| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. анураад̇хасуд̇д̇ам̣
2. Anurādhasuttaṃ
411. згам̣ самаяам̣ бхаг̇аваа взсаалияам̣ вихарад̇и махааванз гуудааг̇аарасаалааяам̣. д̇зна ко бана самаязна ааяасмаа анураад̇хо бхаг̇авад̇о авид̣̇уурз аран̃н̃агудигааяам̣ вихарад̇и. ат̇а ко самб̣ахулаа ан̃н̃ад̇ид̇т̇ияаа бариб̣б̣ааж̇агаа язнааяасмаа анураад̇хо д̇знубасан̇гамим̣су; убасан̇гамид̇ваа ааяасмад̇аа анураад̇хзна сад̣̇д̇хим̣ саммод̣̇им̣су. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су . згаманд̇ам̣ нисиннаа ко д̇з ан̃н̃ад̇ид̇т̇ияаа бариб̣б̣ааж̇агаа ааяасманд̇ам̣ анураад̇хам̣ зд̇ад̣̇авожум̣ – ‘‘яо со, аавусо анураад̇ха, д̇ат̇ааг̇ад̇о уд̇д̇амабурисо барамабурисо барамабад̇д̇ибад̇д̇о, д̇ам̣ д̇ат̇ааг̇ад̇о имзсу жад̇уусу таанзсу бан̃н̃аабаяамаано бан̃н̃аабзд̇и – ‘ход̇и д̇ат̇ааг̇ад̇о барам̣ маран̣аа’д̇и ваа, ‘на ход̇и д̇ат̇ааг̇ад̇о барам̣ маран̣аа’д̇и ваа, ‘ход̇и жа на жа ход̇и д̇ат̇ааг̇ад̇о барам̣ маран̣аа’д̇и ваа, ‘нзва ход̇и на на ход̇и д̇ат̇ааг̇ад̇о барам̣ маран̣аа’д̇и ваа’’д̇и? ‘‘яо со, аавусо, д̇ат̇ааг̇ад̇о уд̇д̇амабурисо барамабурисо барамабад̇д̇ибад̇д̇о, д̇ам̣ д̇ат̇ааг̇ад̇о ан̃н̃ад̇ра имзхи жад̇уухи таанзхи бан̃н̃аабаяамаано бан̃н̃аабзд̇и – ‘ход̇и д̇ат̇ааг̇ад̇о барам̣ маран̣аад̇и ваа, ‘на ход̇и д̇ат̇ааг̇ад̇о барам̣ маран̣аа’д̇и ваа, ‘ход̇и жа на жа ход̇и д̇ат̇ааг̇ад̇о барам̣ маран̣аа’д̇и ваа, нзва ход̇и на на ход̇и д̇ат̇ааг̇ад̇о барам̣ маран̣аад̇и ваа’’д̇и. звам̣ вуд̇д̇з, д̇з ан̃н̃ад̇ид̇т̇ияаа бариб̣б̣ааж̇агаа ааяасманд̇ам̣ анураад̇хам̣ зд̇ад̣̇авожум̣ – ‘‘со жааяам̣ 1 бхигку наво бхависсад̇и ажирабаб̣б̣аж̇ид̇о, т̇зро ваа бана б̣аало аб̣яад̇д̇о’’д̇и. ат̇а ко д̇з ан̃н̃ад̇ид̇т̇ияаа бариб̣б̣ааж̇агаа ааяасманд̇ам̣ анураад̇хам̣ нававаад̣̇зна жа б̣аалаваад̣̇зна жа абасаад̣̇зд̇ваа удтааяаасанаа баггамим̣су.
