| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
9. анубуб̣б̣аабхисамаяагат̇ааван̣н̣анаа
9. Anupubbābhisamayakathāvaṇṇanā
339. ид̣̇аани анубуб̣б̣аабхисамаяагат̇аа наама ход̇и. д̇ад̇т̇а язсам̣ –
339. Idāni anupubbābhisamayakathā nāma hoti. Tattha yesaṃ –
‘‘анубуб̣б̣зна мзд̇хаавий, т̇огам̣ т̇огам̣ кан̣з кан̣з;
‘‘Anupubbena medhāvī, thokaṃ thokaṃ khaṇe khaṇe;
гаммааро раж̇ад̇ассзва, нид̣̇д̇хамз маламад̇д̇ано’’д̇и. (д̇ха. ба. 239) –
Kammāro rajatasseva, niddhame malamattano’’ti. (dha. pa. 239) –
аад̣̇ийни суд̇д̇аани аяонисо г̇ахзд̇ваа ‘‘сод̇аабад̇д̇ипаласажчигирияааяа бадибанно згажжз гилзсз д̣̇угкад̣̇ассанзна баж̇ахад̇и, згажжз самуд̣̇аяанирод̇хамаг̇г̇ад̣̇ассанзна, д̇ат̇аа сзсаабийд̇и звам̣ сол̣асахи годтаасзхи анубуб̣б̣зна гилзсаббахаанам̣ гад̇ваа арахад̇д̇абадилаабхо ход̇ий’’д̇и зваруубаа наанаабхисамаяалад̣̇д̇хи уббаннаа, сзяяат̇ааби зд̇арахи анд̇хагасаб̣б̣ад̇т̇игасаммид̇ияабхад̣̇раяаанигаанам̣; д̇зсам̣ лад̣̇д̇хививзжанад̇т̇ам̣ анубуб̣б̣аабхисамаяод̇и бужчаа сагаваад̣̇исса, бадин̃н̃аа ид̇арасса. анубуб̣б̣зна сод̇аабад̇д̇имаг̇г̇анд̇и будто бана згасса маг̇г̇асса б̣ахубхааваабад̇д̇ибхаязна бадигкибад̇и. д̣̇уд̇ияам̣ будто д̣̇угкад̣̇ассанаад̣̇ивасзна бадиж̇аанаад̇и. д̇аани ваа жад̇д̇аариби н̃аан̣аани зго сод̇аабад̇д̇имаг̇г̇оязваад̇и бадиж̇аанаад̇и, палам̣ бана згамзва ижчад̇и, д̇асмаа бадигкибад̇и. сагад̣̇ааг̇аамимаг̇г̇аад̣̇ийсуби зсзва наяо.
Ādīni suttāni ayoniso gahetvā ‘‘sotāpattiphalasacchikiriyāya paṭipanno ekacce kilese dukkhadassanena pajahati, ekacce samudayanirodhamaggadassanena, tathā sesāpīti evaṃ soḷasahi koṭṭhāsehi anupubbena kilesappahānaṃ katvā arahattapaṭilābho hotī’’ti evarūpā nānābhisamayaladdhi uppannā, seyyathāpi etarahi andhakasabbatthikasammitiyabhadrayānikānaṃ; tesaṃ laddhivivecanatthaṃ anupubbābhisamayoti pucchā sakavādissa, paṭiññā itarassa. Anupubbena sotāpattimagganti puṭṭho pana ekassa maggassa bahubhāvāpattibhayena paṭikkhipati. Dutiyaṃ puṭṭho dukkhadassanādivasena paṭijānāti. Tāni vā cattāripi ñāṇāni eko sotāpattimaggoyevāti paṭijānāti, phalaṃ pana ekameva icchati, tasmā paṭikkhipati. Sakadāgāmimaggādīsupi eseva nayo.
344. маг̇г̇з д̣̇идтз палз тид̇од̇и бан̃хз яасмаа д̣̇угкад̣̇ассанаад̣̇ийхи д̣̇ассанам̣ абаринидтид̇ам̣, маг̇г̇ад̣̇ассанзна баринидтид̇ам̣ наама ход̇и, д̇ад̣̇аа со палз тид̇од̇и сан̇кам̣ г̇ажчад̇и, д̇асмаа бадиж̇аанаад̇и.
344. Magge diṭṭhe phale ṭhitoti pañhe yasmā dukkhadassanādīhi dassanaṃ apariniṭṭhitaṃ, maggadassanena pariniṭṭhitaṃ nāma hoti, tadā so phale ṭhitoti saṅkhaṃ gacchati, tasmā paṭijānāti.
