| Library / Tipiṭaka / திபிடக • Tipiṭaka / கதா²வத்து²பாளி • Kathāvatthupāḷi |
2. து³தியவக்³கோ³
2. Dutiyavaggo
(18) 9. அனுபுப்³பா³பி⁴ஸமயகதா²
(18) 9. Anupubbābhisamayakathā
339. அனுபுப்³பா³பி⁴ஸமயோதி ? ஆமந்தா. அனுபுப்³பே³ன ஸோதாபத்திமக்³க³ங் பா⁴வேதீதி? ந ஹேவங் வத்தப்³பே³. அனுபுப்³பே³ன ஸோதாபத்திமக்³க³ங் பா⁴வேதீதி? ஆமந்தா. அனுபுப்³பே³ன ஸோதாபத்திப²லங் ஸச்சி²கரோதீதி? ந ஹேவங் வத்தப்³பே³.
339. Anupubbābhisamayoti ? Āmantā. Anupubbena sotāpattimaggaṃ bhāvetīti? Na hevaṃ vattabbe. Anupubbena sotāpattimaggaṃ bhāvetīti? Āmantā. Anupubbena sotāpattiphalaṃ sacchikarotīti? Na hevaṃ vattabbe.
அனுபுப்³பா³பி⁴ஸமயோதி? ஆமந்தா. அனுபுப்³பே³ன ஸகதா³கா³மிமக்³க³ங் பா⁴வேதீதி? ந ஹேவங் வத்தப்³பே³. அனுபுப்³பே³ன ஸகதா³கா³மிமக்³க³ங் பா⁴வேதீதி? ஆமந்தா. அனுபுப்³பே³ன ஸகதா³கா³மிப²லங் ஸச்சி²கரோதீதி? ந ஹேவங் வத்தப்³பே³.
Anupubbābhisamayoti? Āmantā. Anupubbena sakadāgāmimaggaṃ bhāvetīti? Na hevaṃ vattabbe. Anupubbena sakadāgāmimaggaṃ bhāvetīti? Āmantā. Anupubbena sakadāgāmiphalaṃ sacchikarotīti? Na hevaṃ vattabbe.
அனுபுப்³பா³பி⁴ஸமயோதி? ஆமந்தா. அனுபுப்³பே³ன அனாகா³மிமக்³க³ங் பா⁴வேதீதி? ந ஹேவங் வத்தப்³பே³. அனுபுப்³பே³ன அனாகா³மிமக்³க³ங் பா⁴வேதீதி? ஆமந்தா. அனுபுப்³பே³ன அனாகா³மிப²லங் ஸச்சி²கரோதீதி? ந ஹேவங் வத்தப்³பே³.
Anupubbābhisamayoti? Āmantā. Anupubbena anāgāmimaggaṃ bhāvetīti? Na hevaṃ vattabbe. Anupubbena anāgāmimaggaṃ bhāvetīti? Āmantā. Anupubbena anāgāmiphalaṃ sacchikarotīti? Na hevaṃ vattabbe.
அனுபுப்³பா³பி⁴ஸமயோதி ? ஆமந்தா. அனுபுப்³பே³ன அரஹத்தமக்³க³ங் பா⁴வேதீதி? ந ஹேவங் வத்தப்³பே³. அனுபுப்³பே³ன அரஹத்தமக்³க³ங் பா⁴வேதீதி? ஆமந்தா. அனுபுப்³பே³ன அரஹத்தப²லங் ஸச்சி²கரோதீதி? ந ஹேவங் வத்தப்³பே³.
Anupubbābhisamayoti ? Āmantā. Anupubbena arahattamaggaṃ bhāvetīti? Na hevaṃ vattabbe. Anupubbena arahattamaggaṃ bhāvetīti? Āmantā. Anupubbena arahattaphalaṃ sacchikarotīti? Na hevaṃ vattabbe.
340. ஸோதாபத்திப²லஸச்சி²கிரியாய படிபன்னோ புக்³க³லோ து³க்க²த³ஸ்ஸனேன கிங் ஜஹதீதி? ஸக்காயதி³ட்டி²ங், விசிகிச்ச²ங், ஸீலப்³ப³தபராமாஸங், ததே³கட்டே² ச கிலேஸே சதுபா⁴க³ங் ஜஹதீதி. சதுபா⁴க³ங் ஸோதாபன்னோ, சதுபா⁴க³ங் ந ஸோதாபன்னோ, சதுபா⁴க³ங் ஸோதாபத்திப²லப்பத்தோ படிலத்³தோ⁴ அதி⁴க³தோ ஸச்சி²கதோ உபஸம்பஜ்ஜ விஹரதி, காயேன பு²ஸித்வா விஹரதி, சதுபா⁴க³ங் ந காயேன பு²ஸித்வா விஹரதி, சதுபா⁴க³ங் ஸத்தக்க²த்துபரமோ கோலங்கோலோ ஏகபீ³ஜீ பு³த்³தே⁴ அவேச்சப்பஸாதே³ன ஸமன்னாக³தோ, த⁴ம்மே…பே॰… ஸங்கே⁴…பே॰… அரியகந்தேஹி ஸீலேஹி ஸமன்னாக³தோ சதுபா⁴க³ங் ந அரியகந்தேஹி ஸீலேஹி ஸமன்னாக³தோதி? ந ஹேவங் வத்தப்³பே³.