411. Ekaṃ samayaṃ bhagavā vesāliyaṃ viharati mahāvane kūṭāgārasālāyaṃ. Tena kho pana samayena āyasmā anurādho bhagavato avidūre araññakuṭikāyaṃ viharati. Atha kho sambahulā aññatitthiyā paribbājakā yenāyasmā anurādho tenupasaṅkamiṃsu; upasaṅkamitvā āyasmatā anurādhena saddhiṃ sammodiṃsu. Sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu . Ekamantaṃ nisinnā kho te aññatitthiyā paribbājakā āyasmantaṃ anurādhaṃ etadavocuṃ – ‘‘yo so, āvuso anurādha, tathāgato uttamapuriso paramapuriso paramapattipatto, taṃ tathāgato imesu catūsu ṭhānesu paññāpayamāno paññāpeti – ‘hoti tathāgato paraṃ maraṇā’ti vā, ‘na hoti tathāgato paraṃ maraṇā’ti vā, ‘hoti ca na ca hoti tathāgato paraṃ maraṇā’ti vā, ‘neva hoti na na hoti tathāgato paraṃ maraṇā’ti vā’’ti? ‘‘Yo so, āvuso, tathāgato uttamapuriso paramapuriso paramapattipatto, taṃ tathāgato aññatra imehi catūhi ṭhānehi paññāpayamāno paññāpeti – ‘hoti tathāgato paraṃ maraṇāti vā, ‘na hoti tathāgato paraṃ maraṇā’ti vā, ‘hoti ca na ca hoti tathāgato paraṃ maraṇā’ti vā, neva hoti na na hoti tathāgato paraṃ maraṇāti vā’’ti. Evaṃ vutte, te aññatitthiyā paribbājakā āyasmantaṃ anurādhaṃ etadavocuṃ – ‘‘so cāyaṃ 2 bhikkhu navo bhavissati acirapabbajito, thero vā pana bālo abyatto’’ti. Atha kho te aññatitthiyā paribbājakā āyasmantaṃ anurādhaṃ navavādena ca bālavādena ca apasādetvā uṭṭhāyāsanā pakkamiṃsu.
ат̇а ко ааяасмад̇о анураад̇хасса ажирабагганд̇зсу ан̃н̃ад̇ид̇т̇иязсу бариб̣б̣ааж̇агзсу зд̇ад̣̇ахоси – ‘‘сажз ко мам̣ д̇з ан̃н̃ад̇ид̇т̇ияаа бариб̣б̣ааж̇агаа уд̇д̇арим̣ бужчзяяум̣, гат̇ам̣ б̣яаагарамаано ну кваахам̣ д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ вуд̇д̇аваад̣̇ий жзва бхаг̇авад̇о ассам̣, на жа бхаг̇аванд̇ам̣ абхууд̇зна аб̣бхаажигкзяяам̣, д̇хаммасса жаануд̇хаммам̣ б̣яаагарзяяам̣, на жа гожи сахад̇хаммиго ваад̣̇аануваад̣̇о г̇аараяхам̣ таанам̣ ааг̇ажчзяяаа’’д̇и? ат̇а ко ааяасмаа анураад̇хо язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа анураад̇хо бхаг̇аванд̇ам̣ зд̇ад̣̇авожа – ‘‘ид̇хаахам̣, бханд̇з, бхаг̇авад̇о авид̣̇уурз аран̃н̃агудигааяам̣ вихараами. ат̇а ко, бханд̇з, самб̣ахулаа ан̃н̃ад̇ид̇т̇ияаа бариб̣б̣ааж̇агаа язнаахам̣ д̇знубасан̇гамим̣су; убасан̇гамид̇ваа маяаа сад̣̇д̇хим̣ саммод̣̇им̣су. