| Library / Tipiṭaka / තිපිටක • Tipiṭaka / පඤ්‌චපකරණ-අනුටීකා • Pañcapakaraṇa-anuṭīkā |
9. අනුපුබ්‌බාභිසමයකථාවණ්‌ණනා
9. Anupubbābhisamayakathāvaṇṇanā
339. ‘‘තානි වා චත්‌තාරිපි ඤාණානි එකො සොතාපත්‌තිමග්‌ගොයෙවාති පටිජානාතී’’ති ඉමං සන්‌ධායාහ ‘‘අථ වා’’තිආදි. චතුන්‌නං ඤාණානන්‌ති දුක්‌ඛෙඤාණාදීනං චතුන්‌නං ඤාණානං. එකමග්‌ගභාවතොති සොතාපත්‌තිආදිඑකමග්‌ගභාවතො. කමෙන පවත්‌තමානානිපි හි තානි ඤාණානි තංතංමග්‌ගකිච්‌චස්‌ස සාධනතො එකොයෙව මග්‌ගො හොතීති අධිප්‌පායො. තෙනාහ ‘‘එකමග්‌ගස්‌ස…පෙ.… පටිජානාතී’’ති.
339. ‘‘Tāni vā cattāripi ñāṇāni eko sotāpattimaggoyevāti paṭijānātī’’ti imaṃ sandhāyāha ‘‘atha vā’’tiādi. Catunnaṃ ñāṇānanti dukkheñāṇādīnaṃ catunnaṃ ñāṇānaṃ. Ekamaggabhāvatoti sotāpattiādiekamaggabhāvato. Kamena pavattamānānipi hi tāni ñāṇāni taṃtaṃmaggakiccassa sādhanato ekoyeva maggo hotīti adhippāyo. Tenāha ‘‘ekamaggassa…pe… paṭijānātī’’ti.
344. දස්‌සනෙති මග්‌ගදස්‌සනෙ.
344. Dassaneti maggadassane.
345. ධම්‌මත්‌ථානං හෙතුඵලභාවතො ධම්‌මත්‌ථපටිසම්‌භිදානං සියා සොතාපත්‌තිඵලහෙතුතා, තදභාවතො න ඉතරපටිසම්‌භිදානන්‌ති ආහ ‘‘නිරුත්‌ති…පෙ.… විචාරෙතබ්‌බ’’න්‌ති. සබ්‌බාසම්‌පි පන පටිසම්‌භිදානං පඨමඵලසච්‌ඡිකිරියාහෙතුතා විචාරෙතබ්‌බා මග්‌ගාධිගමෙනෙව ලද්‌ධබ්‌බත්‌තා ඵලානං විය, තස්‌මා ‘‘අට්‌ඨහි ඤාණෙහී’’ති එත්‌ථ නික්‌ඛෙපකණ්‌ඩෙ ආගතනයෙන දුක්‌ඛාදිඤාණානං පුබ්‌බන්‌තාදිඤාණානඤ්‌ච වසෙන ‘‘අට්‌ඨහි ඤාණෙහී’’ති යුත්‌තං විය දිස්‌සති.
345. Dhammatthānaṃ hetuphalabhāvato dhammatthapaṭisambhidānaṃ siyā sotāpattiphalahetutā, tadabhāvato na itarapaṭisambhidānanti āha ‘‘nirutti…pe… vicāretabba’’nti. Sabbāsampi pana paṭisambhidānaṃ paṭhamaphalasacchikiriyāhetutā vicāretabbā maggādhigameneva laddhabbattā phalānaṃ viya, tasmā ‘‘aṭṭhahi ñāṇehī’’ti ettha nikkhepakaṇḍe āgatanayena dukkhādiñāṇānaṃ pubbantādiñāṇānañca vasena ‘‘aṭṭhahi ñāṇehī’’ti yuttaṃ viya dissati.
අනුපුබ්‌බාභිසමයකථාවණ්‌ණනා නිට්‌ඨිතා.
Anupubbābhisamayakathāvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / අභිධම්‌මපිටක • Abhidhammapiṭaka / කථාවත්‌ථුපාළි • Kathāvatthupāḷi / (18) 9. අනුපුබ්‌බාභිසමයකථා • (18) 9. Anupubbābhisamayakathā
අට්‌ඨකථා • Aṭṭhakathā / අභිධම්‌මපිටක (අට්‌ඨකථා) • Abhidhammapiṭaka (aṭṭhakathā) / පඤ්‌චපකරණ-අට්‌ඨකථා • Pañcapakaraṇa-aṭṭhakathā / 9. අනුපුබ්‌බාභිසමයකථාවණ්‌ණනා • 9. Anupubbābhisamayakathāvaṇṇanā
ටීකා • Tīkā / අභිධම්‌මපිටක (ටීකා) • Abhidhammapiṭaka (ṭīkā) / පඤ්‌චපකරණ-මූලටීකා • Pañcapakaraṇa-mūlaṭīkā / 9. අනුපුබ්‌බාභිසමයකථාවණ්‌ණනා • 9. Anupubbābhisamayakathāvaṇṇanā