340. Sotāpattiphalasacchikiriyāya paṭipanno puggalo dukkhadassanena kiṃ jahatīti? Sakkāyadiṭṭhiṃ, vicikicchaṃ, sīlabbataparāmāsaṃ, tadekaṭṭhe ca kilese catubhāgaṃ jahatīti. Catubhāgaṃ sotāpanno, catubhāgaṃ na sotāpanno, catubhāgaṃ sotāpattiphalappatto paṭiladdho adhigato sacchikato upasampajja viharati, kāyena phusitvā viharati, catubhāgaṃ na kāyena phusitvā viharati, catubhāgaṃ sattakkhattuparamo kolaṅkolo ekabījī buddhe aveccappasādena samannāgato, dhamme…pe… saṅghe…pe… ariyakantehi sīlehi samannāgato catubhāgaṃ na ariyakantehi sīlehi samannāgatoti? Na hevaṃ vattabbe.
ஸமுத³யத³ஸ்ஸனேன…பே॰… நிரோத⁴த³ஸ்ஸனேன…பே॰… மக்³க³த³ஸ்ஸனேன கிங் ஜஹதீதி? ஸக்காயதி³ட்டி²ங், விசிகிச்ச²ங், ஸீலப்³ப³தபராமாஸங், ததே³கட்டே² ச கிலேஸே சதுபா⁴க³ங் ஜஹதீதி. சதுபா⁴க³ங் ஸோதாபன்னோ, சதுபா⁴க³ங் ந ஸோதாபன்னோ, சதுபா⁴க³ங் ஸோதாபத்திப²லப்பத்தோ படிலத்³தோ⁴ அதி⁴க³தோ ஸச்சி²கதோ உபஸம்பஜ்ஜ விஹரதி, காயேன பு²ஸித்வா விஹரதி, சதுபா⁴க³ங் ந காயேன பு²ஸித்வா விஹரதி, சதுபா⁴க³ங் ஸத்தக்க²த்துபரமோ கோலங்கோலோ ஏகபீ³ஜீ பு³த்³தே⁴ அவேச்சப்பஸாதே³ன ஸமன்னாக³தோ, த⁴ம்மே…பே॰… ஸங்கே⁴…பே॰… அரியகந்தேஹி ஸீலேஹி ஸமன்னாக³தோ, சதுபா⁴க³ங் ந அரியகந்தேஹி ஸீலேஹி ஸமன்னாக³தோதி? ந ஹேவங் வத்தப்³பே³…பே॰….
Samudayadassanena…pe… nirodhadassanena…pe… maggadassanena kiṃ jahatīti? Sakkāyadiṭṭhiṃ, vicikicchaṃ, sīlabbataparāmāsaṃ, tadekaṭṭhe ca kilese catubhāgaṃ jahatīti. Catubhāgaṃ sotāpanno, catubhāgaṃ na sotāpanno, catubhāgaṃ sotāpattiphalappatto paṭiladdho adhigato sacchikato upasampajja viharati, kāyena phusitvā viharati, catubhāgaṃ na kāyena phusitvā viharati, catubhāgaṃ sattakkhattuparamo kolaṅkolo ekabījī buddhe aveccappasādena samannāgato, dhamme…pe… saṅghe…pe… ariyakantehi sīlehi samannāgato, catubhāgaṃ na ariyakantehi sīlehi samannāgatoti? Na hevaṃ vattabbe…pe….
341. ஸகதா³கா³மிப²லஸச்சி²கிரியாய படிபன்னோ புக்³க³லோ து³க்க²த³ஸ்ஸனேன கிங் ஜஹதீதி? ஓளாரிகங் காமராக³ங், ஓளாரிகங் ப்³யாபாத³ங், ததே³கட்டே² ச கிலேஸே சதுபா⁴க³ங் ஜஹதீதி. சதுபா⁴க³ங் ஸகதா³கா³மீ, சதுபா⁴க³ங் ந ஸகதா³கா³மீ, சதுபா⁴க³ங் ஸகதா³கா³மிப²லப்பத்தோ படிலத்³தோ⁴ அதி⁴க³தோ ஸச்சி²கதோ உபஸம்பஜ்ஜ விஹரதி, காயேன பு²ஸித்வா விஹரதி, சதுபா⁴க³ங் ந காயேன பு²ஸித்வா விஹரதீதி? ந ஹேவங் வத்தப்³பே³…பே॰… ஸமுத³யத³ஸ்ஸனேன…பே॰… நிரோத⁴த³ஸ்ஸனேன…பே॰… மக்³க³த³ஸ்ஸனேன கிங் ஜஹதீதி? ஓளாரிகங் காமராக³ங், ஓளாரிகங் ப்³யாபாத³ங், ததே³கட்டே² ச கிலேஸே சதுபா⁴க³ங் ஜஹதீதி. சதுபா⁴க³ங் ஸகதா³கா³மீ, சதுபா⁴க³ங் ந ஸகதா³கா³மீ, சதுபா⁴க³ங் ஸகதா³கா³மிப²லப்பத்தோ படிலத்³தோ⁴ அதி⁴க³தோ ஸச்சி²கதோ உபஸம்பஜ்ஜ விஹரதி , காயேன பு²ஸித்வா விஹரதி, சதுபா⁴க³ங் ந காயேன பு²ஸித்வா விஹரதீதி? ந ஹேவங் வத்தப்³பே³…பே॰….
341. Sakadāgāmiphalasacchikiriyāya paṭipanno puggalo dukkhadassanena kiṃ jahatīti? Oḷārikaṃ kāmarāgaṃ, oḷārikaṃ byāpādaṃ, tadekaṭṭhe ca kilese catubhāgaṃ jahatīti. Catubhāgaṃ sakadāgāmī, catubhāgaṃ na sakadāgāmī, catubhāgaṃ sakadāgāmiphalappatto paṭiladdho adhigato sacchikato upasampajja viharati, kāyena phusitvā viharati, catubhāgaṃ na kāyena phusitvā viharatīti? Na hevaṃ vattabbe…pe… samudayadassanena…pe… nirodhadassanena…pe… maggadassanena kiṃ jahatīti? Oḷārikaṃ kāmarāgaṃ, oḷārikaṃ byāpādaṃ, tadekaṭṭhe ca kilese catubhāgaṃ jahatīti. Catubhāgaṃ sakadāgāmī, catubhāgaṃ na sakadāgāmī, catubhāgaṃ sakadāgāmiphalappatto paṭiladdho adhigato sacchikato upasampajja viharati , kāyena phusitvā viharati, catubhāgaṃ na kāyena phusitvā viharatīti? Na hevaṃ vattabbe…pe….
