| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
২. দুতিযৰগ্গো
2. Dutiyavaggo
(১৮) ৯. অনুপুব্বাভিসমযকথা
(18) 9. Anupubbābhisamayakathā
৩৩৯. অনুপুব্বাভিসমযোতি ? আমন্তা। অনুপুব্বেন সোতাপত্তিমগ্গং ভাৰেতীতি? ন হেৰং ৰত্তব্বে। অনুপুব্বেন সোতাপত্তিমগ্গং ভাৰেতীতি? আমন্তা। অনুপুব্বেন সোতাপত্তিফলং সচ্ছিকরোতীতি? ন হেৰং ৰত্তব্বে।
339. Anupubbābhisamayoti ? Āmantā. Anupubbena sotāpattimaggaṃ bhāvetīti? Na hevaṃ vattabbe. Anupubbena sotāpattimaggaṃ bhāvetīti? Āmantā. Anupubbena sotāpattiphalaṃ sacchikarotīti? Na hevaṃ vattabbe.
অনুপুব্বাভিসমযোতি? আমন্তা। অনুপুব্বেন সকদাগামিমগ্গং ভাৰেতীতি? ন হেৰং ৰত্তব্বে। অনুপুব্বেন সকদাগামিমগ্গং ভাৰেতীতি? আমন্তা। অনুপুব্বেন সকদাগামিফলং সচ্ছিকরোতীতি? ন হেৰং ৰত্তব্বে।
Anupubbābhisamayoti? Āmantā. Anupubbena sakadāgāmimaggaṃ bhāvetīti? Na hevaṃ vattabbe. Anupubbena sakadāgāmimaggaṃ bhāvetīti? Āmantā. Anupubbena sakadāgāmiphalaṃ sacchikarotīti? Na hevaṃ vattabbe.
অনুপুব্বাভিসমযোতি? আমন্তা। অনুপুব্বেন অনাগামিমগ্গং ভাৰেতীতি? ন হেৰং ৰত্তব্বে। অনুপুব্বেন অনাগামিমগ্গং ভাৰেতীতি? আমন্তা। অনুপুব্বেন অনাগামিফলং সচ্ছিকরোতীতি? ন হেৰং ৰত্তব্বে।
Anupubbābhisamayoti? Āmantā. Anupubbena anāgāmimaggaṃ bhāvetīti? Na hevaṃ vattabbe. Anupubbena anāgāmimaggaṃ bhāvetīti? Āmantā. Anupubbena anāgāmiphalaṃ sacchikarotīti? Na hevaṃ vattabbe.
অনুপুব্বাভিসমযোতি ? আমন্তা। অনুপুব্বেন অরহত্তমগ্গং ভাৰেতীতি? ন হেৰং ৰত্তব্বে। অনুপুব্বেন অরহত্তমগ্গং ভাৰেতীতি? আমন্তা। অনুপুব্বেন অরহত্তফলং সচ্ছিকরোতীতি? ন হেৰং ৰত্তব্বে।
Anupubbābhisamayoti ? Āmantā. Anupubbena arahattamaggaṃ bhāvetīti? Na hevaṃ vattabbe. Anupubbena arahattamaggaṃ bhāvetīti? Āmantā. Anupubbena arahattaphalaṃ sacchikarotīti? Na hevaṃ vattabbe.
৩৪০. সোতাপত্তিফলসচ্ছিকিরিযায পটিপন্নো পুগ্গলো দুক্খদস্সনেন কিং জহতীতি? সক্কাযদিট্ঠিং, ৰিচিকিচ্ছং, সীলব্বতপরামাসং, তদেকট্ঠে চ কিলেসে চতুভাগং জহতীতি। চতুভাগং সোতাপন্নো, চতুভাগং ন সোতাপন্নো, চতুভাগং সোতাপত্তিফলপ্পত্তো পটিলদ্ধো অধিগতো সচ্ছিকতো উপসম্পজ্জ ৰিহরতি, কাযেন ফুসিত্ৰা ৰিহরতি, চতুভাগং ন কাযেন ফুসিত্ৰা ৰিহরতি, চতুভাগং সত্তক্খত্তুপরমো কোলঙ্কোলো একবীজী বুদ্ধে অৰেচ্চপ্পসাদেন সমন্নাগতো, ধম্মে…পে॰… সঙ্ঘে…পে॰… অরিযকন্তেহি সীলেহি সমন্নাগতো চতুভাগং ন অরিযকন্তেহি সীলেহি সমন্নাগতোতি? ন হেৰং ৰত্তব্বে।
340. Sotāpattiphalasacchikiriyāya paṭipanno puggalo dukkhadassanena kiṃ jahatīti? Sakkāyadiṭṭhiṃ, vicikicchaṃ, sīlabbataparāmāsaṃ, tadekaṭṭhe ca kilese catubhāgaṃ jahatīti. Catubhāgaṃ sotāpanno, catubhāgaṃ na sotāpanno, catubhāgaṃ sotāpattiphalappatto paṭiladdho adhigato sacchikato upasampajja viharati, kāyena phusitvā viharati, catubhāgaṃ na kāyena phusitvā viharati, catubhāgaṃ sattakkhattuparamo kolaṅkolo ekabījī buddhe aveccappasādena samannāgato, dhamme…pe… saṅghe…pe… ariyakantehi sīlehi samannāgato catubhāgaṃ na ariyakantehi sīlehi samannāgatoti? Na hevaṃ vattabbe.
