| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੬. ਅਨੁਪਖਜ੍ਜਸਿਕ੍ਖਾਪਦવਣ੍ਣਨਾ
6. Anupakhajjasikkhāpadavaṇṇanā
‘‘ਜਾਨ’’ਨ੍ਤਿ વੁਤ੍ਤੇ ‘‘ਅਨੁਟ੍ਠਾਪਨੀਯੋ ‘ਅਯ’ਨ੍ਤਿ ਜਾਨਨ੍ਤੋ’’ਤਿ ਅਯਂ વਿਸੇਸੋ ਕੁਤੋ ਲਬ੍ਭਤੀਤਿ ਆਹ ‘‘ਤੇਨੇવਸ੍ਸਾ’’ਤਿਆਦਿ। ਨਨੁ ਪਦਭਾਜਨੇਪਿ વੁਡ੍ਢਭਾવਾਦਿਜਾਨਨਮੇવ વੁਤ੍ਤਂ, ਨ ਤੁ ਅਨੁਟ੍ਠਾਪਨੀਯਭਾવਨ੍ਤਿ ਅਨੁਯੋਗਂ ਸਨ੍ਧਾਯਾਹ ‘‘વੁਡ੍ਢੋ ਹੀ’’ਤਿਆਦਿ। ਬਹੂਪਕਾਰਤਨ੍ਤਿ ‘‘ਭਣ੍ਡਾਗਾਰਿਕਤ੍ਤਾਦਿਬਹੁਉਪਕਾਰਭਾવਂ’’। ਨ ਕੇવਲਂ ਇਦਮੇવਾਤਿ ਆਹ ‘‘ਗੁਣવਿਸਿਟ੍ਠਤਞ੍ਚਾ’’ਤਿਆਦਿ, ਤੇਨ ਬਹੂਪਕਾਰਤ੍ਤੇਪਿ ਗੁਣવਿਸਿਟ੍ਠਤ੍ਤਾਭਾવੇ, ਗੁਣવਿਸਿਟ੍ਠਤ੍ਤੇਪਿ ਬਹੂਪਕਾਰਤ੍ਤਾਭਾવੇ ਦਾਤੁਂ ਨ વਟ੍ਟਤੀਤਿ ਦਸ੍ਸੇਤਿ। ‘‘ਭਣ੍ਡਾਗਾਰਿਕਸ੍ਸ ਬਹੂਪਕਾਰਤਂ, ਧਮ੍ਮਕਥਿਕਾਦੀਨਂ ਗੁਣવਿਸਿਟ੍ਠਤਞ੍ਚ ਸਲ੍ਲਕ੍ਖੇਤ੍વਾ’’ਤਿ (ਸਾਰਤ੍ਥ॰ ਟੀ॰ ਪਾਚਿਤ੍ਤਿਯ ੩.੧੧੯-੧੨੧) ਕੇਚਿ। ਧੁવવਾਸਤ੍ਥਾਯਾਤਿ ਨਿਚ੍ਚવਾਸਤ੍ਥਾਯ। ਸਮ੍ਮਨ੍ਨਿਤ੍વਾਤਿ ਅਪਲੋਕਨੇਨ ਕਮ੍ਮੇਨ ਸਮ੍ਮਨ੍ਨਿਤ੍વਾ। ਕਾਮਞ੍ਚੇਤ੍ਥ ਗਿਲਾਨਸ੍ਸਾਪਿ ਸਙ੍ਘੋਯੇવ ਅਨੁਚ੍ਛવਿਕਂ ਸੇਨਾਸਨਂ ਦੇਤਿ, ਗਿਲਾਨੋ ਪਨ ਅਪਲੋਕੇਤ੍વਾ ਸਙ੍ਘੇਨ ਅਦਿਨ੍ਨਸੇਨਾਸਨੋਪਿ ਨ ਪੀਲ਼ੇਤਬ੍ਬੋ ਅਨੁਕਮ੍ਪਿਤਬ੍ਬੋਤਿ ਦਸ੍ਸੇਤੁਂ વਿਸੁਂ વੁਤ੍ਤੋ।
‘‘Jāna’’nti vutte ‘‘anuṭṭhāpanīyo ‘aya’nti jānanto’’ti ayaṃ viseso kuto labbhatīti āha ‘‘tenevassā’’tiādi. Nanu padabhājanepi vuḍḍhabhāvādijānanameva vuttaṃ, na tu anuṭṭhāpanīyabhāvanti anuyogaṃ sandhāyāha ‘‘vuḍḍho hī’’tiādi. Bahūpakāratanti ‘‘bhaṇḍāgārikattādibahuupakārabhāvaṃ’’. Na kevalaṃ idamevāti āha ‘‘guṇavisiṭṭhatañcā’’tiādi, tena bahūpakārattepi guṇavisiṭṭhattābhāve, guṇavisiṭṭhattepi bahūpakārattābhāve dātuṃ na vaṭṭatīti dasseti. ‘‘Bhaṇḍāgārikassa bahūpakārataṃ, dhammakathikādīnaṃ guṇavisiṭṭhatañca sallakkhetvā’’ti (sārattha. ṭī. pācittiya 3.119-121) keci. Dhuvavāsatthāyāti niccavāsatthāya. Sammannitvāti apalokanena kammena sammannitvā. Kāmañcettha gilānassāpi saṅghoyeva anucchavikaṃ senāsanaṃ deti, gilāno pana apaloketvā saṅghena adinnasenāsanopi na pīḷetabbo anukampitabboti dassetuṃ visuṃ vutto.