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су. згаманд̇ам̣ нисиннаа ко, бханд̇з, д̇з ан̃н̃ад̇ид̇т̇ияаа бариб̣б̣ааж̇агаа мам̣ зд̇ад̣̇авожум̣ – ‘‘яо со, аавусо анураад̇ха, д̇ат̇ааг̇ад̇о уд̇д̇амабурисо барамабурисо барамабад̇д̇ибад̇д̇о, д̇ам̣ д̇ат̇ааг̇ад̇о имзсу жад̇уусу таанзсу бан̃н̃аабаяамаано бан̃н̃аабзд̇и – ‘ход̇и д̇ат̇ааг̇ад̇о барам̣ маран̣аа’д̇и ваа…бз… ‘нзва ход̇и на на ход̇и д̇ат̇ааг̇ад̇о барам̣ маран̣аа’д̇и ваа’’д̇и? звам̣ вуд̇д̇аахам̣, бханд̇з, д̇з ан̃н̃ад̇ид̇т̇ияз бариб̣б̣ааж̇агз зд̇ад̣̇авожам̣ – ‘‘яо со, аавусо , д̇ат̇ааг̇ад̇о уд̇д̇амабурисо барамабурисо барамабад̇д̇ибад̇д̇о, д̇ам̣ д̇ат̇ааг̇ад̇о ан̃н̃ад̇ра имзхи жад̇уухи таанзхи бан̃н̃аабаяамаано бан̃н̃аабзд̇и – ‘ход̇и д̇ат̇ааг̇ад̇о барам̣ маран̣аа’д̇и ваа…бз… ‘нзва ход̇и на на ход̇и д̇ат̇ааг̇ад̇о барам̣ маран̣аа’д̇и ваа’’д̇и. звам̣ вуд̇д̇з, бханд̇з, д̇з ан̃н̃ад̇ид̇т̇ияаа бариб̣б̣ааж̇агаа мам̣ зд̇ад̣̇авожум̣ – ‘‘со жааяам̣ бхигку наво бхависсад̇и ажирабаб̣б̣аж̇ид̇о т̇зро ваа бана б̣аало аб̣яад̇д̇о’’д̇и. ат̇а ко мам̣, бханд̇з, д̇з ан̃н̃ад̇ид̇т̇ияаа бариб̣б̣ааж̇агаа нававаад̣̇зна жа б̣аалаваад̣̇зна жа абасаад̣̇зд̇ваа удтааяаасанаа баггамим̣су. д̇асса маяхам̣, бханд̇з, ажирабагганд̇зсу д̇зсу ан̃н̃ад̇ид̇т̇иязсу бариб̣б̣ааж̇агзсу зд̇ад̣̇ахоси – ‘‘сажз ко мам̣ д̇з ан̃н̃ад̇ид̇т̇ияаа бариб̣б̣ааж̇агаа уд̇д̇арим̣ бужчзяяум̣, гат̇ам̣ б̣яаагарамаано ну кваахам̣ д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ вуд̇д̇аваад̣̇ий жзва бхаг̇авад̇о ассам̣, на жа бхаг̇аванд̇ам̣ абхууд̇зна аб̣бхаажигкзяяам̣, д̇хаммасса жаануд̇хаммам̣ б̣яаагарзяяам̣, на жа гожи сахад̇хаммиго ваад̣̇аануваад̣̇о г̇аараяхам̣ таанам̣ ааг̇ажчзяяаа’’д̇и?
Atha kho āyasmato anurādhassa acirapakkantesu aññatitthiyesu paribbājakesu etadahosi – ‘‘sace kho maṃ te aññatitthiyā paribbājakā uttariṃ puccheyyuṃ, kathaṃ byākaramāno nu khvāhaṃ tesaṃ aññatitthiyānaṃ paribbājakānaṃ vuttavādī ceva bhagavato assaṃ, na ca bhagavantaṃ abhūtena abbhācikkheyyaṃ, dhammassa cānudhammaṃ byākareyyaṃ, na ca koci sahadhammiko vādānuvādo gārayhaṃ ṭhānaṃ āgaccheyyā’’ti? Atha kho āyasmā anurādho yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā anurādho bhagavantaṃ etadavoca – ‘‘idhāhaṃ, bhante, bhagavato avidūre araññakuṭikāyaṃ viharāmi. Atha kho, bhante, sambahulā aññatitthiyā paribbājakā yenāhaṃ tenupasaṅkamiṃsu; upasaṅkamitvā mayā saddhiṃ sammodiṃsu. Sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu. Ekamantaṃ nisinnā kho, bhante, te aññatitthiyā paribbājakā maṃ etadavocuṃ – ‘‘yo so, āvuso anurādha, tathāgato uttamapuriso paramapuriso paramapattipatto, taṃ tathāgato imesu catūsu ṭhānesu paññāpayamāno paññāpeti – ‘hoti tathāgato paraṃ maraṇā’ti vā…pe… ‘neva hoti na na hoti tathāgato paraṃ maraṇā’ti vā’’ti? Evaṃ vuttāhaṃ, bhante, te aññatitthiye paribbājake etadavocaṃ – ‘‘yo so, āvuso , tathāgato uttamapuriso paramapuriso paramapattipatto, taṃ tathāgato aññatra imehi catūhi ṭhānehi paññāpayamāno paññāpeti – ‘hoti tathāgato paraṃ maraṇā’ti vā…pe… ‘neva hoti na na hoti