সমুদযদস্সনেন…পে॰… নিরোধদস্সনেন…পে॰… মগ্গদস্সনেন কিং জহতীতি? সক্কাযদিট্ঠিং, ৰিচিকিচ্ছং, সীলব্বতপরামাসং, তদেকট্ঠে চ কিলেসে চতুভাগং জহতীতি। চতুভাগং সোতাপন্নো, চতুভাগং ন সোতাপন্নো, চতুভাগং সোতাপত্তিফলপ্পত্তো পটিলদ্ধো অধিগতো সচ্ছিকতো উপসম্পজ্জ ৰিহরতি, কাযেন ফুসিত্ৰা ৰিহরতি, চতুভাগং ন কাযেন ফুসিত্ৰা ৰিহরতি, চতুভাগং সত্তক্খত্তুপরমো কোলঙ্কোলো একবীজী বুদ্ধে অৰেচ্চপ্পসাদেন সমন্নাগতো, ধম্মে…পে॰… সঙ্ঘে…পে॰… অরিযকন্তেহি সীলেহি সমন্নাগতো, চতুভাগং ন অরিযকন্তেহি সীলেহি সমন্নাগতোতি? ন হেৰং ৰত্তব্বে…পে॰…।
Samudayadassanena…pe… nirodhadassanena…pe… maggadassanena kiṃ jahatīti? Sakkāyadiṭṭhiṃ, vicikicchaṃ, sīlabbataparāmāsaṃ, tadekaṭṭhe ca kilese catubhāgaṃ jahatīti. Catubhāgaṃ sotāpanno, catubhāgaṃ na sotāpanno, catubhāgaṃ sotāpattiphalappatto paṭiladdho adhigato sacchikato upasampajja viharati, kāyena phusitvā viharati, catubhāgaṃ na kāyena phusitvā viharati, catubhāgaṃ sattakkhattuparamo kolaṅkolo ekabījī buddhe aveccappasādena samannāgato, dhamme…pe… saṅghe…pe… ariyakantehi sīlehi samannāgato, catubhāgaṃ na ariyakantehi sīlehi samannāgatoti? Na hevaṃ vattabbe…pe….
৩৪১. সকদাগামিফলসচ্ছিকিরিযায পটিপন্নো পুগ্গলো দুক্খদস্সনেন কিং জহতীতি? ওল়ারিকং কামরাগং, ওল়ারিকং ব্যাপাদং, তদেকট্ঠে চ কিলেসে চতুভাগং জহতীতি। চতুভাগং সকদাগামী, চতুভাগং ন সকদাগামী, চতুভাগং সকদাগামিফলপ্পত্তো পটিলদ্ধো অধিগতো সচ্ছিকতো উপসম্পজ্জ ৰিহরতি, কাযেন ফুসিত্ৰা ৰিহরতি, চতুভাগং ন কাযেন ফুসিত্ৰা ৰিহরতীতি? ন হেৰং ৰত্তব্বে…পে॰… সমুদযদস্সনেন…পে॰… নিরোধদস্সনেন…পে॰… মগ্গদস্সনেন কিং জহতীতি? ওল়ারিকং কামরাগং, ওল়ারিকং ব্যাপাদং, তদেকট্ঠে চ কিলেসে চতুভাগং জহতীতি। চতুভাগং সকদাগামী, চতুভাগং ন সকদাগামী, চতুভাগং সকদাগামিফলপ্পত্তো পটিলদ্ধো অধিগতো সচ্ছিকতো উপসম্পজ্জ ৰিহরতি , কাযেন ফুসিত্ৰা ৰিহরতি, চতুভাগং ন কাযেন ফুসিত্ৰা ৰিহরতীতি? ন হেৰং ৰত্তব্বে…পে॰…।
341. Sakadāgāmiphalasacchikiriyāya paṭipanno puggalo dukkhadassanena kiṃ jahatīti? Oḷārikaṃ kāmarāgaṃ, oḷārikaṃ byāpādaṃ, tadekaṭṭhe ca kilese catubhāgaṃ jahatīti. Catubhāgaṃ sakadāgāmī, catubhāgaṃ na sakadāgāmī, catubhāgaṃ sakadāgāmiphalappatto paṭiladdho adhigato sacchikato upasampajja viharati, kāyena phusitvā viharati, catubhāgaṃ na kāyena phusitvā viharatīti? Na hevaṃ vattabbe…pe… samudayadassanena…pe… nirodhadassanena…pe… maggadassanena kiṃ jahatīti? Oḷārikaṃ kāmarāgaṃ, oḷārikaṃ byāpādaṃ, tadekaṭṭhe ca kilese catubhāgaṃ jahatīti. Catubhāgaṃ sakadāgāmī, catubhāgaṃ na sakadāgāmī, catubhāgaṃ sakadāgāmiphalappatto paṭiladdho adhigato sacchikato upasampajja viharati , kāyena phusitvā viharati, catubhāgaṃ na kāyena phusitvā viharatīti? Na hevaṃ vattabbe…pe….