342. அனாகா³மிப²லஸச்சி²கிரியாய படிபன்னோ புக்³க³லோ து³க்க²த³ஸ்ஸனேன கிங் ஜஹதீதி? அணுஸஹக³தங் காமராக³ங், அணுஸஹக³தங் ப்³யாபாத³ங், ததே³கட்டே² ச கிலேஸே சதுபா⁴க³ங் ஜஹதீதி. சதுபா⁴க³ங் அனாகா³மீ, சதுபா⁴க³ங் ந அனாகா³மீ, சதுபா⁴க³ங் அனாகா³மிப²லப்பத்தோ படிலத்³தோ⁴ அதி⁴க³தோ ஸச்சி²கதோ உபஸம்பஜ்ஜ விஹரதி, காயேன பு²ஸித்வா விஹரதி, சதுபா⁴க³ங் ந காயேன பு²ஸித்வா விஹரதி, சதுபா⁴க³ங் அந்தராபரினிப்³பா³யீ…பே॰… உபஹச்சபரினிப்³பா³யீ… அஸங்கா²ரபரினிப்³பா³யீ… ஸஸங்கா²ரபரினிப்³பா³யீ… உத்³த⁴ங்ஸோதோ அகனிட்ட²கா³மீ, சதுபா⁴க³ங் ந உத்³த⁴ங்ஸோதோ ந அகனிட்ட²கா³மீதி? ந ஹேவங் வத்தப்³பே³…பே॰….
342. Anāgāmiphalasacchikiriyāya paṭipanno puggalo dukkhadassanena kiṃ jahatīti? Aṇusahagataṃ kāmarāgaṃ, aṇusahagataṃ byāpādaṃ, tadekaṭṭhe ca kilese catubhāgaṃ jahatīti. Catubhāgaṃ anāgāmī, catubhāgaṃ na anāgāmī, catubhāgaṃ anāgāmiphalappatto paṭiladdho adhigato sacchikato upasampajja viharati, kāyena phusitvā viharati, catubhāgaṃ na kāyena phusitvā viharati, catubhāgaṃ antarāparinibbāyī…pe… upahaccaparinibbāyī… asaṅkhāraparinibbāyī… sasaṅkhāraparinibbāyī… uddhaṃsoto akaniṭṭhagāmī, catubhāgaṃ na uddhaṃsoto na akaniṭṭhagāmīti? Na hevaṃ vattabbe…pe….
ஸமுத³யத³ஸ்ஸனேன…பே॰… நிரோத⁴த³ஸ்ஸனேன…பே॰… மக்³க³த³ஸ்ஸனேன கிங் ஜஹதீதி? அணுஸஹக³தங் காமராக³ங், அணுஸஹக³தங் ப்³யாபாத³ங், ததே³கட்டே² ச கிலேஸே சதுபா⁴க³ங் ஜஹதீதி. சதுபா⁴க³ங் அனாகா³மீ, சதுபா⁴க³ங் ந அனாகா³மீ, சதுபா⁴க³ங் அனாகா³மிப²லப்பத்தோ படிலத்³தோ⁴ அதி⁴க³தோ ஸச்சி²கதோ உபஸம்பஜ்ஜ விஹரதி, காயேன பு²ஸித்வா விஹரதி, சதுபா⁴க³ங் ந காயேன பு²ஸித்வா விஹரதி, சதுபா⁴க³ங் அந்தராபரினிப்³பா³யீ…பே॰… உபஹச்சபரினிப்³பா³யீ… அஸங்கா²ரபரினிப்³பா³யீ… ஸஸங்கா²ரபரினிப்³பா³யீ… உத்³த⁴ங்ஸோதோ அகனிட்ட²கா³மீ, சதுபா⁴க³ங் ந உத்³த⁴ங்ஸோதோ அகனிட்ட²கா³மீதி? ந ஹேவங் வத்தப்³பே³…பே॰….
Samudayadassanena…pe… nirodhadassanena…pe… maggadassanena kiṃ jahatīti? Aṇusahagataṃ kāmarāgaṃ, aṇusahagataṃ byāpādaṃ, tadekaṭṭhe ca kilese catubhāgaṃ jahatīti. Catubhāgaṃ anāgāmī, catubhāgaṃ na anāgāmī, catubhāgaṃ anāgāmiphalappatto paṭiladdho adhigato sacchikato upasampajja viharati, kāyena phusitvā viharati, catubhāgaṃ na kāyena phusitvā viharati, catubhāgaṃ antarāparinibbāyī…pe… upahaccaparinibbāyī… asaṅkhāraparinibbāyī… sasaṅkhāraparinibbāyī… uddhaṃsoto akaniṭṭhagāmī, catubhāgaṃ na uddhaṃsoto akaniṭṭhagāmīti? Na hevaṃ vattabbe…pe….