tathāgato paraṃ maraṇā’ti vā’’ti. Evaṃ vutte, bhante, te aññatitthiyā paribbājakā maṃ etadavocuṃ – ‘‘so cāyaṃ bhikkhu navo bhavissati acirapabbajito thero vā pana bālo abyatto’’ti. Atha kho maṃ, bhante, te aññatitthiyā paribbājakā navavādena ca bālavādena ca apasādetvā uṭṭhāyāsanā pakkamiṃsu. Tassa mayhaṃ, bhante, acirapakkantesu tesu aññatitthiyesu paribbājakesu etadahosi – ‘‘sace kho maṃ te aññatitthiyā paribbājakā uttariṃ puccheyyuṃ, kathaṃ byākaramāno nu khvāhaṃ tesaṃ aññatitthiyānaṃ paribbājakānaṃ vuttavādī ceva bhagavato assaṃ, na ca bhagavantaṃ abhūtena abbhācikkheyyaṃ, dhammassa cānudhammaṃ byākareyyaṃ, na ca koci sahadhammiko vādānuvādo gārayhaṃ ṭhānaṃ āgaccheyyā’’ti?
‘‘д̇ам̣ гим̣ ман̃н̃аси, анураад̇ха, руубам̣ нижжам̣ ваа анижжам̣ ваа’’д̇и?
‘‘Taṃ kiṃ maññasi, anurādha, rūpaṃ niccaṃ vā aniccaṃ vā’’ti?
‘‘анижжам̣, бханд̇з’’.
‘‘Aniccaṃ, bhante’’.
‘‘яам̣ банаанижжам̣ д̣̇угкам̣ ваа д̇ам̣ сукам̣ ваа’’д̇и?
‘‘Yaṃ panāniccaṃ dukkhaṃ vā taṃ sukhaṃ vā’’ti?
‘‘д̣̇угкам̣, бханд̇з’’.
‘‘Dukkhaṃ, bhante’’.
‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и?
‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti?
‘‘но хзд̇ам̣, бханд̇з’’.
‘‘No hetaṃ, bhante’’.
‘‘взд̣̇анаа нижжаа ваа анижжаа ваа’’д̇и?…бз… сан̃н̃аа …бз… сан̇каараа…бз… ‘‘вин̃н̃аан̣ам̣ нижжам̣ ваа анижжам̣ ваа’’д̇и?
‘‘Vedanā niccā vā aniccā vā’’ti?…Pe… saññā …pe… saṅkhārā…pe… ‘‘viññāṇaṃ niccaṃ vā aniccaṃ vā’’ti?
‘‘анижжам̣, бханд̇з’’.
‘‘Aniccaṃ, bhante’’.
‘‘яам̣ банаанижжам̣ д̣̇угкам̣ ваа д̇ам̣ сукам̣ ваа’’д̇и?
‘‘Yaṃ panāniccaṃ dukkhaṃ vā taṃ sukhaṃ vā’’ti?
‘‘д̣̇угкам̣, бханд̇з’’.
‘‘Dukkhaṃ, bhante’’.
‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и?
‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti?
‘‘но хзд̇ам̣, бханд̇з’’.
‘‘No hetaṃ, bhante’’.
‘‘д̇асмаад̇иха, анураад̇ха, яам̣ гин̃жи руубам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа, саб̣б̣ам̣ руубам̣ ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. яаа гаажи взд̣̇анаа ад̇ийд̇аанааг̇ад̇абажжуббаннаа…бз… яаа гаажи сан̃н̃аа…бз… яз гзжи сан̇каараа…бз… яам̣ гин̃жи вин̃н̃аан̣ам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа, саб̣б̣ам̣ вин̃н̃аан̣ам̣ ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа д̣̇адтаб̣б̣ам̣. звам̣ бассам̣, анураад̇ха, суд̇аваа арияасааваго руубасмимби ниб̣б̣инд̣̇ад̇и, взд̣̇анааяаби ниб̣б̣инд̣̇ад̇и, сан̃н̃ааяаби ниб̣б̣инд̣̇ад̇и, сан̇каарзсуби ниб̣б̣инд̣̇ад̇и, вин̃н̃аан̣асмимби ниб̣б̣инд̣̇ад̇и. ниб̣б̣инд̣̇ам̣ вираж̇ж̇ад̇и; вирааг̇аа вимужжад̇и; вимуд̇д̇асмим̣ вимуд̇д̇амид̇и н̃аан̣ам̣ ход̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇и.
