| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
১১. অনুপুব্বনিরোধসুত্তং
11. Anupubbanirodhasuttaṃ
৩১. ‘‘নৰযিমে, ভিক্খৰে, অনুপুব্বনিরোধা। কতমে নৰ? পঠমং ঝানং সমাপন্নস্স কামসঞ্ঞা 1 নিরুদ্ধা হোতি; দুতিযং ঝানং সমাপন্নস্স ৰিতক্কৰিচারা নিরুদ্ধা হোন্তি; ততিযং ঝানং সমাপন্নস্স পীতি নিরুদ্ধা হোতি; চতুত্থং ঝানং সমাপন্নস্স অস্সাসপস্সাসা নিরুদ্ধা হোন্তি; আকাসানঞ্চাযতনং সমাপন্নস্স রূপসঞ্ঞা নিরুদ্ধা হোতি; ৰিঞ্ঞাণঞ্চাযতনং সমাপন্নস্স আকাসানঞ্চাযতনসঞ্ঞা নিরুদ্ধা হোতি; আকিঞ্চঞ্ঞাযতনং সমাপন্নস্স ৰিঞ্ঞাণঞ্চাযতনসঞ্ঞা নিরুদ্ধা হোতি ; নেৰসঞ্ঞানাসঞ্ঞাযতনং সমাপন্নস্স আকিঞ্চঞ্ঞাযতনসঞ্ঞা নিরুদ্ধা হোতি; সঞ্ঞাৰেদযিতনিরোধং সমাপন্নস্স সঞ্ঞা চ ৰেদনা চ নিরুদ্ধা হোন্তি। ইমে খো, ভিক্খৰে, নৰ অনুপুব্বনিরোধা’’তি 2। একাদসমং।
31. ‘‘Navayime, bhikkhave, anupubbanirodhā. Katame nava? Paṭhamaṃ jhānaṃ samāpannassa kāmasaññā 3 niruddhā hoti; dutiyaṃ jhānaṃ samāpannassa vitakkavicārā niruddhā honti; tatiyaṃ jhānaṃ samāpannassa pīti niruddhā hoti; catutthaṃ jhānaṃ samāpannassa assāsapassāsā niruddhā honti; ākāsānañcāyatanaṃ samāpannassa rūpasaññā niruddhā hoti; viññāṇañcāyatanaṃ samāpannassa ākāsānañcāyatanasaññā niruddhā hoti; ākiñcaññāyatanaṃ samāpannassa viññāṇañcāyatanasaññā niruddhā hoti ; nevasaññānāsaññāyatanaṃ samāpannassa ākiñcaññāyatanasaññā niruddhā hoti; saññāvedayitanirodhaṃ samāpannassa saññā ca vedanā ca niruddhā honti. Ime kho, bhikkhave, nava anupubbanirodhā’’ti 4. Ekādasamaṃ.
সত্তাৰাসৰগ্গো ততিযো।
Sattāvāsavaggo tatiyo.
তস্সুদ্দানং –
Tassuddānaṃ –
তিঠানং খল়ুঙ্কো তণ্হা, সত্তপঞ্ঞা সিলাযুপো।
Tiṭhānaṃ khaḷuṅko taṇhā, sattapaññā silāyupo;
দ্ৰে ৰেরা দ্ৰে আঘাতানি, অনুপুব্বনিরোধেন চাতি॥
Dve verā dve āghātāni, anupubbanirodhena cāti.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১০-১১. আঘাতপটিৰিনযসুত্তাদিৰণ্ণনা • 10-11. Āghātapaṭivinayasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১১. অনুপুব্বনিরোধসুত্তৰণ্ণনা • 11. Anupubbanirodhasuttavaṇṇanā