৩৪২. অনাগামিফলসচ্ছিকিরিযায পটিপন্নো পুগ্গলো দুক্খদস্সনেন কিং জহতীতি? অণুসহগতং কামরাগং, অণুসহগতং ব্যাপাদং, তদেকট্ঠে চ কিলেসে চতুভাগং জহতীতি। চতুভাগং অনাগামী, চতুভাগং ন অনাগামী, চতুভাগং অনাগামিফলপ্পত্তো পটিলদ্ধো অধিগতো সচ্ছিকতো উপসম্পজ্জ ৰিহরতি, কাযেন ফুসিত্ৰা ৰিহরতি, চতুভাগং ন কাযেন ফুসিত্ৰা ৰিহরতি, চতুভাগং অন্তরাপরিনিব্বাযী…পে॰… উপহচ্চপরিনিব্বাযী… অসঙ্খারপরিনিব্বাযী… সসঙ্খারপরিনিব্বাযী… উদ্ধংসোতো অকনিট্ঠগামী, চতুভাগং ন উদ্ধংসোতো ন অকনিট্ঠগামীতি? ন হেৰং ৰত্তব্বে…পে॰…।
342. Anāgāmiphalasacchikiriyāya paṭipanno puggalo dukkhadassanena kiṃ jahatīti? Aṇusahagataṃ kāmarāgaṃ, aṇusahagataṃ byāpādaṃ, tadekaṭṭhe ca kilese catubhāgaṃ jahatīti. Catubhāgaṃ anāgāmī, catubhāgaṃ na anāgāmī, catubhāgaṃ anāgāmiphalappatto paṭiladdho adhigato sacchikato upasampajja viharati, kāyena phusitvā viharati, catubhāgaṃ na kāyena phusitvā viharati, catubhāgaṃ antarāparinibbāyī…pe… upahaccaparinibbāyī… asaṅkhāraparinibbāyī… sasaṅkhāraparinibbāyī… uddhaṃsoto akaniṭṭhagāmī, catubhāgaṃ na uddhaṃsoto na akaniṭṭhagāmīti? Na hevaṃ vattabbe…pe….
সমুদযদস্সনেন…পে॰… নিরোধদস্সনেন…পে॰… মগ্গদস্সনেন কিং জহতীতি? অণুসহগতং কামরাগং, অণুসহগতং ব্যাপাদং, তদেকট্ঠে চ কিলেসে চতুভাগং জহতীতি। চতুভাগং অনাগামী, চতুভাগং ন অনাগামী, চতুভাগং অনাগামিফলপ্পত্তো পটিলদ্ধো অধিগতো সচ্ছিকতো উপসম্পজ্জ ৰিহরতি, কাযেন ফুসিত্ৰা ৰিহরতি, চতুভাগং ন কাযেন ফুসিত্ৰা ৰিহরতি, চতুভাগং অন্তরাপরিনিব্বাযী…পে॰… উপহচ্চপরিনিব্বাযী… অসঙ্খারপরিনিব্বাযী… সসঙ্খারপরিনিব্বাযী… উদ্ধংসোতো অকনিট্ঠগামী, চতুভাগং ন উদ্ধংসোতো অকনিট্ঠগামীতি? ন হেৰং ৰত্তব্বে…পে॰…।
Samudayadassanena…pe… nirodhadassanena…pe… maggadassanena kiṃ jahatīti? Aṇusahagataṃ kāmarāgaṃ, aṇusahagataṃ byāpādaṃ, tadekaṭṭhe ca kilese catubhāgaṃ jahatīti. Catubhāgaṃ anāgāmī, catubhāgaṃ na anāgāmī, catubhāgaṃ anāgāmiphalappatto paṭiladdho adhigato sacchikato upasampajja viharati, kāyena phusitvā viharati, catubhāgaṃ na kāyena phusitvā viharati, catubhāgaṃ antarāparinibbāyī…pe… upahaccaparinibbāyī… asaṅkhāraparinibbāyī… sasaṅkhāraparinibbāyī… uddhaṃsoto akaniṭṭhagāmī, catubhāgaṃ na uddhaṃsoto akaniṭṭhagāmīti? Na hevaṃ vattabbe…pe….