‘‘Tasmātiha, anurādha, yaṃ kiñci rūpaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, sabbaṃ rūpaṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Yā kāci vedanā atītānāgatapaccuppannā…pe… yā kāci saññā…pe… ye keci saṅkhārā…pe… yaṃ kiñci viññāṇaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, sabbaṃ viññāṇaṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya daṭṭhabbaṃ. Evaṃ passaṃ, anurādha, sutavā ariyasāvako rūpasmimpi nibbindati, vedanāyapi nibbindati, saññāyapi nibbindati, saṅkhāresupi nibbindati, viññāṇasmimpi nibbindati. Nibbindaṃ virajjati; virāgā vimuccati; vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti.
‘‘д̇ам̣ гим̣ ман̃н̃аси, анураад̇ха, руубам̣ д̇ат̇ааг̇ад̇од̇и саманубассасий’’д̇и? ‘‘но хзд̇ам̣, бханд̇з’’. ‘‘взд̣̇анам̣ д̇ат̇ааг̇ад̇од̇и саманубассасий’’д̇и? ‘‘но хзд̇ам̣, бханд̇з’’. ‘‘сан̃н̃ам̣ д̇ат̇ааг̇ад̇од̇и саманубассасий’’д̇и? ‘‘но хзд̇ам̣, бханд̇з’’. ‘‘сан̇каарз д̇ат̇ааг̇ад̇од̇и саманубассасий’’д̇и? ‘‘но хзд̇ам̣, бханд̇з’’. ‘‘вин̃н̃аан̣ам̣ д̇ат̇ааг̇ад̇од̇и саманубассасий’’д̇и? ‘‘но хзд̇ам̣, бханд̇з’’. ‘‘д̇ам̣ гим̣ ман̃н̃аси, анураад̇ха, руубасмим̣ д̇ат̇ааг̇ад̇од̇и саманубассасий’’д̇и? ‘‘но хзд̇ам̣, бханд̇з’’. ‘‘ан̃н̃ад̇ра руубаа д̇ат̇ааг̇ад̇од̇и саманубассасий’’д̇и? ‘‘но хзд̇ам̣, бханд̇з’’. ‘‘взд̣̇анааяа…бз… ан̃н̃ад̇ра взд̣̇анааяа…бз… сан̃н̃ааяа…бз… ан̃н̃ад̇ра сан̃н̃ааяа…бз… сан̇каарзсу…бз… ан̃н̃ад̇ра сан̇каарзхи…бз… вин̃н̃аан̣асмим̣ д̇ат̇ааг̇ад̇од̇и саманубассасий’’д̇и? ‘‘но хзд̇ам̣, бханд̇з’’. ‘‘ан̃н̃ад̇ра вин̃н̃аан̣аа д̇ат̇ааг̇ад̇од̇и саманубассасий’’д̇и? ‘‘но хзд̇ам̣, бханд̇з’’.
‘‘Taṃ kiṃ maññasi, anurādha, rūpaṃ tathāgatoti samanupassasī’’ti? ‘‘No hetaṃ, bhante’’. ‘‘Vedanaṃ tathāgatoti samanupassasī’’ti? ‘‘No hetaṃ, bhante’’. ‘‘Saññaṃ tathāgatoti samanupassasī’’ti? ‘‘No hetaṃ, bhante’’. ‘‘Saṅkhāre tathāgatoti samanupassasī’’ti? ‘‘No hetaṃ, bhante’’. ‘‘Viññāṇaṃ tathāgatoti samanupassasī’’ti? ‘‘No hetaṃ, bhante’’. ‘‘Taṃ kiṃ maññasi, anurādha, rūpasmiṃ tathāgatoti samanupassasī’’ti? ‘‘No hetaṃ, bhante’’. ‘‘Aññatra rūpā tathāgatoti samanupassasī’’ti? ‘‘No hetaṃ, bhante’’. ‘‘Vedanāya…pe… aññatra vedanāya…pe… saññāya…pe… aññatra saññāya…pe… saṅkhāresu…pe… aññatra saṅkhārehi…pe… viññāṇasmiṃ tathāgatoti samanupassasī’’ti? ‘‘No hetaṃ, bhante’’. ‘‘Aññatra viññāṇā tathāgatoti samanupassasī’’ti? ‘‘No hetaṃ, bhante’’.