343. அரஹத்தஸச்சி²கிரியாய படிபன்னோ புக்³க³லோ து³க்க²த³ஸ்ஸனேன கிங் ஜஹதீதி? ரூபராக³ங், அரூபராக³ங், மானங், உத்³த⁴ச்சங், அவிஜ்ஜங், ததே³கட்டே² ச கிலேஸே சதுபா⁴க³ங் ஜஹதீதி. சதுபா⁴க³ங் அரஹா, சதுபா⁴க³ங் ந அரஹா, சதுபா⁴க³ங் அரஹத்தப்பத்தோ படிலத்³தோ⁴ அதி⁴க³தோ ஸச்சி²கதோ உபஸம்பஜ்ஜ விஹரதி, காயேன பு²ஸித்வா விஹரதி, சதுபா⁴க³ங் ந காயேன பு²ஸித்வா விஹரதி, சதுபா⁴க³ங் வீதராகோ³…பே॰… வீததோ³ஸோ… வீதமோஹோ…பே॰… கதகரணீயோ ஓஹிதபா⁴ரோ அனுப்பத்தஸத³த்தோ² பரிக்கீ²ணப⁴வஸங்யோஜனோ ஸம்மத³ஞ்ஞாவிமுத்தோ உக்கி²த்தபலிகோ⁴ ஸங்கிண்ணபரிகோ² அப்³பூ³ள்ஹேஸிகோ நிரக்³க³ளோ அரியோ பன்னத்³த⁴ஜோ பன்னபா⁴ரோ விஸஞ்ஞுத்தோ ஸுவிஜிதவிஜயோ, து³க்க²ங் தஸ்ஸ பரிஞ்ஞாதங், ஸமுத³யோ பஹீனோ, நிரோதோ⁴ ஸச்சி²கதோ, மக்³கோ³ பா⁴விதோ, அபி⁴ஞ்ஞெய்யங் அபி⁴ஞ்ஞாதங், பரிஞ்ஞெய்யங் பரிஞ்ஞாதங், பஹாதப்³ப³ங் பஹீனங், பா⁴வேதப்³ப³ங் பா⁴விதங்…பே॰… ஸச்சி²காதப்³ப³ங் ஸச்சி²கதங், சதுபா⁴க³ங் ஸச்சி²காதப்³ப³ங் ந ஸச்சி²கதந்தி? ந ஹேவங் வத்தப்³பே³…பே॰….
343. Arahattasacchikiriyāya paṭipanno puggalo dukkhadassanena kiṃ jahatīti? Rūparāgaṃ, arūparāgaṃ, mānaṃ, uddhaccaṃ, avijjaṃ, tadekaṭṭhe ca kilese catubhāgaṃ jahatīti. Catubhāgaṃ arahā, catubhāgaṃ na arahā, catubhāgaṃ arahattappatto paṭiladdho adhigato sacchikato upasampajja viharati, kāyena phusitvā viharati, catubhāgaṃ na kāyena phusitvā viharati, catubhāgaṃ vītarāgo…pe… vītadoso… vītamoho…pe… katakaraṇīyo ohitabhāro anuppattasadattho parikkhīṇabhavasaṃyojano sammadaññāvimutto ukkhittapaligho saṅkiṇṇaparikho abbūḷhesiko niraggaḷo ariyo pannaddhajo pannabhāro visaññutto suvijitavijayo, dukkhaṃ tassa pariññātaṃ, samudayo pahīno, nirodho sacchikato, maggo bhāvito, abhiññeyyaṃ abhiññātaṃ, pariññeyyaṃ pariññātaṃ, pahātabbaṃ pahīnaṃ, bhāvetabbaṃ bhāvitaṃ…pe… sacchikātabbaṃ sacchikataṃ, catubhāgaṃ sacchikātabbaṃ na sacchikatanti? Na hevaṃ vattabbe…pe….
ஸமுத³யத³ஸ்ஸனேன … நிரோத⁴த³ஸ்ஸனேன… மக்³க³த³ஸ்ஸனேன கிங் ஜஹதீதி? ரூபராக³ங், அரூபராக³ங், மானங், உத்³த⁴ச்சங், அவிஜ்ஜங், ததே³கட்டே² ச கிலேஸே சதுபா⁴க³ங் ஜஹதீதி. சதுபா⁴க³ங் அரஹா, சதுபா⁴க³ங் ந அரஹா, சதுபா⁴க³ங் அரஹத்தப்பத்தோ படிலத்³தோ⁴ அதி⁴க³தோ ஸச்சி²கதோ உபஸம்பஜ்ஜ விஹரதி, காயேன பு²ஸித்வா விஹரதி, சதுபா⁴க³ங் ந காயேன பு²ஸித்வா விஹரதி, சதுபா⁴க³ங் வீதராகோ³… வீததோ³ஸோ… வீதமோஹோ… கதகரணீயோ ஓஹிதபா⁴ரோ அனுப்பத்தஸத³த்தோ² பரிக்கீ²ணப⁴வஸங்யோஜனோ ஸம்மத³ஞ்ஞாவிமுத்தோ உக்கி²த்தபலிகோ⁴ ஸங்கிண்ணபரிகோ² அப்³பூ³ள்ஹேஸிகோ நிரக்³க³ளோ அரியோ பன்னத்³த⁴ஜோ பன்னபா⁴ரோ விஸஞ்ஞுத்தோ ஸுவிஜிதவிஜயோ, து³க்க²ங் தஸ்ஸ பரிஞ்ஞாதங், ஸமுத³யோ பஹீனோ, நிரோதோ⁴ ஸச்சி²கதோ, மக்³கோ³ பா⁴விதோ, அபி⁴ஞ்ஞெய்யங் அபி⁴ஞ்ஞாதங், பரிஞ்ஞெய்யங் பரிஞ்ஞாதங், பஹாதப்³ப³ங் பஹீனங், பா⁴வேதப்³ப³ங் பா⁴விதங்…பே॰… ஸச்சி²காதப்³ப³ங் ஸச்சி²கதங், சதுபா⁴க³ங் ஸச்சி²காதப்³ப³ங் ந ஸச்சி²கதந்தி? ந ஹேவங் வத்தப்³பே³…பே॰….
