| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
4. அனுராத⁴ஸுத்தவண்ணனா
4. Anurādhasuttavaṇṇanā
86. சதுத்தே² அரஞ்ஞகுடிகாயந்தி தஸ்ஸேவ விஹாரஸ்ஸ பச்சந்தே பண்ணஸாலாயங். தங் ததா²க³தோதி தும்ஹாகங் ஸத்தா² ததா²க³தோ தங் ஸத்தங் ததா²க³தங். அஞ்ஞத்ர இமேஹீதி தஸ்ஸ கிர ஏவங் அஹோஸி ‘‘இமே ஸாஸனஸ்ஸ படிபக்கா² படிவிலோமா, யதா² இமே ப⁴ணந்தி, ந ஏவங் ஸத்தா² பஞ்ஞாபெஸ்ஸதி, அஞ்ஞதா² பஞ்ஞாபெஸ்ஸதீ’’தி. தஸ்மா ஏவமாஹ. ஏவங் வுத்தே தே அஞ்ஞதித்தி²யாதி ஏவங் தே²ரேன அத்தனோ ச பரேஸஞ்ச ஸமயங் அஜானித்வா வுத்தே ஏகதே³ஸேன ஸாஸனஸமயங் ஜானந்தா தே²ரஸ்ஸ வாதே³ தோ³ஸங் தா³துகாமா தே அஞ்ஞதித்தி²யா பரிப்³பா³ஜகா ஆயஸ்மந்தங் அனுராத⁴ங் ஏதத³வோசுங்.
86. Catutthe araññakuṭikāyanti tasseva vihārassa paccante paṇṇasālāyaṃ. Taṃ tathāgatoti tumhākaṃ satthā tathāgato taṃ sattaṃ tathāgataṃ. Aññatra imehīti tassa kira evaṃ ahosi ‘‘ime sāsanassa paṭipakkhā paṭivilomā, yathā ime bhaṇanti, na evaṃ satthā paññāpessati, aññathā paññāpessatī’’ti. Tasmā evamāha. Evaṃ vutte te aññatitthiyāti evaṃ therena attano ca paresañca samayaṃ ajānitvā vutte ekadesena sāsanasamayaṃ jānantā therassa vāde dosaṃ dātukāmā te aññatitthiyā paribbājakā āyasmantaṃ anurādhaṃ etadavocuṃ.
தங் கிங் மஞ்ஞஸி அனுராதா⁴தி ஸத்தா² தஸ்ஸ கத²ங் ஸுத்வா சிந்தேஸி – ‘‘அயங் பி⁴க்கு² அத்தனோ லத்³தி⁴யங் தோ³ஸங் ந ஜானாதி, காரகோ பனேஸ யுத்தயோகோ³, த⁴ம்மதே³ஸனாய ஏவ நங் ஜானாபெஸ்ஸாமீ’’தி திபரிவட்டங் தே³ஸனங் தே³ஸேதுகாமோ ‘‘தங் கிங் மஞ்ஞஸி, அனுராதா⁴’’திஆதி³மாஹ. அத²ஸ்ஸ தாய தே³ஸனாய அரஹத்தப்பத்தஸ்ஸ அனுயோக³வத்தங் ஆரோபெந்தோ தங் கிங் மஞ்ஞஸி, அனுராத⁴? ரூபங் ததா²க³தோதிஆதி³மாஹ. து³க்க²ஞ்சேவ பஞ்ஞபேமி, து³க்க²ஸ்ஸ ச நிரோத⁴ந்தி வட்டது³க்க²ஞ்சேவ வட்டது³க்க²ஸ்ஸ ச நிரோத⁴ங் நிப்³பா³னங் பஞ்ஞபேமி. து³க்க²ந்தி வா வசனேன து³க்க²ஸச்சங் க³ஹிதங். தஸ்மிங் க³ஹிதே ஸமுத³யஸச்சங் க³ஹிதமேவ ஹோதி, தஸ்ஸ மூலத்தா. நிரோத⁴ந்தி வசனேன நிரோத⁴ஸச்சங் க³ஹிதங். தஸ்மிங் க³ஹிதே மக்³க³ஸச்சங் க³ஹிதமேவ ஹோதி தஸ்ஸ உபாயத்தா. இதி புப்³பே³ சாஹங், அனுராத⁴, ஏதரஹி ச சதுஸச்சமேவ பஞ்ஞபேமீதி த³ஸ்ஸேதி. ஏவங் இமஸ்மிங் ஸுத்தே வட்டவிவட்டமேவ கதி²தங். சதுத்த²ங்.
Taṃ kiṃ maññasi anurādhāti satthā tassa kathaṃ sutvā cintesi – ‘‘ayaṃ bhikkhu attano laddhiyaṃ dosaṃ na jānāti, kārako panesa yuttayogo, dhammadesanāya eva naṃ jānāpessāmī’’ti tiparivaṭṭaṃ desanaṃ desetukāmo ‘‘taṃ kiṃ maññasi, anurādhā’’tiādimāha. Athassa tāya desanāya arahattappattassa anuyogavattaṃ āropento taṃ kiṃ maññasi, anurādha? Rūpaṃ tathāgatotiādimāha. Dukkhañceva paññapemi, dukkhassa ca nirodhanti vaṭṭadukkhañceva vaṭṭadukkhassa ca nirodhaṃ nibbānaṃ paññapemi. Dukkhanti vā vacanena dukkhasaccaṃ gahitaṃ. Tasmiṃ gahite samudayasaccaṃ gahitameva hoti, tassa mūlattā. Nirodhanti vacanena nirodhasaccaṃ gahitaṃ. Tasmiṃ gahite maggasaccaṃ gahitameva hoti tassa upāyattā. Iti pubbe cāhaṃ, anurādha, etarahi ca catusaccameva paññapemīti dasseti. Evaṃ imasmiṃ sutte vaṭṭavivaṭṭameva kathitaṃ. Catutthaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 4. அனுராத⁴ஸுத்தங் • 4. Anurādhasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. அனுராத⁴ஸுத்தவண்ணனா • 4. Anurādhasuttavaṇṇanā