‘‘д̇ам̣ гим̣ ман̃н̃аси, анураад̇ха, руубам̣, взд̣̇анам̣, сан̃н̃ам̣, сан̇каарз, вин̃н̃аан̣ам̣ д̇ат̇ааг̇ад̇од̇и саманубассасий’’д̇и? ‘‘но хзд̇ам̣, бханд̇з’’. ‘‘д̇ам̣ гим̣ ман̃н̃аси, анураад̇ха, аяам̣ со аруубий авзд̣̇ано асан̃н̃ий асан̇кааро авин̃н̃аан̣о д̇ат̇ааг̇ад̇од̇и саманубассасий’’д̇и? ‘‘но хзд̇ам̣, бханд̇з’’. ‘‘зд̇т̇а жа д̇з, анураад̇ха, д̣̇идтзва д̇хаммз сажжад̇о т̇зд̇ад̇о д̇ат̇ааг̇ад̇з анубалаб̣бхияамаанз 3 галлам̣ ну д̇з д̇ам̣ взяяаагаран̣ам̣ 4 – яо со, аавусо, д̇ат̇ааг̇ад̇о уд̇д̇амабурисо барамабурисо барамабад̇д̇ибад̇д̇о, д̇ам̣ д̇ат̇ааг̇ад̇о ан̃н̃ад̇ра имзхи жад̇уухи таанзхи бан̃н̃аабаяамаано бан̃н̃аабзд̇и – ‘‘‘ход̇и д̇ат̇ааг̇ад̇о барам̣ маран̣аа’д̇и ваа…бз… ‘нзва ход̇и на на ход̇и д̇ат̇ааг̇ад̇о барам̣ маран̣аа’д̇и ваа’’д̇и? ‘‘но хзд̇ам̣, бханд̇з’’. ‘‘саад̇ху саад̇ху, анураад̇ха! буб̣б̣з жаахам̣, анураад̇ха, зд̇арахи жа д̣̇угкан̃жзва бан̃н̃аабзми д̣̇угкасса жа нирод̇ха’’нд̇и. д̣̇уд̇ияам̣.
‘‘Taṃ kiṃ maññasi, anurādha, rūpaṃ, vedanaṃ, saññaṃ, saṅkhāre, viññāṇaṃ tathāgatoti samanupassasī’’ti? ‘‘No hetaṃ, bhante’’. ‘‘Taṃ kiṃ maññasi, anurādha, ayaṃ so arūpī avedano asaññī asaṅkhāro aviññāṇo tathāgatoti samanupassasī’’ti? ‘‘No hetaṃ, bhante’’. ‘‘Ettha ca te, anurādha, diṭṭheva dhamme saccato thetato tathāgate anupalabbhiyamāne 5 kallaṃ nu te taṃ veyyākaraṇaṃ 6 – yo so, āvuso, tathāgato uttamapuriso paramapuriso paramapattipatto, taṃ tathāgato aññatra imehi catūhi ṭhānehi paññāpayamāno paññāpeti – ‘‘‘hoti tathāgato paraṃ maraṇā’ti vā…pe… ‘neva hoti na na hoti tathāgato paraṃ maraṇā’ti vā’’ti? ‘‘No hetaṃ, bhante’’. ‘‘Sādhu sādhu, anurādha! Pubbe cāhaṃ, anurādha, etarahi ca dukkhañceva paññāpemi dukkhassa ca nirodha’’nti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. анураад̇хасуд̇д̇аван̣н̣анаа • 2. Anurādhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. анураад̇хасуд̇д̇аван̣н̣анаа • 2. Anurādhasuttavaṇṇanā
