| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৪. অনুরাধসুত্তৰণ্ণনা
4. Anurādhasuttavaṇṇanā
৮৬. তস্সেৰ ৰিহারস্সাতি মহাৰনে যস্মিং ৰিহারে ভগৰা ৰিহরতি, তস্সেৰ ৰিহারস্স। ইমেতি অঞ্ঞতিত্থিযা। যস্মা অযং থেরো ঠপনীযং পঞ্হং ঠপনীযভাৰেন ন ঠপেসি, তস্মা। অঞ্ঞতিত্থিযা…পে॰… এতদৰোচুং। তেনাহ ‘‘একদেসেন সাসনসমযং জানন্তা’’তি।
86.Tasseva vihārassāti mahāvane yasmiṃ vihāre bhagavā viharati, tasseva vihārassa. Imeti aññatitthiyā. Yasmā ayaṃ thero ṭhapanīyaṃ pañhaṃ ṭhapanīyabhāvena na ṭhapesi, tasmā. Aññatitthiyā…pe… etadavocuṃ. Tenāha ‘‘ekadesena sāsanasamayaṃ jānantā’’ti.
গহিতমেৰ হোতি ততো পগেৰ সিদ্ধত্তা। তেনাহ ‘‘তস্স মূলত্তা’’তি। এৰন্তি ‘‘দুক্খঞ্চেৰ পঞ্ঞপেমি, দুক্খস্স চ নিরোধ’’ন্তি এৰং। ৰট্টৰিৰট্টমেৰাতি পঞ্চন্নং পন খন্ধানং সমনুপস্সনায ৰসেন ৰট্টং, ‘‘এৰং পস্স’’ন্তিআদিনা ৰিৰট্টং কথিতমেৰ।
Gahitameva hoti tato pageva siddhattā. Tenāha ‘‘tassa mūlattā’’ti. Evanti ‘‘dukkhañceva paññapemi, dukkhassa ca nirodha’’nti evaṃ. Vaṭṭavivaṭṭamevāti pañcannaṃ pana khandhānaṃ samanupassanāya vasena vaṭṭaṃ, ‘‘evaṃ passa’’ntiādinā vivaṭṭaṃ kathitameva.
অনুরাধসুত্তৰণ্ণনা নিট্ঠিতা।
Anurādhasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৪. অনুরাধসুত্তং • 4. Anurādhasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৪. অনুরাধসুত্তৰণ্ণনা • 4. Anurādhasuttavaṇṇanā