ਸਮਨ੍ਤਾ ਦਿਯਡ੍ਢੋ ਹਤ੍ਥੋਤਿ ਮਜ੍ਝੇ ਪਞ੍ਞਤ੍ਤਂ ਮਞ੍ਚਪੀਠਂ ਸਨ੍ਧਾਯ વੁਤ੍ਤਂ। ਏਕਪਸ੍ਸੇਨ ਚੇ ਪਹੋਨਕਦਿਸਾ ਦਿਸ੍ਸਤਿ, ਤਤੋ ਗਹੇਤਬ੍ਬਂ। ਪਾਦਧੋવਨਪਾਸਾਣਤੋਤਿ ਦ੍વਾਰੇ ਨਿਕ੍ਖਿਤ੍ਤਪਾਦਧੋવਨਪਾਸਾਣਤੋ। ਨਿਸੀਦਨ੍ਤਸ੍ਸ વਾ ਨਿਪਜ੍ਜਨ੍ਤਸ੍ਸ વਾ ਪਾਚਿਤ੍ਤਿਯਨ੍ਤਿ ਏਤ੍ਥ ਨਿਸੀਦਨਮਤ੍ਤੇਨ, ਨਿਪਜ੍ਜਨਮਤ੍ਤੇਨੇવ વਾ ਪਾਚਿਤ੍ਤਿਯਂ। ਪੁਨਪ੍ਪੁਨਂ ਕਰੋਨ੍ਤਸ੍ਸਾਤਿ ਉਟ੍ਠਾਯੁਟ੍ਠਾਯ ਨਿਸੀਦਤੋ વਾ ਨਿਪਜ੍ਜਤੋ વਾ।
Samantā diyaḍḍho hatthoti majjhe paññattaṃ mañcapīṭhaṃ sandhāya vuttaṃ. Ekapassena ce pahonakadisā dissati, tato gahetabbaṃ. Pādadhovanapāsāṇatoti dvāre nikkhittapādadhovanapāsāṇato. Nisīdantassa vā nipajjantassa vā pācittiyanti ettha nisīdanamattena, nipajjanamatteneva vā pācittiyaṃ. Punappunaṃ karontassāti uṭṭhāyuṭṭhāya nisīdato vā nipajjato vā.
ਸਙ੍ਘਿਕੇ ਸਙ੍ਘਿਕਸਞ੍ਞਿવੇਮਤਿਕਪੁਗ੍ਗਲਿਕਸਞ੍ਞੀਨਂ વਸੇਨ ਤਿਕਪਾਚਿਤ੍ਤਿਯਂ વੇਦਿਤਬ੍ਬਂ। ਤਿਕਦੁਕ੍ਕਟਂ ਪਨ ਪੁਗ੍ਗਲਿਕੇ ਸਙ੍ਘਿਕਸਞ੍ਞਿવੇਮਤਿਕਅਞ੍ਞਪੁਗ੍ਗਲਿਕਸਞ੍ਞੀਨਂ વਸੇਨ। વਿਹਾਰਸ੍ਸ ਉਪਚਾਰੇਤਿ ਤਸ੍ਸ ਬਹਿ ਆਸਨ੍ਨਪ੍ਪਦੇਸੇ।
Saṅghike saṅghikasaññivematikapuggalikasaññīnaṃ vasena tikapācittiyaṃ veditabbaṃ. Tikadukkaṭaṃ pana puggalike saṅghikasaññivematikaaññapuggalikasaññīnaṃ vasena. Vihārassa upacāreti tassa bahi āsannappadese.
ਅਨੁਪਖਜ੍ਜਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Anupakhajjasikkhāpadavaṇṇanā niṭṭhitā.