৩৪৩. অরহত্তসচ্ছিকিরিযায পটিপন্নো পুগ্গলো দুক্খদস্সনেন কিং জহতীতি? রূপরাগং, অরূপরাগং, মানং, উদ্ধচ্চং, অৰিজ্জং, তদেকট্ঠে চ কিলেসে চতুভাগং জহতীতি। চতুভাগং অরহা, চতুভাগং ন অরহা, চতুভাগং অরহত্তপ্পত্তো পটিলদ্ধো অধিগতো সচ্ছিকতো উপসম্পজ্জ ৰিহরতি, কাযেন ফুসিত্ৰা ৰিহরতি, চতুভাগং ন কাযেন ফুসিত্ৰা ৰিহরতি, চতুভাগং ৰীতরাগো…পে॰… ৰীতদোসো… ৰীতমোহো…পে॰… কতকরণীযো ওহিতভারো অনুপ্পত্তসদত্থো পরিক্খীণভৰসংযোজনো সম্মদঞ্ঞাৰিমুত্তো উক্খিত্তপলিঘো সঙ্কিণ্ণপরিখো অব্বূল়্হেসিকো নিরগ্গল়ো অরিযো পন্নদ্ধজো পন্নভারো ৰিসঞ্ঞুত্তো সুৰিজিতৰিজযো, দুক্খং তস্স পরিঞ্ঞাতং, সমুদযো পহীনো, নিরোধো সচ্ছিকতো, মগ্গো ভাৰিতো, অভিঞ্ঞেয্যং অভিঞ্ঞাতং, পরিঞ্ঞেয্যং পরিঞ্ঞাতং, পহাতব্বং পহীনং, ভাৰেতব্বং ভাৰিতং…পে॰… সচ্ছিকাতব্বং সচ্ছিকতং, চতুভাগং সচ্ছিকাতব্বং ন সচ্ছিকতন্তি? ন হেৰং ৰত্তব্বে…পে॰…।
343. Arahattasacchikiriyāya paṭipanno puggalo dukkhadassanena kiṃ jahatīti? Rūparāgaṃ, arūparāgaṃ, mānaṃ, uddhaccaṃ, avijjaṃ, tadekaṭṭhe ca kilese catubhāgaṃ jahatīti. Catubhāgaṃ arahā, catubhāgaṃ na arahā, catubhāgaṃ arahattappatto paṭiladdho adhigato sacchikato upasampajja viharati, kāyena phusitvā viharati, catubhāgaṃ na kāyena phusitvā viharati, catubhāgaṃ vītarāgo…pe… vītadoso… vītamoho…pe… katakaraṇīyo ohitabhāro anuppattasadattho parikkhīṇabhavasaṃyojano sammadaññāvimutto ukkhittapaligho saṅkiṇṇaparikho abbūḷhesiko niraggaḷo ariyo pannaddhajo pannabhāro visaññutto suvijitavijayo, dukkhaṃ tassa pariññātaṃ, samudayo pahīno, nirodho sacchikato, maggo bhāvito, abhiññeyyaṃ abhiññātaṃ, pariññeyyaṃ pariññātaṃ, pahātabbaṃ pahīnaṃ, bhāvetabbaṃ bhāvitaṃ…pe… sacchikātabbaṃ sacchikataṃ, catubhāgaṃ sacchikātabbaṃ na sacchikatanti? Na hevaṃ vattabbe…pe….
সমুদযদস্সনেন … নিরোধদস্সনেন… মগ্গদস্সনেন কিং জহতীতি? রূপরাগং, অরূপরাগং, মানং, উদ্ধচ্চং, অৰিজ্জং, তদেকট্ঠে চ কিলেসে চতুভাগং জহতীতি। চতুভাগং অরহা, চতুভাগং ন অরহা, চতুভাগং অরহত্তপ্পত্তো পটিলদ্ধো অধিগতো সচ্ছিকতো উপসম্পজ্জ ৰিহরতি, কাযেন ফুসিত্ৰা ৰিহরতি, চতুভাগং ন কাযেন ফুসিত্ৰা ৰিহরতি, চতুভাগং ৰীতরাগো… ৰীতদোসো… ৰীতমোহো… কতকরণীযো ওহিতভারো অনুপ্পত্তসদত্থো পরিক্খীণভৰসংযোজনো সম্মদঞ্ঞাৰিমুত্তো উক্খিত্তপলিঘো সঙ্কিণ্ণপরিখো অব্বূল়্হেসিকো নিরগ্গল়ো অরিযো পন্নদ্ধজো পন্নভারো ৰিসঞ্ঞুত্তো সুৰিজিতৰিজযো, দুক্খং তস্স পরিঞ্ঞাতং, সমুদযো পহীনো, নিরোধো সচ্ছিকতো, মগ্গো ভাৰিতো, অভিঞ্ঞেয্যং অভিঞ্ঞাতং, পরিঞ্ঞেয্যং পরিঞ্ঞাতং, পহাতব্বং পহীনং, ভাৰেতব্বং ভাৰিতং…পে॰… সচ্ছিকাতব্বং সচ্ছিকতং, চতুভাগং সচ্ছিকাতব্বং ন সচ্ছিকতন্তি? ন হেৰং ৰত্তব্বে…পে॰…।
Samudayadassanena … nirodhadassanena… maggadassanena kiṃ jahatīti? Rūparāgaṃ, arūparāgaṃ, mānaṃ, uddhaccaṃ, avijjaṃ, tadekaṭṭhe ca kilese catubhāgaṃ jahatīti. Catubhāgaṃ arahā, catubhāgaṃ na arahā, catubhāgaṃ arahattappatto paṭiladdho adhigato sacchikato upasampajja viharati, kāyena phusitvā viharati, catubhāgaṃ na kāyena phusitvā viharati, catubhāgaṃ vītarāgo… vītadoso… vītamoho… katakaraṇīyo ohitabhāro anuppattasadattho parikkhīṇabhavasaṃyojano sammadaññāvimutto ukkhittapaligho saṅkiṇṇaparikho abbūḷhesiko niraggaḷo ariyo pannaddhajo pannabhāro visaññutto suvijitavijayo, dukkhaṃ tassa pariññātaṃ, samudayo pahīno, nirodho sacchikato, maggo bhāvito, abhiññeyyaṃ abhiññātaṃ, pariññeyyaṃ pariññātaṃ, pahātabbaṃ pahīnaṃ, bhāvetabbaṃ bhāvitaṃ…pe… sacchikātabbaṃ sacchikataṃ, catubhāgaṃ sacchikātabbaṃ na sacchikatanti? Na hevaṃ vattabbe…pe….
