| Library / Tipiṭaka / তিপিটক • Tipiṭaka / পঞ্চপকরণ-অনুটীকা • Pañcapakaraṇa-anuṭīkā |
৯. অনুপুব্বাভিসমযকথাৰণ্ণনা
9. Anupubbābhisamayakathāvaṇṇanā
৩৩৯. ‘‘তানি ৰা চত্তারিপি ঞাণানি একো সোতাপত্তিমগ্গোযেৰাতি পটিজানাতী’’তি ইমং সন্ধাযাহ ‘‘অথ ৰা’’তিআদি। চতুন্নং ঞাণানন্তি দুক্খেঞাণাদীনং চতুন্নং ঞাণানং। একমগ্গভাৰতোতি সোতাপত্তিআদিএকমগ্গভাৰতো। কমেন পৰত্তমানানিপি হি তানি ঞাণানি তংতংমগ্গকিচ্চস্স সাধনতো একোযেৰ মগ্গো হোতীতি অধিপ্পাযো। তেনাহ ‘‘একমগ্গস্স…পে॰… পটিজানাতী’’তি।
339. ‘‘Tāni vā cattāripi ñāṇāni eko sotāpattimaggoyevāti paṭijānātī’’ti imaṃ sandhāyāha ‘‘atha vā’’tiādi. Catunnaṃ ñāṇānanti dukkheñāṇādīnaṃ catunnaṃ ñāṇānaṃ. Ekamaggabhāvatoti sotāpattiādiekamaggabhāvato. Kamena pavattamānānipi hi tāni ñāṇāni taṃtaṃmaggakiccassa sādhanato ekoyeva maggo hotīti adhippāyo. Tenāha ‘‘ekamaggassa…pe… paṭijānātī’’ti.
৩৪৪. দস্সনেতি মগ্গদস্সনে।
344. Dassaneti maggadassane.
৩৪৫. ধম্মত্থানং হেতুফলভাৰতো ধম্মত্থপটিসম্ভিদানং সিযা সোতাপত্তিফলহেতুতা, তদভাৰতো ন ইতরপটিসম্ভিদানন্তি আহ ‘‘নিরুত্তি…পে॰… ৰিচারেতব্ব’’ন্তি। সব্বাসম্পি পন পটিসম্ভিদানং পঠমফলসচ্ছিকিরিযাহেতুতা ৰিচারেতব্বা মগ্গাধিগমেনেৰ লদ্ধব্বত্তা ফলানং ৰিয, তস্মা ‘‘অট্ঠহি ঞাণেহী’’তি এত্থ নিক্খেপকণ্ডে আগতনযেন দুক্খাদিঞাণানং পুব্বন্তাদিঞাণানঞ্চ ৰসেন ‘‘অট্ঠহি ঞাণেহী’’তি যুত্তং ৰিয দিস্সতি।
345. Dhammatthānaṃ hetuphalabhāvato dhammatthapaṭisambhidānaṃ siyā sotāpattiphalahetutā, tadabhāvato na itarapaṭisambhidānanti āha ‘‘nirutti…pe… vicāretabba’’nti. Sabbāsampi pana paṭisambhidānaṃ paṭhamaphalasacchikiriyāhetutā vicāretabbā maggādhigameneva laddhabbattā phalānaṃ viya, tasmā ‘‘aṭṭhahi ñāṇehī’’ti ettha nikkhepakaṇḍe āgatanayena dukkhādiñāṇānaṃ pubbantādiñāṇānañca vasena ‘‘aṭṭhahi ñāṇehī’’ti yuttaṃ viya dissati.
অনুপুব্বাভিসমযকথাৰণ্ণনা নিট্ঠিতা।
Anupubbābhisamayakathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১৮) ৯. অনুপুব্বাভিসমযকথা • (18) 9. Anupubbābhisamayakathā
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৯. অনুপুব্বাভিসমযকথাৰণ্ণনা • 9. Anupubbābhisamayakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৯. অনুপুব্বাভিসমযকথাৰণ্ণনা • 9. Anupubbābhisamayakathāvaṇṇanā