Samudayadassanena … nirodhadassanena… maggadassanena kiṃ jahatīti? Rūparāgaṃ, arūparāgaṃ, mānaṃ, uddhaccaṃ, avijjaṃ, tadekaṭṭhe ca kilese catubhāgaṃ jahatīti. Catubhāgaṃ arahā, catubhāgaṃ na arahā, catubhāgaṃ arahattappatto paṭiladdho adhigato sacchikato upasampajja viharati, kāyena phusitvā viharati, catubhāgaṃ na kāyena phusitvā viharati, catubhāgaṃ vītarāgo… vītadoso… vītamoho… katakaraṇīyo ohitabhāro anuppattasadattho parikkhīṇabhavasaṃyojano sammadaññāvimutto ukkhittapaligho saṅkiṇṇaparikho abbūḷhesiko niraggaḷo ariyo pannaddhajo pannabhāro visaññutto suvijitavijayo, dukkhaṃ tassa pariññātaṃ, samudayo pahīno, nirodho sacchikato, maggo bhāvito, abhiññeyyaṃ abhiññātaṃ, pariññeyyaṃ pariññātaṃ, pahātabbaṃ pahīnaṃ, bhāvetabbaṃ bhāvitaṃ…pe… sacchikātabbaṃ sacchikataṃ, catubhāgaṃ sacchikātabbaṃ na sacchikatanti? Na hevaṃ vattabbe…pe….
344. ஸோதாபத்திப²லஸச்சி²கிரியாய படிபன்னோ புக்³க³லோ து³க்க²ங் த³க்க²ந்தோ படிபன்னகோதி வத்தப்³போ³தி? ஆமந்தா. து³க்கே² தி³ட்டே² ப²லே டி²தோதி வத்தப்³போ³தி? ந ஹேவங் வத்தப்³பே³. ஸமுத³யங் த³க்க²ந்தோ…பே॰… நிரோத⁴ங் த³க்க²ந்தோ படிபன்னகோதி வத்தப்³போ³தி? ஆமந்தா . நிரோதே⁴ தி³ட்டே² ப²லே டி²தோதி வத்தப்³போ³தி? ந ஹேவங் வத்தப்³பே³.
344. Sotāpattiphalasacchikiriyāya paṭipanno puggalo dukkhaṃ dakkhanto paṭipannakoti vattabboti? Āmantā. Dukkhe diṭṭhe phale ṭhitoti vattabboti? Na hevaṃ vattabbe. Samudayaṃ dakkhanto…pe… nirodhaṃ dakkhanto paṭipannakoti vattabboti? Āmantā . Nirodhe diṭṭhe phale ṭhitoti vattabboti? Na hevaṃ vattabbe.
ஸோதாபத்திப²லஸச்சி²கிரியாய படிபன்னோ புக்³க³லோ மக்³க³ங் த³க்க²ந்தோ படிபன்னகோதி வத்தப்³போ³, மக்³கே³ தி³ட்டே² ப²லே டி²தோதி வத்தப்³போ³தி? ஆமந்தா. து³க்க²ங் த³க்க²ந்தோ படிபன்னகோதி வத்தப்³போ³, து³க்கே² தி³ட்டே² ப²லே டி²தோதி வத்தப்³போ³தி? ந ஹேவங் வத்தப்³பே³…பே॰… மக்³க³ங் த³க்க²ந்தோ படிபன்னகோதி வத்தப்³போ³, மக்³கே³ தி³ட்டே² ப²லே டி²தோதி வத்தப்³போ³தி? ஆமந்தா. ஸமுத³யங் த³க்க²ந்தோ…பே॰… நிரோத⁴ங் த³க்க²ந்தோ படிபன்னகோதி வத்தப்³போ³, நிரோதே⁴ தி³ட்டே² ப²லே டி²தோதி வத்தப்³போ³தி? ந ஹேவங் வத்தப்³பே³…பே॰….
Sotāpattiphalasacchikiriyāya paṭipanno puggalo maggaṃ dakkhanto paṭipannakoti vattabbo, magge diṭṭhe phale ṭhitoti vattabboti? Āmantā. Dukkhaṃ dakkhanto paṭipannakoti vattabbo, dukkhe diṭṭhe phale ṭhitoti vattabboti? Na hevaṃ vattabbe…pe… maggaṃ dakkhanto paṭipannakoti vattabbo, magge diṭṭhe phale ṭhitoti vattabboti? Āmantā. Samudayaṃ dakkhanto…pe… nirodhaṃ dakkhanto paṭipannakoti vattabbo, nirodhe diṭṭhe phale ṭhitoti vattabboti? Na hevaṃ vattabbe…pe….
ஸோதாபத்திப²லஸச்சி²கிரியாய படிபன்னோ புக்³க³லோ து³க்க²ங் த³க்க²ந்தோ படிபன்னகோதி வத்தப்³போ³, து³க்கே² தி³ட்டே² ந வத்தப்³ப³ங் – ‘‘ப²லே டி²தோதி வத்தப்³போ³’’தி? ஆமந்தா. மக்³க³ங் த³க்க²ந்தோ படிபன்னகோதி வத்தப்³போ³, மக்³கே³ தி³ட்டே² ந வத்தப்³ப³ங் – ‘‘ப²லே டி²தோதி வத்தப்³போ³’’தி? ந ஹேவங் வத்தப்³பே³…பே॰… ஸமுத³யங் த³க்க²ந்தோ… நிரோத⁴ங் த³க்க²ந்தோ படிபன்னகோதி வத்தப்³போ³, நிரோதே⁴ தி³ட்டே² ந வத்தப்³ப³ங் – ‘‘ப²லே டி²தோதி வத்தப்³போ³’’தி? ஆமந்தா. மக்³க³ங் த³க்க²ந்தோ ‘‘படிபன்னகோ’’தி வத்தப்³போ³, மக்³கே³ தி³ட்டே² ந வத்தப்³ப³ங் – ‘‘ப²லே டி²தோதி வத்தப்³போ³’’தி? ந ஹேவங் வத்தப்³பே³…பே॰….
