| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๔. มหาวโคฺค
4. Mahāvaggo
๑-๒. อนุปุพฺพวิหารสุตฺตาทิวณฺณนา
1-2. Anupubbavihārasuttādivaṇṇanā
๓๒-๓๓. จตุตฺถสฺส ปฐเม อนุปุพฺพวิหาราติ อนุปฎิปาฎิยา สมาปชฺชิตพฺพวิหาราฯ ทุติเย ยตฺถ กามา นิรุชฺฌนฺตีติ ยสฺมิํ ฐาเน กามา วูปสมฺมนฺติฯ นิโรเธตฺวาติ อปฺปฎิวเตฺต กตฺวาฯ นิจฺฉาตาติ ตณฺหาทิฎฺฐิจฺฉาตานํ อภาเวน นิจฺฉาตาฯ นิพฺพุตาติ อตฺตปริตาปนกิเลสานํ อภาเวน นิพฺพุตาฯ ติณฺณาติ กามโต ติณฺณาฯ ปารํคตาติ กาเม ปารํ คตาฯ ตทเงฺคนาติ เตน ฌานเงฺคนฯ เอตฺถ กามา นิรุชฺฌนฺตีติ เอตฺถ ปฐมชฺฌาเน กามา นิรุชฺฌนฺติฯ เต จาติ เย ปฐมชฺฌานํ สมาปชฺชนฺติ, เต กาเม นิโรเธตฺวา นิโรเธตฺวา วิหรนฺติ นามฯ ปญฺชลิโกติ ปคฺคหิตอญฺชลิโก หุตฺวาฯ ปยิรุปาเสยฺยาติ อุปฎฺฐาเปยฺยฯ อิมินา อุปาเยน สพฺพตฺถ อโตฺถ เวทิตโพฺพฯ
32-33. Catutthassa paṭhame anupubbavihārāti anupaṭipāṭiyā samāpajjitabbavihārā. Dutiye yattha kāmā nirujjhantīti yasmiṃ ṭhāne kāmā vūpasammanti. Nirodhetvāti appaṭivatte katvā. Nicchātāti taṇhādiṭṭhicchātānaṃ abhāvena nicchātā. Nibbutāti attaparitāpanakilesānaṃ abhāvena nibbutā. Tiṇṇāti kāmato tiṇṇā. Pāraṃgatāti kāme pāraṃ gatā. Tadaṅgenāti tena jhānaṅgena. Etthakāmā nirujjhantīti ettha paṭhamajjhāne kāmā nirujjhanti. Te cāti ye paṭhamajjhānaṃ samāpajjanti, te kāme nirodhetvā nirodhetvā viharanti nāma. Pañjalikoti paggahitaañjaliko hutvā. Payirupāseyyāti upaṭṭhāpeyya. Iminā upāyena sabbattha attho veditabbo.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya
๑. อนุปุพฺพวิหารสุตฺตํ • 1. Anupubbavihārasuttaṃ
๒. อนุปุพฺพวิหารสมาปตฺติสุตฺตํ • 2. Anupubbavihārasamāpattisuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā)
๑. อนุปุพฺพวิหารสุตฺตวณฺณนา • 1. Anupubbavihārasuttavaṇṇanā
๒-๓. อนุปุพฺพวิหารสมาปตฺติสุตฺตาทิวณฺณนา • 2-3. Anupubbavihārasamāpattisuttādivaṇṇanā
