| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
11. අනුපුබ්‌බනිරොධසුත්‌තං
11. Anupubbanirodhasuttaṃ
31. ‘‘නවයිමෙ, භික්‌ඛවෙ, අනුපුබ්‌බනිරොධා. කතමෙ නව? පඨමං ඣානං සමාපන්‌නස්‌ස කාමසඤ්‌ඤා 1 නිරුද්‌ධා හොති; දුතියං ඣානං සමාපන්‌නස්‌ස විතක්‌කවිචාරා නිරුද්‌ධා හොන්‌ති; තතියං ඣානං සමාපන්‌නස්‌ස පීති නිරුද්‌ධා හොති; චතුත්‌ථං ඣානං සමාපන්‌නස්‌ස අස්‌සාසපස්‌සාසා නිරුද්‌ධා හොන්‌ති; ආකාසානඤ්‌චායතනං සමාපන්‌නස්‌ස රූපසඤ්‌ඤා නිරුද්‌ධා හොති; විඤ්‌ඤාණඤ්‌චායතනං සමාපන්‌නස්‌ස ආකාසානඤ්‌චායතනසඤ්‌ඤා නිරුද්‌ධා හොති; ආකිඤ්‌චඤ්‌ඤායතනං සමාපන්‌නස්‌ස විඤ්‌ඤාණඤ්‌චායතනසඤ්‌ඤා නිරුද්‌ධා හොති ; නෙවසඤ්‌ඤානාසඤ්‌ඤායතනං සමාපන්‌නස්‌ස ආකිඤ්‌චඤ්‌ඤායතනසඤ්‌ඤා නිරුද්‌ධා හොති; සඤ්‌ඤාවෙදයිතනිරොධං සමාපන්‌නස්‌ස සඤ්‌ඤා ච වෙදනා ච නිරුද්‌ධා හොන්‌ති. ඉමෙ ඛො, භික්‌ඛවෙ, නව අනුපුබ්‌බනිරොධා’’ති 2. එකාදසමං.
31. ‘‘Navayime, bhikkhave, anupubbanirodhā. Katame nava? Paṭhamaṃ jhānaṃ samāpannassa kāmasaññā 3 niruddhā hoti; dutiyaṃ jhānaṃ samāpannassa vitakkavicārā niruddhā honti; tatiyaṃ jhānaṃ samāpannassa pīti niruddhā hoti; catutthaṃ jhānaṃ samāpannassa assāsapassāsā niruddhā honti; ākāsānañcāyatanaṃ samāpannassa rūpasaññā niruddhā hoti; viññāṇañcāyatanaṃ samāpannassa ākāsānañcāyatanasaññā niruddhā hoti; ākiñcaññāyatanaṃ samāpannassa viññāṇañcāyatanasaññā niruddhā hoti ; nevasaññānāsaññāyatanaṃ samāpannassa ākiñcaññāyatanasaññā niruddhā hoti; saññāvedayitanirodhaṃ samāpannassa saññā ca vedanā ca niruddhā honti. Ime kho, bhikkhave, nava anupubbanirodhā’’ti 4. Ekādasamaṃ.
සත්‌තාවාසවග්‌ගො තතියො.
Sattāvāsavaggo tatiyo.
තස්‌සුද්‌දානං –
Tassuddānaṃ –
තිඨානං ඛළුඞ්‌කො තණ්‌හා, සත්‌තපඤ්‌ඤා සිලායුපො;
Tiṭhānaṃ khaḷuṅko taṇhā, sattapaññā silāyupo;
ද්‌වෙ වෙරා ද්‌වෙ ආඝාතානි, අනුපුබ්‌බනිරොධෙන චාති.
Dve verā dve āghātāni, anupubbanirodhena cāti.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 10-11. ආඝාතපටිවිනයසුත්‌තාදිවණ්‌ණනා • 10-11. Āghātapaṭivinayasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 11. අනුපුබ්‌බනිරොධසුත්‌තවණ්‌ණනා • 11. Anupubbanirodhasuttavaṇṇanā