Sotāpattiphalasacchikiriyāya paṭipanno puggalo dukkhaṃ dakkhanto paṭipannakoti vattabbo, dukkhe diṭṭhe na vattabbaṃ – ‘‘phale ṭhitoti vattabbo’’ti? Āmantā. Maggaṃ dakkhanto paṭipannakoti vattabbo, magge diṭṭhe na vattabbaṃ – ‘‘phale ṭhitoti vattabbo’’ti? Na hevaṃ vattabbe…pe… samudayaṃ dakkhanto… nirodhaṃ dakkhanto paṭipannakoti vattabbo, nirodhe diṭṭhe na vattabbaṃ – ‘‘phale ṭhitoti vattabbo’’ti? Āmantā. Maggaṃ dakkhanto ‘‘paṭipannako’’ti vattabbo, magge diṭṭhe na vattabbaṃ – ‘‘phale ṭhitoti vattabbo’’ti? Na hevaṃ vattabbe…pe….
1 ஸோதாபத்திப²லஸச்சி²கிரியாய படிபன்னோ புக்³க³லோ து³க்க²ங் த³க்க²ந்தோ படிபன்னகோதி வத்தப்³போ³, து³க்கே² தி³ட்டே² ந வத்தப்³ப³ங் – ‘‘ப²லே டி²தோதி வத்தப்³போ³’’தி? ஆமந்தா. நிரத்தி²யங் து³க்க²த³ஸ்ஸனந்தி? ந ஹேவங் வத்தப்³பே³…பே॰… ஸமுத³யங் த³க்க²ந்தோ…பே॰… நிரோத⁴ங் த³க்க²ந்தோ படிபன்னகோதி வத்தப்³போ³, நிரோதே⁴ தி³ட்டே² ந வத்தப்³ப³ங் – ‘‘ப²லே டி²தோதி வத்தப்³போ³’’தி? ஆமந்தா. நிரத்தி²யங் நிரோத⁴த³ஸ்ஸனந்தி? ந ஹேவங் வத்தப்³பே³…பே॰….
2 Sotāpattiphalasacchikiriyāya paṭipanno puggalo dukkhaṃ dakkhanto paṭipannakoti vattabbo, dukkhe diṭṭhe na vattabbaṃ – ‘‘phale ṭhitoti vattabbo’’ti? Āmantā. Niratthiyaṃ dukkhadassananti? Na hevaṃ vattabbe…pe… samudayaṃ dakkhanto…pe… nirodhaṃ dakkhanto paṭipannakoti vattabbo, nirodhe diṭṭhe na vattabbaṃ – ‘‘phale ṭhitoti vattabbo’’ti? Āmantā. Niratthiyaṃ nirodhadassananti? Na hevaṃ vattabbe…pe….
345. 3 து³க்கே² தி³ட்டே² சத்தாரி ஸச்சானி தி³ட்டா²னி ஹொந்தீதி? ஆமந்தா. து³க்க²ஸச்சங் சத்தாரி ஸச்சானீதி? ந ஹேவங் வத்தப்³பே³…பே॰….
345. 4 Dukkhe diṭṭhe cattāri saccāni diṭṭhāni hontīti? Āmantā. Dukkhasaccaṃ cattāri saccānīti? Na hevaṃ vattabbe…pe….
5 ரூபக்க²ந்தே⁴ அனிச்சதோ தி³ட்டே² பஞ்சக்க²ந்தா⁴ அனிச்சதோ தி³ட்டா² ஹொந்தீதி? ஆமந்தா. ரூபக்க²ந்தோ⁴ பஞ்சக்க²ந்தா⁴தி? ந ஹேவங் வத்தப்³பே³…பே॰….
6 Rūpakkhandhe aniccato diṭṭhe pañcakkhandhā aniccato diṭṭhā hontīti? Āmantā. Rūpakkhandho pañcakkhandhāti? Na hevaṃ vattabbe…pe….
7 சக்கா²யதனே அனிச்சதோ தி³ட்டே² த்³வாத³ஸாயதனானி அனிச்சதோ தி³ட்டா²னி ஹொந்தீதி? ஆமந்தா. சக்கா²யதனங் த்³வாத³ஸாயதனானீதி? ந ஹேவங் வத்தப்³பே³…பே॰….
8 Cakkhāyatane aniccato diṭṭhe dvādasāyatanāni aniccato diṭṭhāni hontīti? Āmantā. Cakkhāyatanaṃ dvādasāyatanānīti? Na hevaṃ vattabbe…pe….
9 சக்கு²தா⁴துயா அனிச்சதோ தி³ட்டா²ய அட்டா²ரஸ தா⁴துயோ அனிச்சதோ தி³ட்டா² ஹொந்தீதி? ஆமந்தா. சக்கு²தா⁴து அட்டா²ரஸ தா⁴துயோதி? ந ஹேவங் வத்தப்³பே³…பே॰….
10 Cakkhudhātuyā aniccato diṭṭhāya aṭṭhārasa dhātuyo aniccato diṭṭhā hontīti? Āmantā. Cakkhudhātu aṭṭhārasa dhātuyoti? Na hevaṃ vattabbe…pe….
11 சக்கு²ந்த்³ரியே அனிச்சதோ தி³ட்டே² பா³வீஸதிந்த்³ரியானி அனிச்சதோ தி³ட்டா²னி ஹொந்தீதி? ஆமந்தா. சக்கு²ந்த்³ரியங் பா³வீஸதிந்த்³ரியானீதி? ந ஹேவங் வத்தப்³பே³…பே॰….
12 Cakkhundriye aniccato diṭṭhe bāvīsatindriyāni aniccato diṭṭhāni hontīti? Āmantā. Cakkhundriyaṃ bāvīsatindriyānīti? Na hevaṃ vattabbe…pe….
