| Library / Tipiṭaka / ติปิฎก • Tipiṭaka / ปญฺจปกรณ-อนุฎีกา • Pañcapakaraṇa-anuṭīkā |
๙. อนุปุพฺพาภิสมยกถาวณฺณนา
9. Anupubbābhisamayakathāvaṇṇanā
๓๓๙. ‘‘ตานิ วา จตฺตาริปิ ญาณานิ เอโก โสตาปตฺติมโคฺคเยวาติ ปฎิชานาตี’’ติ อิมํ สนฺธายาห ‘‘อถ วา’’ติอาทิฯ จตุนฺนํ ญาณานนฺติ ทุเกฺขญาณาทีนํ จตุนฺนํ ญาณานํฯ เอกมคฺคภาวโตติ โสตาปตฺติอาทิเอกมคฺคภาวโตฯ กเมน ปวตฺตมานานิปิ หิ ตานิ ญาณานิ ตํตํมคฺคกิจฺจสฺส สาธนโต เอโกเยว มโคฺค โหตีติ อธิปฺปาโยฯ เตนาห ‘‘เอกมคฺคสฺส…เป.… ปฎิชานาตี’’ติฯ
339. ‘‘Tāni vā cattāripi ñāṇāni eko sotāpattimaggoyevāti paṭijānātī’’ti imaṃ sandhāyāha ‘‘atha vā’’tiādi. Catunnaṃ ñāṇānanti dukkheñāṇādīnaṃ catunnaṃ ñāṇānaṃ. Ekamaggabhāvatoti sotāpattiādiekamaggabhāvato. Kamena pavattamānānipi hi tāni ñāṇāni taṃtaṃmaggakiccassa sādhanato ekoyeva maggo hotīti adhippāyo. Tenāha ‘‘ekamaggassa…pe… paṭijānātī’’ti.
๓๔๔. ทสฺสเนติ มคฺคทสฺสเนฯ
344. Dassaneti maggadassane.
๓๔๕. ธมฺมตฺถานํ เหตุผลภาวโต ธมฺมตฺถปฎิสมฺภิทานํ สิยา โสตาปตฺติผลเหตุตา, ตทภาวโต น อิตรปฎิสมฺภิทานนฺติ อาห ‘‘นิรุตฺติ…เป.… วิจาเรตพฺพ’’นฺติฯ สพฺพาสมฺปิ ปน ปฎิสมฺภิทานํ ปฐมผลสจฺฉิกิริยาเหตุตา วิจาเรตพฺพา มคฺคาธิคเมเนว ลทฺธพฺพตฺตา ผลานํ วิย, ตสฺมา ‘‘อฎฺฐหิ ญาเณหี’’ติ เอตฺถ นิเกฺขปกเณฺฑ อาคตนเยน ทุกฺขาทิญาณานํ ปุพฺพนฺตาทิญาณานญฺจ วเสน ‘‘อฎฺฐหิ ญาเณหี’’ติ ยุตฺตํ วิย ทิสฺสติฯ
345. Dhammatthānaṃ hetuphalabhāvato dhammatthapaṭisambhidānaṃ siyā sotāpattiphalahetutā, tadabhāvato na itarapaṭisambhidānanti āha ‘‘nirutti…pe… vicāretabba’’nti. Sabbāsampi pana paṭisambhidānaṃ paṭhamaphalasacchikiriyāhetutā vicāretabbā maggādhigameneva laddhabbattā phalānaṃ viya, tasmā ‘‘aṭṭhahi ñāṇehī’’ti ettha nikkhepakaṇḍe āgatanayena dukkhādiñāṇānaṃ pubbantādiñāṇānañca vasena ‘‘aṭṭhahi ñāṇehī’’ti yuttaṃ viya dissati.
อนุปุพฺพาภิสมยกถาวณฺณนา นิฎฺฐิตาฯ
Anupubbābhisamayakathāvaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / อภิธมฺมปิฎก • Abhidhammapiṭaka / กถาวตฺถุปาฬิ • Kathāvatthupāḷi / (๑๘) ๙. อนุปุพฺพาภิสมยกถา • (18) 9. Anupubbābhisamayakathā
อฎฺฐกถา • Aṭṭhakathā / อภิธมฺมปิฎก (อฎฺฐกถา) • Abhidhammapiṭaka (aṭṭhakathā) / ปญฺจปกรณ-อฎฺฐกถา • Pañcapakaraṇa-aṭṭhakathā / ๙. อนุปุพฺพาภิสมยกถาวณฺณนา • 9. Anupubbābhisamayakathāvaṇṇanā
ฎีกา • Tīkā / อภิธมฺมปิฎก (ฎีกา) • Abhidhammapiṭaka (ṭīkā) / ปญฺจปกรณ-มูลฎีกา • Pañcapakaraṇa-mūlaṭīkā / ๙. อนุปุพฺพาภิสมยกถาวณฺณนา • 9. Anupubbābhisamayakathāvaṇṇanā