৩৪৪. সোতাপত্তিফলসচ্ছিকিরিযায পটিপন্নো পুগ্গলো দুক্খং দক্খন্তো পটিপন্নকোতি ৰত্তব্বোতি? আমন্তা। দুক্খে দিট্ঠে ফলে ঠিতোতি ৰত্তব্বোতি? ন হেৰং ৰত্তব্বে। সমুদযং দক্খন্তো…পে॰… নিরোধং দক্খন্তো পটিপন্নকোতি ৰত্তব্বোতি? আমন্তা । নিরোধে দিট্ঠে ফলে ঠিতোতি ৰত্তব্বোতি? ন হেৰং ৰত্তব্বে।
344. Sotāpattiphalasacchikiriyāya paṭipanno puggalo dukkhaṃ dakkhanto paṭipannakoti vattabboti? Āmantā. Dukkhe diṭṭhe phale ṭhitoti vattabboti? Na hevaṃ vattabbe. Samudayaṃ dakkhanto…pe… nirodhaṃ dakkhanto paṭipannakoti vattabboti? Āmantā . Nirodhe diṭṭhe phale ṭhitoti vattabboti? Na hevaṃ vattabbe.
সোতাপত্তিফলসচ্ছিকিরিযায পটিপন্নো পুগ্গলো মগ্গং দক্খন্তো পটিপন্নকোতি ৰত্তব্বো, মগ্গে দিট্ঠে ফলে ঠিতোতি ৰত্তব্বোতি? আমন্তা। দুক্খং দক্খন্তো পটিপন্নকোতি ৰত্তব্বো, দুক্খে দিট্ঠে ফলে ঠিতোতি ৰত্তব্বোতি? ন হেৰং ৰত্তব্বে…পে॰… মগ্গং দক্খন্তো পটিপন্নকোতি ৰত্তব্বো, মগ্গে দিট্ঠে ফলে ঠিতোতি ৰত্তব্বোতি? আমন্তা। সমুদযং দক্খন্তো…পে॰… নিরোধং দক্খন্তো পটিপন্নকোতি ৰত্তব্বো, নিরোধে দিট্ঠে ফলে ঠিতোতি ৰত্তব্বোতি? ন হেৰং ৰত্তব্বে…পে॰…।
Sotāpattiphalasacchikiriyāya paṭipanno puggalo maggaṃ dakkhanto paṭipannakoti vattabbo, magge diṭṭhe phale ṭhitoti vattabboti? Āmantā. Dukkhaṃ dakkhanto paṭipannakoti vattabbo, dukkhe diṭṭhe phale ṭhitoti vattabboti? Na hevaṃ vattabbe…pe… maggaṃ dakkhanto paṭipannakoti vattabbo, magge diṭṭhe phale ṭhitoti vattabboti? Āmantā. Samudayaṃ dakkhanto…pe… nirodhaṃ dakkhanto paṭipannakoti vattabbo, nirodhe diṭṭhe phale ṭhitoti vattabboti? Na hevaṃ vattabbe…pe….
সোতাপত্তিফলসচ্ছিকিরিযায পটিপন্নো পুগ্গলো দুক্খং দক্খন্তো পটিপন্নকোতি ৰত্তব্বো, দুক্খে দিট্ঠে ন ৰত্তব্বং – ‘‘ফলে ঠিতোতি ৰত্তব্বো’’তি? আমন্তা। মগ্গং দক্খন্তো পটিপন্নকোতি ৰত্তব্বো, মগ্গে দিট্ঠে ন ৰত্তব্বং – ‘‘ফলে ঠিতোতি ৰত্তব্বো’’তি? ন হেৰং ৰত্তব্বে…পে॰… সমুদযং দক্খন্তো… নিরোধং দক্খন্তো পটিপন্নকোতি ৰত্তব্বো, নিরোধে দিট্ঠে ন ৰত্তব্বং – ‘‘ফলে ঠিতোতি ৰত্তব্বো’’তি? আমন্তা। মগ্গং দক্খন্তো ‘‘পটিপন্নকো’’তি ৰত্তব্বো, মগ্গে দিট্ঠে ন ৰত্তব্বং – ‘‘ফলে ঠিতোতি ৰত্তব্বো’’তি? ন হেৰং ৰত্তব্বে…পে॰…।
Sotāpattiphalasacchikiriyāya paṭipanno puggalo dukkhaṃ dakkhanto paṭipannakoti vattabbo, dukkhe diṭṭhe na vattabbaṃ – ‘‘phale ṭhitoti vattabbo’’ti? Āmantā. Maggaṃ dakkhanto paṭipannakoti vattabbo, magge diṭṭhe na vattabbaṃ – ‘‘phale ṭhitoti vattabbo’’ti? Na hevaṃ vattabbe…pe… samudayaṃ dakkhanto… nirodhaṃ dakkhanto paṭipannakoti vattabbo, nirodhe diṭṭhe na vattabbaṃ – ‘‘phale ṭhitoti vattabbo’’ti? Āmantā. Maggaṃ dakkhanto ‘‘paṭipannako’’ti vattabbo, magge diṭṭhe na vattabbaṃ – ‘‘phale ṭhitoti vattabbo’’ti? Na hevaṃ vattabbe…pe….