13 சதூஹி ஞாணேஹி ஸோதாபத்திப²லங் ஸச்சி²கரோதீதி? ஆமந்தா. சத்தாரி ஸோதாபத்திப²லானீதி? ந ஹேவங் வத்தப்³பே³…பே॰… அட்ட²ஹி ஞாணேஹி ஸோதாபத்திப²லங் ஸச்சி²கரோதீதி? ஆமந்தா . அட்ட² ஸோதாபத்திப²லானீதி? ந ஹேவங் வத்தப்³பே³…பே॰… த்³வாத³ஸஹி ஞாணேஹி ஸோதாபத்திப²லங் ஸச்சி²கரோதீதி? ஆமந்தா. த்³வாத³ஸ ஸோதாபத்திப²லானீதி? ந ஹேவங் வத்தப்³பே³…பே॰… சதுசத்தாரீஸாய ஞாணேஹி ஸோதாபத்திப²லங் ஸச்சி²கரோதீதி ? ஆமந்தா. சதுசத்தாரீஸங் ஸோதாபத்திப²லானீதி? ந ஹேவங் வத்தப்³பே³…பே॰… ஸத்தஸத்ததியா ஞாணேஹி ஸோதாபத்திப²லங் ஸச்சி²கரோதீதி? ஆமந்தா. ஸத்தஸத்ததி ஸோதாபத்திப²லானீதி? ந ஹேவங் வத்தப்³பே³…பே॰….
14 Catūhi ñāṇehi sotāpattiphalaṃ sacchikarotīti? Āmantā. Cattāri sotāpattiphalānīti? Na hevaṃ vattabbe…pe… aṭṭhahi ñāṇehi sotāpattiphalaṃ sacchikarotīti? Āmantā . Aṭṭha sotāpattiphalānīti? Na hevaṃ vattabbe…pe… dvādasahi ñāṇehi sotāpattiphalaṃ sacchikarotīti? Āmantā. Dvādasa sotāpattiphalānīti? Na hevaṃ vattabbe…pe… catucattārīsāya ñāṇehi sotāpattiphalaṃ sacchikarotīti ? Āmantā. Catucattārīsaṃ sotāpattiphalānīti? Na hevaṃ vattabbe…pe… sattasattatiyā ñāṇehi sotāpattiphalaṃ sacchikarotīti? Āmantā. Sattasattati sotāpattiphalānīti? Na hevaṃ vattabbe…pe….
346. ந வத்தப்³ப³ங் – ‘‘அனுபுப்³பா³பி⁴ஸமயோ’’தி? ஆமந்தா. நனு வுத்தங் ப⁴க³வதா – ‘‘ஸெய்யதா²பி, பி⁴க்க²வே, மஹாஸமுத்³தோ³ அனுபுப்³ப³னின்னோ அனுபுப்³ப³போணோ அனுபுப்³ப³பப்³பா⁴ரோ, ந ஆயதகேனேவ பபாதோ; ஏவமேவ கோ², பி⁴க்க²வே, இமஸ்மிங் த⁴ம்மவினயே அனுபுப்³ப³ஸிக்கா² அனுபுப்³ப³கிரியா அனுபுப்³ப³படிபதா³, ந ஆயதகேனேவ அஞ்ஞாபடிவேதோ⁴’’தி 15. அத்தே²வ ஸுத்தந்தோதி? ஆமந்தா. தேன ஹி அனுபுப்³பா³பி⁴ஸமயோதி.
346. Na vattabbaṃ – ‘‘anupubbābhisamayo’’ti? Āmantā. Nanu vuttaṃ bhagavatā – ‘‘seyyathāpi, bhikkhave, mahāsamuddo anupubbaninno anupubbapoṇo anupubbapabbhāro, na āyatakeneva papāto; evameva kho, bhikkhave, imasmiṃ dhammavinaye anupubbasikkhā anupubbakiriyā anupubbapaṭipadā, na āyatakeneva aññāpaṭivedho’’ti 16. Attheva suttantoti? Āmantā. Tena hi anupubbābhisamayoti.
ந வத்தப்³ப³ங் – ‘‘அனுபுப்³பா³பி⁴ஸமயோ’’தி? ஆமந்தா. நனு வுத்தங் ப⁴க³வதா –
Na vattabbaṃ – ‘‘anupubbābhisamayo’’ti? Āmantā. Nanu vuttaṃ bhagavatā –
‘‘அனுபுப்³பே³ன மேதா⁴வீ, தோ²கங் தோ²கங் க²ணே க²ணே;
‘‘Anupubbena medhāvī, thokaṃ thokaṃ khaṇe khaṇe;
அத்தே²வ ஸுத்தந்தோதி? ஆமந்தா. தேன ஹி அனுபுப்³பா³பி⁴ஸமயோதி.
Attheva suttantoti? Āmantā. Tena hi anupubbābhisamayoti.