345. д̣̇угкз д̣̇идтз жад̇д̇аари сажжаанийд̇и бужчаа бараваад̣̇исса, згаабхисамаяавасзна бадин̃н̃аа сагаваад̣̇исса. буна д̣̇угкасажжам̣ жад̇д̇аари сажжаанийд̇и ануяог̇з жад̇уннамби наанаасабхаавад̇д̇аа бадигкзбо д̇ассзва.
345. Dukkhediṭṭhe cattāri saccānīti pucchā paravādissa, ekābhisamayavasena paṭiññā sakavādissa. Puna dukkhasaccaṃ cattāri saccānīti anuyoge catunnampi nānāsabhāvattā paṭikkhepo tasseva.
руубагканд̇хз анижжад̇о д̣̇идтзд̇и бужчаа сагаваад̣̇исса, самуд̣̇д̣̇ад̇о згаб̣инд̣̇усса расз бадивид̣̇д̇хз сзсауд̣̇агасса бадивзд̇хо вияа згад̇хаммз анижжаад̣̇ид̇о бадивид̣̇д̇хз саб̣б̣зби бадивид̣̇д̇хаа хонд̇ийд̇и лад̣̇д̇хияаа бадин̃н̃аа бараваад̣̇исса.
Rūpakkhandhe aniccato diṭṭheti pucchā sakavādissa, samuddato ekabindussa rase paṭividdhe sesaudakassa paṭivedho viya ekadhamme aniccādito paṭividdhe sabbepi paṭividdhā hontīti laddhiyā paṭiññā paravādissa.
жад̇уухи н̃аан̣зхийд̇и д̣̇угкз н̃аан̣аад̣̇ийхи. адтахи н̃аан̣зхийд̇и саавагаанам̣ саад̇хааран̣зхи сажжан̃аан̣зхи жзва бадисамбхид̣̇аан̃аан̣зхи жа. д̣̇ваад̣̇асахи н̃аан̣зхийд̇и д̣̇ваад̣̇асан̇г̇абадижжасамуббаад̣̇ан̃аан̣зхи. жад̇ужад̇д̇аарийсааяа н̃аан̣зхийд̇и ‘‘ж̇араамаран̣з н̃аан̣ам̣, ж̇араамаран̣асамуд̣̇аяз н̃аан̣а’’нд̇и звам̣ нид̣̇аанаваг̇г̇з вуд̇д̇ан̃аан̣зхи. сад̇д̇асад̇д̇ад̇ияаа н̃аан̣зхийд̇и ‘‘ж̇араамаран̣ам̣, бхигкавз, анижжам̣ сан̇кад̇ам̣ бадижжасамуббаннам̣ каяад̇хаммам̣ ваяад̇хаммам̣ вирааг̇ад̇хаммам̣ нирод̇хад̇хамма’’нд̇и (сам̣. ни. 2.20) звам̣ д̇ад̇т̇зва вуд̇д̇ан̃аан̣зхи. сзсамзд̇т̇а баал̣инаязнзва взд̣̇ид̇аб̣б̣ам̣ сад̣̇д̇хим̣ суд̇д̇асаад̇ханзнаад̇и.
Catūhi ñāṇehīti dukkhe ñāṇādīhi. Aṭṭhahi ñāṇehīti sāvakānaṃ sādhāraṇehi saccañāṇehi ceva paṭisambhidāñāṇehi ca. Dvādasahi ñāṇehīti dvādasaṅgapaṭiccasamuppādañāṇehi. Catucattārīsāya ñāṇehīti ‘‘jarāmaraṇe ñāṇaṃ, jarāmaraṇasamudaye ñāṇa’’nti evaṃ nidānavagge vuttañāṇehi. Sattasattatiyā ñāṇehīti ‘‘jarāmaraṇaṃ, bhikkhave, aniccaṃ saṅkhataṃ paṭiccasamuppannaṃ khayadhammaṃ vayadhammaṃ virāgadhammaṃ nirodhadhamma’’nti (saṃ. ni. 2.20) evaṃ tattheva vuttañāṇehi. Sesamettha pāḷinayeneva veditabbaṃ saddhiṃ suttasādhanenāti.
анубуб̣б̣аабхисамаяагат̇ааван̣н̣анаа.
Anupubbābhisamayakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (18) 9. анубуб̣б̣аабхисамаяагат̇аа • (18) 9. Anupubbābhisamayakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 9. анубуб̣б̣аабхисамаяагат̇ааван̣н̣анаа • 9. Anupubbābhisamayakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 9. анубуб̣б̣аабхисамаяагат̇ааван̣н̣анаа • 9. Anupubbābhisamayakathāvaṇṇanā
