸਨ੍ਥਰਤਿ વਾ ਸਨ੍ਥਰਾਪੇਤਿ વਾਤਿ ਇਮਸ੍ਮਿਂ ਇਤੋ ਪਰੇ ਚ ‘‘વਿਹਾਰਸ੍ਸ ਉਪਚਾਰੇ’’ਤਿਆਦਿਕੇ ਦੁਕ੍ਕਟવਾਰੇਪਿ ਯਥਾ ਇਧ ਅਭਿਨਿਸੀਦਨਮਤ੍ਤੇ ਅਭਿਨਿਪਜ੍ਜਨਮਤ੍ਤੇ ਉਭਯਕਰਣੇ ਪਯੋਗਭੇਦੇ ਚ ਪਾਚਿਤ੍ਤਿਯਪ੍ਪਭੇਦੋ વੁਤ੍ਤੋ, ਏવਂ ਦੁਕ੍ਕਟਪ੍ਪਭੇਦੋ વੇਦਿਤਬ੍ਬੋ। ਏવਰੂਪੇਨ ਹਿ વਿਸਭਾਗਪੁਗ੍ਗਲੇਨ ਏਕવਿਹਾਰੇ વਾ ਏਕਪਰਿવੇਣੇ વਾ વਸਨ੍ਤੇਨ ਅਤ੍ਥੋ ਨਤ੍ਥਿ, ਤਸ੍ਮਾ ਸਬ੍ਬਤ੍ਥੇવਸ੍ਸ ਨਿવਾਸੋ વਾਰਿਤੋ। ਅਞ੍ਞਸ੍ਸ ਪੁਗ੍ਗਲਿਕੇਤਿ ਇਧਾਪਿ વਿਸ੍ਸਾਸਿਕਸ੍ਸ ਪੁਗ੍ਗਲਿਕਂ ਅਤ੍ਤਨੋ ਪੁਗ੍ਗਲਿਕਸਦਿਸਮੇવ, ਤਤ੍ਥ ਅਨਾਪਤ੍ਤਿ।
122.Upacāraṃ ṭhapetvā seyyaṃ santharati vā santharāpeti vāti imasmiṃ ito pare ca ‘‘vihārassa upacāre’’tiādike dukkaṭavārepi yathā idha abhinisīdanamatte abhinipajjanamatte ubhayakaraṇe payogabhede ca pācittiyappabhedo vutto, evaṃ dukkaṭappabhedo veditabbo. Evarūpena hi visabhāgapuggalena ekavihāre vā ekapariveṇe vā vasantena attho natthi, tasmā sabbatthevassa nivāso vārito. Aññassa puggaliketi idhāpi vissāsikassa puggalikaṃ attano puggalikasadisameva, tattha anāpatti.
੧੨੩. ਆਪਦਾਸੂਤਿ ਸਚੇ ਬਹਿ વਸਨ੍ਤਸ੍ਸ ਜੀવਿਤਬ੍ਰਹ੍ਮਚਰਿਯਨ੍ਤਰਾਯੋ ਹੋਤਿ, ਏવਰੂਪਾਸੁ ਆਪਦਾਸੁ ਯੋ ਪવਿਸਤਿ, ਤਸ੍ਸਾਪਿ ਅਨਾਪਤ੍ਤਿ। ਸੇਸਂ ਉਤ੍ਤਾਨਮੇવਾਤਿ। ਪਠਮਪਾਰਾਜਿਕਸਮੁਟ੍ਠਾਨਂ, ਕਿਰਿਯਂ, ਸਞ੍ਞਾવਿਮੋਕ੍ਖਂ, ਸਚਿਤ੍ਤਕਂ, ਲੋਕવਜ੍ਜਂ, ਕਾਯਕਮ੍ਮਂ, ਅਕੁਸਲਚਿਤ੍ਤਂ, ਦੁਕ੍ਖવੇਦਨਨ੍ਤਿ।
123.Āpadāsūti sace bahi vasantassa jīvitabrahmacariyantarāyo hoti, evarūpāsu āpadāsu yo pavisati, tassāpi anāpatti. Sesaṃ uttānamevāti. Paṭhamapārājikasamuṭṭhānaṃ, kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, akusalacittaṃ, dukkhavedananti.
ਅਨੁਪਖਜ੍ਜਸਿਕ੍ਖਾਪਦਂ ਛਟ੍ਠਂ।
Anupakhajjasikkhāpadaṃ chaṭṭhaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੨. ਭੂਤਗਾਮવਗ੍ਗੋ • 2. Bhūtagāmavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੬. ਅਨੁਪਖਜ੍ਜਸਿਕ੍ਖਾਪਦવਣ੍ਣਨਾ • 6. Anupakhajjasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੬. ਅਨੁਪਖਜ੍ਜਸਿਕ੍ਖਾਪਦવਣ੍ਣਨਾ • 6. Anupakhajjasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੬. ਅਨੁਪਖਜ੍ਜਸਿਕ੍ਖਾਪਦવਣ੍ਣਨਾ • 6. Anupakhajjasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੬. ਅਨੁਪਖਜ੍ਜਸਿਕ੍ਖਾਪਦਂ • 6. Anupakhajjasikkhāpadaṃ