அனுபுப்³பா³பி⁴ஸமயோதி ? ஆமந்தா. நன்வாயஸ்மா க³வம்பதி தே²ரோ பி⁴க்கூ² ஏதத³வோச – ‘‘ஸம்முகா² மேதங், ஆவுஸோ, ப⁴க³வதோ ஸுதங் ஸம்முகா² படிக்³க³ஹிதங் – ‘யோ, பி⁴க்க²வே, து³க்க²ங் பஸ்ஸதி து³க்க²ஸமுத³யம்பி ஸோ பஸ்ஸதி, து³க்க²னிரோத⁴ம்பி பஸ்ஸதி, து³க்க²னிரோத⁴கா³மினிங் படிபத³ம்பி பஸ்ஸதி; யோ து³க்க²ஸமுத³யங் பஸ்ஸதி து³க்க²ம்பி ஸோ பஸ்ஸதி, து³க்க²னிரோத⁴ம்பி பஸ்ஸதி, து³க்க²னிரோத⁴கா³மினிங் படிபத³ம்பி பஸ்ஸதி; யோ து³க்க²னிரோத⁴ங் பஸ்ஸதி து³க்க²ம்பி ஸோ பஸ்ஸதி, து³க்க²ஸமுத³யம்பி பஸ்ஸதி, து³க்க²னிரோத⁴கா³மினிங் படிபத³ம்பி பஸ்ஸதி; யோ து³க்க²னிரோத⁴கா³மினிங் படிபத³ங் பஸ்ஸதி து³க்க²ம்பி ஸோ பஸ்ஸதி, து³க்க²ஸமுத³யம்பி பஸ்ஸதி, து³க்க²னிரோத⁴ம்பி பஸ்ஸதீ’’’தி 19! அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ங் – ‘‘அனுபுப்³பா³பி⁴ஸமயோ’’தி.
Anupubbābhisamayoti ? Āmantā. Nanvāyasmā gavampati thero bhikkhū etadavoca – ‘‘sammukhā metaṃ, āvuso, bhagavato sutaṃ sammukhā paṭiggahitaṃ – ‘yo, bhikkhave, dukkhaṃ passati dukkhasamudayampi so passati, dukkhanirodhampi passati, dukkhanirodhagāminiṃ paṭipadampi passati; yo dukkhasamudayaṃ passati dukkhampi so passati, dukkhanirodhampi passati, dukkhanirodhagāminiṃ paṭipadampi passati; yo dukkhanirodhaṃ passati dukkhampi so passati, dukkhasamudayampi passati, dukkhanirodhagāminiṃ paṭipadampi passati; yo dukkhanirodhagāminiṃ paṭipadaṃ passati dukkhampi so passati, dukkhasamudayampi passati, dukkhanirodhampi passatī’’’ti 20! Attheva suttantoti? Āmantā. Tena hi na vattabbaṃ – ‘‘anupubbābhisamayo’’ti.
அனுபுப்³பா³பி⁴ஸமயோதி ? ஆமந்தா. நனு வுத்தங் ப⁴க³வதா –
Anupubbābhisamayoti ? Āmantā. Nanu vuttaṃ bhagavatā –
‘‘ஸஹாவஸ்ஸ த³ஸ்ஸனஸம்பதா³ய,
‘‘Sahāvassa dassanasampadāya,
தயஸ்ஸு த⁴ம்மா ஜஹிதா ப⁴வந்தி;
Tayassu dhammā jahitā bhavanti;
ஸக்காயதி³ட்டீ² விசிகிச்சி²தஞ்ச,
Sakkāyadiṭṭhī vicikicchitañca,
ஸீலப்³ப³தங் வாபி யத³த்தி² கிஞ்சி;
Sīlabbataṃ vāpi yadatthi kiñci;
சதூஹபாயேஹி ச விப்பமுத்தோ,
Catūhapāyehi ca vippamutto,
ச²ச்சாபி⁴டா²னானி அப⁴ப்³ப³ காது’’ந்தி.
Chaccābhiṭhānāni abhabba kātu’’nti.
அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ங் – ‘‘அனுபுப்³பா³பி⁴ஸமயோ’’தி.
Attheva suttantoti? Āmantā. Tena hi na vattabbaṃ – ‘‘anupubbābhisamayo’’ti.
அனுபுப்³பா³பி⁴ஸமயோதி? ஆமந்தா. நனு வுத்தங் ப⁴க³வதா – ‘‘யஸ்மிங், பி⁴க்க²வே, ஸமயே அரியஸாவகஸ்ஸ விரஜங் வீதமலங் த⁴ம்மசக்கு²ங் உத³பாதி³ – ‘யங் கிஞ்சி ஸமுத³யத⁴ம்மங் ஸப்³ப³ங் தங் நிரோத⁴த⁴ம்ம’ந்தி, ஸஹ த³ஸ்ஸனுப்பாதா³, பி⁴க்க²வே, அரியஸாவகஸ்ஸ தீணி ஸங்யோஜனானி பஹீயந்தி – ஸக்காயதி³ட்டி², விசிகிச்சா², ஸீலப்³ப³தபராமாஸோ’’தி! அத்தே²வ ஸுத்தந்தோதி? ஆமந்தா. தேன ஹி ந வத்தப்³ப³ங் – ‘‘அனுபுப்³பா³பி⁴ஸமயோ’’தி.
Anupubbābhisamayoti? Āmantā. Nanu vuttaṃ bhagavatā – ‘‘yasmiṃ, bhikkhave, samaye ariyasāvakassa virajaṃ vītamalaṃ dhammacakkhuṃ udapādi – ‘yaṃ kiñci samudayadhammaṃ sabbaṃ taṃ nirodhadhamma’nti, saha dassanuppādā, bhikkhave, ariyasāvakassa tīṇi saṃyojanāni pahīyanti – sakkāyadiṭṭhi, vicikicchā, sīlabbataparāmāso’’ti! Attheva suttantoti? Āmantā. Tena hi na vattabbaṃ – ‘‘anupubbābhisamayo’’ti.
அனுபுப்³பா³பி⁴ஸமயகதா² நிட்டி²தா.
Anupubbābhisamayakathā niṭṭhitā.
Footnotes:
Related texts:
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 9. அனுபுப்³பா³பி⁴ஸமயகதா²வண்ணனா • 9. Anupubbābhisamayakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 9. அனுபுப்³பா³பி⁴ஸமயகதா²வண்ணனா • 9. Anupubbābhisamayakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 9. அனுபுப்³பா³பி⁴ஸமயகதா²வண்ணனா • 9. Anupubbābhisamayakathāvaṇṇanā