1 সোতাপত্তিফলসচ্ছিকিরিযায পটিপন্নো পুগ্গলো দুক্খং দক্খন্তো পটিপন্নকোতি ৰত্তব্বো, দুক্খে দিট্ঠে ন ৰত্তব্বং – ‘‘ফলে ঠিতোতি ৰত্তব্বো’’তি? আমন্তা। নিরত্থিযং দুক্খদস্সনন্তি? ন হেৰং ৰত্তব্বে…পে॰… সমুদযং দক্খন্তো…পে॰… নিরোধং দক্খন্তো পটিপন্নকোতি ৰত্তব্বো, নিরোধে দিট্ঠে ন ৰত্তব্বং – ‘‘ফলে ঠিতোতি ৰত্তব্বো’’তি? আমন্তা। নিরত্থিযং নিরোধদস্সনন্তি? ন হেৰং ৰত্তব্বে…পে॰…।
2 Sotāpattiphalasacchikiriyāya paṭipanno puggalo dukkhaṃ dakkhanto paṭipannakoti vattabbo, dukkhe diṭṭhe na vattabbaṃ – ‘‘phale ṭhitoti vattabbo’’ti? Āmantā. Niratthiyaṃ dukkhadassananti? Na hevaṃ vattabbe…pe… samudayaṃ dakkhanto…pe… nirodhaṃ dakkhanto paṭipannakoti vattabbo, nirodhe diṭṭhe na vattabbaṃ – ‘‘phale ṭhitoti vattabbo’’ti? Āmantā. Niratthiyaṃ nirodhadassananti? Na hevaṃ vattabbe…pe….
৩৪৫. 3 দুক্খে দিট্ঠে চত্তারি সচ্চানি দিট্ঠানি হোন্তীতি? আমন্তা। দুক্খসচ্চং চত্তারি সচ্চানীতি? ন হেৰং ৰত্তব্বে…পে॰…।
345. 4 Dukkhe diṭṭhe cattāri saccāni diṭṭhāni hontīti? Āmantā. Dukkhasaccaṃ cattāri saccānīti? Na hevaṃ vattabbe…pe….
5 রূপক্খন্ধে অনিচ্চতো দিট্ঠে পঞ্চক্খন্ধা অনিচ্চতো দিট্ঠা হোন্তীতি? আমন্তা। রূপক্খন্ধো পঞ্চক্খন্ধাতি? ন হেৰং ৰত্তব্বে…পে॰…।
6 Rūpakkhandhe aniccato diṭṭhe pañcakkhandhā aniccato diṭṭhā hontīti? Āmantā. Rūpakkhandho pañcakkhandhāti? Na hevaṃ vattabbe…pe….
7 চক্খাযতনে অনিচ্চতো দিট্ঠে দ্ৰাদসাযতনানি অনিচ্চতো দিট্ঠানি হোন্তীতি? আমন্তা। চক্খাযতনং দ্ৰাদসাযতনানীতি? ন হেৰং ৰত্তব্বে…পে॰…।
8 Cakkhāyatane aniccato diṭṭhe dvādasāyatanāni aniccato diṭṭhāni hontīti? Āmantā. Cakkhāyatanaṃ dvādasāyatanānīti? Na hevaṃ vattabbe…pe….
9 চক্খুধাতুযা অনিচ্চতো দিট্ঠায অট্ঠারস ধাতুযো অনিচ্চতো দিট্ঠা হোন্তীতি? আমন্তা। চক্খুধাতু অট্ঠারস ধাতুযোতি? ন হেৰং ৰত্তব্বে…পে॰…।
10 Cakkhudhātuyā aniccato diṭṭhāya aṭṭhārasa dhātuyo aniccato diṭṭhā hontīti? Āmantā. Cakkhudhātu aṭṭhārasa dhātuyoti? Na hevaṃ vattabbe…pe….
11 চক্খুন্দ্রিযে অনিচ্চতো দিট্ঠে বাৰীসতিন্দ্রিযানি অনিচ্চতো দিট্ঠানি হোন্তীতি? আমন্তা। চক্খুন্দ্রিযং বাৰীসতিন্দ্রিযানীতি? ন হেৰং ৰত্তব্বে…পে॰…।
12 Cakkhundriye aniccato diṭṭhe bāvīsatindriyāni aniccato diṭṭhāni hontīti? Āmantā. Cakkhundriyaṃ bāvīsatindriyānīti? Na hevaṃ vattabbe…pe….
