| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៤. មហាវគ្គោ
4. Mahāvaggo
១-២. អនុបុព្ពវិហារសុត្តាទិវណ្ណនា
1-2. Anupubbavihārasuttādivaṇṇanā
៣២-៣៣. ចតុត្ថស្ស បឋមេ អនុបុព្ពវិហារាតិ អនុបដិបាដិយា សមាបជ្ជិតព្ពវិហារា។ ទុតិយេ យត្ថ កាមា និរុជ្ឈន្តីតិ យស្មិំ ឋានេ កាមា វូបសម្មន្តិ។ និរោធេត្វាតិ អប្បដិវត្តេ កត្វា។ និច្ឆាតាតិ តណ្ហាទិដ្ឋិច្ឆាតានំ អភាវេន និច្ឆាតា។ និព្ពុតាតិ អត្តបរិតាបនកិលេសានំ អភាវេន និព្ពុតា។ តិណ្ណាតិ កាមតោ តិណ្ណា។ បារំគតាតិ កាមេ បារំ គតា។ តទង្គេនាតិ តេន ឈានង្គេន។ ឯត្ថ កាមា និរុជ្ឈន្តីតិ ឯត្ថ បឋមជ្ឈានេ កាមា និរុជ្ឈន្តិ។ តេ ចាតិ យេ បឋមជ្ឈានំ សមាបជ្ជន្តិ, តេ កាមេ និរោធេត្វា និរោធេត្វា វិហរន្តិ នាម។ បញ្ជលិកោតិ បគ្គហិតអញ្ជលិកោ ហុត្វា។ បយិរុបាសេយ្យាតិ ឧបដ្ឋាបេយ្យ។ ឥមិនា ឧបាយេន សព្ពត្ថ អត្ថោ វេទិតព្ពោ។
32-33. Catutthassa paṭhame anupubbavihārāti anupaṭipāṭiyā samāpajjitabbavihārā. Dutiye yattha kāmā nirujjhantīti yasmiṃ ṭhāne kāmā vūpasammanti. Nirodhetvāti appaṭivatte katvā. Nicchātāti taṇhādiṭṭhicchātānaṃ abhāvena nicchātā. Nibbutāti attaparitāpanakilesānaṃ abhāvena nibbutā. Tiṇṇāti kāmato tiṇṇā. Pāraṃgatāti kāme pāraṃ gatā. Tadaṅgenāti tena jhānaṅgena. Etthakāmā nirujjhantīti ettha paṭhamajjhāne kāmā nirujjhanti. Te cāti ye paṭhamajjhānaṃ samāpajjanti, te kāme nirodhetvā nirodhetvā viharanti nāma. Pañjalikoti paggahitaañjaliko hutvā. Payirupāseyyāti upaṭṭhāpeyya. Iminā upāyena sabbattha attho veditabbo.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya
១. អនុបុព្ពវិហារសុត្តំ • 1. Anupubbavihārasuttaṃ
២. អនុបុព្ពវិហារសមាបត្តិសុត្តំ • 2. Anupubbavihārasamāpattisuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā)
១. អនុបុព្ពវិហារសុត្តវណ្ណនា • 1. Anupubbavihārasuttavaṇṇanā
២-៣. អនុបុព្ពវិហារសមាបត្តិសុត្តាទិវណ្ណនា • 2-3. Anupubbavihārasamāpattisuttādivaṇṇanā