13 চতূহি ঞাণেহি সোতাপত্তিফলং সচ্ছিকরোতীতি? আমন্তা। চত্তারি সোতাপত্তিফলানীতি? ন হেৰং ৰত্তব্বে…পে॰… অট্ঠহি ঞাণেহি সোতাপত্তিফলং সচ্ছিকরোতীতি? আমন্তা । অট্ঠ সোতাপত্তিফলানীতি? ন হেৰং ৰত্তব্বে…পে॰… দ্ৰাদসহি ঞাণেহি সোতাপত্তিফলং সচ্ছিকরোতীতি? আমন্তা। দ্ৰাদস সোতাপত্তিফলানীতি? ন হেৰং ৰত্তব্বে…পে॰… চতুচত্তারীসায ঞাণেহি সোতাপত্তিফলং সচ্ছিকরোতীতি ? আমন্তা। চতুচত্তারীসং সোতাপত্তিফলানীতি? ন হেৰং ৰত্তব্বে…পে॰… সত্তসত্ততিযা ঞাণেহি সোতাপত্তিফলং সচ্ছিকরোতীতি? আমন্তা। সত্তসত্ততি সোতাপত্তিফলানীতি? ন হেৰং ৰত্তব্বে…পে॰…।
14 Catūhi ñāṇehi sotāpattiphalaṃ sacchikarotīti? Āmantā. Cattāri sotāpattiphalānīti? Na hevaṃ vattabbe…pe… aṭṭhahi ñāṇehi sotāpattiphalaṃ sacchikarotīti? Āmantā . Aṭṭha sotāpattiphalānīti? Na hevaṃ vattabbe…pe… dvādasahi ñāṇehi sotāpattiphalaṃ sacchikarotīti? Āmantā. Dvādasa sotāpattiphalānīti? Na hevaṃ vattabbe…pe… catucattārīsāya ñāṇehi sotāpattiphalaṃ sacchikarotīti ? Āmantā. Catucattārīsaṃ sotāpattiphalānīti? Na hevaṃ vattabbe…pe… sattasattatiyā ñāṇehi sotāpattiphalaṃ sacchikarotīti? Āmantā. Sattasattati sotāpattiphalānīti? Na hevaṃ vattabbe…pe….
৩৪৬. ন ৰত্তব্বং – ‘‘অনুপুব্বাভিসমযো’’তি? আমন্তা। ননু ৰুত্তং ভগৰতা – ‘‘সেয্যথাপি, ভিক্খৰে, মহাসমুদ্দো অনুপুব্বনিন্নো অনুপুব্বপোণো অনুপুব্বপব্ভারো, ন আযতকেনেৰ পপাতো; এৰমেৰ খো, ভিক্খৰে, ইমস্মিং ধম্মৰিনযে অনুপুব্বসিক্খা অনুপুব্বকিরিযা অনুপুব্বপটিপদা, ন আযতকেনেৰ অঞ্ঞাপটিৰেধো’’তি 15। অত্থেৰ সুত্তন্তোতি? আমন্তা। তেন হি অনুপুব্বাভিসমযোতি।
346. Na vattabbaṃ – ‘‘anupubbābhisamayo’’ti? Āmantā. Nanu vuttaṃ bhagavatā – ‘‘seyyathāpi, bhikkhave, mahāsamuddo anupubbaninno anupubbapoṇo anupubbapabbhāro, na āyatakeneva papāto; evameva kho, bhikkhave, imasmiṃ dhammavinaye anupubbasikkhā anupubbakiriyā anupubbapaṭipadā, na āyatakeneva aññāpaṭivedho’’ti 16. Attheva suttantoti? Āmantā. Tena hi anupubbābhisamayoti.
ন ৰত্তব্বং – ‘‘অনুপুব্বাভিসমযো’’তি? আমন্তা। ননু ৰুত্তং ভগৰতা –
Na vattabbaṃ – ‘‘anupubbābhisamayo’’ti? Āmantā. Nanu vuttaṃ bhagavatā –
‘‘অনুপুব্বেন মেধাৰী, থোকং থোকং খণে খণে।
‘‘Anupubbena medhāvī, thokaṃ thokaṃ khaṇe khaṇe;
অত্থেৰ সুত্তন্তোতি? আমন্তা। তেন হি অনুপুব্বাভিসমযোতি।
Attheva suttantoti? Āmantā. Tena hi anupubbābhisamayoti.
অনুপুব্বাভিসমযোতি ? আমন্তা। নন্ৰাযস্মা গৰম্পতি থেরো ভিক্খূ এতদৰোচ – ‘‘সম্মুখা মেতং, আৰুসো, ভগৰতো সুতং সম্মুখা পটিগ্গহিতং – ‘যো, ভিক্খৰে, দুক্খং পস্সতি দুক্খসমুদযম্পি সো পস্সতি, দুক্খনিরোধম্পি পস্সতি, দুক্খনিরোধগামিনিং পটিপদম্পি পস্সতি; যো দুক্খসমুদযং পস্সতি দুক্খম্পি সো পস্সতি, দুক্খনিরোধম্পি পস্সতি, দুক্খনিরোধগামিনিং পটিপদম্পি পস্সতি; যো দুক্খনিরোধং পস্সতি দুক্খম্পি সো পস্সতি, দুক্খসমুদযম্পি পস্সতি, দুক্খনিরোধগামিনিং পটিপদম্পি পস্সতি; যো দুক্খনিরোধগামিনিং পটিপদং পস্সতি দুক্খম্পি সো পস্সতি, দুক্খসমুদযম্পি পস্সতি, দুক্খনিরোধম্পি পস্সতী’’’তি 19! অত্থেৰ সুত্তন্তোতি? আমন্তা। তেন হি ন ৰত্তব্বং – ‘‘অনুপুব্বাভিসমযো’’তি।
Anupubbābhisamayoti ? Āmantā. Nanvāyasmā gavampati thero bhikkhū etadavoca – ‘‘sammukhā metaṃ, āvuso, bhagavato sutaṃ sammukhā paṭiggahitaṃ – ‘yo, bhikkhave, dukkhaṃ passati dukkhasamudayampi so passati, dukkhanirodhampi passati, dukkhanirodhagāminiṃ paṭipadampi passati; yo dukkhasamudayaṃ passati dukkhampi so passati, dukkhanirodhampi passati, dukkhanirodhagāminiṃ paṭipadampi passati; yo dukkhanirodhaṃ passati dukkhampi so passati, dukkhasamudayampi passati, dukkhanirodhagāminiṃ paṭipadampi passati; yo dukkhanirodhagāminiṃ paṭipadaṃ passati dukkhampi so passati, dukkhasamudayampi passati, dukkhanirodhampi passatī’’’ti 20! Attheva suttantoti? Āmantā. Tena hi na vattabbaṃ – ‘‘anupubbābhisamayo’’ti.
অনুপুব্বাভিসমযোতি ? আমন্তা। ননু ৰুত্তং ভগৰতা –
Anupubbābhisamayoti ? Āmantā. Nanu vuttaṃ bhagavatā –
‘‘সহাৰস্স দস্সনসম্পদায,
‘‘Sahāvassa dassanasampadāya,
তযস্সু ধম্মা জহিতা ভৰন্তি।
Tayassu dhammā jahitā bhavanti;
সক্কাযদিট্ঠী ৰিচিকিচ্ছিতঞ্চ,
Sakkāyadiṭṭhī vicikicchitañca,
সীলব্বতং ৰাপি যদত্থি কিঞ্চি।
Sīlabbataṃ vāpi yadatthi kiñci;
চতূহপাযেহি চ ৰিপ্পমুত্তো,
Catūhapāyehi ca vippamutto,
ছচ্চাভিঠানানি অভব্ব কাতু’’ন্তি॥
Chaccābhiṭhānāni abhabba kātu’’nti.
অত্থেৰ সুত্তন্তোতি? আমন্তা। তেন হি ন ৰত্তব্বং – ‘‘অনুপুব্বাভিসমযো’’তি॥
Attheva suttantoti? Āmantā. Tena hi na vattabbaṃ – ‘‘anupubbābhisamayo’’ti.
অনুপুব্বাভিসমযোতি? আমন্তা। ননু ৰুত্তং ভগৰতা – ‘‘যস্মিং, ভিক্খৰে, সমযে অরিযসাৰকস্স ৰিরজং ৰীতমলং ধম্মচক্খুং উদপাদি – ‘যং কিঞ্চি সমুদযধম্মং সব্বং তং নিরোধধম্ম’ন্তি, সহ দস্সনুপ্পাদা, ভিক্খৰে, অরিযসাৰকস্স তীণি সংযোজনানি পহীযন্তি – সক্কাযদিট্ঠি, ৰিচিকিচ্ছা, সীলব্বতপরামাসো’’তি! অত্থেৰ সুত্তন্তোতি? আমন্তা। তেন হি ন ৰত্তব্বং – ‘‘অনুপুব্বাভিসমযো’’তি।
Anupubbābhisamayoti? Āmantā. Nanu vuttaṃ bhagavatā – ‘‘yasmiṃ, bhikkhave, samaye ariyasāvakassa virajaṃ vītamalaṃ dhammacakkhuṃ udapādi – ‘yaṃ kiñci samudayadhammaṃ sabbaṃ taṃ nirodhadhamma’nti, saha dassanuppādā, bhikkhave, ariyasāvakassa tīṇi saṃyojanāni pahīyanti – sakkāyadiṭṭhi, vicikicchā, sīlabbataparāmāso’’ti! Attheva suttantoti? Āmantā. Tena hi na vattabbaṃ – ‘‘anupubbābhisamayo’’ti.
অনুপুব্বাভিসমযকথা নিট্ঠিতা।
Anupubbābhisamayakathā niṭṭhitā.
Footnotes:
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৯. অনুপুব্বাভিসমযকথাৰণ্ণনা • 9. Anupubbābhisamayakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৯. অনুপুব্বাভিসমযকথাৰণ্ণনা • 9. Anupubbābhisamayakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৯. অনুপুব্বাভিসমযকথাৰণ্ণনা • 9. Anupubbābhisamayakathāvaṇṇanā
